iFLICKS தொடர்புக்கு: 8754422764
கன்னி

இன்றைய ராசி பலன்கள்

வார பலன்கள்

டிசம்பர் 10-12-2017 முதல் 16-12-2017 வரை:-

கன்னி ராசியினர் வாழ்க்கைத் துணையுடன் அனுசரித்துப் போகவேண்டிய வாரம் இது. குரு,செவ்வாய் சேர்க்கையால் கணவன்மனைவிக்குள் ஒருவரை ஒருவர் புரிந்து கொள்ளாமல் கருத்து வேற்றுமை வரும் என்பதால் மூன்றாம் மனிதரை எதிலும் நம்பாமல் உங்களை மட்டுமே நீங்கள் நம்ப வேண்டிய வாரம் இது. சிலருக்கு அம்மா வழியில் ஆதாயங்கள் உண்டு. வீட்டுக்கடன் பெற்று வீடு வாங்குவதற்கான ஆரம்பங்கள் இருக்கும். ஒரு சிலர் கட்டிய வீடோ, காலிமனையோ வாங்குவீர்கள்.

பிள்ளைகளிடமிருந்து மகிழ்ச்சியான செய்திகள் வரும். வியாபாரிகள் கலைஞர்கள் உள்ளிட்ட அனைவருக்கும் இது சிறப்பான வாரம். அரசு, தனியார்துறை ஊழியருக்கு நல்ல சய்திகள் உண்டு. கலைஞர்கள் வளம் பெறுவார்கள். அரசியல்வாதிகளுக்கு அதிகாரத்தை காட்டக்கூடிய சந்தர்பங்கள் அமையும். சிலருக்கு குழந்தைகள் வி‌ஷயத்தில் செலவுகள் உண்டு. குறிப்பாக பெண் குழந்தைகளுக்கு சுப நிகழ்ச்சிகளுக்கான செலவுகள் இருக்கும்.

சுக்கிர செவ்வாய் பரிவர்த்தனையால் உங்களில் சித்திரை நட்சத்திரக் காரர்களுக்கு எதிர்காலத்திற்கு அஸ்திவாரம் இடும் வேலை தொழில் அமைப்புகள் இந்த வாரம் அமையும். அஸ்தம் நட்சத்திரத்தினருக்கு அதிகமாக நம்பிக்கை வைத்து எதிர்பார்த்திருந்த வி‌ஷயத்தில் தடைகள் இருக்கும். காரணமின்றி மற்றவர்கள் மீது எரிந்து விழுவீர்கள். சிலருக்கு தீர்த்த யாத்திரை, காசி, கயா போன்ற புனித ஸ்தலங்களை பார்த்தல் போன்ற ஆன்மீக நிகழ்ச்சிகள் நடைபெறும்.

ஜோதிடக்கலை அரசு ஆதித்ய குருஜி     செல்: 8870 99 8888

தமிழ் மாத ஜோதிடம்

நவம்பர் 17-ம் தேதி முதல் டிசம்பர் 15-ம் தேதி வரை

புதன், செவ்வாய் பரிவர்த்தனையால் இருவருமே பலம் பெற்ற நிலையை பெறுகிறார்கள். பரிவர்த்தனை யோகத்தால் ராசி மற்றும் மூன்றாமிடங்கள் வலுப் பெறுவதால் நீங்கள் செய்யும் முயற்சிகள் அனைத்தும் இப்போது வெற்றி பெறும். கன்னி ராசிக்கு அதிர்ஷ்டம் துணை நிற்கும் மாதம் இது. இந்த மாதம் உங்களுக்கு பண வரவுகளும், நன்மைகளும் கிடைக்கும். நண்பர்கள், உறவுகள் மூலமும் உதவிகள் உண்டு. இளைஞர்களுக்கு வயதுக்கே உரிய சில கேளிக்கை அனுபவங்களும் இருக்கும்.

குருபகவான் தொழில் வீடான பத்தாம் வீட்டைப் பார்த்து, பணவரவைக் குறிக்கும் இரண்டாம் வீட்டில் இருப்பதால் எல்லாவற்றையும் சுலபமாக சமாளிப்பீர்கள். ஜீவன ஸ்தானம் வலுப்பெறுவதால் வேலை கிடைக்காமல் இருந்தவர்களுக்கு பொருத்தமான வேலை அமையும். பழைய கடன்களை அடைப்பீர்கள். தந்தைவழி உறவில் நன்மைகள் இருக்கும். வெளிநாட்டு விசா எதிர்பார்த்து இருந்தவர்களுக்கு இந்த மாதம் கிடைக்கும். சிலருக்கு வெளிநாட்டு பயணம் அமையும்.

மாதத்தின் பெரும்பகுதி நாட்கள் ராசிநாதன் புதன் பரிவர்த்தனை அமைப்பால் உச்சமாக இருக்கிறார். ராசிநாதன் வலுப்பெறும் போது ராசியும் வலுவடைய வேண்டும் என்பது ஜோதிடவிதி. புதன் உச்சம் பெறுகிறார் என்பதால் இந்த மாதம் அந்தஸ்து, கௌரவம் பெறக்கூடிய சந்தர்ப்பங்களையும், சம்பவங்களையும் அடைவீர்கள். மாத ஆரம்பத்தில் புதன் சூரியனுடன் இணைந்திருந்தாலும், ராசியின் நண்பர்கள் சுக்கிரனும், சனியும் நல்லநிலையில் இருப்பதால் வருமானங்களும், சந்தோஷங்களும் உள்ள மாதமாக இது இருக்கும்.

ஜோதிடக்கலை அரசு ஆதித்ய குருஜி
செல்: 8870 99 8888

ஆண்டு பலன் - 2017

கன்னி ராசிக்காரர்களுக்கு பிறக்க இருக்கும் புத்தாண்டான 2017-ம் வருடம் சென்ற வருடத்தை விட மிகவும் நல்ல பலன்கள் கொடுக்கின்ற வருடமாக இருக்கும்.
குறிப்பாகச் சொல்ல வேண்டுமானால் வருட ஆரம்பத்தை விட ஆண்டின் பிற்பகுதியில் கிரக அமைப்புகள் நல்லமுறையில் அமைந்திருப்பதால் உங்களுடைய தொழில்துறை முன்னேற்றங்களுக்கு ஏற்ற வருடமாக இது அமையும்.

ஆகஸ்ட் மாதம் 18 ம்தேதி நடக்க இருக்கும் ராகு-கேது பெயர்ச்சியின் மூலம் ராகு பகவான் மிகவும் நல்லபலன்களை தரக்கூடிய பதினொன்றாமிடத்திற்கு மாறுவது கன்னி ராசிக்கு ஒரு மிகச்சிறந்த அமைப்பு. குறிப்பாக இம்முறை ராகு தனக்கு மிகவும் பிடித்த வீடான கடகத்திற்கு பெயர்ச்சியாகிறார்.

கடகத்தில் ராகு மூன்று, பதினொன்றாமிடங்களாக அமரும் நிலையில் மிகப்பெரிய லாபங்களை தருவார் என்பது ஜோதிட விதி. அதன்படி பதினெட்டு வருடங்களுக்கு ஒருமுறை வருகின்ற வாய்ப்பான ஒரு நல்ல கோட்சார நிலை உங்களுக்கு இன்னும் சில மாதங்களில் வர இருகிறது.

இந்த ஆண்டின் ராகு-கேது பெயர்ச்சியின் மூலம் அபரிமிதமான தொழில் முன்னேற்றங்களையும், பொருளாதார லாபங்களையும், பணவரவுகளையும் கன்னிராசிக்காரர்கள் எதிர்கொண்டு சந்தோஷப்படுவீர்கள்.

உங்களில் சிலருக்கு இந்தவருடம் மேற்கு நாடுகளுக்கு வேலை, தொழில் விஷயமாக பயணப்படுதலும் குறிப்பாக இஸ்லாமிய நாடுகளில் வேலை அமைதலும் இருக்கும். இன்னும் சிலருக்கு முஸ்லிம், கிறித்துவ நண்பர்கள், அமைப்புகள், பங்குதாரர்கள் மூலம் நன்மைகள் நடக்கும். பிறப்பால் முஸ்லிம் கிறித்துவ மதத்தைச் சேர்ந்தவர்களுக்கு இந்து மதத்தினர் மூலம் நல்லவைகள் நடக்கும்.

ராகுபகவான் பிறந்த ஜாதகத்திலோ, கோட்சார நிலையிலோ யோகநிலையில் அமரும்போது மறைமுகமான வழிகளில் அளவற்ற செல்வத்தைத் தந்து மகிழ்ச்சிக்கு உள்ளாக்குவார். அதன்படி இம்முறை அவர் அதிர்ஷ்டம் தரும் அமைப்பில் கன்னி ராசிக்கு வர இருப்பதால் சாதுர்யமான வழிகளில் உங்களை ஈடுபடுத்தி தனலாபத்தைத் தருவார்.

ராகு-கேது பெயர்ச்சியை அடுத்து இதுவரை உங்கள் ராசியில் ஜென்ம குருவாக நிலை கொண்டு தொழிலிடங்களில் உங்களுக்குத் தலைவலியைக் கொடுத்துக் கொண்டிருக்கும் குருபகவானும் செப்டம்பர் மாதம் 12 ம் தேதி நடக்க இருக்கும் பெயர்ச்சியின் மூலம் பொருள்வரவையும், தனலாபத்தையும் தரும் இரண்டாமிடத்திற்கு மாற இருகிறார்.

இந்தக் குருப்பெயர்ச்சியால் கன்னிராசிக்காரர்களுக்கு பொருளாதார மேன்மை கிடைக்கும். இதுவரை திருமணம் நடைபெறாத இளைய பருவத்தினருக்கு குடும்பம் மற்றும் நல்ல வேலை அமைந்து வாழ்க்கையில் செட்டிலாவீர்கள். உங்களுக்கு நல்ல யோகம் தரும் குருப்பெயர்ச்சி இது.

வருடத்தின் இறுதியான அக்டோபர் 26 ம் தேதி நடக்க இருக்கின்ற குருப்பெயர்ச்சி உங்களுக்கு சாதகமான பலனைக் கொடுக்காது என்றாலும் குருவின் வீட்டில் சுபத்துவமாக அமரும் சனிபகவான் கண்டிப்பாக கெடுதல்களைத் தர மாட்டார். மேலும் உங்களின் ராசிக்கு சனி யோகாதிபதி என்பதால் எப்போதுமே கன்னியின் மேல் சனிக்கு ஒரு மென்மையான போக்கு சனிக்கு உண்டு.

ஆகவே இந்த வருடம் நடக்க இருக்கின்ற மிக முக்கியமான கிரகப்பெயர்ச்சிகளில் மிக முக்கியமான இரண்டு நிகழ்வுகள் கன்னி ராசிக்கு யோகம் தரும் அமைப்பில் இருப்பதால் பிறக்க இருக்கும் புத்தாண்டு உங்களுக்கு நன்மைகளையும், மேன்மைகளையும் மட்டுமே தரும் என்பதில் எந்தவிதமான ஐயமும் இல்லை.

கிரகங்கள் சாதகமான அமைப்பில் இருப்பதால் கன்னி ராசிக்காரர்கள் சிலர் இந்த வருடம் திடீர் புகழடைவீர்கள். அவரவர் துறைகளில் அவரவர் வயதிற்கேற்ப சாதனைகள் செய்வீர்கள். டி.வி. போன்ற காட்சி ஊடகங்களிலும், பத்திரிகை போன்ற எழுத்து ஊடகங்களிலும் இந்த வருடம் உங்களால் சாதிக்க முடியும்.
நல்லவேலை கிடைக்காமல் சோர்ந்து போயிருந்தவர்களுக்கு இந்த வருடம் மனதுக்கு பிடித்த வகையில் நல்ல சம்பளத்துடன் வேலை கிடைக்கும். பொது வாழ்க்கையில் இருப்பவர்கள், ஊடகம் பத்திரிக்கை போன்ற துறையில் இருப்பவர்கள், கலைஞர்கள் உள்ளிட்டவர்களுக்கு இது வசந்த காலமாகும். கலைத்துறையினர் இதுவரை இல்லாத நல்ல திருப்பங்களைக் காண்பீர்கள்.

இதுவரை பணவரவிற்கு தடையாக இருந்த விஷயங்கள் அனைத்தும் மாறி உங்களுடைய தொழில், வேலை, வியாபாரம் போன்ற ஜீவன அமைப்புகள் வலுப்பெற்று பொருளாதார மேன்மை அடைவீர்கள். கொடுத்த வாக்கை காப்பாற்ற முடியும். நாளைக்கு வா பணம் தருகிறேன் என்று ஒருவருக்கு வாக்குறுதி அளித்தால் இன்றைக்கு இரவே அவருக்கென்று பணத்தை ஒதுக்கி வைக்கமுடியும்.

குடும்பத்தில் இதுவரை இருந்து வந்த சிறுசிறு சண்டை, சச்சரவுகள் கணவன் மனைவிக்கிடையே இருந்து வந்த கருத்து வேறுபாடுகள், கூட்டுக் குடும்பத்தில் தொடர்ந்த முரண்பாடுகள் ஒருவரையருவர் புரிந்து கொள்ளாததால் ஏற்பட்டிருந்த பிணக்குகள் அனைத்தும் நீங்கி குடும்பத்தில் மகிழ்ச்சியும், குதுகலமும் இருக்கும்.

குடும்பம் உண்டாகாத இளையபருவத்தினருக்கு உடனடியாக வாழ்க்கைத் துணை அமைந்து குடும்பஸ்தன் ஆவீர்கள். ஏற்கனவே முதல் வாழ்க்கை முரணாகிப் போனவர்களுக்கு இரண்டாம் திருமணம் நடந்து அந்த அமைப்பின் மூலம் நிம்மதியும், சந்தோஷமும் நீடித்து இருக்கும்.

நீண்ட நாட்களாக குழந்தைச்செல்வம் இல்லாத தம்பதிகளுக்கு மழலைச் செல்வம் கிடைக்கும். இதுவரை குடும்பத்திற்கு வாங்க முடியாத அத்தியாவசியமான பொருட்கள் அனைத்தையும் வாங்கி வீட்டை அழகுபடுத்துவீர்கள்.

குறிப்பிட்ட சிலருக்கு ஹவுசிங் லோன் போன்றவைகளின் மூலம் வீடுவாங்கும் அமைப்பு ஏற்பட இருக்கிறது. வங்கிக்கடன் ஏற்படும். ஏற்கனவே இருக்கின்ற வாகனத்தையோ, சொத்தையோ விற்றுவிட்டு மேற்கொண்டு கடன் வாங்கி அதை விட நல்ல வாகனமோ, சொத்தோ வாங்குவீர்கள்.

நடுத்தரவயது தாண்டிய கன்னி ராசிக்காரர்களுக்கு சர்க்கரை, ரத்த அழுத்தம் போன்ற ஆரோக்கிய குறைபாடுகள் தற்போது கண்டுபிடிக்கபடும் என்பதால் அவர்கள் முழு உடல் பரிசோதனை செய்து கொள்ளுவது நல்லது. வயதானவர்கள் சிறு உடல் நல பிரச்னைகளையும் அலட்சியப்படுத்தாமல் உடனடியாக மருத்துவ சிகிச்சை எடுத்துக் கொள்ளுவதன் மூலம் சிறிய வியாதி பெரிதாகாமல் தற்காத்துக் கொள்ளலாம்.

வருடத்தின் பிற்பகுதி மாதங்களில் திடீர் அதிர்ஷ்டங்கள் ஏற்படும். குறிப்பிட்ட சிலருக்கு பங்குச்சந்தை, சூதாட்டம் போன்ற அதிர்ஷ்ட விளைவுகளில் குறிப்பிட்டதக்க அளவிற்கு பணலாபம் கிடைக்கும். அதேநேரத்தில் இந்த பலன் எல்லோருக்கும் பொருந்தாது. ஜனன கால தசாபுக்தி அமைப்புகள் சரியாக இல்லாத கன்னி ராசிக்காரர்களுக்கு பங்கு சந்தையில் சரிவுகள் வரலாம் என்பதால் இதில் முன்னெச்சரிக்கையுடன் இருப்பது நல்லது.

வெளிநாட்டுக்கு போக முயற்சி செய்து கொண்டிருப்பவர்களுக்கு இந்த வருடம் வெற்றி கிடைக்கும். ஏற்கனவே வெளிநாட்டில் வேலை செய்து கொண்டிருப்பவர்கள் நன்மைகளை அடைவீர்கள். வயதானவர்கள் தங்கள் பிள்ளைகளை பார்ப்பதற்கோ, பேரன், பேத்தி பிரசவத்திற்கோ வெளிநாடு செல்லும் வாய்ப்பு கிடைக்கும்.

வருடம் முழுவதும் உங்களின் பொருளாதார நிலை மிகவும் மேம்பாடானதாகவும் சரளமான பணவரவு இருந்து கொண்டே இருப்பதாகவும் அமையும். தொட்டது துலங்கும். இதுவரை வருமானம் இன்றி பணப்பற்றாக்குறையால் அவதிப் பட்டுக் கொண்டிருந்தவர்களுக்கு பணப்பிரச்னை இல்லாத அளவுக்கு நல்ல வருமானம் இருக்கும்.

பெரும்பாலான ராஜகிரகங்கள் என்று சொல்லப்படும் முக்கியமான கிரகங்கள் அனைத்தும் தற்போது கன்னி ராசிக்கு சாதகமான நிலையில் இருப்பதால் எந்த ஒரு விஷயத்திலும் தயக்கத்தினை விட்டொழித்து முன்னேற்றத்திற்கான ஆக்கப்பூர்வ விஷயங்களில் ஈடுபட்டால் வெற்றி நிச்சயம்.

அரசு தனியார்துறை ஊழியர்களுக்கு ‘இதர வருமானங்கள்’ சிறப்பாக சொல்லிக் கொள்ளும்படி இருக்கும். தொழிலாளர்களுக்கு வேலைப்பளு குறைந்து சம்பளஉயர்வு, பதவி உயர்வு போன்றவைகள் கிடைக்கும். தொழிற்சங்கங்களில் பதவியில் இருப்பவர்கள் பாராட்டுகளைப் பெறுவீர்கள். சொந்தத்தொழில் செய்பவர்கள், வியாபாரிகள், இயக்கும் வேலையில் உள்ளவர்கள் போன்ற துறையினர் தங்களது தொழிலை விரிவாக்கம் செய்வதற்கோ புதிய கிளைகள் ஆரம்பிப்பதற்கோ இது மிகவும் நல்ல நேரம்.

கூட்டுத் தொழிலில் இதுவரை இருந்த வந்த கருத்து வேறுபாடுகளும், மந்தமான நிலைமையும் மாறி தொழில் நல்லபடியாக நடக்கும். நண்பர்களும், பங்குதாரர்களும் உதவிகரமாக இருப்பார்கள். தந்தையின் ஆதரவு கிடைக்கும். தந்தை வழி உதவிகள் நன்றாக இருக்கும். அப்பா வழி சொத்துக்கள் மூலம் ஆதாயம் உண்டு. தர்ம காரியங்கள் செய்ய முடியும். அறப்பணிகளில் ஈடுபட்டு நல்ல பெயர் வாங்குவீர்கள்.

விவசாயிகளுக்கு இந்த வருடம் நன்மையை அளிக்கும். விளைந்த பயிர் சிந்தாமல் சிதறாமல் வீட்டிற்கு பொன்னாக வரும். குடியானவனின் வீட்டில் குதூகலமும், சுபநிகழ்ச்சிகளும் இருக்கும். குறிப்பாக பணப்பயிர் விளைவிக்கும் விவசாயிகளுக்கு மேன்மை உண்டு.

ஹே விளம்பி வருட பலன்

கன்னிராசிகரர்களுக்கு கடந்து போன தமிழ்ப் புத்தாண்டை விட மேம்பட்ட ஒரு வருடமாக பிறக்க இருக்கும் புது வருடம் இருக்கும்.

குறிப்பாக இன்னும் நான்கு மாதங்களில் நடக்க இருக்கும் ராகு-கேது பெயர்ச்சியின் மூலம் அபரிமிதமான நன்மைகளை கன்னி ராசிக்காரர்கள் பெறுவீர்கள் என்பதால் பிறக்க இருக்கும் தமிழ்ப் புத்தாண்டு கன்னி ராசிக்கு சந்தோஷங்களை மட்டுமே தர இருக்கும் ஆண்டாக அமையும் என்பதில் சந்தேகம் இல்லை.

ராகுபகவான் நல்ல நன்மைகளைத் தரும் இடமாக 3, 6, 11-ம் இடங்கள் நம்முடைய கிரந்தங்களில் குறிப்பிடப்பட்டுள்ளன. அதிலும் மிக முக்கிய பலனாக மேற்கண்ட பாவங்கள் மேஷம், ரிஷபம், கடகம், கன்னி, மகரம் ஆகிய ஐந்து இடங்களில் (ஆமேடம் எருது, சுறா, நண்டு, கன்னி) ஒன்றாக இருந்தால் இருந்தால் ராகுபகவான் இன்னும் அதிக சுபத்துவம் பெற்று கூடுதலான நன்மைகளைச் செய்வார் என்பது ஜோதிட விதி.

அந்த அமைப்பின் கீழ் இம்முறை ராகு பகவான் உங்கள் ராசிக்கு 11-ம் வீடான கடகத்தில் அமர்வதால் இம்முறை கன்னி ராசிக்காரர்களுக்கு வேலை, தொழில் விஷயங்களில் நற்பலன்களோடு மிகுந்த லாபங்களும் இருக்கும்.

இந்த அமைப்பின் மூலம் ராகுவின் சிறப்புக்களான வெளிமாநிலம், வெளிநாடு, இயங்கிக் கொண்டே இருக்கும் பொருட்கள், அந்நியமொழி, இன, மதம் போன்ற விஷயங்களில் கன்னி ராசிக்காரர்களுக்கு நல்ல லாபங்கள் இருக்கும். இதுவரை உங்களுடைய தொழில் அமைப்புகளில் இருந்து வந்த சிக்கல்கள் இனிமேல் இருக்காது.

ஒரு வியாபாரத்தையோ, தொழிலையோ ஆரம்பித்து காலுன்ற முடியாமல் தடுமாறிக் கொண்டிருப்பவர்கள் இந்த புது வருடத்தில் தொழிலில் நிலைத்தன்மை பெற்று வாழ்க்கையில் செட்டில் ஆவீர்கள்.

எந்த ஒரு விஷயத்திலும் இருந்து வரும் தடைகளும், தாமதங்களும், மனக் குழப்பங்களும் இனிமேல் விலகும். சொந்த வாழ்க்கையில் தோல்வியை சந்தித்தவர்கள், கருத்து வேறுபாடுகளால் வாழ்க்கைத்துணையைப் பிரிந்தவர்கள், ஏற்கனவே நடந்து முடிந்த திருமண உறவில் சிக்கல்களை சந்தித்து நீதிமன்ற படிக்கட்டுகளை ஏறிக்கொண்டிருப்பவர்கள் சாதகமான திருப்பங்களை இனிமேல் உணர்வீர்கள்.

ராகு கேதுப் பெயர்ச்சியை அடுத்து செப்டெம்பர் மாதம் 12 ம் தேதி நடக்க இருக்கும் குருப்பெயர்ச்சியும் மிகவும் நன்மைகளையும், பணவரவையும் தரக்கூடிய இரண்டாமிடத்தில் நடைபெறுவதால் பருத்தி புடவையாய்க் காய்த்தது போன்ற ஒரு அதிர்ஷ்ட நிலை கன்னிக்கு உருவாகிறது.

குருவை அடுத்து அக்டோபர் மாதம் 26 ம் நாள் நடைபெற இருக்கும் சனிப்பெயர்ச்சி நான்காமிடத்தில் அமைந்தாலும் சனிபகவான் உங்களுக்கு யோகாதிபதி என்பதால் கெடுதல்களைச் செய்ய மாட்டார்.

இதுவரை மனதில் இருந்துவந்த எதிர்மறைஎண்ணங்கள், தாழ்வு மனப்பான்மைகள் இனிமேல் இருக்காது. இனம்புரியாத கலக்கத்தில் இருந்து வந்தவர்கள் இனிமேல் புது உற்சாகம் அடைவீர்கள். இதுவரை இருந்து வந்த கெட்ட விளைவுகள் இனி இருக்காது.

உங்களைப் பிடிக்காமல் உங்களை எதிர்த்துக் கொண்டிருந்தவர்கள் இனிமேல் உங்களைப் பார்த்து பயப்படும்படி நிலைமை மாறும். கடன் பிரச்னைகள் தலை தூக்காது. புதிய கடன்கள் வாங்கும்படி நேரிட்டாலும் பழைய கடன்களை சுத்தமாக அடைத்துவிட்டு நிம்மதியாக இருப்பீர்கள். வெளியிடங்களில் மதிப்பு, மரியாதை கௌரவம் நல்லபடியாக இருக்கும்.

பணவரவு மிகவும் நன்றாக இருக்கும். வருமானத்திற்கு எந்த வித குறையும் இருக்காது. தொழில்அதிபர்கள், உயரதிகாரிகள், அரசியல்வாதிகள், கலைஞர்கள் உள்ளிட்ட எல்லாத் துறையினருக்கும் இது மிகவும் நல்லநேரம். எந்தக்காரியமும் அதிக முயற்சி இல்லாமலேயே வெற்றி பெறும்.

வேலை செய்யும் இடங்களில் சந்தோஷமான சூழல்கள் இருக்கும். பதவி உயர்வு அல்லது சம்பள உயர்வு அல்லது இரண்டும் இந்த வருடம் கண்டிப்பாக உண்டு. இந்த வருடம் உங்களின் தொழில், வேலை, வியாபாரம் போன்றவைகள் நல்ல நிலையில் இருக்கும்.

வேலை தேடி அலைந்து கொண்டிருக்கும் இளைய வயதுக்காரர்களுக்கு நல்ல சம்பளத்தில் வேலை கிடைக்கும். ஏற்கனவே தொழில் ஆரம்பித்து இன்னும் காலூன்ற முடியாமல் சிரமப்பட்டுக் கொண்டிருப்பவர்களுக்கு இந்த வருடம் தொழில் நல்ல முன்னேற்றமாக நடக்கும். எல்லா விஷயங்களும் நிதானமாக நல்லபடியாக நடக்கும்.

இதுவரை தொழில் விஷயங்களில் சரிவைச் சந்தித்துக் கொண்டிருந்தவர்கள் இப்போது மளமளவென தொழில் முன்னேற்றம் பெறுவதை கண்ணெதிரே காண்பீர்கள். அலுவலகங்களில் இதுவரை எதிர்ப்புகளையும், பின்னடைவுகளையும் சந்தித்தவர்கள் இனிமேல் அவை அனைத்தும் மாறி உங்களுக்கு சாதகமான சூழல் அமைவதையும் பார்க்க முடியும்.

முதல் திருமணம் கோணலாகி காவல் நிலையம், வழக்கு, நீதிமன்றம் என்று அலைந்து திரிந்தவர்களுக்கு அனைத்தும் இப்போது நல்லபடியாக ஒரு முடிவிற்கு வந்து தெளிவு பிறக்கும். இரண்டாவது வாழ்க்கைக்கான அமைப்புகள் இந்த வருடம் உருவாகும். இரண்டாவது வாழ்க்கை நல்லபடியாகவும் இருக்கும்.

கணவன் மனைவி உறவு சுமுகமாக இருக்கும். தந்தைவழி உறவுகளால் ஆதாயம் உண்டு. ஆன்மீக ஈடுபாடு இந்த வருடம் உங்களுக்கு அதிகமாக இருக்கும். புனிதத் தலங்களுக்கு செல்லும் வாய்ப்பு ஏற்படும். ஷீரடி, மந்திராலயம் போன்ற இன்றும் மகான்கள் வாழ்ந்து நம்மை ஆசிர்வதிக்கும் இடங்களுக்கு சென்று வருவீர்கள்.

உடல்நலம் சரியில்லாமல் இருந்தவர்கள் வெகுவிரைவில் குணம் அடைவார்கள். மருத்துவத்திற்கு கட்டுப்படாமல் போக்குக்காட்டிக் கொண்டிருந்த வியாதிகள் இனிமேல் நல்ல பிள்ளையாக உங்களை விட்டு விலகும். கடந்த காலங்களில் மகன், மகள் விஷயத்தில் உங்களுக்கு கவலைகள் இருந்து வந்தன. சிலர் பிள்ளைகளுக்கு எத்தனையோ வரன் பார்த்தும் திருமணம் முடிக்க முடியாமல் இருந்தீர்கள். அவை அனைத்தும் இப்போது நீங்கி பிள்ளைகளுக்கு செய்ய வேண்டிய கடமைகளை இந்த வருடம் சிறப்பாகச் செய்வீர்கள்.

குடும்பத்தில் சுபகாரியங்கள் இருக்கும். நீண்ட நாட்களாக குழந்தை பேறு இல்லாதவர்களுக்கு குழந்தை பாக்கியம் கிடைக்கும். சிலர் தாத்தா, பாட்டியாக பதவிஉயர்வு பெறுவீர்கள். இதுவரை பள்ளி, கல்லூரிகளுக்கு ஒழுங்காக செல்லாமல் கெட்டபெயர் எடுத்து உங்களை மனக்கஷ்டத்திற்கு ஆளாக்கிய பிள்ளை இப்போது ஒழுங்காக சென்று உங்களை சந்தோஷப்படுத்துவார்.

சரக்கு வாகனங்கள், பெட்ரோல்பங்க், மதுபானத் தொழில் சம்பந்தப்பட்டோர், விவசாயிகள், நிலத்தரகர்கள், மருத்துவமனையினர், கடைநிலை ஊழியர்கள், துப்புரவு தொழிலாளர்கள், ஊராட்சி, நகராட்சி, மாநகராட்சித் தலைவர்கள், கவுன்சிலர்கள் உள்ளிட்டவர்கள் மிகவும் வளம் பெறுவார்கள். வருமானமும் சிறப்பாக இருக்கும்.
 
கடந்த வருடங்களில் வீடு வாங்குவதற்கு, புது வீடு கட்டுவதற்கு இருந்த சிக்கல்கள் இனிமேல் இருக்காது. நல்ல வீட்டில் குடி போவீர்கள். பூர்வீக சொத்து சம்பந்தமாக இதுவரை இருந்து வந்த பாகப்பிரிவினை பிரச்னைகள், பங்காளித் தகராறு போன்றவைகள் இந்த வருடம் சுமுகமாக உங்களுக்கு லாபகரமாக முடிவுக்கு வரும்.

நேர்த்திக்கடன்களை செலுத்தாமல் இருப்பவர்கள் உடனடியாக நல்லபடியாக நிறைவேற்றலாம். குலதெய்வவழிபாடு சரிவரச் செய்யாதவர்கள் உடனே அதைச் செய்யும்படி இருக்கும். வருட ஆரம்பத்தில் குடும்பத்தில் சுப நிகழ்ச்சிகள் நடந்து சுபவிரயங்கள் இருக்கும். திருமணம், கிரகப்பிரவேசம், பூப்புனித நீராட்டு விழா, வளைகாப்பு போன்ற மங்கள நிகழ்ச்சிகளை வருட முற்பகுதியில் செய்வீர்கள்.

வியாபாரிகளுக்கு கொள்முதல் வியாபாரம் போன்றவைகளில் பிரச்னை எதுவும் இருக்காது. விவசாயிகளுக்கு இது மிகவும் நல்ல வருடம். விளைந்த பயிருக்கு நியாயமான விலை கிடைக்கும். பணப்பயிர் மற்றும் எண்ணை வித்துகள் போன்றவை பயிரிட்டவர்களுக்கு இந்த வருடம் லாபம் வரும். அரசு, தனியார்துறை பணியாளர்கள், இரும்பு சம்பந்தப்பட்ட துறையினர், உழைப்பாளிகள் போன்றவர்களுக்கு மிகவும் நல்ல பலன்கள் கிடைக்கும்.

தெய்வத்தின் அருளும், கிரகங்களின் ஆசியும் இந்த வருடம் பரிபூரணமாக உங்களுக்கு கிடைப்பதால் இந்த வருடம் நீங்கள் எடுத்த காரியம் அனைத்தும் வெற்றி பெற்று உங்கள் வாழ்வில் மறக்க முடியாத ஒரு வருடமாக இது அமையும்.

சில நிலைகளில் பணத்திற்காக பொய்பேச நேரலாம். அதனால் பணம் கிடைக்கும். யாரிடமும் சண்டை போடாதீர்கள். வாக்குவாதமும் செய்யாதீர்கள். சிறியதாக ஆரம்பிக்கும் பிரச்னை பெரியதாக மாறி நண்பர்களை விரோதியாக்கும். பேசுவதிலோ திட்டுவதிலோ கவனமாக இருங்கள். வாயைக் கட்டுப்படுத்துங்கள்.

பெண்களுக்கு இனிமேல் யோக காலம்தான். இதுவரை வெளியே சொல்ல முடியாமல் நீங்கள் பட்ட துயரங்கள் மிக அதிகம். கடவுள் உங்களை ஒருபோதும் கை விடமாட்டார். வீட்டிலும் அலுவலத்திலும் இனிமேல் உங்களுக்கு எந்தப் பிரச்னைகளும் இருக்காது.

பிறந்த ஜாதகத்தில் யோகமான தசாபுக்திகள் நடந்து கொண்டிருக்கும் கன்னி ராசிக்காரர்களுக்கு கண்ணா லட்டு தின்ன ஆசையா என்பது போல இரட்டிப்பு நல்ல பலன்கள் நடக்கும். குறிப்பிட்ட சிலர் ஏதேனும் ஒரு விஷயத்தில் புகழ் அடைவீர்கள்.

மொத்தத்தில் பிறக்க இருக்கும் தமிழ்ப் புத்தாண்டு கன்னிக்கு கவலைகளைப் போக்கும் ஒரு ஆண்டாக இருக்கும்.

ஆதித்ய குருஜி
செல்: 8870 99 8888

சனிப்பெயர்ச்சி பலன்கள்

கன்னி-கவலை இல்லை இனி

(உத்திரம் 2, 3, 4ம் பாதங்கள், ஹஸ்தம், சித்திரை, 1, 2ம் பாதங்கள் மற்றும் டோ, ப, பா, பி, பூ, ஷ, ட, பே, போ ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)

கன்னிராசிக்கு இதுவரை மூன்றாமிடத்தில் இருந்த சனிபகவான் இம்முறை நான்காம் இடத்திற்கு மாறுகிறார். சனியின் நான்காமிட மாற்றம் அர்த்தாஷ்டமச் சனி என்று சொல்லப்பட்டு நன்மைகளை தராத ஒரு நிலை என்று நம்முடைய கிரந்தங்களில் சொல்லப்படுகிறது.

ஆயினும் கன்னிக்கு சனிபகவான் ஐந்துக்குடைய யோகாதிபதி என்கிற நிலையில் தற்போது அவர் மாற இருக்கும் குருவின் வீடான தனுசில் ஒரு சாத்வீகமான நல்ல நிலையை அடைவார் என்பதால் கெடுபலன்கள் எதுவும் கன்னி ராசிக்கு இருக்காது என்பதே உண்மையான நிலையாகும்..

கோட்சார பலன்கள் என்பது வருடக் கிரகங்களான சனி, குரு, ராகு-கேதுக்கள் ஆகியவற்றின் ஒட்டுமொத்த நிலையையும் கணித்து அதன்பிறகு சொல்லப்படக் கூடியது என்பதால், மற்ற வருட கிரகங்களான குரு, ராகு ஆகியவற்றின் மாற்றங்கள் கன்னி ராசிக்கு சாதகமான அமைப்பில் இருக்கும்போது சனியால் மட்டும் கெடுபலன்கள் எதுவும் உங்களுக்கு வரப்போவது இல்லை.

உதாரணமாக கடந்த சில வாரங்களுக்கு முன்பு நடந்த ராகு-கேது பெயர்ச்சியின் மூலம் 18 ஆண்டுகளுக்கு ஒருமுறை மிக உன்னதமான பலன்களை தர இருக்கின்ற 11-ம் இடத்திற்கு ராகு மாறுதல் அடைந்து இன்னும் ஒன்றரை ஆண்டு காலத்திற்கு கன்னிக்கு நல்ல பலன்களை தரக்கூடிய அமைப்பில் இருக்கிறார்.

அதன்பிறகு 20 நாட்களில் நடந்த குருப்பெயர்ச்சியும், மிகுந்த தன லாபத்தைத் தரக் கூடிய இரண்டாம் இடத்தில் நடைபெற்று தற்போது குருபகவானும் உங்களுக்கு பணவரவைத் தரக்கூடிய ஒரு இடத்தில் அமர்ந்திருக்கிறார்.

ஏறத்தாழ இந்த சனிப் பெயர்ச்சியின் காலம் என்று சொல்லக் கூடிய இரண்டரை ஆண்டு காலங்களில் முதல் ஒன்றரை வருட காலத்திற்கு மற்ற கிரகங்களான குரு, ராகு ஆகியவற்றின் கோட்சார நிலைகள் உன்னதமான ஒரு அமைப்பில் அமைந்திருப்பதாலும் குறிப்பாக தனம், லாபம் என்று சொல்லப்படக்கூடிய 2, 11-ம் இடங்கள் கன்னிராசிக்கு குரு மற்றும் ராகுவால் சுபத்துவ வலிமை அடைந்திருப்பதாலும் தற்போது மாற இருக்கின்ற அர்த்தாஷ்டம சனி அமைப்பு பெரிய பாதிப்புகளை தரப் போவது இல்லை.

மேலும் நான்காமிடத்து சனி தன்னுடைய பார்வையால் ஜீவன அமைப்புகளான வேலை, தொழில், வியாபாரம் போன்றவைகளை பார்த்துக் கெடுப்பார் என்றுதான் நம்முடைய மூல நூல்களில் சொல்லப்பட்டிருக்கிறது.

அதேநேரத்தில் பத்தாமிடம் வேறுவகையில் சுபத்துவம் அடைகின்ற ஒரு நிலைமையில், சனியின் பார்வைக்கு மாற்றாக குருவின் சுபத்துவ பார்வை போன்ற அமைப்புகள் இருக்கின்ற நிலையில் சனி மாற்றம் கெடுபலன்களை தருவது இல்லை. தற்போது இரண்டில் இருக்கின்ற குருபகவான் தன்னுடைய புனிதப் பார்வையால் பத்தாமிடத்தை நோக்குவதால் அர்த்தாஷ்டமச் சனியின் தொழில், வேலை சம்பந்தமான இடையூறுகள், உங்களுக்கு இருக்கப் போவது இல்லை.

கோட்சார பலன்களில் ஒரு கிரகம் அங்கே இருந்தால் இந்தக் கெடுபலன் என்று உறுதியாகச் சொல்ல முடியாது. அதற்கு மாற்றாக வேறு விதமான சுபத்துவ வலிமைகள் அந்த கிரகத்திற்கோ, அல்லது அந்த பாவத்திற்கோ அமையுமாயின், ஒரு மனிதனுக்கு நிச்சயமாக கெடுபலன்கள் நடைபெற போவது இல்லை.

அதுபோன்ற ஒரு நல்ல நிலைமை தற்போது கன்னி ராசிக்கு இருக்கிறது. உதாரணமாக 2-ல் குரு, 11-ல் ராகு என தனலாப அமைப்புகள் வலுப் பெற்று இருப்பதால் அர்த்தாஷ்டமச் சனியின் முக்கிய பலனான வேலை, தொழில், வியாபாரம் போன்றவைகளை சனியால் கெடுக்க முடியாது.

எனவே கெடுபலன்கள் ஏதேனும் வந்துவிடுமோ என்கிற தயக்கத்தை உதறித் தள்ளி, சனியைத் தவிர்த்து மற்ற கிரகங்கள் வலுவாக இருக்கின்றபடியால் வரப் போகின்ற காலங்கள் கன்னிக்கு நல்லவிதமாகவே அமையும் என்பதை உணர்ந்து செயல்பட்டால் வாழ்க்கையில் ஒரு சிறப்பான நிலைமைக்கு வருவீர்கள் என்பது உறுதி.

அதேநேரத்தில் சனி தனது பார்வையால் பத்தாமிடத்தையும் உங்கள் ராசியையும் பார்ப்பார் என்பதால் பணிபுரியும் இடங்களில் மாற்றங்களும், ஏமாற்றங்களும் இருக்கும். அலுவலகத்தில் எவரையும் பகைத்துக் கொள்ளாதீர்கள். வீண் வாக்குவாதங்கள், தேவையற்ற விவாதங்கள், அரசியல்பேச்சுக்கள், அரட்டைகள் போன்றவைகள் வேண்டவே வேண்டாம். இதன் மூலம் வேலை செய்யும் இடங்களில் உங்களின் மதிப்பையும், மரியாதையும் கீழிறங்கச் செய்வார் சனி.

சிலருக்கு வேலைமாற்றம் அல்லது டிபார்மெண்ட் மாற்றம் அல்லது வேறு ஊருக்கு டிரான்ஸ்பர் போன்ற பலன்கள் நடக்கும். அவைகள் உங்களின் எதிர்காலத்துக்கு நல்லது என்பதால் வரும் மாற்றத்தை முழுமனதுடன் ஏற்றுக் கொள்ளுங்கள். மேலிடத்திற்கும் உங்களுக்கும் சிண்டு முடிந்து விட சகுனிகள் தோன்றுவார்கள் என்பதால் கவனம் தேவை.

அரசுப் பணியாளர்கள் முறைகேடான வழிகளில் பணம் வரும் நேரங்களில் எச்சரிக்கையாக இருக்க வேண்டும். நான்கு சுவருக்குள் நீங்கள் இருப்பதாக நினைத்துக் கொண்டிருந்தாலும் அந்த சுவருக்கும் கண்களும், காதுகளும் இருக்கின்றன என்பதை கவனத்தில் கொள்ளுங்கள்.

சுய தொழில் செய்பவர்களும், வியாபாரிகளும் தொழிலை விரிவாக்கம் செய்யவோ, புதிய கிளைகள் தொடங்கவோ, புது முயற்சிகள் எடுக்கவோ யோசித்து செய்ய வேண்டும். ஆயிரம்தான் இருந்தாலும் குருபகவானின் தயவினால் பணவரவு சிறப்பாக இருக்கும் என்பதால் எத்தகைய சிக்கலையும் சுலபமாக சமாளிக்க முடியும்.

இன்னொரு முக்கிய பலனாக சனி இப்போது ராசியைப் பார்ப்பதால் உங்களுடைய குணங்கள் சற்று மாறுபடும். இந்த சனிப்பெயர்ச்சிக் காலத்தில் சற்று முரண்பாடானவராக, பிடிவாதக்காரராக மாறுவீர்கள். எவருக்கும் வளைந்து கொடுக்க மாட்டீர்கள். மனதில் குழப்பமான எண்ணங்கள் வரும். தேவையற்ற மனக் கலக்கம் இருக்கும். எதிலும் நல்லவைகளையே பார்க்கும் உங்களை முடக்கிப் போட்டு சனி சற்று அசைத்துப் பார்ப்பார் என்றாலும் யாராலும் உங்களை ஜெயிக்க முடியாது என்பது நிச்சயம்.

சில தேவையற்ற விஷயங்களில் மாட்டிக் கொண்டு சிக்கல்கள் உண்டாகும்  என்பதால் அவசியமில்லாதவர்களுக்கு ஜாமீன் போடுவது மற்றும் எவருக்காகவும் கியாரண்டி தருவது இப்போது கூடாது. பல நாள் சேர்த்து வைத்த நற்பெயர் ஒரு சில நிமிட செயல்களால் கெடக்கூடும் என்பதால் கவனமாக இருங்கள்.

வயதான தாயாரை நன்கு கவனியுங்கள். அவரின் தேவைகளை பூர்த்தி செய்யுங்கள். தாயாரை விட்டு விலகி தூர இடங்களில் வசிப்பவர்கள் மாதம் ஒரு முறையாவது அவரைப் போய் பார்த்து அவரின் ஆசீர்வாதங்களை பெற்று வருவது நல்லது. நான்காமிடத்து சனியால் அம்மாவிற்கு  ஆரோக்கியக் குறைபாடுகள் தோன்றும். தாயின் உடல்நலத்தில் அக்கறை காட்டுவது நல்லது.

எந்தக் காரணம் கொண்டும் எவ்வளவு நெருக்கடியிலும் வீட்டுப் பத்திரத்தை  அடமானம் வைத்து கடன் வாங்குவது மற்றும் தொழில் செய்வது இப்போது செய்யாதீர்கள். அது சரியாக வராது. அதுபோலவே இருக்கும் வீட்டை விற்று புது வீடு வாங்குவது போன்றவைகளும் இப்போது வேண்டாம். சொந்த வீட்டை விற்று அந்தப் பணம் வேறுவகையில் செலவாகி வாடகை வீட்டில் இருக்கச் செய்வார் நான்காமிட சனி .

வாகனம் அடிக்கடி செலவு வைக்கும். இந்தச் செலவுக்கு புது வண்டியே வாங்கிவிடலாம் என்றால் அதற்கும் தடை வரும். மாணவர்களுக்கு படிப்பில் தடை வரக்கூடும் என்பதால் காலேஜிற்கு கட் அடிக்காதீர்கள். காலேஜ் உங்களை கட் அடித்து விடலாம்.

சனிபகவான் நான்காமிடத்தில் இருக்கும் பொழுது குடும்பச் சொத்துக்களை விற்கக் கூடாது. பூர்வீகச் சொத்துகளையோ வீடு, நிலம் போன்றவைகளையோ விற்பதற்கான தேவை உள்ளவர்கள் விற்பனையைத் தள்ளி வைப்பது நல்லது. வீடோ, நிலமோ விற்ற பணம் விற்ற நோக்கத்திற்காக செலவாகாமல் வேறு வகையில் விரயம் ஆவதற்கு வாய்ப்பு இருக்கிறது. இந்த காலகட்டத்தில் வீண் விரயங்கள் இருக்கும் என்பதால் பாக்கெட்டில் இருந்து பணத்தை எடுக்குமுன் ஒரு முறைக்கு இரண்டு முறை யோசித்து செலவு செய்யுங்கள்.

இளைஞர்களுக்கு வேலை மாற்றங்கள், மாணவர்களுக்கு படிப்பில் கவனக் குறைவு, மனத் தடுமாற்றம், விரக்தி, எதிலும் விட்டேத்தியான மனப்பான்மை போன்றவைகள் இருக்கும். குடும்பத்தில் கடும் முயற்சிக்கு பிறகே சுபகாரியங்கள் நடக்கும். பிள்ளைகள் விஷயத்தில் சங்கடங்கள் வரும் என்பதால் அவர்களைக் கண்காணிப்பது அவசியம்.

வியாபாரிகளுக்கு வருமானத்தில் எந்தவித குறைவும் இருக்காது. சொந்தத் தொழில் செய்பவர்கள் வேலைக்காரர்களை நம்ப வேண்டாம். வேலைக்காரர்கள் திருடுவது போன்ற சம்பவங்கள் நடைபெறுவதற்கு வாய்ப்பு உள்ளது. விவசாயிகளுக்கும், கிராமப்புறத்தில் உள்ள சிறுதொழில் புரிபவருக்கும் நல்ல பலன்கள் நடக்கும்.  

பொதுவாக கன்னி ராசிக்காரர்கள் பரம்பொருளின் அருளினால் எதையும் சமாளிக்கும் திறன் கொண்டவர்களாக இருப்பீர்கள். மேலும் பிறந்த ஜாதகத்தில் நன்மையான தசாபுக்திகள் நடப்பவர்களுக்கு இந்த கோட்சாரக் கிரகக் குறைகள் பெரிதாக ஒன்றும் பாதிக்காது என்பதால் கவலைப் படுவதற்கு எதுவும் இல்லை.

பரிகாரங்கள்:

அர்த்தாஷ்டமச்சனி நடைபெறுவதால் சனிக்கிழமைதோறும் அருகிலுள்ள பழமையான சிவன் கோவிலில் அருள்புரியும் காலபைரவருக்கு நல்லெண்ணெய் தீபம் ஏற்றுவதும், வியாழக்கிழமையன்று தக்ஷிணாமூர்த்தி வழிபாடு செய்வதும் நல்லது. சென்னையில் இருப்பவர்கள் நங்கநல்லூர் மற்றும் ஆழ்வார்ப்பேட்டை ஆஞ்சநேயர் ஆலயங்களுக்கு சென்று அவரின் அருள் பெறுவதும் நன்மைகளைத் தரும்.

கணித்தவர்
ஜோதிடக்கலை அரசு ஆதித்யகுருஜி
செல்:  8870 99 8888

குருப்பெயர்ச்சி பலன்கள்

கன்னி ராசிக்காரர்களுக்கு இதுவரை ராசியில் இருந்து வந்த குருபகவான் தற்போது இரண்டாமிடத்திற்கு மாறுகிறார். இது உங்களுக்கு மிகவும் அதிர்ஷ்டமான அமைப்பு என்பதால் இந்தக் குருப் பெயர்ச்சி காலத்தில் உங்களுக்கு மிகவும் நல்ல பலன்கள் நடக்கும். அதிர்ஷ்டம் கை கொடுக்கும்.

இதுவரை ஜென்ம ராசியில் இருந்து அனைத்திலும் தடைகளை ஏற்படுத்திக் கொண்டு இருந்த குரு, தன ஸ்தானமான இரண்டாம் இடத்திற்கு மாறி உங்களுக்கு சிறப்பான பலன்களையும், நல்ல பணவரவையும் தரப் போகிறார்.

இந்த குருப்பெயர்ச்சி காலம் முழுவதும் உங்களின் பொருளாதார நிலை மிகவும் மேம்பாடானதாகவும் சரளமான பணவரவு இருந்து கொண்டே இருப்பதாகவும் அமையும். தொட்டது துலங்கும். இதுவரை வருமானம் இன்றி பணப் பற்றாக்குறையால் அவதிப் பட்டுக் கொண்டிருந்தவர்களுக்கு பணப் பிரச்னை இல்லாத அளவுக்கு நல்ல வருமானம் இருக்கும்.

இரண்டாமிடத்திற்கு வரும் குருவால் அளவற்ற தனம் வந்து சேரும் என்பதால் பண வரவிற்கு தடையாக இருந்த விஷயங்கள் அனைத்தும் மாறி உங்களுடைய தொழில், வேலை, வியாபாரம் போன்ற ஜீவன அமைப்புகள் வலுப் பெற்று பொருளாதார மேன்மை அடைவீர்கள். குரு இருக்கப் போகும் இடம் தனம், வாக்கு, குடும்ப ஸ்தானம் என்பதால் உங்கள் சொல்லும் பலித்து, கொடுத்த வாக்கை காப்பாற்ற முடியும். நாளைக்கு வா பணம் தருகிறேன் என்று ஒருவருக்கு வாக்குறுதி அளித்தால் இன்றைக்கு இரவே அவருக்கென்று பணத்தை ஒதுக்கி வைக்கமுடியும்.

வருடக் கிரகங்களான ராகுவும், குருவும் தற்போது கன்னி ராசிக்கு மிகவும் சாதக மான நிலையில் இருப்பதால் கன்னியினர் எந்த ஒரு விஷயத்திலும் தயக்கத்தினை விட்டொழித்து முன்னேற்றத்திற்கான ஆக்கப்பூர்வ விஷயங்களில் ஈடுபட்டால் வெற்றி நிச்சயம்.

கன்னி ராசிக்காரர்கள் இயற்கையாகவே நல்ல புத்தி சாலிகள் என்பதாலும், உருவாக்கும் வேலை எனப்படும் கிரியேட்டிவ் பணிகளை அர்ப்பணிப்பு உணர்வுடன் செய்யக் கூடியவர்கள் என்பதாலும், எதையுமே சட்டென கிரகித்துக் கொள்வீர்கள் என்பதாலும் இந்த மாற்றத்தை நல்லமுறையில் உபயோகப்படுத்தி வாழ்க்கையில் செட்டில் ஆவீர்கள்.

பிறந்த ஜாதகத்தில் யோகமான தசா புக்திகள் நடந்து கொண்டிருப்பவர்களுக்கு இப்போது இரட்டிப்பு நல்ல பலன்கள் நடக்கும். சிலர் ஏதேனும் ஒரு விஷயத்தில் புகழ் அடைவீர்கள்.

வீட்டில் மங்களநிகழ்ச்சிகள் நடைபெறும் காலம் இது. திருமணம் ஆகாத இளைய பருவத்தினருக்கு திருமணம் நடைபெறும். நீண்ட காலமாக மகன், மகளுக்கு திருமணம் கூடி வரவில்லையே என்று வருத்தப்பட்டுக் கொண்டிருப் பவர்களுக்கு அந்தக் கவலை இப்போது நீங்கும். புத்திர பாக்கியம் தாமதப்பட்டுக் கொண்டு வந்தவர்களுக்கு குருபலம் வருவதால் குழந்தைச் செல்வம் கிடைக்கும்.

நல்ல வேலை கிடைக்காமல் சோர்ந்து போயிருந்தவர்களுக்கு மனதுக்கு பிடித்த வகையில் நல்ல சம்பளத்துடன் வேலை கிடைக்கும். பொது வாழ்க்கையில் இருப்பவர்கள், ஊடகம், பத்திரிக்கை போன்ற துறையில் இருப்பவர்கள், கலைஞர்கள் உள்ளிட்டவர்களுக்கு இது வசந்த காலமாகும். கலைத்துறையினர் நல்ல திருப்பங்களைக் காண்பீர்கள். வாய்ப்புகள் வந்து கதவைத் தட்டும்.

பொருத்தமில்லாத வேலையில் இஷ்டமில்லாமல் இருந்த இளைஞர்களுக்கு உடனடியாக மாற்றங்கள் உருவாகி நினைத்த மாதிரியான வேலை கிடைக்கும். அலுவலகத்தில் இருந்த பிரச்னைகள் மறையும். தொழில் ஆரம்பித்து இன்னும் காலூன்ற முடியாமல் சிரமப்பட்டுக் கொண்டிருப்பவர்களுக்கு தொழில் முன்னேற்றமாக நடக்கும்.

அரசு, தனியார்துறை ஊழியர்களுக்கு ‘இதர வருமானங்கள்’ சொல்லிக் கொள்ளும்படி இருக்கும். தொழிலாளர்களுக்கு வேலைப் பளு குறைந்து சம்பள உயர்வு, பதவி உயர்வு போன்றவைகள் கிடைக்கும். தொழிற்சங்கங்களில் பதவியில் இருப்பவர்கள் பாராட்டுகளைப் பெறுவீர்கள்.

கூட்டுத் தொழிலில் இதுவரை இருந்த வந்த கருத்து வேறுபாடுகளும், மந்தமான நிலைமையும் மாறும். நண்பர்களும், பங்குதாரர்களும் உதவிகரமாக இருப்பார்கள். தந்தையின் ஆதரவு கிடைக்கும். தந்தை வழி உதவிகள் நன்றாக இருக்கும். அப்பா வழி சொத்துக்கள் மூலம் ஆதாயம் உண்டு. தர்ம காரியங்கள் செய்ய முடியும். அறப்பணிகளில் ஈடுபட்டு நல்ல பெயர் வாங்குவீர்கள்.

சுயதொழில், வியாபாரம் போன்றவைகளில் இதுவரை இருந்து வந்த மந்தநிலை விலகி அனைத்தும் இனிமேல் சுறுசுறுப்பாக நடக்கும். குருபகவானின் சிறப்புப் பார்வை உங்களின் ஜீவன ஸ்தானத்தில் விழுவதால் குரு பார்க்க கோடி நன்மை எனும் பழமொழிப்படி நல்லலாபமும் வருமானமும் கண்டிப்பாக கிடைக்கும்.
அதேநேரத்தில் கூடுதலாக ஒரு சிறப்புப் பலனாக இந்தக் குருப்பெயர்ச்சிக்கு அடுத்த சிலவாரங்களில் அக்டோபர் மாதம் 24ம் தேதி அன்று நடக்கவிருக்கும் சனிப்பெயர்ச்சியின் மூலம் சனி உங்கள் ராசிக்கு நான்காமிடத்திற்கு மாறுகிறார். சில நிலைகளில் இது தொழில் அமைப்புகளில் சிக்கலைத் தரும்.

எனவே சொந்தத்தொழில் செய்பவர்கள் தங்களுடைய தொழில் விரிவாக்கத்தினை சற்றுக் கவனமுடன் செயல்படுத்துவது நல்லது. வேலைக்காரர்களை நம்ப வேண்டாம். வேலைக்காரர்கள் திருடுவது போன்ற சம்பவங்கள் நடைபெறுவதற்கு வாய்ப்பு உள்ளது. விலை உயர்ந்த பொருட்களை கவனமுடன் பாதுகாக்க வேண்டியது அவசி யம்.

தொழில், வேலை, வியாபாரம் போன்ற ஜீவன அமைப்புகளில் கண்ணும் கருத்துமாக விழிப்புடன் இருக்க வேண் டியது அவசியம். யாரையும் நம்பக் கூடாது. எந்த ஒரு விஷயத்திலும் அலட்சியமாக இருப்பது நல்லதல்ல.

யூக வணிகம், பங்குச்சந்தை முதலீடு, வட்டிக்கு பணம் கொடுத்தல் போன்ற ரிஸ்க் எடுக்கும் தொழில்களில் கவனமுடன் இருப்பது நல்லது. ஆரம்பத்தில் சிறிது லாபம் வருவது போல காட்டி பிறகு மொத்த முதலீடும் சிக்கலுக்கு ஆளாகும் நிலை வரலாம்.

விவசாயிகளுக்கு இந்த குருப்பெயர்ச்சி மிகுந்த நன்மையை அளிக்கும். விளைந்த பயிர் சிந்தாமல் சிதறாமல் வீட்டிற்கு பொன்னாக வரும். குடியானவனின் வீட்டில் குதூகலமும், சுப நிகழ்ச்சிகளும் இருக்கும். குறிப்பாக பணப்பயிர் விளைவிக்கும் விவசாயிகளுக்கு மேன்மை உண்டு.

தொழிலதிபர்களுக்கு இதுவரை இருந்து வந்த முட்டுக்கட்டைகள் விலகும். அரசாங்க ஆதரவு உண்டு. இடைத் தரகர்களை நீக்கி நேரடியாக அமைச்சர்களையோ அதிகாரிகளையோ பார்த்து காரியங்களை வெற்றியாக்க முடியும். எந்த ஒரு காரியத்திலும் எடுக்கும் முயற்சிகள் இப்போது பலிதமாகும். தொழிலை விரிவுபடுத்தலாம். புதிய சோதனை முயற்சிகளை இப்போது செய்யலாம்.

தனம், வாக்கு குடும்பஸ்தானம் எனப்படும் இரண்டாமிடத் தில் குருபகவான் இருக்கப் போவதால் மிதுன ராசிப் பெண்களுக்கு குடும்பத்தில் நற்பெயரும் கௌரவமும் கிடைக்கும். பெண்களின் ஆலோசனை குடும்பத்தில் இருக்கும் ஆண்களால் ஏற்கப்படும். வேலைக்குச் செல்லும் மகளிருக்கு பதவிஉயர்வு கூடுதல்சம்பளம் போன்ற நல்ல பலன்கள் இருக்கும். அதிகாரிகளால் பாராட்டப்படுவீர்கள். உடன் பணிபுரியும் ஆண்களின் ஒத்துழைப்பும் உங்களுக்கு கிடைக்கும்.

மிதுன ராசிப் பெண்கள் நீண்டநாட்களாக நினைத்திருந்த காரியம் இந்தக் குருப்பெயர்ச்சியில் நிறைவேறும். அனைவரிடமும் பாராட்டுப் பெறுவீர்கள். பட்டுச்சேலை முதல் பாதக்கொலுசு வரை வாங்குவீர்கள். கேட்டது கேட்ட இடத்தில் உங்களுக்கு கிடைக்கும். குடும்பத்திலும் அலுவலகத்திலும் கௌரவமாக நடத்தப்படுவீர்கள்.

வீட்டிற்கு தேவையான பொருட்களை வாங்க முடியும். மனதில் உற்சாகமும் புத்துணர்ச்சியும் இருக்கும். குடும்பத்தில் குதூகலம் நிலவும். இன்பச் சுற்றுலா சென்று வருவீர்கள். கணவன் மனைவி உறவு நன்றாக இருக்கும். சகோதரர்கள் உதவுவார்கள்.

குழந்தைகளின் எதிர்காலத்திற்கான திட்டங்களை இப்போது செய்ய முடியும். இதுவரை சொந்த வீடு இல்லாதவர்களுக்கு வீடு கட்டும் வாய்ப்போ அல்லது கட்டிய பழைய வீடோ வாங்கும் யோகம் வருகிறது. மாணவர்களுக்கு பள்ளி கல்லூரிகளில் இனிய சம்பவங்கள் நிகழும். படிப்பது மனதில் பதியும். தேர்வுகளை நன்றாக எழுத முடியும்.

மத்திய மாநில நிர்வாகப் பதவிகளுக் கான ஐ. ஏ. எஸ், குரூப்ஒன் தேர்வுகளுக்கு படிப்ப வர்களுக்கும் ஏற்கனவே எழுதி முடிவுகளுக்கு காத்துக் கொண்டிருப்பவர்களுக்கும் நல்ல செய்திகள் கிடைக்கும். இதுவரை வெளி மாநில வேலைக்குச் செல்ல இருந்த தடைகள் விலகும்.

இரண்டில் அமரும் குருபகவான் தனது சுபப் பார்வையால் உங்கள் ராசிக்கு ஆறு எட்டு பத்து ஆகிய இடங்களைப் பார்ப்பார். ஒரு சுபகிரகம் வலுவடைந்து பார்க்கும் பாவங்கள் வலுப்பெறும் என்ற ஜோதிட விதிப்படி குருவின் பார்வையால் உங்கள் ராசியின் ஆறு, எட்டு ஆகிய இடங்கள் வலுவடையும். இது நல்ல நிலை அல்ல.

ஆறாமிடம் என்பது கடன், நோய், எதிரி ஆகிய விஷயங் களை சுட்டிக் காட்டும் பாவமாகும். குருவின் ஆறாமிடத்துப் பார்வையால் நீங்கள் தொழில் ரீதியாகவோ, அல்லது வீடு கட்டுவது மற்றும் குடும்பத்தில் நடக்க இருக்கும் திருமணம் போன்ற சுப நிகழ்ச்சிகளுக்காகவோ கடன் வாங்க வேண்டியது இருக்கலாம்.
கடன் வாங்கித்தான் முதலீடு செய்ய வேண்டி இருக்கும். தேவையில்லாத விஷயத்திற்கு கூட கடன் வாங்கும்படி குருபகவான் செய்வார் என்பதால் அவசியமற்ற ஆடம்பரங்களுக்காக கடன் வாங்காதீர்கள்.

உடல்நலத்தில் கவனம் வையுங்கள். நாற்பது வயதிற்கு மேற்பட்டவர்கள் மருத்துவப் பரிசோதனை செய்து கொள்ள வேண்டியதும் அவசியம். நீண்டகால குறைபாடுகளான சர்க்கரை, ரத்த அழுத்தம் போன்றவைகள் இப்போது வருவதற்கு வாய்ப்பு உள்ளதால் ஆரோக்கியத்தில் அக்கறை காட்டுங்கள்.

குருவின் ஆறாமிடப் பார்வை நண்பர்களை விரோதியாக்கும் என்பதால் எச்சரிக்கை அவசியம். எவரிடமும் வீண் வாக்குவாதம் செய்வது பகைமையில் கொண்டு போய்விட்டு விடும். கோர்ட், கேஸ், வழக்கு விவகாரங்களில் சிக்கி அலைவதற்கும் சந்தர்ப்பங்கள் இருக் கின்றன. அனைத்திலும் கவனம் தேவை.

குருவின் எட்டாமிடத்துப் பார்வையால் திடீர் அதிர்ஷ்டம் புதையல், லாட்டரி போல முற்றிலும் எதிர்பார்க்காத பணம் கிடைப்பது நடக்கும். நீண்ட நாட்களாக பேச்சுவார்த்தையில் இழுபறியாக இழுத்துக் கொண்டிருந்த விஷயம் சட்டென்று முடிவுக்கு வந்து ஒரு தொகை கைக்கு கிடைக்கலாம்.

மொத்தத்தில் இந்தக் குருப்பெயர்ச்சி உங்கள் எதிர்கால முன்னேற்றத்திற்கான அடித்தளங்களை அமைத்துத் தருவ தாக அமையும் என்பதால் இதைப் பயன்படுத்தி உங்கள் வாழ்க்கையை வளமாக்கிக் கொள்வீர்கள் என்பது உறுதி.

ஜோதிடக்கலை அரசு ஆதித்யகுருஜி
88709 98888

ராகுகேது பெயர்ச்சி பலன்கள்

கன்னி ராசிக்காரர்களுக்கு தற்போது நடைபெற இருக்கும் ராகு-கேது பெயர்ச்சி மிகப் பெரிய மாற்றங்களையும், பொருளாதார முன்னேற்றங்களையும் தரும்.
ராகு-கேதுக்கள் தங்களுடைய ஒட்டு மொத்த சுற்றுப் பாதையான 18 வருடங்களில் நான்கரை வருடங்கள் மட்டுமே நன்மைகளை தரும் வருடமாக ஜோதிட சாஸ்திரம் சொல்கிறது.

ஒரு மனிதனின் ராசிக்கு 3, 6, 11-ம் இடங்களில் சர்ப்பக் கிரகங்கள் எனப்படும் ராகு-கேதுக்கள் அமரும் போது அவனுக்கு நல்ல பலன்கள் நடக்கும் என்பது ஜோதிட விதி.

இந்த மூன்று இடங்களிலும் லாபஸ்தானம் என்று சொல்லப்படும் 11-ம் இடம் ஒரு மிக விசேஷமான அமைப்பை கொண்டதாகும். பாபக் கிரகங்கள் எனப்படும் சனி, செவ்வாய், சூரியன், ராகு, கேதுக்கள் 11-ல் அமரும் போது மிகச்சிறந்த நற்பலன்களை ஜாதகருக்கு வழங்குவார்கள். அதிலும் ராகு-கேதுக்கள் 11-ம் இடத்தில் வருவது ஒருவருக்கு 18 வருடங்களுக்கு ஒருமுறையே நடக்கும்.

இம்முறை கன்னி ராசிக்கு மாற இருக்கும் 11-மிட ராகுவால் அனைத்து தரப்பு கன்னி ராசிக்காரர்களுக்கும் அவரவர்கள் வயது, இருப்பிடம், தகுதி நிலை போன்றவைகளுக்கு ஏற்ப ராகு-கேதுக்களால் நன்மைகள் இருக்கும்.

குறிப்பாக பிறந்த ஜாதகத்தின்படி ராகு நல்ல இடங்களில் அமர்ந்த ராகு தசையோ, புக்தியோ நடைபெறுபவர்களுக்கு கூடுதலான நற்பலன்கள் உண்டு. அதேபோல ஜாதகத்தில் ராகுதசை இல்லா விட்டாலும் யோக தசாபுக்திகள் நடைபெறுவர்களுக்கும் இந்த பெயர்ச்சியின் மூலம் மேன்மையான பலன்கள் இருக்கும்.
பொதுவாக ராகு கோட்சாரத்தில் நல்ல இடங்களில் வரும் போது சாதூரியமான விதங்களில் பண வரவை தருவார் என்பதாலும், மறைமுகமான வழிகளில் தன லாபம் தருவர் என்பதாலும், இம்முறை கன்னி ராசிக்காரர்களுக்கு எப்படி இந்தப் பணம் வந்தது என்று வெளியில் சொல்லமுடியாத அளவிற்கு பண வரவுகளை அளிப்பார்.

அதுபோன்ற அமைப்பில் தற்போது ராகு பகவான் கன்னி ராசிக்கு வர இருப்பதால் இதுவரை தொழில் விஷயத்திலும், பண விஷயத்திலும் முன்னேற்றங்களை அடையாதவர்களுக்கு நல்ல மாற்றங்கள் நடந்து அருமையான பண வரவுகள் இன்னும் இரண்டு வருடங்களுக்கு கன்னி ராசிக்காரர்களுக்கு அமையும்.

ராகு-கேது பெயர்ச்சிக்கு பிறகு அடுத்த சில நாட்களில் நடக்க இருக்கும் குருப் பெயர்ச்சியும் கன்னிக்கு நன்மை தரும் இடங்களில் அமைவதால் இம்முறை கன்னி ராசிக்கு சந்தோஷம் தரும் விஷயங்கள் இருக்கும் என்பது உறுதி.

குருபகவான் இன்னும் சில வாரங்களில் நல்லபலனைத் தரும் இரண்டாமிடத்திற்கு மாறப் போவதால் உங்களின் பொருளாதார மேம்பாடு இனிமேல் திருப்திகரமாக இருக்கும். யாரிடமும் கேட்கும் நிலையில் நீங்கள் இருக்க மாட்டீர்கள். மாறாக பிறருக்கு கொடுக்கும் நிலையில் இருப்பீர்கள்.

ராகு-கேதுக்கள் 5, 11-ம் இடங்களில் மாறுவதால் வேறு மத, மொழி, இனம் போன்ற நமக்கு சம்பந்தம் இல்லாத அன்னிய அமைப்புகளினாலும், நண்பர்களினாலும் கன்னிக்கு இம்முறை லாபங்கள் இருக்கும்.

குறிப்பாக எதிர்பாராத அதிர்ஷ்டங்களை இந்த பெயர்ச்சியின் மூலம் சர்ப்பக் கிரகங்கள் தரும். வெகுநாட்களாக இழுத்துக் கொண்டிருந்த விஷயங்கள் திடீரென முடிவடைந்து உங்களுக்கு பண வரவு கிடைக்கும். மொத்தத்தில் இந்த ராகு-கேது பெயர்ச்சி அபரிமிதமான தன லாபத்தையும், பண வரவுகளையும் உங்களுக்கு தரும் என்பது உறுதி.

இளையபருவத்தினர் இதுவரை இருந்து வந்த ஏமாற்றத்திலும் மன அழுத்தத்திலும் இருந்து விடுபடுவீர்கள். ராகுபகவான் யோகத்தை தரப்போவதோடு இதுவரை இருந்து வந்த மனக்குழப்பங்களையும் காரியத் தடைகளையும் துரதிர்ஷ்டங்களையும் விரட்டி அடிப்பார்.

இன்னும் வேலை திருமணம் போன்றவைகள் நல்லபடியாக அமைந்து செட்டிலாகாத கன்னி ராசி இளைய பருவத்தினருக்கு திறமைக்கேற்ற நல்ல வேலை கிடைக்கும். விரைவில் திருமணம் நிச்சயம் ஆகும்.

வெளியிடங்களில் மதிப்பு, மரியாதை கௌரவம் நல்லபடியாக இருக்கும். வியாபாரிகளுக்கு கொள்முதல் வியாபாரம் போன்றவைகளில் பிரச்னை எதுவும் இருக்காது. விவசாயிகளுக்கு இது மிகவும் நல்ல பலனைத்தரும் பெயர்ச்சிதான். விளைந்த பயிருக்கு நியாயமான விலை கிடைக்கும். பணப்பயிர் மற்றும் எண்ணை வித்துகள் போன்றவை பயிரிட்டவர்களுக்கு லாபம் வரும். கலைஞர்கள் பொதுவாழ்வில் உள்ளவர்கள் மாணவர்கள் உள்ளிட்ட சகலருக்கும் நன்மை தரும் பெயர்ச்சி இது.

இதுவரை சிக்கலில் இருந்த தொழில் வியாபாரம் போன்ற அமைப்புகள் மீண்டும் எழுச்சியுடன் நடைபெறும். வியாபாரிகளுக்கும் தொழில் அதிபர்களுக்கும் சுயதொழில் செய்பவர்களுக்கும் இந்தப்பெயர்ச்சி மிகவும் கை கொடுக்கும்.

சம்பளம் தவிர்த்த ‘இதர’ வருமானங்கள் வரும் துறைகளில் இருப்பவர்கள் எங்கும் எதிலும் கூடுதல் கவனத்துடன் இருக்கவேண்டியது அவசியம். எந்த ஒரு விஷயத்திலும் அலட்சியமாகவோ கவனக்குறைவாகவோ இருக்க வேண்டாம். எவ்வளவு நெருங்கியவராக இருந்தாலும் அடுத்தவர்களை நம்ப வேண்டாம்.
பூர்வபுண்ணிய ஸ்தானம் வலுப்பெறுவதால் இனிமேல் அதிர்ஷ்டம் உங்களுக்குக் கை கொடுக்கும். பெற்றோர்களுக்கு பிள்ளைகள் மூலம் மனமகிழ்ச்சியான சம்பவங்கள் நடைபெறும். பிள்ளைகள் மூலம் ஆதரவு உண்டு.

மகன் மகள்களால் பெருமைப்படக் கூடிய செய்திகள் இருக்கும். வெளிநாட்டில் வேலை செய்யும் பிள்ளைகளை தற்போது பார்க்க முடியும். பிள்ளைகள் விரும்பும் பள்ளி, கல்லூரிகளில் அவர்கள் விரும்பும் படிப்பில் சேர்க்க முடியும்.

இதுவரை சேமிக்க முடியாதவர்கள் இந்த முறை குழந்தைகளின் பெயரில் அவர்களின் எதிர்காலத்திற்காக ஏதேனும் ஒரு வழியில் சேமிப்புகள் செய்ய முடியும்.
கேதுபகவானின் அருளினால் நீண்ட நாட்களாக தள்ளிப் போயிருந்த குலதெய்வ வழிபாடு சிறப்பாகச் செய்ய முடியும். நேர்த்திகடன்கள் செலுத்துவீர்கள். வெகு நாட்களாக திட்டம் போட்டுக் கொண்டிருந்த வடமாநில புனித யாத்திரை இப்போது போக முடியும். ஞானிகள் அருள்புரியும் ஜீவசமாதிகளுக்கு சென்று அவர்களின் அருள் பெற முடியும்.

கடன் பிரச்னைகளிலும் வழக்கு விவகாரங்களிலும் சிக்கித் தவித்து தூக்கத்தை இழந்திருந்தவர்களுக்கு அவைகள் நல்லபடியாக ஒரு முடிவுக்கு வந்து நிம்மதியைத் தரும். வீடு கட்டுவது இடையிலேயே தடைப்பட்டவர்கள், வீட்டுக் கடன் கிடைக்காமல் இருந்தவர்கள் இனிமேல் அந்த குறை நீங்கப் பெறுவார்கள்.
வெளிமாநில, வெளிதேச பிரயாணங்கள் இருக்கும். அதனால் நன்மைகள் உண்டாகும். திரவப் பொருட்கள், வெள்ளைநிறம் சம்பந்தப்பட்ட தொழில், ஆற்றுமணல், கட்டுமானப்பொருள் தொழில் செய்பவர்களுக்கு நல்ல பலன்கள் உண்டு.

பெண்களுக்கு வேலை செய்யும் இடங்களில் இதுவரை இருந்துவந்த மனக்கசப்புகள் அனைத்தும் நல்லபடியாகத் தீர்ந்து உங்களுடைய அதிகாரங்களும் மேலாண்மையும் நிலைநாட்டப் படும். குடும்பத்தில் இதுவரை உங்களுடைய ஆலோசனைகளை ஏற்காமல் தவிர்த்து அதனால் பிரச்னைகளில் சிக்கித் தவித்தவர்கள் இனிமேல் உங்களின் சொல்லைக் கேட்பார்கள்.

தந்தை வழியில் நல்ல செய்திகள் இருக்கும். பூர்வீக சொத்து கிடைக்கும். ஒரு சிலர் வெளிநாடு செல்வீர்கள். சகோதர வழியில் உதவிகளும் நன்மைகளும் இருக்கும். சகோதர சகோதரிகள் உங்களைப் பாராட்டுவார்கள். உங்களிடம் காரியம் சாதித்து கொள்வார்கள். அவர்களுக்கு உதவ முடியும்.  

இதுவரை இருந்து வந்த வீண் செலவுகளும், விரயங்களும் தவிர்க்கப்பட்டு சேமிப்பு கண்டிப்பாக இருக்கும். இனிமேல் குறிப்பிடத்தக்க அளவில் பண வரவும், லாபங்களும் இருக்கும் என்பதால் நினைத்த இடத்தில் நல்ல வகையில் முதலீடு செய்யமுடியும்.

நெருங்கிய உறவினர்களை இழந்து மனவேதனையில் வாடியவர்கள் புதிய உறவுகள் ஏற்பட்டு புது மனிதர்களாக பிறவி எடுப்பீர்கள். உடல்நலம் சரியில்லாமல் இருந்தவர்கள் ஆரோக்கியம் திரும்பக் கிடைக்கப் பெறுவீர்கள்.

குடும்பப் பிரச்னை காரணமாக பிரிந்திருந்த கணவன் மனைவியர் ஒன்று சேருவீர்கள். விவாகரத்து வரை போன தம்பதிகள் வழக்கைத் திரும்பப் பெற்று சமரசமாகி திரும்ப இணைவீர்கள். முதல் வாழ்க்கை கோணலாகிப் போனவர்களுக்கு இரண்டாவது வாழ்க்கை நல்லபடியாக அமையும்.

உங்களில் சிலர் வெளிநாட்டுத் தொடர்பால் நன்மை அடைவீர்கள். வெளிநாடு போகவும் வாய்ப்பு இருக்கிறது. வேற்று மதத்தினர் உங்களுக்கு உதவுவார்கள். தந்தைவழி உறவில் மிகவும் நல்ல பலன்கள் இருக்கும். கணிதம் சாப்ட்வேர் தொடர்பான துறைகளில் இருப்பவர்களுக்கு ஏதேனும் பரிசு அல்லது விருது கிடைப்பதற்கு வாய்ப்பு இருக்கிறது. வேலையில் பாராட்டப் படுவீர்கள்.

மறைமுகமான வழிகளில் சிலருக்கு வருமானம் உண்டு. குறிப்பாக ரியல் எஸ்டேட் மற்றும் வீடு கட்டித் தரும் புரமோட்டர்கள் போன்றவர்களுக்கு தொழிலில் நல்ல மாற்றங்கள் இருக்கும். கோபத்தைக் கட்டுப்படுத்துங்கள். நிறைய செலவுகளும் விரயங்களும் இருப்பதை கிரகங்கள் காட்டுகின்றன. வருமானத்தை சேமிக்க முயற்சி செய்யுங்கள்.

பதினொன்றாமிடத்தில் இருக்கும் ராகு பகவானால் உங்களின் ஆன்ம பலம், மனஉறுதி, செயல்திறன், அறிவாற்றல், சொல்வன்மை கூடும் என்பதால் இன்னும் ஒன்றரை வருடங்களுக்கு உங்களது வாக்குறுதியும் சொல்லும் பலித்து உங்களை மகிழ்ச்சி கடலில் ஆழ்த்தி அந்தஸ்து, கௌரவத்தை உயரவைக்கும்.  
மொத்தத்தில் கன்னி ராசிக்கு இந்த பெயர்ச்சியின் மூலம் கசப்பான அனுபவங்கள் எதுவும் இல்லாமல் வாழ்க்கை சரியான பாதையில் போகும் என்பதால் கவலைகளுக்கு இடமில்லை.

உத்திரம் நட்சத்திரக்காரர்களுக்கு:

உங்களின் மதிப்பு, மரியாதை, கௌரவம் ஆகியவை மிகவும் நன்றாக இருக்கும். நான்கு பேர் மத்தியில் அந்தஸ்துடன் நடத்தப்படுவீர்கள். எதிர்காலத்திற்கான சேமிப்பு இந்த வருடம் இருக்கும். எப்படி வருமானம் வந்தது என்று வெளிப்படையாக சொல்ல முடியாத சில வகைகளில் ராகுபகவான் இம்முறை உங்களுக்கு வருமானங்களைத்தருவார். கமிஷன் தரகு போன்றவைகளின் மூலமாக நல்ல பெரிய தொகை ஒரே நேரத்தில் ‘லம்ப்’பாக கிடைக்க வாய்ப்பு இருக்கிறது. வீட்டிற்கு தேவையான பொருட்களை வாங்க முடியும். மனதில்  உற்சாகமும் புத்துணர்ச்சியும் இருக்கும்.  

அஸ்தம் நட்சத்திரக்காரர்களுக்கு

வெளிநாட்டு ஏற்றுமதி, இறக்குமதி போன்றவைகளிலும், திரவம் சம்பந்தப்பட்ட தொழில் வகைகளிலும் இருப்பவர்களுக்கு இம்முறை நல்ல வருமானம் இருக்கும். சினிமா, தொலைகாட்சி போன்ற துறைகளில் இருப்போர் இந்த சாதகமான நேரத்தை பயன்படுத்திக் கொள்ளுங்கள். குடும்பத்தில் சொத்துச்சேர்க்கை, நகைகள் வாங்குதல், சேமிப்புகளில் முதலீடு செய்தல், எதிர்காலத்திற்கான திட்டங்கள் போன்றவைகளை இப்போது செய்ய முடியும்.

சித்திரை நட்சத்திரக்காரர்களுக்கு

சகோதர சகோதரிகள் உதவிகரமாக இருப்பார்கள். குடும்பத்தில் சுப நிகழ்ச்சிகளும் சுற்றுலா செல்வது போன்ற மனதிற்கு இனிமை தரும் நிகழ்வுகளும் நடக்கும். இதுவரை கருத்து வேற்றுமைகளாலும் குடும்பச் சிக்கல்களினாலும் பிரிந்திருந்த கணவன் மனைவி ஒன்று சேர்வார்கள். காவல்துறை, ராணுவம் போன்ற சீருடை அணிந்து செயல்படும் துறையினருக்கு இதுவரை இருந்த அனைத்துப் பிரச்னைகளும் விலகி நிம்மதி இருக்கும். வீடு, வாகன, தாயார் விஷயத்தில் செலவுகள் இருக்கும். தாயாரின் நன்மைகளுக்காக வரும் வருமானத்தில் செலவுகள் செய்வீர்கள். தாயாருக்காக ஏதேனும் வாங்கிக் கொடுப்பீர்கள்.

பரிகாரங்கள்

தென்மாவட்டங்களில் இருப்பவர்கள் கும்பகோணம் அருகில் உள்ள ராகுபகவானின் திருத்தலமான திருநாகேஸ்வரத்திற்கு ஜென்ம நட்சத்திரம் அன்று சென்று வழிபட்டுத் திரும்புவது ராகுபகவானால் ஏற்படும் நன்மைகளைக் கூடுதலாக்கும்.. வடமாவட்டங்களில் இருப்பவர்கள் காஞ்சிபுரம் பஸ்நிலையம் அருகில் உள்ள அருள்மிகு சித்திரகுப்தன் ஆலயத்தில் ஒரு அபிஷேகம் செய்யுங்கள்.   

'ஜோதிடக்கலை அரசு' ஆதித்ய குருஜி செல்:8870998888