search icon
என் மலர்tooltip icon

    லைஃப்ஸ்டைல்

    இரும்பு சத்து நிறைந்த குதிரைவாலி கேப்பைக் கூழ்
    X

    இரும்பு சத்து நிறைந்த குதிரைவாலி கேப்பைக் கூழ்

    இரும்புச் சத்து குறைபாடு, எலும்பு வலிமைக்கு உகந்தது குதிரைவாலி கேப்பைக் கூழ். பெண்களுக்கு உகந்த இந்த கூழை எப்படி செய்வது என்று பார்க்கலாம்.
    தேவையான பொருட்கள் :

    குதிரைவாலி அரிசி - 50 கிராம்,
    கேழ்வரகு மாவு - 200 கிராம்,
    உப்பு - சுவைக்கேற்ப,
    சின்ன வெங்காயம் - 10,
    தயிர் - கால் கப்,
    தண்ணீர் - தேவையான அளவு.



    செய்முறை:

    * தயிரை நன்றாக கடைந்து கொள்ளவும்.

    * சின்ன வெங்காயத்தை பொடியாக நறுக்கி கொள்ளவும்.

    * முதல் நாள் இரவே கேழ்வரகு மாவில் தண்ணீர் ஊற்றி, தோசை மாவுப் பதத்துக்குக் கரைத்து (புளிப்பதற்காக) மூடிவைக்கவும்.

    * குதிரைவாலி அரிசியை நன்றாகக் களைந்து, தண்ணீர் விட்டு வேக வைத்துக்கொள்ளவும்.

    * அரைப் பதத்தில் வெந்ததும், அதனுடன் ஊறவைத்த கேழ்வரகு மாவைச் சேர்த்து, கெட்டியாகும் வரை கிளறவும்.

    * தண்ணீரில் கையை நனைத்துவிட்டு, கூழைத் தொட்டுப்பார்த்தால், அது கையில் ஒட்டாமல், அல்வா பதத்தில் இருக்க வேண்டும்.

    * பிறகு, தயிர், பொடியாக நறுக்கிய சின்ன வெங்காயம், வெந்த கூழ் மூன்றையும் சேர்த்து, தேவையான உப்பு போட்டு, தண்ணீர் விட்டுக் கரைத்துப் பருகவும்.

    * உடலுக்கு குளிர்ச்சி தரும் கூழ் இது.

    - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×