search icon
என் மலர்tooltip icon

    லைஃப்ஸ்டைல்

    உடற்பயிற்சி தோழனாக விளங்கும் பிட்னெஸ் வாட்சுகள்
    X

    உடற்பயிற்சி தோழனாக விளங்கும் பிட்னெஸ் வாட்சுகள்

    பிட்னெஸ் வாட்சுகள் என்பது நமது அன்றாட உடற்பயிற்சி மற்றும் உடல் உழைப்பு குறித்த துல்லிய தகவல்களை வழங்கக்கூடிய வகையில் உள்ளன.
    தொழில்நுட்ப வசதிகள் மேம்பாடு என்பது அனைத்து நிலையிலும் அதிகரித்து வருகின்றன. இன்றைய நாளில் மனிதன் பயன்படுத்தக்கூடிய பல பொருட்கள் அதிக நவீன தொழில்நுட்ப வசதிகள் கொண்டவாறு இருக்கின்றன. அந்த வகையில் மனிதனின் உடற்பயிற்சி அடிப்படையிலான அணிந்து கொள்ளக்கூடிய பிட்னெஸ் வாட்சுகள் வந்துள்ளன.

    பிட்னெஸ் வாட்சுகள் என்பது நமது அன்றாட உடற்பயிற்சி மற்றும் உடல் உழைப்பு குறித்த துல்லிய தகவல்களை வழங்கக்கூடிய வகையில் உள்ளன. பிட்னெஸ் வாட்சுகள் மூலம் மிக சிறந்த உடற்பயிற்சி விளையாட்டுகள் அரங்கேறுகின்றன. அதாவது உண்ண வேண்டிய சிறப்பான உணவுகள், அதற்கேற்ற உடல் இயக்க செயல்பாடுகள், தூக்கம் போன்றவை ஓர் அட்டவணை போட்டு செயல்படுத்தப்படுகிறது. இந்த தொழில்நுட்பம் மிக சுலபமாக உள்ளது.

    பிட்னெஸ் வாட்சுகள் பல்வேறு விளையாட்டு வீரர்களுக்கு மட்டுமின்றி சாதாரண மக்களுக்கும் பயன்படக்கூடியதாக உள்ளது. உடற்பயிற்சி கூடங்கள், விளையாட்டு போட்டிகளில் பங்கேற்போர், இளையதலைமுறையினர் என அனைவருக்கும் ஏற்ற ஆற்றல்மிகு கடிகாரமாக உள்ளது.

    விளையாட்டு விஷயங்களை கூறும் பிட்னெஸ் வாட்ச் :

    புதியதாக வெளிவந்துள்ள பிட்னெஸ் வாட்சுகள் நமது உடற்பயிற்சி லட்சியத்தை அடைய வைக்க ஏற்றதாக உள்ளது. இது தானாகவே நமது நடை தடங்களின் எண்ணிக்கை, எவ்வளவு கலோரி எரிக்கப்பட்டுள்ளது, எவ்வளவு படிக்கட்டுகள் ஏறி உள்ளோம் போன்ற தகவல்களை கூறுகின்றது. நமக்கு எவ்வளவு சக்தி தேவைப்படுகிறது மற்றும் பிறசமயங்களில் ஏதேனும் இதய தொந்தரவுகளின் போதும் இதய துடிப்புகளின் அளவை வெளிப்படுத்தும்.

    GPS இணைப்புடன் வரும் பிட்னெஸ் வாட்சுகள் மூலம் அனைத்து விளையாட்டுகள் குறித்த அவ்வப்போதான புள்ளி விபரங்கள் தரப்படும். விளையாட்டு பயிற்சி என்பதனை ஒவ்வொரு நிலையிலும் வழங்கும் உடற்பயிற்சி ஆசானாக, நமது மணிக்கட்டில் இருந்து தேவையான ஆலோசனை மற்றும் பயிற்சி வழங்குபவராக பிட்னெஸ் வாட்சுகள் திகழ்கின்றன. தானாகவே நமது உடற்பயிற்சி மற்றும் நமது உடல் செலவழிக்கும் சக்தி திறனை கணக்கிட்டு வழங்குகிறது. நமது தினசரி பணிகளை பதிவு செய்து அதற்கேற்ப பயிற்சி ஆலோசனையை வழங்குகின்றன.

    மிக மெல்லிய அமைப்பிலான பிட்னெஸ் வாட்ச்கள் :

    பெரிய கனமான தடிமனான பிட்னெஸ் வாட்ச்களை விட மெல்லிய தடிமன் கொண்ட பிட்னெஸ் வாட்ச்கள் அதிக சிறப்புடன் செயல்படுகின்றன. கைக்கு கூடுதல் பொலிவை தருகின்றன. உயர் பகுப்பாய்வு திறனுடன் வண்ண காட்சிகளை தரக்கூடியவாறு மெல்லிய பிட்னெஸ் வாட்சுகள் உள்ளன. நேரடியாக சூரிய ஒளி மேலும் படும் போதும் நமக்கு காட்சிபடுத்துவதில் ஏதும் சிரமமின்றி இந்த வாட்சுகள் தெளிவான காட்சியை தருகின்றன. கூடுதலாக தனிப்பட்ட ஆப்ஸ்களை பதிவிறக்கம் செய்து கொள்ள வசதியான கூடுதல் தரவு வசதியை கொண்டுள்ளது.

    மேம்பட்ட வசதிகளுடன் கூடிய பிட்னெஸ் வாட்சுகள் :

    பிட்னெஸ் வாட்சுகள் சிறப்புமிகு உடலியக்க வசதிகளுடன் கூடுதலாக கால் செய்ய வசதி, குறுஞ்செய்தி அனுப்புவது, நாட்காட்டி அமைப்பு என்பதுடன் சிறப்பான ஒலியற்ற அலாரம் வசதியுடன் வருகின்றன. ப்ளுடூத் வழியே இணைப்பு செய்ய ஏற்ற பிட்னெஸ் வாட்சுகள் மூலம் சிறப்புமிக பாடல்களை கேட்க வசதியும் ஏற்படுத்தி தரப்பட்டு உள்ளன. தண்ணீர் பாதுகாப்பு வசதி கொண்டது என்பதால் நீச்சல் வீரர்களுக்கும் ஏற்ற உதவிகரமான வாட்சாக திகழ்கிறது.
    Next Story
    ×