குழந்தைகளுக்கு சத்தான கேரட் முட்டை ஆம்லெட்

தேவையான பொருட்கள்:

முட்டை - 3
கேரட் - 1
மிளகு - 1 மேசைக்கரண்டி
உப்பு - தேவைக்கேற்ப
எண்ணெய் - 1 மேசைக்கரண்டி



செய்முறை :

* கேரட்டை துருவிக் கொள்ளவும்.

* மிளகை பொடித்து கொள்ளவும்.

* ஒரு பாத்திரத்தில் முட்டையை உடைத்து ஊற்றி அதனுடன் கேரட் துருவல், உப்பு, பாதி மிளகுதூள் போட்டு நன்கு அடித்துக்கொள்ளவும்.

* தோசைக்கல்லை அடுப்பில் வைத்து சூடானவுடன், பாதி எண்ணெய் ஊற்றி அடித்து வைத்த முட்டைக் கலவையை பரவலாக ஊற்றி அதன் மேல் மீதி எண்ணெயை பரவலாக ஊற்றவும். அடுப்பை மிதமாக எரியவிடவும்.



* இருபுறமும் நன்கு வெந்தவுடன் மேலே மீதி மிளகுதூளை தூவி விடவும்..

* சூப்பரான சத்து நிறைந்த கேரட் முட்டை ஆம்லெட் ரெடி.

* விருப்பப்பட்டால் ரொட்டித்துண்டுகளில் வெண்ணைய் தடவி, துண்டுகளாக்கிய ஆம்லெட்டை இடையில் வைத்து உண்ணலாம்.

* டயட்டில் இருப்பவர்கள், வயதானவர்கள் முட்டையின் வெள்ளைக்கருவை மட்டும் சேர்த்து ஆம்லெட் செய்து சாப்பிடலாம்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.