search icon
என் மலர்tooltip icon

    லைஃப்ஸ்டைல்

    சத்தான கம்பு காய்கறி கொழுக்கட்டை
    X

    சத்தான கம்பு காய்கறி கொழுக்கட்டை

    சிறுதானியங்களை அடிக்கடி உணவில் சேர்த்து கொள்வது நல்லது. அந்த வகையில் இன்று காய்கறிகளை சேர்த்து கொழுக்கட்டை செய்வது எப்படி என்று பார்க்கலாம்.
    தேவையான பொருட்கள் :

    கம்பு மாவு - 1 கப் (200 கிராம்)
    தண்ணீர் - 1/2 கப்
    வெங்காயம் - 2
    நறுக்கிய காய்கறிகள் (கேரட், பீன்ஸ், முட்டைக்கோஸ், பச்சைப்பட்டாணி) - 3/4 கப்
    மஞ்சள் தூள் - 1 சிட்டிகை
    மிளகாய் தூள் - 1/4 தேக்கரண்டி
    கரம் மசாலா தூள் - 1/4 தேக்கரண்டி
    சீரகம் - 1/4 தேக்கரண்டி
    நல்லெண்ணை - 1 தேக்கரண்டி
    உப்பு - சுவைக்கேற்ப

    செய்முறை :

    * வெங்காயம், காய்கறிகளை பொடியாக நறுக்கி கொள்ளவும்.

    * வாணலியில் கம்பு மாவை போட்டு, 7 முதல் 8 நிமிடங்கள் கம்பு வாசனை வரும் வரை வறுத்து ஆற வைக்கவும்.

    * வாணலியில் எண்ணெய் ஊற்றி சூடானதும் சீரகம் போட்டு தாளித்த பின் வெங்காயத்தைப் போட்டு 2 நிமிடங்கள் வதக்கவும்.

    * அடுத்து அதில் மஞ்சள் தூள், மிளகாய் தூள், கரம் மசாலா தூள், உப்பு சேர்த்து, சில நொடிகள் வதக்கவும்.

    * பின்னர், நறுக்கி வைத்துள்ள காய்கறிகள் மற்றும் பச்சைப்பட்டாணியை சேர்த்து வாணலியை சில நிமிடங்கள் மூடி வைக்கவும். அடிபிடிப்பது போல் இருந்தால் மட்டும், சிறிது தண்ணீர் தெளிக்கவும். காய்கறிகளில் உள்ள தண்ணீர் வற்றியவுடன் அடுப்பை அணைக்கவும். இந்தக் கலவையை சற்று ஆற விடவும்.

    * காய்கறிக் கலவையை கம்பு மாவு இருக்கும் பாத்திரத்தில் போடவும். சுவைக்கேற்ப உப்பைக் சேர்க்கவும்.

    * ஒரு பாத்திரத்தில் தண்ணீர் ஊற்றி நன்றாக கொதிக்க விடவும்.

    * சுடுநீரை கம்பு மாவில் சிறிது சிறிதாக ஊற்றி, கரண்டியால் கிளறிக் கொண்டே இருக்கவும். மாவு கையால் தொடும் சூட்டில் இருந்தால் அப்படியே நன்றாக சப்பாத்தி மாவு போல் உருட்டிப் பிசைந்து கொள்ளவும்.

    * மாவை சிறு சிறு உருண்டைகளாக உருட்டிக் கொள்ளவும்.

    * உருட்டிய மாவை இட்லிப் பாத்திரத்தில் வைத்து, 15 முதல் 20 நிமிடங்கள் வரை வேக வைத்து எடுக்கவும்.  

    * சத்தான கம்பு காய்கறி கொழுக்கட்டை ரெடி.

    - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×