search icon
என் மலர்tooltip icon

    லைஃப்ஸ்டைல்

    சத்தான ஓட்ஸ் - பருப்பு பொங்கல்
    X

    சத்தான ஓட்ஸ் - பருப்பு பொங்கல்

    சர்க்கரை நோயாளிகளுக்கு ஓட்ஸ் உணவு சிறந்தது. ஓட்ஸை வைத்து பொங்கல் செய்வது எப்படி என்று கீழே விரிவாக பார்க்கலாம்.
    தேவையானப் பொருள்கள் :

    ஓட்ஸ் - 2 கப்
    பச்சைப் பருப்பு - 3/4 கப்
    மஞ்சள்தூள் - 1/4 டீஸ்பூன்
    உப்பு - தேவையான அளவு

    தாளிக்க :

    நெய் - 2 டீஸ்பூன்
    மிளகு - 1 டீஸ்பூன்
    சீரகம் 1 - டீஸ்பூன்
    முந்திரி பருப்பு - 10
    இஞ்சி - ஒரு சிறிய துண்டு
    கறிவேப்பிலை - கொஞ்சம்

    செய்முறை :

    * முதலில் வெறும் வாணலியில் பச்சைப் பருப்பை வாசம் வர வறுத்துக் கொள்ளவும்.

    * மிளகை ஒன்றிரண்டாகப் பொடித்து கொள்ளவும்.

    * இஞ்சியை பொடியாக நறுக்கி கொள்ளவும்.

    * பிறகு குக்கரில் (அ) ஒரு பாத்திரத்தில் பருப்பு வேகும் அளவு தண்ணீர் ஊற்றி, மஞ்சள் தூள் சேர்த்து வேக வைத்துக் கொள்ளவும்.

    * பருப்பு முக்கால் பதம் வெந்ததும் அதில் ஒரு பங்கு ஓட்ஸூக்கு இரண்டரை பங்கு தண்ணீர் என 5 கப் தண்ணீர் ஊற்றி கொதி நிலை வரும் வரை மூடி வைக்கவும்.

    * கொதி வந்ததும் ஓட்ஸைப் போட்டு, தேவையான உப்பும் சேர்த்து நன்றாகக் கிளறிவிட்டு மூடி வைக்கவும்.

    * இரண்டும் நன்றாகக் குழைந்து, வேகும் வரை மிதமானத் தீயில் வைத்திருக்கவும்.

    * ஒரு வாணலியில் நெய் விட்டு சூடுபடுத்தவும்.

    * அதில் ஒன்றிரண்டாகப் பொடித்து மிளகு, சீரகம், இஞ்சி, முந்திரி, கறிவேப்பிலை தாளித்து பொங்கலில் சேர்த்து கிளறி இறக்கவும்.

    * அல்லது தாளித்த பிறகு பொங்கலை வாணலியில் சேர்த்து கிளறி இறக்கவும். இந்த முறையில் செய்யும்பொழுது மிகவும் நன்றாக இருக்கும்.

    * இதற்கு தேங்காய் சட்னி, சாம்பார் இவை மிகப் பொருத்தமாக இருக்கும்.

    குறிப்பு: சாதாரண பொங்கல் போல் அல்லாமல் ஓட்ஸ் பொங்கல் செய்யும்போது பச்சைப் பருப்பின் அளவைக் கொஞ்சம் கூட்டி செய்தால்தான் நன்றாக இருக்கும்.

    - இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×