தேவையான பொருட்கள் : சிவப்பு அவல் - அரை கப்,
தோலுடன் கூடிய உடைத்த பாசிப் பயறு - 1 கப்,
பெரிய வெங்காயம் - 1,
தக்காளி - 2,
பச்சை மிளகாய் - 2,
இஞ்சி - 1 துண்டு,
பூண்டு - 4 பல்,
புதினாவும் கொத்தமல்லியும் தலா - 10 இலை,
சோம்பு - 1 சிட்டிகை,
சீரகம் - 1 சிட்டிகை,
மஞ்சள் தூள் - 1 சிட்டிகை,
எண்ணெய் - 1 டேபிள் ஸ்பூன்,
நெய் - 1 டேபிள் ஸ்பூன்,
உப்பு - தேவைக்கு.
செய்முறை: * அவலை அரை மணி நேரம் நீரில் ஊற வையுங்கள்.
* பயறை இரண்டரை கப் தண்ணீர் சேர்த்து வேகவையுங்கள். முக்கால் பதம் வெந்ததும் ஊறவைத்த அவல் (பிழிந்தெடுத்து), மஞ்சள் தூள், 1 டீஸ்பூன் நெய் ஆகியவற்றைச் சேர்த்து பத்து நிமிடம் வேக வையுங்கள்.
* வெங்காயம், தக்காளி, பச்சை மிளகாய், இஞ்சி, பூண்டு, புதினா, கொத்தமல்லி ஆகியவற்றைப் பொடியாக நறுக்கி கொள்ளுங்கள்.
* வாணலியில் எண்ணெய், மீதமுள்ள நெய்யை ஊற்றிச் சூடாக்கி, சோம்பு, சீரகத்தைத் தாளித்த பின் வெங்காயம், மிளகாய், இஞ்சி, பூண்டு, புதினா, கொத்தமல்லி ஆகியவற்றைச் சேர்த்து வதக்குங்கள்.
* பிறகு அதில் தக்காளி சேர்த்து வதக்கி அதனுடன் அவல், பயறு கலவை, தேவையான உப்பு சேர்த்துக் கிளறி இறக்குங்கள்.
* அவல் கிச்சடி ரெடி.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
