சக்தி மாரியம்மன் கோவிலில் பூச்சொரிதல் விழா

மதுரை திருமங்கலம் அருகே உள்ள சக்திபுரத்தில் ஆயிரம் கண்ணுடையாள் சக்தி மாரியம்மன் கோவில் உள்ளது. இந்த கோவிலில், ஆடி மாதத்தையொட்டி சிறப்பு வேள்வி நடைபெற்றது.

இதைதொடர்ந்து நேற்று காலை 7 மணிக்கு பால்குடம் எடுத்தல் நிகழ்ச்சியும், 41 அடி உயர மாரியம்மனுக்கு பாலாபிஷேகமும், பூச்சொரிதல் விழாவும் நடந்தது. அதன் பின்னர் முளைப்பாரி ஊர்வலம் நடைபெற்றது.

விழாவில் இன்று (12-ந்தேதி) காலை 7 மணிக்கு அம்மனுக்கு வளைகாப்பு வைபவமும், காலை 8 மணிக்கு கஞ்சி கலயம் எடுத்தல் நிகழ்ச்சியும், பக்தர்களுக்கு மஞ்சள், குங்குமம், வளையல், தாலிக்கயிறு வழங்கும் நிகழ்ச்சியும் நடக்கிறது. நிகழ்ச்சிக்கான ஏற்பாடுகளை ஆயிரம் கண்ணுடையாள் மகாசக்தி பீடம் அறக்கட்டளை நிர்வாகிகள் செய்து உள்ளனர்.