சுவையான சூப்பரான திணை உப்புமா

திணை - 2 கப் 

தண்ணீர் - 4 கப் 

வெஜிடபிள் ஸ்டாக் - 2 கப்

ஆலிவ் ஆயில் - 2 டேபிள் ஸ்பூன் 

வெங்காயம் - 2 

உப்பு - தேவையான அளவு 

மிளகுத் தூள் - 1/4 டீஸ்பூன் 

சிவப்பு குடமிளகாய் - 1 

மஞ்சள் குடமிளகாய் - 1 

பூண்டு - 6 பற்கள் 

* வெங்காயம், குடமிளகாயை பொடியாக நறுக்கி கொள்ளவும்.

* திணையை வெறும் கடாயில் சிறிது வறுத்து வைக்கவும்.

* ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், வெங்காயத்தைப் போட்டு பொன்னிறமாக வதக்கி, பின் உப்பு மற்றும் மிளகுத் தூள் சேர்த்து கிளறவும். 

* பின் அதில் சிவப்பு மற்றும் மஞ்சள் குடைமிளகாயை சேர்த்து குறைவான தீயில் வேக வைக்கவும். 

* பின்பு அதில் பூண்டு சேர்த்து 2 நிமிடம் வதக்கி, தண்ணீர் மற்றும் வெஜிடபிள் ஸ்டாக் ஊற்றி மிதமான தீயில் கொதிக்க விட வேண்டும். 

* பிறகு அதில் திணையை போட்டு, மூடி வைத்து 30 நிமிடம் வேக வைக்கவும். தினை நீரை உறிஞ்சி நன்கு வெந்ததும், தீயை அணைத்து 5-10 நிமிடம் கழித்து பரிமாறவும்.

* சுவையான சூப்பரான திணை உப்புமா ரெடி.

* இதில் நீங்கள் விருப்பமான காய்கறிகளை வேண்டுமானால் சேர்த்து கொள்ளலாம்.