சத்தான சுவையான வெண்டைக்காய் சூப்

தேவையான பொருட்கள் :

வெண்டைக்காய் - 10
தக்காளி, பெரிய வெங்காயம் - தலா ஒன்று,
எலுமிச்சைச் சாறு - ஒரு டேபிள்ஸ்பூன்,
மஞ்சள்தூள் - ஒரு சிட்டிகை,
காராபூந்தி - சிறிதளவு,
கொத்தமல்லித்தழை - சிறிதளவு,
துவரம்பருப்பு நீர் - 2 கப் (பருப்பை வேகவைத்து வடித்த நீர்),
சீரகத்தூள், மிளகுத்தூள் - தலா ஒரு டீஸ்பூன்,
எண்ணெய் - சிறிதளவு, உப்பு - தேவைக்கேற்ப.

செய்முறை :

* வெங்காயம், தக்காளி, கொத்தமல்லி, வெண்டைக்காயை பொடியாக நறுக்கி கொள்ளவும்.

* வெண்டைக்காயை வெறும் கடாயில் போட்டு வழவழப்பு போகும் வரை வதக்கவும் (காயில் உள்ள வழவழப்பு நீங்கும்).

* வாணலியில் சிறிதளவு எண்ணெய் விட்டு வெங்காயத்தை போட்டு நன்றாக வதங்கிய பின் தக்காளியை சேர்த்து நன்றாக வதக்கவும்.

* இரண்டும் நன்றாக வதங்கியதும் வெண்டைக்காயை சேர்த்து வதக்கவும்.

* இதனுடன் பருப்பு நீர், மஞ்சள்தூள் சேர்த்து, கொதி வந்ததும் உப்பு, சீரகத்தூள், மிளகுத்தூள் சேர்த்து, மேலும் ஒரு கொதி வந்ததும் இறக்கவும்.

* கடைசியாக எலுமிச்சைச்சாறு, கொத்தமல்லித்தழை தூவி பரிமாறவும்.

* சத்தான சுவையான வெண்டைக்காய் சூப் ரெடி.

* மேலும் சுவைகூட்ட, சூப்பை கப்பில் ஊற்றும்போது மேலே காராபூந்தி தூவலாம்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.