சத்தான டிபன் சிவப்பு அரிசி காரப் பணியாரம்

தேவையான பொருட்கள் :

சிவப்பு அரிசி - ஒரு கப்,
உளுந்து - அரை கப்,
வெந்தயம் - ஒரு டீஸ்பூன்,
வெங்காயம் - ஒன்று,
பச்சை மிளகாய் - 2,
இஞ்சித் துருவல் - ஒரு டீஸ்பூன்,
கடுகு, உளுத்தம்பருப்பு - தலா கால் டீஸ்பூன்,
கறிவேப்பிலை, தேங்காய் துருவல் - சிறிதளவு,
எண்ணெய், உப்பு - தேவையான அளவு.

செய்முறை:

வெங்காயம், ப.மிளகாயை பொடியாக நறுக்கி கொள்ளவும்.

சிவப்பு அரிசியை தனியாகவும், உளுந்து - வெந்தயத்தை தனியாகவும் ஊறவிடவும். 3 மணி நேரம் கழித்து அரைக்கவும். தேவையான உப்பு சேர்த்துக் கலக்கி, 4 மணி நேரம் புளிக்கவிடவும்.

வாணலியில் எண்ணெயை சூடாக்கி... கடுகு, உளுத்தம்பருப்பு, கறிவேப்பிலை, இஞ்சித் துருவல் போட்டு தாளித்த பின் பொடியாக நறுக்கிய பச்சை மிளகாய், நறுக்கிய வெங்காயம், தேங்காய் துருவல் சேர்த்து வதக்கி, மாவில் சேர்த்து நன்றாக கலக்கவும்.

குழிப்பணியாரக் கல்லை அடுப்பில் வைத்து சூடானதும் அதில் எண்ணெய் விட்டு, மாவை குழிகளில் ஊற்றி வேகவிடவும். இருபுறமும் வேகவிட்டு எடுத்து, காரச் சட்னியுடன் பரிமாறவும்.

சூப்பரான டிபன் சிவப்பு அரிசி காரப் பணியாரம் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.