சத்து நிறைந்த அவகேடோ - கார்ன் சூப்

தேவையான பொருட்கள் :

அவகேடோ - ஒன்று,
உதிர்த்த ஸ்வீட் கார்ன்  - ஒரு கப்,
பூண்டு - 2 பல்,
காய்கறி வேக வைத்த தண்ணீர் - 3 கப்,
கொத்தமல்லி தழை - ஒரு கைப்பிடி அளவு,
மிளகுத்தூள், வெண்ணெய், எலுமிச்சைச் சாறு, உப்பு - தேவையான அளவு.



செய்முறை :

* அவகேடோவை தோல் சீவி, அதில் உள்ள கொட்டையை எடுத்துவிடவும்.

* பூண்டு, கொத்தமல்லியை பொடியாக நறுக்கி கொள்ளவும்.

* மிக்ஸியில்... அவகேடோ, காய்கறி தண்ணீர், எலுமிச்சைச் சாறு, உப்பு சேர்த்து ஒரு சுற்று சுற்றி இறக்கவும்.

* கடாயில் வெண்ணெயை சூடாக்கி, பொடியாக நறுக்கிய பூண்டை சேர்த்து வதக்கவும்.

* அடுத்து அதில் கார்னை போட்டு சிறிது நேரம் வதக்கவும்.

* அடுத்து அதில் அரைத்த அவகேடோ கலவையை சேர்த்து வதக்கி, தேவைப்பட்டால் காய்கறி வேக வைத்த தண்ணீர் சிறிதளவு சேர்த்து கொதிக்க விடவும். 6 முதல் 8 நிமிடம் கொதித்தால் போதுமானது.

* கடைசியாக இறக்கும் போது அதில் மிளகுதூள் சேர்த்து இறக்கி பொடியாக நறுக்கிய கொத்தமல்லி தழையை தூவி பரிமாறவும்.

* சூப்பரான அவகேடோ - கார்ன் சூப் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.