சத்தான பாலக் தயிர் பச்சடி

தேவையான பொருட்கள் :

பாலக்கீரை - 1 கட்டு
வெங்காயம் - 1
பச்சை மிளகாய் - 2
கொத்தமல்லி - 1 கை பிடி
உப்பு - ருசிக்கு
தயிர் - 1 கப்
எண்ணெய் - 1/2 ஸ்பூன்

செய்முறை :

* பாலக்கீரையை நன்றாக சுத்தம் செய்து சிறியதாக நறுக்கி கொள்ளவும்.

* வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

* கடாயை அடுப்பில் வைத்து எண்ணெய் ஊற்ற சூடானதும் பாலக்கீரையை போட்டு வதக்கி சிறிது நீர் சேர்த்து வேகவைத்து ஆற வைக்கவும்.

* ஒரு பாத்திரத்தில் தயிரை ஊற்றி நன்றாக கடைந்த பிறகு அதில் நறுக்கிய வெங்காயம், ப.மிளகாய், கொத்தமல்லி, உப்பு, வேக வைத்த பாலக்கீரையை சேர்த்து நன்றாக கலக்கவும்.

* இப்போது சூப்பரான பாலக் தயிர் பச்சடி ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.