சத்தான மாலை நேர டிபன் ஓட்ஸ் கார பணியாரம்

தேவையான பொருட்கள் :

ஓட்ஸ் - 1 டம்ளர்
பச்சரிசி மாவு - 1 டம்ளர்
ரவை - 1/4 கப்
தயிர் - 1/2 கப்
உப்பு - தேவையான அளவு

தாளிக்க :

எண்ணெய் - 1 தேக்கரண்டி
கடுகு - 1 தேக்கரண்டி
கடலைப்பருப்பு - 1 தேக்கரண்டி
வெள்ளை உளுத்தம்பருப்பு - 1 தேக்கரண்டி
பச்சைமிளகாய் - 2
இஞ்சி, பூண்டு விழுது - 1/2 தேக்கரண்டி
கறிவேப்பிலை - 1/2 இணுக்கு
பெருங்காயம் - சிறிதளவு
வெங்காயம் - 2.



செய்முறை :

* வெங்காயம், ப.மிளகாயை பொடியாக நறுக்கி கொள்ளவும்.

* கடாயை அடுப்பில் வைத்து சூடானதும் ஓட்ஸையும் ரவையையும் தனித்தனியாக போட்டு வறுத்து ஒன்றாகத் திரிக்கவும்.

* அரைத்த ஓட்ஸ் கலவையை ஒரு பாத்திரத்தில் கொட்டி அதனுடன் அரிசிமாவு, தயிர், உப்பு, தேவையான அளவு தண்ணீர் சேர்த்துக் கலக்கவும்.

* கடாயை அடுப்பில் வைத்து எண்ணெய் ஊற்றி சூடானதும் அதில் தாளிக்க கொடுக்கப்பட்டுள்ள பொருட்களை போட்டு தாளித்த பின் வெங்காயத்தை போட்டு வதக்கவும்.

* வெங்காயம் நன்றாக வதங்கியதும் தக்கின பொருட்களை ஓட்ஸ் கலவையுடன் சேர்த்து நன்றாக கலக்கவும்.

* அடுப்பில் குழிப்பணியாரச்சட்டியை வைத்து எண்ணெய் விட்டு ஓட்ஸ் மாவை ஒவ்வொரு குழியிலும் விடவும். வெந்ததும் திருப்பிப் போட்டு வேக வைத்து எடுக்கவும்.

* சுவையான ஓட்ஸ் கார பணியாரம் தயார்.

* மிளகாய்ப்பொடி, தக்காளி சட்னி, சட்னியுடன் சாப்பிட சூப்பராக இருக்கும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.