தேவையான பொருட்கள் : பாஸ்மதி அரிசி - 1 கப்
பேபி கார்ன் - 2 கப் (நீளமாக வெட்டியது)
நெய் - 2 மேஜைக்கரண்டி
எண்ணெய் - 1 மேஜைக்கரண்டி
சோம்பு - 1 தேக்கரண்டி
சீரகம் - 1 தேக்கரண்டி
பட்டை - சிறிய துண்டு
வெங்காயம் - 1
பச்சை மிளகாய் - 4
இஞ்சி பூண்டு விழுது - 1 மேஜைக்கரண்டி
மஞ்சள் தூள் - 1 தேக்கரண்டி
உப்பு - தேவையான அளவு
கொத்தமல்லித்தழை - ஒரு கைப்பிடியளவு
பால் - 1 கப்
தண்ணீர் - ½ கப்
செய்முறை : * வெங்காயம், பச்சை மிளகாயை நீளவாக்கில் நறுக்கி கொள்ளவும்.
* அரிசியை நன்றாக கழுவி வைக்கவும்.
* குக்கரை அடுப்பில் வைத்து எண்ணெய் மற்றும் நெய் விட்டு சூடானதும் சோம்பு, சீரகம், பட்டை போட்டு தாளித்த பின் வெங்காயம், பச்சை மிளகாய் சேர்த்து நன்றாக வதக்கவும்.
* வெங்காயம் நன்றாக வதங்கியதும் இஞ்சி பூண்டு விழுது, மஞ்சள் தூள் சேர்த்து நன்கு கிளறவும்.
* அடுத்து அதில் நறுக்கிய மக்காசோளம் சேர்த்து நன்கு கிளறவும்.
* தேவையான அளவு உப்பு சேர்க்கவும்.
* அடுத்து அதில் பால், தண்ணீர் சேர்க்கவும்.
* நன்றாக கொதி வரும் போது பாஸ்மதி அரிசி சேர்த்து நன்கு கலந்து குக்கரை மூடி 2 விசில் வைத்து இறக்கவும்.
* பிரஷர் போனவுடன் மூடியை திறந்து கொத்தமல்லித்தழை, சிறிது நெய் சேர்த்து கிளறி பரிமாறவும்.
* பேபி கார்ன் புலாவ் ரெடி.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
