search icon
என் மலர்tooltip icon

    லைஃப்ஸ்டைல்

    சத்தான சுவையான உருளைக்கிழங்கு கோதுமை தோசை
    X

    சத்தான சுவையான உருளைக்கிழங்கு கோதுமை தோசை

    கோதுமை தோசை செய்யும் போது அதனுடன் உருளைக்கிழங்கு, வெங்காயம், ப.மிளகாய் சேர்த்து செய்தால் சூப்பராக இருக்கும். இதன் செய்முறையை இன்று பார்க்கலாம்.
    தேவையான பொருட்கள் :

    உருளைக்கிழங்கு - 2
    வெங்காயம் - 1
    கோதுமை மாவு - 1 கைப்பிடி
    பச்சை மிளகாய் - 2
    கொத்தமல்லி - சிறிது
    எண்ணெய் - 3 டேபிள் ஸ்பூன்
    உப்பு - தேவையான அளவு



    செய்முறை :

    * வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

    * உருளைக்கிழங்கை வேக வைத்து வெந்ததும் தோலை நீக்கி விட்டு துருவிக்கொள்ளவும்.

    * ஒரு பாத்திரத்தில் துருவிய உருளைக்கிழங்கை போட்டு, அத்துடன் கோதுமை மாவு மற்றும் உப்பு சேர்த்து, சிறிது தண்ணீர் ஊற்றி, இட்லி மாவு பதத்திற்கு கலந்து கொள்ள வேண்டும்.

    * பின்பு அதில் வெங்காயம், பச்சை மிளகாய் மற்றும் கொத்தமல்லி சேர்த்து நன்கு கலந்து கொள்ளவும்.

    *  தோசை கல்லை அடுப்பில் வைத்து சூடானதும், எண்ணெய் தடவி கலந்து வைத்துள்ள மாவை தோசைகளாக ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு எடுத்தால், உருளைக்கிழங்கு கோதுமை தோசை ரெடி.

    - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×