search icon
என் மலர்tooltip icon

    லைஃப்ஸ்டைல்

    சூப்பரான மீன் குருமா செய்வது எப்படி
    X

    சூப்பரான மீன் குருமா செய்வது எப்படி

    மீன் குழம்பு செய்து அலுத்து போனவர்கள் சற்று வித்தியாசமாக மீன் குருமா செய்து சாப்பிடலாம். இதை எப்படி செய்வது என்று பார்க்கலாம்.
    தேவையான பொருட்கள் :

    (வாழை மீன் அல்லது நெத்திலி மீன் மட்டும்)
    வாழை மீன் - 3
    பொட்டுக் கடலை - 2 டீஸ்பூன்
    தேங்காய் - அரை மூடி
    பச்சை மிளகாய் - 20 (நீளமாக நறுக்கவும்)
    வெங்காயம் - 2 (பொடியாக நறுக்கவும்)
    நாட்டுத் தக்காளி - 4 (பொடியாக நறுக்கவும்)
    இஞ்சி, பூண்டு விழுது - 2 டீஸ்பூன்
    மஞ்சள் தூள் - கால் டீஸ்பூன்
    சோம்பு - 1 டீஸ்பூன்
    புளிப்பு மாங்காய் - 1
    கொத்தமல்லி - ஒரு கையளவு

    செய்முறை :

    * வாழைமீனை (கழுவி) துண்டு, துண்டாக நறுக்கவும்.

    * தேங்காய் சோம்பு, பொட்டு கடலையை மிக்சியில் போட்டு நைசாக அரைத்து கொள்ளவும்.

    * மாங்காயை பெரிய துண்டுகளாக வெட்டி கொள்ளவும்.

    * கடாயில் எண்ணெய் சூடானதும் விட்டு சோம்பு போட்டு தாளித்த பின் வெங்காயம், பச்சை மிளகாய் போட்டு நன்றாக வதக்கவும்.

    * வெங்காயம் நன்றாக வதங்கியதும் இஞ்சி, பூண்டு விழுது சேர்த்து வதக்கி பச்சை வாசனை போனவுடன் தக்காளியை சேர்த்து வதக்கவும்.

    * அடுத்து அதில் மஞ்சள் தூளை சேர்த்து அரைத்த தேங்காய் கலவை, சிறிது தண்ணீர் சேர்த்து ஒரு கொதி வந்த பிறகு மீன், மாங்காய் போட்டு நன்றாக கொதி வந்து மீன் வெந்ததும் கடைசியாக கொத்தமல்லி தழை தூவி இறக்கவும்.

    * சுவையான மீன் குருமா ரெடி.

    - இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×