கேரளா ஸ்டைல் சிவப்பு அரிசி - மொச்சை கஞ்சி

தேவையான பொருட்கள்:

கேரளா சிவப்பு அரிசி - 1/2 கப்
பச்சரிசி - 1/2 கப்
மொச்சை - 1/4 கப்
தேங்காய் பால் - 2 கப்
துருவிய தேங்காய் - 1/4 கப்
தண்ணீர் - 3 கப்
உப்பு - தேவையான அளவு

செய்முறை:

மொச்சையை பொன்னிறமாக வறுத்து, சுடுநீரில் போட்டு 1 மணிநேரம் ஊற வைத்த பின்னர் குக்கரில் அதனை போட்டு, வேக வைத்து தனியாக வைத்துக் கொள்ள வேண்டும்.

அடுத்து பச்சரிசியை மிக்ஸியில் போட்டு அரைத்துக் கொள்ள வேண்டும்.

பிறகு பச்சரிசி, சிவப்பு அரிசியை குக்கரில் போட்டு, 3 கப் தண்ணீர் ஊற்றி, தேவையான அளவு உப்பு சேர்த்து 5 விசில் விட்டு இறக்கி, மசித்துக் கொள்ள வேண்டும்.

மசித்த அரிசியில் தேங்காய் பால் சேர்த்து, அடுப்பில் வைத்து 5 நிமிடம் கொதிக்க விட்ட பின் மொச்சையை சேர்த்து 5 நிமிடம் வேக வைத்து, இறுதியில் அதில் துருவிய தேங்காயை சேர்த்து பிரட்டி இறக்கி பரிமாறவும்.

கேரளத்து சிவப்பு அரிசி - மொச்சை கஞ்சி ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.