சத்து நிறைந்த சாமை - காய்கறி சூப்

தேவையான பொருட்கள் :

சாமை அரிசி - கால் கப்,
பொடியாக நறுக்கிய கேரட், பீன்ஸ், உருளைக்கிழங்கு - ஒரு கப்,
பச்சைப் பட்டாணி - கால் கப்
பால் - கால் கப்,
வெங்காயம் - 1,
தக்காளி - ஒன்று,
இஞ்சி - சிறிய துண்டு,
பூண்டு - 4 பல்,
புதினா, கொத்தமல்லி - கால் கப்,
சீரகம் - கால் தேக்கரண்டி,
மிளகுப் பொடி - ஒரு தேக்கரண்டி,
உப்பு, வெண்ணெய் - தேவைக்கேற்ப.

செய்முறை :

* வெங்காயம், பூண்டு, இஞ்சி, தக்காளி, கொத்தமல்லி, புதினாவை பொடியாக நறுக்கி கொள்ளவும்.

* சாமை அரிசியை நன்றாக கழுவி வைக்கவும்.

* குக்கரை சூடாக்கி, வெண்ணெய் போட்டு உருகியதும் அதில் சீரகம், இஞ்சி, பூண்டு போட்டு தாளித்த பின் வெங்காயத்தை போட்டு நன்றாக வதக்கவும்.

* வெங்காயம் நன்றாக வதங்கியதும் அடுத்து தக்காளி, காய்கறிகள், புதினா, மல்லி சேர்த்து வதக்கவும்.

* அனைத்து நன்றாக வதங்கியதும் அதில் 5 டம்ளர் நீர் சேர்த்து (4 விசில்-10 நிமிடங்களுக்கு குறைந்த தீயில்) வேகவிட்டு இறக்கவும்.

* குக்கர் விசில் போனவுடன் திறந்து உப்பு, மிளகுத்தூள், பால் சேர்த்து கலக்கி அடுப்பில் ஒரு கொதி வந்ததும் இறக்கி பரிமாறவும்.

* சத்து நிறைந்த சாமை - காய்கறி சூப் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.