search icon
என் மலர்tooltip icon

    லைஃப்ஸ்டைல்

    சத்தான வெஜிடபிள் கேழ்வரகு அடை
    X

    சத்தான வெஜிடபிள் கேழ்வரகு அடை

    கேழ்வரகை சர்க்கரை நோயாளிகள் அடிக்கடி உணவில் சேர்த்து கொள்வது நல்லது. இன்று கேழ்வரகு, காய்கறிகள் சேர்த்து அடை செய்வது எப்படி என்று பார்க்கலாம்.
    தேவையான பொருட்கள் :

    கேழ்வரகு மாவு - 150 கிராம்.
    உளுந்து மாவு - 50 கிராம்,
    கேரட் - 1,
    தக்காளி - 1,
    வெங்காயம் - ஒன்று,
    முட்டைக்கோஸ் - 25 கிராம்,
    இஞ்சி, பூண்டு - சிறிதளவு
    கொத்தமல்லித்தழை, கறிவேப்பிலை - சிறிதளவு
    குடைமிளகாய் - ஒன்று
    இந்துப்பு (பிளாக் சால்ட் அல்லது நெல்லிப்பொடியும் பயன்படுத்தலாம்) - சிறிதளவு
    எண்ணெய் - சிறிதளவு.

    செய்முறை :

    தக்காளி, வெங்காயம், கொத்தமல்லி, காய்கறிகளை பொடியாக நறுக்கி கொள்ளவும்.

    ஒரு பாத்திரத்தில் கேழ்வரகு மாவு, உளுந்து மாவு சேர்த்து கலந்து அதனுடன் பொடியாக நறுக்கிய தக்காளி, வெங்காயம், கொத்தமல்லி, காய்கறிகள், இந்துப்பு சேர்த்து பின், சிறிதளவு நீர்விட்டு பிசையவும். பிசைந்த மாவு சிறிது நெகிழ்ச்சியாக, குழைவாக இருக்க வேண்டும். வடைமாவு போல் அளவான நீரில் கலக்கவும்.

    தோசைக்கல்லை அடுப்பிலி வைத்து சூடானதும் அதில் கலக்கிய மாவில் ஒரு கரண்டு எடுத்து ஊற்றி சுற்றி சிறிது எண்ணெய் ஊற்றி இருபுறமும் வேக வைத்து பொன்முறுவலாக எடுத்துப் பரிமாறவும்.

    சத்தான வெஜிடபிள் கேழ்வரகு மாவு அடை ரெடி.

    குறிப்பு: ஏதாவது ஒரு காய்கறி அல்லது ஏதாவது ஒரு கீரை என கலந்தும் அடை வகைகளைச் செய்யலாம். வழக்கமான சைடு-டிஷ் சேர்த்துச் சாப்பிடலாம். தனியாகச் சாப்பிட்டாலும் அருமையான சுவை கிடைக்கும்.

    கம்பு மாவு, சோள மாவு, கோதுமை மாவு, சத்துமாவு போன்றவற்றிலும் இந்த அடையை தயாரிக்கலாம்.

    - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×