தேவையான பொருட்கள் : ராஜ்மா - 1/4 கப்,
வெங்காயம் - 1,
தக்காளி - 1,
பூண்டு - 5 பல்,
பிரிஞ்சி இலை - 1,
வெண்ணெய் - 1 டீஸ்பூன்,
ஃப்ரெஷ் க்ரீம் - 1 டேபிள்ஸ்பூன் (தேவைப்பட்டால்),
உப்பு - தேவையான அளவு,
மிளகுத் தூள் - 1/2 டீஸ்பூன்.
செய்முறை: * ராஜ்மாவை தண்ணீரில் 12 மணி நேரம் ஊற வைக்கவும்.
* வெங்காயம், தக்காளியை பொடியாக நறுக்கி கொள்ளவும்.
* குக்கரில் வெண்ணெய் சேர்த்து, பிரிஞ்சி இலை, பூண்டைப் போட்டு வதக்கவும்.
* அடுத்து அதில் வெங்காயம், தக்காளி சேர்த்து வதக்கவும்.
* வெங்காயம், தக்காளி நன்றாக வதங்கியதும் ஊற வைத்த ராஜ்மா, 2 கப் தண்ணீர் சேர்த்து 10 விசில் வரும் வரை வேக விடவும்.
* குக்கர் விசில் போனவுடன் அதை ஆற வைத்து மிக்சியில் போட்டு அரைத்துக் கொள்ளவும்.
* அரைத்த விழுதில் தேவையான தண்ணீர் சேர்த்து, உப்பு, மிளகுத் தூள் சேர்த்து அடுப்பில் வைத்து 2 கொதி வந்ததும், ஃப்ரெஷ் க்ரீம் சேர்த்து சூடாகப் பரிமாறவும்.
* ஃப்ரெஷ் க்ரீமுக்கு பதிலாக 2 டேபிள்ஸ்பூன் பால் சேர்த்தும் கொதிக்க விடலாம்.
* சத்தான சுவையான ராஜ்மா சூப் ரெடி.
- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
