சூப்பரான ஸ்நாக்ஸ் ரவை வாழைப்பழ பணியாரம்

தேவையான பொருட்கள் :
 
ரவா - 1 கப்
மைதா - 1 கப்
சர்க்கரை - 1.5 கப்
வாழைப்பழம் - 2
எண்ணெய் - பொரிக்கத் தேவையான அளவு
 
செய்முறை :
 
* ரவையை தண்ணீரில் 2 மணி நேரம் ஊற வைக்கவும்.

* பின் ரவையுடன், வாழைப்பழம், மைதா, சர்க்கரை சேர்த்து நன்றாக பிசைந்து ஒரு திக்கான கலவையாக்கிக் கொள்ளவும். சர்க்கரை நன்கு கரையும்வரை கலக்க வேண்டும். கட்டி இல்லாமல் கலக்க வேண்டும்.
 
* அடுப்பில் வாணலியை வைத்து எண்ணெய் ஊற்றி காய்ந்ததும் ரவை மைதா கலவையை ஒரு குழியான ஸ்பூனால் எடுத்து கொதிக்கும் எண்ணெயில் ஊற்றி நன்கு சிவந்து வந்ததும் எடுத்து தட்டில் வைத்து பரிமாறவும்.
 
* சூப்பரான ஸ்நாக்ஸ் ரவை வாழைப்பழ பணியாரம் ரெடி.

* வாழைப்பழத்தை மிகவும் நைசாக பிசைந்து கொள்ள கூடாது. சற்று ஒன்றும் பாதியாக பிசைந்து கொள்ள வேண்டும்.

* இதை குழிப்பணியார சட்டியிலும் செய்யலாம்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.