தேவையான பொருட்கள் : கேரட் - ஒன்று
பீன்ஸ் - 5
முட்டைக்கோஸ் - சிறிய துண்ட
பெங்களூரு தக்காளி - சிறியது 1
துவரம் பருப்பு - 2 டேபிள்ஸ்பூன்
உப்பு - சிறிதளவு
மிளகுத்தூள் - ஒரு சிட்டிகை
தண்ணீர் - 100 மில்லி.
செய்முறை : * கேரட், கோஸ், பீன்ஸ், தக்காளியை பொடியாக நறுக்கி கொள்ளவும்.
* ஒரு பாத்திரத்தில் நறுக்கிய கேரட், கோஸ், பீன்ஸ், தக்காளியை போட்டு அதனுடன் தண்ணீர் சேர்த்து நன்கு வேக வைக்கவும்.
* இதேபோல் பருப்பையும் தனியாக நன்கு குழைய வேகவைத்து கொள்ளவும்.
* வெந்த பருப்பை நன்றாக மசித்து அதை வெந்த காய்கறிகளுடன் சேர்த்து நன்றாக கலக்கவும்.
* அடுத்து அதில் மிளகுத்தூள், போதுமான உப்பு சேர்த்து மத்தால் நன்கு மசிக்கவும், அல்லது மிக்ஸியில் லேசாக அரைக்கவும்.
* இப்போது சத்தான வெஜிடபிள் பருப்புக் கஞ்சி தயார்.
குறிப்பு: பருப்புக்குப் பதில் வெந்த சாதம் அல்லது கோதுமைக் கஞ்சி சேர்த்துக் கடைந்து குழந்தைகளுக்குக் கொடுக்கலாம். எளிதில் ஜீரணமாகும்.
- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
