search icon
என் மலர்tooltip icon

    லைஃப்ஸ்டைல்

    மாலை நேர ஸ்நாக்ஸ் பானிபூரி சாட்
    X

    மாலை நேர ஸ்நாக்ஸ் பானிபூரி சாட்

    மாலையில் குழந்தைகளுக்கு கடைகளில் விற்கும் பானிபூரியை வாங்கி வந்து, வீட்டிலேயே சாட் ஐட்டத்தை செய்து கொடுத்து அசத்தலாம்.
    தேவையான பொருட்கள் :

    உருளைக்கிழங்கு - 4
    வெங்காயம் - 2
    தக்காளி - 2
    பச்சை மிளகாய் - 2
    புளித் தண்ணீர் - 2 டேபிள் ஸ்பூன்
    கொத்தமல்லி தழை - சிறிதளவு
    கொத்தமல்லி சட்னி - 1 டேபிள் ஸ்பூன்
    சாட் மசாலா - 1 டீஸ்பூன்
    கரம் மசாலா - 1/2 டீஸ்பூன்
    உப்பு - தேவையான அளவு
    கருப்பு உப்பு - 1 சிட்டிகை
    ஓமப்பொடி - சிறிதளவு
    மிளகாய் தூள் - 1 டீஸ்பூன்

    செய்முறை :

    * உருளைக்கிழங்கை வேக வைத்து மசித்து கொள்ளவும்.

    * வெங்காயம், தக்காளி, கொத்தமல்லி, ப.மிளகாயை பொடியாக நறுக்கி கொள்ளவும்.

    * ஒரு பௌலில் மசித்த உருளைக்கிழங்கை போட்டு அதில் நறுக்கிய தக்காளி, வெங்காயம், சாட் மசாலா, கரம் மசாலா, மிளகாய் தூள், உப்பு மற்றும் கருப்பு உப்பை சேர்த்து கலந்து கொள்ள வேண்டும்.

    * புளித் தண்ணீரில், கொத்தமல்லி சட்னி, உப்பு, பச்சை மிளகாயை போட்டு கலந்து கொள்ள வேண்டும்.

    * ஒரு பானிபூரியின் நடுவே உடைத்து, அதில் அந்த உருளைக்கிழங்கு கலவையை வைத்து அந்த பானிபூரியின் மீது இந்த புளித் தண்ணீரை ஊற்றி, ஓமப்பொடி, கொத்தமல்லியால் அலங்கரித்து பரிமாற வேண்டும்.

    * இப்போது சூப்பரான பானிபூரி சாட் ரெடி.

    * அனைத்து பொருட்களையும் தயாராக வைத்து கொண்டு சாப்பிடும் போது தான் இதை செய்து தர வேண்டும்.

    - இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×