iFLICKS தொடர்புக்கு: 8754422764
மீனம்

இன்றைய ராசி பலன்கள்

வார பலன்கள்

டிசம்பர் 10-12-2017 முதல் 16-12-2017 வரை:-

மீன ராசிக்காரர்களின் செயல்கள் அனைத்திற்கும் இந்தவாரம் தடைகள் இருக்கும். உங்களில் சிலருக்கு எதிலும் ஒரு சந்தேகப் பார்வையும், யாரையுமே நம்ப முடியாத ஒரு மனசஞ்சலமும் இருக்கும் வாரம் இது. தொழில், வேலை, வியாபாரம் போன்ற ஜீவன அமைப்புகள் நன்றாக இருக்கும். அதே நேரத்தில் ராசிநாதன் எட்டில் இருப்பதால் கைக்கு எட்டியது வாய்க்கு எட்டாத நிலையிலும் சில வி‌ஷயங்கள் இருக்கும். சிலருக்கு எல்லாவற்றிலும் முதலில் பிரச்னைகள் தோன்றி பிறகு அனைத்தும் நல்லபடியாக முடியும்.

பணவரவிற்கு குறை இல்லை என்றாலும் சிலருக்கு கடன் வாங்க வேண்டிய சூழல்கள் இருக்கும். நடுத்தர வயதுடையவர்கள் ஆரோக்கியத்தில் அக்கறை காட்டுங்கள். வார இறுதியில் புனித இடங்களுக்கு செல்வதோ, குல தெய்வ வழிபாடோ செய்வீர்கள். கணவன் மனைவி உறவில் முணுமுணுப்புக்கள் உண்டு. குழந்தைகள் செலவு வைப்பார்கள். இளைய சகோதரரிடம் கருத்து வேறுபாடு வரும். தந்தைவழி உறவினர் வகையில் மனக்கசப்புக்கள் இருக்கும்.

தொழிலில் வருமானங்களுக்கு குறை இருக்காது. வேலையில் இருப்பவர்களுக்கு வேலைப்பளு அதிகமாக இருக்கும். அரசியல்வாதிகளுக்கு இது நல்லவாரம். அதிகாரப் பதவி வரும். நகைச்சுவை நடிகர்களுக்கு நல்ல வாய்ப்பு கிடைக்கும். மறைமுகமான எதிரிகள் உங்களை கவிழ்க்கப் பார்த்தாலும் அவர்கள்தான் தோற்றுப் போவார்கள். தாயாரிடம் ஏதேனும் ஒரு வி‌ஷயத்திற்கு சம்மதம் கேட்க இப்பொழுது சரியானநேரம் என்பதால் இந்தநேரத்தை உபயோகப்படுத்திக் கொள்ளுங்கள்.

ஜோதிடக்கலை அரசு ஆதித்ய குருஜி     செல்: 8870 99 8888

தமிழ் மாத ஜோதிடம்

நவம்பர் 17-ம் தேதி முதல் டிசம்பர் 15-ம் தேதி வரை

மீனத்திற்கு இது குறைகள் இல்லாத மாதம்தான். அதேநேரத்தில் கார்த்திகையின் சிறப்புப் பலனாக ஏழாமிடத்தில் இருக்கும் செவ்வாய் தனது கோபப்பார்வையை ராசியின் மீது வீசுவதால் காரணமின்றி மற்றவர்கள் மீது எரிந்து விழுவீர்கள். பிறர் மீது குறை கண்டுபிடித்து கோபப்படுவீர்கள். எதிலும் நிதானமாக இருக்க வேண்டியது அவசியம். குறிப்பாக வார்த்தைகளைக் கொட்டி விடாதீர்கள். ஆனால் இதை மறந்து யாரிடமாவது கோபத்துடன் பேசி இந்தமாதம் அவரை விரோதியாக்குவீர்கள்.

குறிப்பிட்ட சிலர் விடாமுயற்சியுடன் எதையும் சாதிப்பீர்கள். ஆன்மிகத்துறையில் இருப்பவர்கள், கோவிலுக்கு அருகில் வசிப்பவர்கள், புனிதத்தலங்களில் இருப்பவர்கள் உள்ளிட்ட சிலர் லாபங்களை அடைவீர்கள். குடும்பத்தில் சுப காரியங்கள் நடக்கும். வியாபாரிகளுக்கு வருமானம் குறைவதற்கு வாய்ப்பில்லை. அரசுத் துறையினருக்கு வேலைப்பளு சற்று அதிகமாக இருக்கும். சிலருக்கு எதிர்பாராத தனலாபம் உண்டு. மாதம் முழுவதும் தொழில், வேலை, வியாபாரம் போன்ற இனங்களில் நல்லவைகள் நடக்கும்.

அலுவலகத்தில் சாதகமான மாற்றங்கள் இருக்கும். ராசியை செவ்வாய் பார்ப்பதால் எங்கும், எதிலும் நிதானமாக இருக்க வேண்டியது அவசியம். அவசரப்பட்டு தவறான முடிவுகளை எடுக்க வேண்டாம். கணவன், மனைவிக்குள் விட்டுக் கொடுத்து போவது நல்லது. வீண் வாக்குவாதங்களை தவிருங்கள். உடல்நலம் சரி இல்லாதவர்கள் ஆரோக்கியம் மேம்படுவார்கள். விரும்பிய இடங்களுக்கு குடும்பத்துடன் போய் வருவீர்கள்.

ஜோதிடக்கலை அரசு ஆதித்ய குருஜி
செல்: 8870 99 8888

ஆண்டு பலன் - 2017

மீன ராசிக்கு 2017-ம் ஆண்டு நற்பலன்களை தருகின்ற ஆண்டாக இருக்கும். வருட ஆரம்பத்தில் ஏறத்தாழ செப்டம்பர் மாதம் 12-ம் தேதி வரை உங்கள் ராசிநாதன் ஏழாமிடத்தில் நிலை கொண்டு ராசியை பார்த்துக் கொண்டிருப்பது மிக சிறந்த அமைப்பு. இந்த அமைப்பின் மூலம் இந்த வருடம் முழுவதும் உங்களுக்கு சிறப்புகளை சேர்க்கும் நிகழ்ச்சிகள் நடைபெறும்.

ஏறத்தாழ வருடம் முழுவதும் ராசிநாதன் ராசியை பார்ப்பதால் இந்த வருடத்தில் உங்களுக்கு அந்தஸ்து, கவுரவம் கூடும்படியான அமைப்புகள் இருக்கும். வாழ்க்கைக்கு தேவையான அனைத்தும் நடக்கும். இளைய வயது காரர்களுக்கு அவரவர்கள் வயதுக்கேற்றப்படி படிப்பு, வேலை, திருமணம், புத்திர பாக்கியம் ஆகியவை கிடைக்கும் வருடம் இது.

நடுத்தர வயதுக்காரர்களை இதுவரை தொல்லைப் படுத்தி கொண்டு வந்த கடன் தொல்லைகள், குடும்பச் சிக்கல்கள், வழக்குகள் வருடத்தின் ஆரம்பத்திலேயே சாதகமான முடிவுக்கு வரும்.

ஆகஸ்ட் மாதம் 18 -ம் நாள் நடக்க இருக்கும் ராகு-கேதுப்பெயர்ச்சி மூலம் ராகு ஐந்தாமிடத்திற்கும் கேது பதினொன்றாமிடத்திற்கும் மாற இருக்கிறார்கள். பதினொன்றாமிடத்தில் சர்ப்பக்கிரகங்கள் இருப்பது எதிர்பாராத அதிர்ஷ்டங்களை தரும் என்பதால் ராகு-கேது பெயர்ச்சிக்கு பிறகு உங்களுடைய பொருளாதார உயர்வு மிகவும் நன்றாக இருக்கும்.

ராகு-கேதுக்கள் கடக, மகரத்தில் அமர்ந்து அந்த இடம் மூன்று பதினொன்றாக அமைந்தால் செல்வம் வரும் என்பது ஜோதிட விதி. இது பிறந்த ஜாதகத்திற்கும் கோட்சார அமைப்பிற்கும் பொருந்தும். அதன்படி வருடத்தின் பிற்பகுதியில் நடக்க இருக்கும் இந்தப் பெயர்ச்சியின் மூலம் மறைமுகமான வழியில் உங்களுக்கு பண வரவும், தனலாபங்களும் இருக்கும்.

மகர கேதுவால் இதுவரை வெளிநாடு செல்ல முயற்சித்தவர்களுக்கு வெற்றிகள் இருக்கும். விரும்பிய தேசத்திற்குச் செல்வீர்கள். குறிப்பிட்ட சிலருக்கு வெளி மாநிலம் மற்றும் தூரமான இடங்களில் பணி அமையும். இன்னும் சிலருக்கு இருக்கும் இடத்தை விட்டு வெகு தொலைவு இடங்களுக்கு போய் வாரா வாரம் திரும்புவது போன்ற வேலைகள் கிடைக்கும்.

செப்டம்பர் 12-ம் தேதியன்று ராசிநாதன் குருபகவான் ஏழாமிடத்தில் இருந்து எட்டிற்கு மாறுகிறார். இது சாதகமற்ற நிலை என்பது போலத் தோன்றினாலும் எப்போதும் உபயராசிகளுக்கு குருபகவான் மறைவிடத்தில் நன்மைகளை மட்டுமே செய்வார் எனும்படி நல்ல பலன்களை மட்டுமே குரு மாற்றம் செய்யும். அதே நேரத்தில் எட்டாமிடம் என்பதால் எதிலும் அலைய வைத்தே பணம் தருவார்.

நிறைவாக வருடத்தின் இறுதியில் அக்டோபர் மாதம் 26 ம் நாள் சனிப்பெயர்ச்சி நடக்க இருக்கிறது. சனிபகவான் தற்போது இருக்கும் ஒன்பதாமிடத்திலிருந்து பத்தாமிடத்திற்கு மாறுகிறார். ஒரு பாபக்கிரகம் கேந்திர வீட்டிற்கு மாறுவது நன்மைகளைத் தரும் என்பதால் சனிப்பெயர்ச்சியின் மூலம் மீன ராசிக்காரர்களுக்கு கெடுபலன்கள் எதுவும் இல்லை.

எனவே பிறக்க இருக்கும் புத்தாண்டு மீன ராசிக் காரர்களுக்கு வாழ்க்கை, தொழில், வேலை, நட்பு, குடும்பம் ஆகியவற்றில் பெரிய மாற்றங்களைக் கொடுக்கும். ஆரம்பத்தில் அவை கஷ்டமாகத் தோன்றினாலும் வருடத்தின் இறுதிப் பகுதியில் நடப்பது அனைத்தும் நன்மைக்கே என்பது உங்களுக்குத் தெரிய வரும்.
எந்த ஒரு விஷயத்திலும் இதுவரை உங்களுக்கு இருந்து வந்த மனக்கவலைகள் குழப்பங்கள், உடல்நலக் குறைவு, கடன்தொல்லை மற்றும் எதிர்மறை எண்ணங்கள், தொழில்தேக்கம், அதிர்ஷ்டக்குறைவு, தடைகள், தாமதங்கள் போன்ற அனைத்தும் இந்த வருடம் இருக்காது என்பது உறுதி.

இதுவரை நடக்காமல் இருந்த நல்ல விஷயங்கள், தாமதமாகிப் போனவைகள் உடனடியாக நடந்து உங்களுக்கு மகிழ்ச்சியையும், வருமானத்தையும், புகழையும் தரும். உங்களுடைய சிந்தனை, செயல்திறன் கூடும், முகத்தில் பொலிவு வரும். கையில் எந்த நேரமும் பணப்புழக்கம் அதிகரித்து குடும்பத்தில் உங்களுடைய சொல்லை அனைவரும் கேட்கும் நிலை உருவாகும்.

இதுவரை சரியான வேலை, தொழில் அமைப்புகள் எதுவும் நடைபெறாத முப்பது வயதுகளில் இருக்கும் இளைஞர்களுக்கு இந்த வருடம் திருப்தியாக அனைத்தும் நடக்கும். தொழில் சம்மந்தமான பிரச்னைகள் அனைத்தும் உங்களுக்கு சாதகமாக திரும்பி பொருளாதார நிலைமைகள் நிம்மதியாக இருக்கக்கூடிய அளவிற்கு நிலைமைகள் முன்னேற்றமாக இருக்கும்.

வேலை செய்யும் இடத்தில் இருந்து வந்த அதிருப்திகளும் சஞ்சலங்களும் விரக்தியும் இனிமேல் இருக்காது. பதவிஉயர்வு கிடைக்கும். நிலுவையில் இருந்த சம்பள உயர்வும் பாக்கித் தொகையும் பெறுவீர்கள். பதவி உயர்வுடன் கூடிய இடமாற்றங்கள் உண்டு.

இதுவரை திருமணமாகாத இளைய பருவத்தினத்தினருக்கு தற்பொழுது குருபலம் வந்து விட்டதால் செப்டம்பர் மாதத்திற்குள் நல்லபடியாக திருமணம் நடக்கும். மீனராசிக்காரர்கள் வீட்டில் நிச்சயமாக இந்த வருடம் ஒரு சுபகாரியம் உண்டு. இதுவரை குழந்தை இல்லாத தம்பதிகளுக்கு குழந்தை பாக்கியம் கிடைக்கும். பெண் குழந்தைகள் மட்டும் இருந்து ஆண் குழந்தைக்கு ஏங்கும் தம்பதிகளுக்கு இம்முறை ஆண் வாரிசு கிடைக்கும்.

முதல் திருமணத்தில் தடுக்கி விழுந்து வாழ்க்கை கோணலாகி போய் துன்பத்தில் இருப்பவர்களுக்கு இந்த வருடம் இரண்டாவது வாழ்க்கை நல்லவிதமாக அமையும். இந்த வாழ்க்கை நிலையாகவும் நீடித்தும் மனதிற்கு பிடித்த வகையிலும் இருக்கும்.

வயதான மீனராசிக்காரர்கள் தற்பொழுது தாத்தா, பாட்டியாக பதவி உயர்வு பெறுவீர்கள். இளையவர்கள் உங்கள் ஆலோசனைகளையும் பேச்சையும் கேட்டு நடந்து கொள்வார்கள். ஆரோக்கியக் குறைவுகள் கட்டுக்குள் இருக்கும். ஏற்கனவே இருக்கும் உடல்நலக் கோளாறுகள் குணமடையத் துவங்கும். புதிதாக எந்த வித மருத்துவச் செலவும் இந்த வருடம் இருக்காது.

செய்கின்ற தொழிலில் முழுமையான லாபம் கிடைக்கும். இதுவரை வியாபாரம் நன்றாக நடந்தாலும் கையில் காசைக் காணோமே பணநெருக்கடி இருந்து கொண்டே இருகிறதே என்ற நிலைமை மாறி தாராளமான பணப்புழக்கம் உங்களிடம் இருக்கும்.

பணத்தை எப்பொழுதும் பார்த்துக் கொண்டு இருந்தாலே பாதிப்பிரச்னைகள் தீர்ந்து விடும் என்று சொல்லுவது இந்த முறை உங்களுக்கு பொருத்தமாக இருக்கும். செய்கின்ற தொழில் வேலை, வியாபாரம் போன்ற ஜீவன அமைப்புகள் அனைத்தும் அதன் உச்சபட்ச லாபநிலையில் நடக்கும் என்பதால் தொழில் அமைப்புகளில் முன்னேற்றத்தைப் பற்றிய கவலை உங்களுக்கு இன்னும் ஒரு வருடத்திற்கு இருக்கப் போவது இல்லை.

குறிப்பிட்ட சிலருக்கு மூத்த சகோதரம் எண்ணப்படும் அண்ணன், அக்காள்களால் நன்மைகள் இருக்கும். இதுவரை திருமணம் ஆகாமல் தள்ளிதள்ளி போயிருக்கும் மூத்தவர்களின் திருமணம் நல்லபடியாக நடக்கும். அண்ணன் அக்காக்களுக்கு திருமணம் ஆவதன் மூலம் உங்கள் திருமணத்திற்கு இருந்து வந்த தடை விலகும்.
வேலைக்குச் செல்லும் பெண்களுக்கு இதுவரை வேலை செய்யும் இடத்தில் இருந்து வந்த பிரச்னைகள் தீரும். பதவி உயர்வு உண்டு. இடமாற்றம், கேட்டபடியே கேட்கும் இடத்தில் கிடைக்கும். கூட்டுக் குடும்பத்தில் இருப்பவர்கள் தனிக்குடித்தனம் போக வேண்டிய சூழ்நிலை வரலாம். மாமியார் மாமனாருடன் கருத்து வேறுபாடுகளும் தந்தையுடன் உடன் பிறந்த அத்தைகளுடன் சிறிய பிரச்னைகளும் வரலாம்.

இதுவரை கடன் தொல்லையில் அவதிப் பட்டுக் கொண்டிருப்பவர்களுக்கு விடிவுகாலம் பிறக்கும். கடனை அடைப்பதற்கான வழிகள் தெரியும். கடன் தீர்ந்தே ஆகவேண்டும் என்பதால் வருமானமும் கூடும். இதுவரை உங்களை விரோதியாக நினைத்தவர்கள் மனம் மாறி நட்பு பாராட்டுவார்கள்.

நீண்ட நாட்களாக வீடு கட்ட வேண்டும் அல்லது வீடு வாங்க வேண்டும் என்று நினைத்திருந்தவர்களுக்கு வீட்டுக்கனவு நனவாகும். பெரும்பாலானவர்கள் லோன் போட்டுத்தான் வீடு கட்டவோ வாங்கவோ செய்வீர்கள். நீண்ட நாட்களாக பேச்சுவார்த்தையில் இழுபறியாக இழுத்துக் கொண்டிருந்த விஷயம் சட்டென்று முடிவுக்கு வந்து ஒரு தொகை கைக்கு கிடைக்கும்.

பன்னாட்டு நிறுவனங்களில் வேலை செய்வோருக்கு இந்த வருடம் மிகவும் நல்ல பலன்களைத் தரும். எனவே சோம்பலை உதறித்தள்ளி சுறுசுறுப்பாக காரியம் ஆற்ற வேண்டியது அவசியம். கொடுக்கும் வாக்குறுதியைக் காப்பாற்றுவீர்கள்.

எலக்ட்ரிக்கல் மற்றும் எலக்ட்ரானிக்ஸ் துறைகளில் இருப்பாவர்கள் மிகுந்த முன்னேற்றம் அடைவீர்கள். எனவே அதற்கேற்ப திட்டங்கள் தீட்டி வாழ்க்கையை வளப்படுத்திக் கொள்ளுங்கள். ரேஸ் லாட்டரி பங்குச்சந்தை சூதாட்டம் போன்றவைகள் இப்போது கை கொடுக்கும். மறைமுகமான வழிகளில் லாபம் கிடைக்கும்.
பொதுமக்கள் சம்பந்தப்பட்ட பணியில் இருக்கும் அரசியல்வாதிகள் போன்றவர்களுக்கு மதிப்பு வாய்ந்த பதவி, அல்லது அதிகாரம் தரும் பதவி மற்றும் அந்தஸ்து உண்டாகும் செயல்கள் கௌரவமான நிகழ்வுகள் நடந்து நீங்கள் புகழ் பெறுவதற்கான அமைப்பு இப்போது இருக்கிறது.

எதிரிகள் உங்களைக் கண்டாலே ஒளியும்படி இருக்கும். மறைமுக எதிரிகளைப் பற்றி கவலைப்படத் தேவையில்லை. சொந்தத் தொழில் செய்பவர்களுக்கு திருப்புமுனையான நல்ல சம்பவங்கள் நடக்க இருக்கிறது. தொழிலை விரிவு படுத்தும் எண்ணங்கள் ஈடேறும். மீனத்திற்கு மேன்மை தரும் வருடம் இது.

ஹே விளம்பி வருட பலன்

மீன ராசிக்காரர்களுக்கு பிறக்க இருக்கின்ற தமிழ்ப் புத்தாண்டு நிதானமான பலன்களை கொடுக்கின்ற ஆண்டாக இருக்கும். இந்த புத்தாண்டில் கெடுபலன்கள் எதுவும் உங்களுக்கு நடக்கபோவது இல்லை. அதே நேரத்தில் ஆஹா, ஓஹா என்ற நல்ல பலன்களும் நடந்து விடப் போவது இல்லை.

வருடத்தின் ஆரம்பத்தில் ஜூலை மாதம் 18-ந்தேதி நடக்க இருக்கும் ராகு-கேது பெயர்ச்சியின் மூலம் ராகுபகவான் தற்போது இருக்கும் சாதகமான இடமான ஆறாமிடத்தில் இருந்து நிதானமான பலன்களை தரக்கூடிய 5-ம் இடத்திற்கு மாறுகிறார்.

ராகு சாதகமற்ற இடத்திற்கு மாறுவதாக தோன்றினாலும் அவரது எதிர்முனை கிரகமான கேது மிகவும் நன்மைகளை தரக்கூடிய பதினொன்றாம் இடத்திற்கு மாறுவது மீனராசிக்கு நல்ல மாற்றங்களையும், முன்னேற்றங்களையும் தரக்கூடிய ஒரு நிகழ்வு என்பதால் இந்த வருட ஆரம்பமே மீன ராசிக்கு சந்தோஷங்களை தரக்கூடிய ஒன்றாக இருக்கும்.

ராகு-கேதுக்கள் இருவருக்கும் கடக, மகர வீடுகள் நல்லவைகளை தருகின்ற வீடுகள் என்பதாலும் வருடத்தின் ஆரம்பத்தில் மீனராசிக்கு நல்லவைகள் நடக்கின்ற ஒரு வருடமாகவே இந்த வருடம் ஆரம்பமாகிறது.

ராகு-கேது பெயர்ச்சியின் மூலம் இதுவரை மீனராசிக்காரர்களுக்கு தடங்கலாக இருந்து வந்த தொழில்முயற்சிகள், அலுவலக பின்னடைவுகள், வேலையில் சங்கடங்கள் அனைத்தும் நீங்கும். பணிபுரியும் இடங்களில் இருந்து வந்த நிச்சயமற்ற நிலை, மறைமுக எதிர்ப்புகள், கூடவே இருந்து குழிபறிக்கும் தன்மை, பொறாமை, கண்திருஷ்டி போன்றவைகளும் விலகும்.

வேலை செய்யும் இடத்தில் இனிமேல் நிம்மதியான சூழல்கள் உருவாகும். சிலருக்கு பணி நிரந்தரமாகும். வியாபாரம் செய்பவர்களுக்கு உதவிகளும், சொந்தத்தொழில் செய்பவர்களுக்கு எதிர்பார்த்து கிடைக்காமல் இருந்த ஆர்டர்களும் இனிமேல் கிடைக்கும். இதுவரை நடக்காமல் இருந்த தொழில் விரிவாக்கங்கள், கிளைகள் ஆரம்பித்தல் போன்றவைகள் இனி நல்லபடியாக நடக்கும்.

செப்டம்பர் மாதம் 12-ம்தேதி நடக்க இருக்கும் குருப்பெயர்ச்சியினால் உங்கள் ராசிநாதனான குருபகவான் இதுவரை நல்லபலன்களை கொடுத்து கொண்டிருக்கும் ஏழாமிடத்தில் இருந்து நற்பலன்களை கொடுக்க இயலாத எட்டாமிடத்திற்கு மாறுகிறார்.

இந்தப் பெயர்ச்சியின் மூலம் தற்போதிருக்கும் நிலைகளில் மீனத்தினர் சிலருக்கு மாற்றங்கள் உருவாகும். எனவே அனைத்து விஷயங் களிலும் நிதானமாகவும், கவனமாகவும் நடக்க வேண்டி இருக்கும். சிலருக்கு வீடு மாற்றம், தொழில் மாற்றம், வேலை, மாற்றம் போன்றவைகள் நடக்கும்.

எட்டாமிடம் என்பது வெளிநாடு, வெளிமாநிலம் போன்றவைகளைக் குறிப்பது என்பதாலும் குருபகவான் மாற இருக்கின்ற துலாம் வீடானது சர ராசி எனப்படும் தூர இடங்களை குறிக்கின்ற ராசி என்பதாலும் இதுவரை வெளிநாடு சம்பந்தப்பட்ட வேலைகளுக்கு முயற்சி செய்து கொண்டிருந்தவர்கள் தடைகள் நீங்கி வெளிநாடு செல்வீர்கள்.

இளைஞர்கள், மாணவர்களுக்கு மேற்படிப்பு படிக்கவோ, கல்லூரி படிப்பிற்காகவோ வெளிமாநிலம் செல்லும் பலன்கள் உண்டு. ஏற்றுமதி, இறக்குமதி போன்ற தொழில் செய்பவர்கள், வேலைவிஷயமாக தூரஇடங்களுக்கு பயணம் செல்பவர்கள், வாரம் அல்லது மாதம் ஒரு முறை வீட்டிற்கு வந்து செல்லும் அமைப்புகளில் வேலை செய்பவர்களுக்கு இந்தக் குருப் பெயர்ச்சி நல்ல பலன்களை தரும்.

அக்டோபர் மாதம் 26-ம்தேதி நடக்க இருக்கின்ற சனிப்பெயர்ச்சியின் மூலம் சனிபகவான் தற்போது அமர்ந்திருக்கும் சாதகமற்ற இடமான ஒன்பதாமிடத்தில் இருந்து மாறி நல்ல பலன்களைக் கொடுக்கக் கூடிய பத்தாமிடத்திற்கு மாறுகிறார். இந்தப் பெயர்ச்சி மீனராசிக்கு ஏற்கனெவே இருந்ததை விட நல்ல பலன்களை கொடுக்க கூடிய இடம் என்பதால் சனிபெயர்ச்சியின் மூலம் மீனத்திற்கு கூடுதலான நல்ல பலன்கள் கிடைக்கும்.

பாவ கிரகமான சனிபகவான் திரிகோண வீட்டில் இருந்து கேந்திர வீடான பத்தாம் இடத்திற்கு மாறுவது நல்ல அமைப்பு என்பதால் இதுவரை வேலை, திருமணம், புத்திரபாக்கியம் போன்ற பாக்கியங்கள் கிடைக்கப் பெறாமல் தடைகள் இருந்தவர்களுக்கு இனிமேல் அனைத்திலும் நன்மைகள் நடக்கும்.

வேலை, தொழில் அமைப்புகளில் எந்த ஒரு செயலையும் கடும் முயற்சிக்குப் பின்னர்தான் செய்ய முடியும் என்பதால் அனைத்து விஷயங்களையும் நிதானமாகவும் திட்டமிட்டும் சரியாகச் செய்ய வேண்டி இருக்கும். இளைய பருவத்தினர் உங்களுக்கு பொருத்தமான வேலை தேடி அலைவீர்கள். சின்ன வேலை கிடைத்தாலும் அதை பிடித்துக் கொண்டு அதிலேயே முன்னேறி மேலே போவது புத்திசாலித்தனம் என்பதால் கிடைக்கும் எந்த வேலையையும் அலட்சியப் படுத்த வேண்டாம்.

அரசு தனியார் துறை ஊழியர்கள் தங்களது வேலை விஷயங்களில் கவனமாக இருக்க வேண்டும். முறையற்ற வருமானத்திற்கு ஆசைப்பட வேண்டாம். மேலதிகாரிகளால் பிரச்னை வருவதற்கு வாய்ப்பு இருக்கிறது. எனவே அதிகாரிகளை அனுசரித்துப் போங்கள். இருப்பதை விட்டு விட்டு பறப்பதற்கு ஆசைப்பட வேண்டாம். மறைமுக எதிரிகள் உருவாவார்கள் எனபதால் எவரிடமும் எச்சரிக்கையுடன் பழகுவது நல்லது. மனதில் உள்ளதை வெளிப்படையாக யாரிடமும் பேசவேண்டாம்.

சொந்தத் தொழில் செய்பவர்கள் பணம் கொடுக்கல் வாங்கல் விஷயத்தில் அதிக கவனமுடன் இருங்கள். வியாபாரிகள் தங்களிடம் வேலை செய்பவர்களின் மேல் ஒரு கண் வைத்திருங்கள். கொள்முதல் மற்றும் கடன் கொடுத்து வாங்குதல் போன்ற அனைத்து விஷயங்களிலும் எச்சரிக்கையுடன் இருக்க வேண்டும். கடன் கொடுத்தால் திரும்பி வராது. அதே நேரத்தில் நீங்கள் கடன் வாங்கிய இடத்தில் இருந்து உங்களுக்கு நெருக்கடி இருக்கும்.

இளைஞர்களுக்கும், மாணவர்களுக்கும் சிந்தனைகள் திசைமாறும் வருடம் இது. எதிர்பாலினர் மீது ஈர்ப்பு ஏற்படும் காலகட்டம் நடைபெறுகிறது. காதல் விவகாரங்களில் சிக்குவீர்கள். உங்களின் எதிர்கால வாழ்க்கைத் துணைவரை இந்த வருடம் சந்திக்கும் வாய்ப்பு இருக்கிறது.

இந்த வருடம் அறிமுகமாகும் நபர் ஒருவர் உங்கள் வாழ்நாள் முழுவதும் உங்களுக்கு தொடரும் உறவாக மாறுவார். நீண்டகாலமாக எதிர்பார்த்த பதவி உயர்வு இந்த வருடம் கூடுதல் சம்பளத்துடன் நிச்சயமாகக் கிடைக்கும்.

குடும்பத்தில் சுபநிகழ்ச்சிகள் நடைபெறும். மகன், மகள்களின் திருமணத்தை மிகவும் விமரிசையாக நடத்தலாம். பேரன், பேத்திகளைப் பற்றிய நல்ல செய்திகளும் கிடைக்கும். நவகிரக சுற்றுலா போவீர்கள். நீண்ட நாட்களாக நிலுவையில் இருக்கும் நேர்த்திக் கடன்களை செலுத்தலாம். மகான்களின் தரிசனமும் அருளும் கிடைக்கும். குடும்பத்தில் உற்சாகமும், செல்வச் செழிப்பும் இருக்கும்.

பெண்களுக்கு இந்த வருடம் நல்ல வருடமாக இருக்கும். பிறந்த வீட்டிலும் புகுந்த வீட்டிலும் உங்கள் பெயர் சிறக்கும். மாமியார் மெச்சிய மருமகளாய் இருப்பீர்கள். உங்கள் மருமகளையும் நீங்கள் நன்றாக கவனித்துக் கொள்வீர்கள். வேலை செய்யும் இடத்தில் நல்ல பெயர் எடுப்பீர்கள். பணத்தை சேமித்து எதிலாவது முதலீடு செய்வீர்கள்.

பங்கு வர்த்தகம் போன்ற ஸ்பெகுலேஷன் துறைகளில் முதலீடு செய்வதில் கவனம் தேவை. செலவு செய்வதில் கண்டிப்புடன் இருங்கள். எவருக்கும் ஜாமீன் கையெழுத்து போடுவதோ, வாக்குக் கொடுப்பதோ வேண்டாம். இதுவரை சொந்தவீடு இல்லாதவர்களுக்கு இப்போது கடன் வாங்கியோ ஹவுசிங் லோன் போட்டோ, சொந்த வீடு அமையும். பெருநகரங்களில் உள்ளவர்கள் சொந்த பிளாட் வாங்குவீர்கள்.

இருக்கும் வாகனத்தை விட நல்ல சொகுசு வாகனம் வாங்குவீர்கள். சிலருக்கு இருக்கும் வாடகை வீட்டை மாற்றி புதிதாக ஒத்திக்கு எடுத்தல் நடக்கும். இதுவரை இருந்ததைவிட நல்ல வீட்டிற்கு இப்போது மாறுவீர்கள். எதை வாங்கினாலும் வில்லங்கம் இருக்கிறதா என்று தீர விசாரியுங்கள்.

அம்மாவின் அன்பும், ஆதரவும் கிடைக்கும். தாய்வழி சொத்துக்களில் இதுவரை இருந்து வந்த வில்லங்கம் விலகும். உயர்கல்வி கற்க இதுவரை இருந்து வந்த தடங்கல்கள் விலகும். ஒரு சிலர் ஏற்கனவே இருக்கும் படிப்புத்தடை விலகி தொடர்ந்து படிப்பீர்கள்.

ஏற்கனவே திருமணமாகி முதல்வாழ்க்கை கோணலாகி வாழ்க்கையை இழந்தவர்களுக்கு இரண்டாவது திருமணம் தற்போது நல்லபடியாக நடந்து அந்த வாழ்க்கை குறையின்றி நீடித்தும் இருக்கும். தந்தையின் ஆதரவு கிடைக்கும். தந்தை வழி உதவிகள் நன்றாக இருக்கும். அப்பா வழி சொத்துக்கள் மூலம் ஆதாயம் உண்டு. தர்ம காரியங்கள் செய்ய முடியும்.

கடன் வாங்கும் முன் ஒருமுறைக்கு இரண்டு முறை யோசித்து செயல்படுவது நல்லது. எக்காரணத்தை முன்னிட்டும் மீட்டர் வட்டி போன்ற அதிக வட்டிக்கு கடன் வாங்க வேண்டாம். தேவையில்லாமல் எவரையும் பகைத்துக் கொள்ள வேண்டாம். யாரிடமும் அனாவசியமாக பேசி சிக்கலை உண்டாக்கிக் கொள்ள வேண்டாம். கையை மீறிப்போகும் அளவிற்கு கெடுதலான விஷயங்கள் எதுவும் ஒருபோதும் நடக்காது

எப்படிப் பார்த்தாலும் இந்த வருடம் மீனராசிக்கு நற்பலன்களை மட்டுமே கூடுதலாகத் தரும் என்பதால் இந்தப் புத்தாண்டை மீனராசிக்காரர்கள் மனதார வரவேற்பீர்கள்.

ஆதித்ய குருஜி
செல்: 8870 99 8888

சனிப்பெயர்ச்சி பலன்கள்

மீனம் மனம் மகிழும்

(பூரட்டாதி 4ம் பாதம் உத்திரட்டாதி, ரேவதி ஆகிய நட்சத்திரங்களில் பிறந்தவர்கள் மற்றும் தி, து, ஸ, ச, த, தே, தோ, ச, சி ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)

மீனத்திற்கு தற்போதுள்ள சாதகமற்ற இடமான ஒன்பதாமிடத்தில் இருந்து மாறி சனி பகவான் பத்தாமிடத்திற்குச் செல்கிறார். ஒரு பாபக்கிரகம் திரிகோணத்தில் இருப்பது நன்மைகளைத் தராது என்ற அமைப்பில் கடந்த காலங்களில் சனியால் பெரிய நன்மைகள் எதுவும் மீனராசிக்கு கிடைக்கவில்லை.

அதேநேரத்தில் கேந்திர வீடான பத்தாம் வீட்டில் சனி இருப்பது முன்பு இருந்த நிலையை விட நல்ல அமைப்பு என்பதால் இந்த சனிப்பெயர்ச்சி மீனத்திற்கு நல்ல பலன்களை மட்டுமே தரும்.

இன்னொரு துல்லியமான கணக்காக கடந்த முறை செவ்வாயின் பகை வீட்டில் சனி இருந்ததால் பாபத்துவம் பெற்று அனைவருக்கும் கடுமையான பலன்களைக் கொடுத்தார். ஆனால் இம்முறை உங்களுடைய ராசிநாதனான குருவின் வீட்டிற்கு மாறி புனிதமடைந்து சுபத்துவம் அடையப் போவதால் சனியால் எல்லோருக்குமே நன்மைகள் இருக்கும். அதன் அடிப்படையில் மீனராசிக்கு பத்தாமிடத்துச் சனி சாதகமற்ற பலன்களை நிச்சயமாகத் தராது.

அதேநேரத்தில் இந்த சனிப்பெயர்ச்சியின் முதல் ஒரு வருடகாலம் மற்ற வருடக் கிரகங்களான குரு, ராகு இவற்றின் நிலைகள் மீனத்திற்கு சொல்லிக் கொள்ளும்படியாக இல்லை. குறிப்பாக ராசிநாதன் குரு எட்டில் மறைந்திருப்பதும், அதிர்ஷ்டத்தை தருகின்ற ஐந்தாமிடத்தில் ராகு அமர்ந்து நல்ல பலன்களைத் தடுத்துக் கொண்டிருப்பதும் சாதகமற்ற அமைப்பு என்பதால் எல்லா விஷயங்களும் கிணற்றில் போட்ட கல்லாகக் கிடந்து உங்களை சலித்துக் கொள்ள வைக்கும்.

என்னதான் கோட்சார பலன்கள் சாதகமற்ற அமைப்பில் இருந்தாலும் பிறந்த ஜாதக அமைப்பின்படி நல்ல பலன்களைத் தரக்கூடிய தசா,புக்திகள் நடப்பவர்களுக்கு கோட்சார பலன்கள் பாதிக்காது என்பதால் அனைத்து மீன ராசிக்காரர்களுக்கும் சாதகமற்றவைதான் நடக்கும் என்று சொல்ல முடியாது. கூடுதலான உழைப்பும் முயற்சியும் இருந்தால் அனைவருக்கும் எல்லாவற்றிலும் நன்மைகள் மட்டுமே இருக்கும்.

அடுத்த வருட பிற்பகுதியில் இருந்து மீனராசிக்கு நல்ல வருமானங்களும், மனதில் நினைத்திருந்த லட்சியங்கள் நிறைவேறுதலும்,  வீடு வாங்குதல் போன்ற சுபநிகழ்ச்சிகளும்  நடைபெறும். வீடுமாற்றம் அல்லது தொழில் இடமாற்றம் போன்றவைகள் அடுத்த வருட ஆரம்பத்தில் நடக்கும்.

சிலருக்கு இதுவரை இருந்து வந்த வாழ்க்கைத்துணையிடம் கருத்து வேறுபாடு, கணவன் மனைவி பிரிவினை, பங்குதாரர்களுடன்  தகராறு, சொத்துப்பிரச்னை, ஆரோக்கியக்குறைவு போன்ற எதிர்மறையான பலன்கள் அனைத்தும் இனிமேல் மாறி சாதகமான விஷயங்கள் இனி நடக்கும்.

வியாபாரிகளுக்கு கொள்முதல் சம்பந்தமான அலைச்சல்கள் இருக்கும். இந்த வருடம் யாருக்கும் கடன் கொடுக்காதீர்கள். யாரையும் நம்ப வேண்டாம்.  வியாபாரம் கண்டிப்பாக குறையாது என்றாலும் அதற்காக கடுமையாக உழைக்க வேண்டியிருக்கும். வேலைக்காரர்கள் மேல் ஒரு கண் எப்போதும் இருக்கட்டும்.

சுயதொழில் செய்வோருக்கு புதிய ஆர்டர்கள் கிடைக்கும். கருப்பு நிறம் சம்பந்தப்பட்ட தொழில் செய்பவர்களுக்கு மேன்மையான பலன்கள் இருக்கும். அதுபோல ஆன்மிகம் சம்பந்தப்பட்ட பொருட்களை விற்பனை செய்பவர்கள், கோவில்கள், வழிபாட்டுத் தலங்களைச் சுற்றிக் கடை வைத்திருப்பவர்களின் வாழ்க்கைத் தரம் உயரும்.

வேலையில் இருக்கும் இளைய பருவத்தினருக்கு வேலை மாற்றம், வெளியூர் மாற்றம், மாற்றத்தினால் உண்டாகும் பதவி உயர்வு போன்றவைகள் உண்டாகும். தொழில் அதிபர்கள், கலைஞர்கள் போன்றவர்களுக்கு மாற்றங்களுடன் கூடிய நல்லவிதமான திருப்பங்கள் இருக்கும்.

செலவுகளை சுருக்க வேண்டியது அவசியம். வீண் செலவுகள் செய்யாதீர்கள். எவருக்கும் உதவி செய்வதாக வாக்கு கொடுத்தால் அதை நிறைவேற்றுவது கடினமாக இருக்கும். அரசுத்துறையினருக்கு பதவி உயர்வு உண்டு. சம்பள உயர்வு இதர படிகள் போன்றவை எதிர்பார்த்தபடி கிடைக்கும். தொழிலாளர்களுக்கு வேலை செய்யுமிடத்தில் வேலைப்பளு அதிகமாக இருக்கும். சிலருக்கு வேலை அமைப்புகளில் மாற்றம் வரலாம்.  

கடன் வாங்க வைத்து செலவு செய்ய வைப்பார் சனிபகவான். வாங்கும் கடனை என்ன நோக்கத்திற்காக வாங்குகிறீர்களோ அதற்கு மட்டும் செலவு செய்வது நல்லது.

தொழில்ரீதியாகவோ, அல்லது வீடு கட்டுவது மற்றும் குடும்பத்தில் நடக்க இருக்கும் திருமணம் போன்ற சுப நிகழ்ச்சிகளுக்காகவோ கடன் வாங்க வேண்டியது இருக்கலாம். கடன் வாங்கும் முன் ஒருமுறைக்கு இரண்டு முறை யோசித்து செயல்படுவது நல்லது. எக்காரணத்தை முன்னிட்டும் மீட்டர் வட்டி போன்ற அதிக வட்டிக்கு கடன் வாங்க வேண்டாம்.

போட்டி பந்தயங்களில் கலந்து கொள்ள வேண்டாம். அவைகளில் எதிர்பார்த்த பலன் கிடைப்பது கடினம். தேவையில்லாமல் யாரையும் பகைத்து கொள்ள வேண்டாம். கூடுமானவரை எல்லோரையும் அனுசரித்து போவது நல்லது. என்னதான் பிரச்னைகள் இருந்தாலும் பணவரவிற்கு கண்டிப்பாக குறைவு இருக்காது. எனவே எதையும் நீங்கள் சமாளித்து விடுவீர்கள்.

குடும்பத்தில் இருந்து வந்த பிரச்சனைகள் தீரும். பிரிந்து வாழும் தம்பதியர் சேரக் கூடிய சூழல்கள் உருவாகும். தொழிலில் பங்குதாரர்களிடம் இதுவரை இருந்து வந்த சண்டை சச்சரவுகள் விலகி ஒருவருக்கொருவர் உதவிகரமாக இருப்பார்கள். பிரிந்த நண்பர்கள் ஒன்று சேருவார்கள்.

வேலை விஷயமாக வேறு வேறு ஊர்களில் பிரிந்து வேலை செய்யும் கணவன் மனைவிக்கு இந்தப் பெயர்ச்சியால் ஒரே ஊருக்கு டிரான்ஸ்பர் கிடைக்கும். வார இறுதி நாட்களில் மட்டும் குடும்பத்தோடு இருந்த நிலை மாறி குடும்பம் ஒன்று சேரும். வாழ்க்கைத் துணைநலம் சிறப்பாக அமையும். கணவன் மனைவி இருவரும் ஒருவரை ஒருவர் புரிந்து பேசி வாழ்க்கையை திருப்திகரமாக அமைத்துக் கொள்வீர்கள்.

சிலர் தங்களுடைய எதிர்கால வாழ்க்கைத் துணையை இப்போது சந்திப்பீர்கள். காதல் வரும் நேரம் இது. சிலருக்கு மனம் விரும்பிய வாழ்க்கை கிடைக்கும்.

காதலர்களுக்கு பெற்றோர்களின் சம்மதம் கிடைக்கும். விவாகரத்து ஆனவர்களுக்கு இப்போது இரண்டாவது வாழ்க்கை ஆரம்பமாவதற்கான ஆரம்பங்கள் இருக்கும்.
உடல்நல விஷயத்தில் கவனமாக இருங்கள். சிறு சிறு உடல் கோளாறுகள் வரலாம். நீடித்த குறைபாடுகளான சர்க்கரை, ரத்தஅழுத்தம் போன்றவைகளால் பாதிக்கப் பட்டவர்கள் பரிசோதனை செய்து கொள்வது நல்லது. சிறிய பிரச்னை என்றாலும் ஆரம்பத்திலேயே மருத்துவரிடம் செல்லுங்கள்.

வேறு இன, மொழி, மதக்காரர்கள் உங்களிடம் நேசமாக இருப்பார்கள். வெளி மாநிலத்தவர்கள் நண்பர்களாகக் கிடைப்பார்கள். அவர்களால் நன்மைகள் உண்டாகும்.

கைப்பொருளை எப்போதும் பாதுகாப்பாக வைத்துக் கொள்ளுவது நல்லது. வங்கியிலிருந்து பணம் எடுக்கும் போதோ அல்லது பெரிய தொகைகளை கையாளும்போதோ கவனமாக இருக்கவேண்டியது அவசியம்.

சிலருக்கு இருக்கும் வாடகை வீட்டை மாற்றி புதிதாக ஒத்திக்கு எடுத்தல் அல்லது புது வீடு வாங்குதல் போன்றவைகள் நடக்கும். நீண்டகால வீட்டுக்கடன் பெற்று வீடு வாங்க முடியும். எதை வாங்கினாலும் வில்லங்கம் இருக்கிறதா என்று தீர விசாரியுங்கள்.

பிள்ளைகள் விஷயத்தில் செலவுகள் இருக்கும். படிப்புச்செலவு மற்றும் அவர்களுடைய எதிர்கால வாழ்க்கைக்கான அடித்தளச் செலவுகள் போன்றவைகளுக்காக கையில் இருக்கும் சேமிப்பை நீங்கள் செலவிட வேண்டியது இருக்கும். வெளிநாடு சம்பந்தப்பட்ட விஷயங்கள் கை கொடுக்கும். வெளிநாட்டில் படிக்கவோ, வேலை செய்யவோ முயற்சிப்பவர்களுக்கு விசா கிடைக்கும். இதுவரை வெளிநாடு செல்லாதவர்கள் இப்போது வெளிநாட்டுப் பயணம் செல்லும்படி இருக்கும். பயணங்கள் மூலம் நன்மைகள் இருக்கும்.

புனித யாத்திரைகள் செல்ல முடியும். வயதானவர்கள் காசி, கயா செல்வீர்கள். மகான்களின் தரிசனம் கிடைக்கும். ஞானிகளின் ஜீவ சமாதிக்கு சென்று அவர்களின் அருளாசி பெறுவீர்கள். குலதெய்வத்தின் அருளைப் பெற வேண்டிய நேரம் இது என்பதால் முறையாக குலதெய்வ வழிபாடு செய்யுங்கள்.

பெண்களுக்கு இந்த சனிப்பெயர்ச்சி நல்ல பலன்களைத்தான் தரும். அதே நேரத்தில் பணி புரியும் இடங்களில் யாரையும் நம்பி எதையும் செய்ய வேண்டாம். குறிப்பாக அரசுத் துறையில் இருப்பவர்களுக்கு பணிச்சுமை அதிகம் இருக்கும் என்பதால் அனைத்திலும் முன்னெச்சரிக்கையோடு இருப்பது நல்லது.

மொத்தத்தில் இந்தச் சனிப்பெயர்ச்சி மீனத்தினரின் எதிர்கால முன்னேற்றத்திற்கான அடித்தளங்களை அமைத்துத் தருவதாக அமையும் என்பதால் இதைப் பயன்படுத்தி உங்கள் வாழ்க்கையை வளமாக்கிக் கொள்வீர்கள் என்பது உறுதி.

பரிகாரங்கள்:

ஒரு சனிக்கிழமை இரவு எட்டு மணியிலிருந்து ஒன்பது மணிக்குள் அல்லது உங்களின் ஜென்ம நட்சத்திர நாளன்று இரவில் சனி ஹோரையில் ஒரு கால் இழந்த மாற்றுத் திறனாளிக்கு ஊன்றுகோல் தானம் கொடுங்கள். வசதி உள்ளவர்கள் மூன்று சக்கர சைக்கிள் தானம் தரலாம். சனி சம்பந்தமான தானங்களை வீட்டில் தரக் கூடாது. பொதுஇடத்தில் கொடுங்கள்.

கணித்தவர்
ஜோதிடக்கலை அரசு ஆதித்யகுருஜி
செல்:  8870 99 8888

குருப்பெயர்ச்சி பலன்கள்

மீன ராசிக்கு இதுவரை ஏழாமிடத்தில் இருந்து நன்மைகளைத் தந்து கொண்டிருந்த  குருபகவான் தற்போது எட்டாமிடத்திற்கு மாறி அஷ்டம குருவாக மாறப் போகிறார். நமது கிரந்தங்களில் குருபகவான் எட்டில் இருப்பது சாதகமற்ற நிலையாக சொல்லப் பட்டிருக்கிறது. ஆயினும்  மீன ராசிக்கு அது பொருந்தாது.
ஏனெனில் மீனத்திற்கு குருபகவான்தான் ராசிநாதன் ஆவார். அதுவும் இப்போது அவர் இன்னொரு சுபரான சுக்கிரனின் வீட்டிற்கு மாறப் போகிறார்.

அது குருவிற்கு பகைவீடுதான் ஆயினும் இந்த மாற்றத்தின் மூலம் சுபத்துவ நிலைகளே ஓங்கியிருப்பதால் உங்களுக்கு நிச்சயமாக கெடுபலன்கள் எதுவும் இருக்காது.

அஷ்டம குரு என்றவுடன் யாருக்கும் ஒருவிதமான கலக்கம் ஏற்படுவது இயற்கைதான். ஆனால் சுபக் கிரகங்கள் மறைவு ஸ்தானத்தில் வரும் போது  எதிர்காலத்திற்கான நன்மைகளையே செய்யும்  என்பதையும்  பாபக்கிரகங்களைப் போல சுபர்கள் கடுமையான கெடுபலன்களை எப்போதுமே செய்வதில்லை என்பதையும் புரிந்து கொண்டால் இங்கே கலக்கத்திற்கு இடமில்லை.

உதாரணமாக அஷ்டமச் சனி செய்யும் கெடுதல்களுக்கும், அஷ்டம குருவால் வரும் விளைவுகளுக்கும் ஆயிரம் வித்தியாசங்கள் இருக்கின்றன. அதேநேரத்தில் எட்டாமிடம் மாற்றங்களைக் குறிக்கும் என்பதால் மீன ராசிக்காரர்களுக்கு இந்த குருப்பெயர்ச்சி காலம் மாற்றங்கள் நிறைந்த காலமாக இருக்கும். இந்த மாறுதல்கள் அனைத்தும் உங்களுக்கு ஏற்கனவே இருக்கும் நிலையைவிட உயர்ந்த நிலையைத்தான் தரும்.

இன்னொரு முக்கிய பலனாக குருப் பெயர்ச்சிக்குப் பிறகு அக்டோபர் மாதம் 24ம் தேதி  நடக்க இருக்கும் சனிப்பெயர்ச்சியின் மூலம் சனி பத்தாமிடமான ஜீவன ஸ்தானத்திற்கு மாறுகிறார்.

ஏற்கனவே அவர் இருந்த ஒன்பதாமிடம் உங்களுக்கு அதிர்ஷ்டங்கள் எதுவும் நடக்க விடாமல் தடுத்துக் கொண்டிருந்த நிலை என்பதால் சனியின் மாற்றம் உங்களுக்கு யோகநிலைதான். எனவே எப்படிப் பார்த்தாலும் மீன ராசிக்கு கெடுதல்கள் எதுவும் இல்லாத நன்மைகள் நடக்கும் நிலையே நடக்கும் என்பது உறுதி.
மீன ராசிக்காரர்களுக்கு எதிர்கால நன்மைக்கான மாற்றங்கள் நடக்க இருக்கும் காலம் இது. இருக்கும் இடத்தை விட்டு வெளியே சென்றால் ஒளிமயமான எதிர்காலம் காத்துக் கொண்டு இருக்கிறது என்பதை அறியாமல் தயங்கித், தயங்கி ஒரே இடத்தில் உழன்று கொண்டு இருப்பவர்களை கிரகங்கள் இதுபோன்ற நேரங்களில்தான் பிடரியில் உதைத்து வெளியே தள்ளும்.

அப்போதைக்கு அது கசப்பானதாகவும், வாழ்க்கையே இருண்டு விட்டதாகத் தோன்றினாலும் சிலகாலம் கழித்துத்தான் எல்லாம் நன்மைக்கே என்று நம் அறிவுக்குப் புலப்படும். அதன் பிறகுதான் நடந்தது கடவுள் செயல் என்பது புரியும்.

எனவே எதிர்காலத்தில் நீங்கள் மிகவும் நன்றாக இருக்கக்கூடிய சூழலுக்கு மாறுவதற்கான ஆரம்ப கட்ட அடிப்படை நிகழ்வுகள் இப்போது உங்களுக்கு  நடக்கும். எனவே, கிரகங்கள் தரப்போகும் மாற்றத்தை முழுமனதோடு ஏற்றுக் கொண்டு அதற்குத் தயாராகுங்கள்.

அலுவலகத்தில் தொந்தரவுகள் எதுவும் ஏற்பட வாய்ப்பு இல்லை. உங்களுக்கு கீழே வேலை செய்பவர்களிடம் இருந்து ஒத்துழைப்பு கிடைக்கும். மேல் அதிகாரிகள் அனுசரணையாக இருப்பார்கள். ஏதேனும் ஒரு சிறு காரணத்திற்காக நிறுத்தி வைக்கப்பட்டிருந்த சம்பள உயர்வு பதவி உயர்வு போன்றவைகள் கிடைக்கும்.

அரசு ஊழியர்களுக்கு இந்தக் குருப் பெயர்ச்சியால் நன்மைகள் உண்டு. குறிப்பாக அதிகாரமிக்க காவல்துறை மற்றும் நீதித் துறையில் இருப்பவர்களுக்கும், அமைச்சர்கள், நீதியரசர்கள், உயர் அதிகாரிகளின் அலுவலகங்களில் பணி புரிபவர்களுக்கும் நல்ல பலன்கள் நடக்கும்.   

பொதுமக்கள் தொடர்பான பணிகளில் இருப்பவர்கள், பொதுவாழ்வில் இருக்கும் அரசியல்வாதிகள் ஆகியோருக்கு இது கூடுதல் நன்மைகளைத் தரும். அரசியல்வாதிகளுக்கு அதிகாரப் பதவிகள் தேடி வரும். சுக்கிரனின் வீட்டில் குரு அமர்வதால் சினிமா, தொலைகாட்சி, பத்திரிகை போன்ற ஊடகத் துறையினருக்கு எந்த பாதிப்பும் இருக்காது. மாறாக நன்மைகள் அதிகம் இருக்கும்.

பயணம் தொடர்பான விஷயங்களில் வருமானம் வரும். தொலைதூர பிரயாணங்களோ வெளிநாட்டு பயணங்களோ நடக்கும். வெளிநாட்டு வேலைக்கு முயற்சி செய்தவர்களுக்கு வேலை கிடைக்கும். வெளிநாட்டில் இருப்பவர்களுக்கு நல்ல பலன்கள் உண்டு. வெகுநாட்களாக எதிர்பார்க்கும் குடியுரிமை கிடைக்கும். தாய் தந்தையை பார்க்க தாய்நாடு வந்து திரும்பலாம். இருக்கும் நாட்டில் சுமுக நிலை இருக்கும்.

தனியார் துறையினர் மற்றும் தொழிற்சாலைகளில் பணிபுரிபவர்கள் போன்றவர்களுக்கு நிர்வாகத்திடம் கருத்து வேற்றுமைகள் ஏற்படலாம். திடீரென நிர்வாகம் கண்காணிப்பு வேலைகளில் ஈடுபடவோ, அது சம்பந்தப்பட்ட கருவிகளைப் பொருத்தவோ, ஆட்களை நியமிக்கவோ வாய்ப்பு உள்ளது.

சொந்தத்தொழில் செய்பவர்கள், வியாபாரிகள், தனது அறிவையும் புத்திசாலித்தனத்தையும் முதலீடாக வைத்து சுயதொழில் செய்பவர்கள் அனைவருக்கும் இது முன்னேற்றமான காலம்தான். சுயதொழிலர்களுக்கு உற்பத்தி ஆர்டர்கள் சீராகக் கிடைக்கும். பங்குதாரர்கள் ஒத்துழைப்பார்கள். பணவரவு தடைப்படாது.

வியாபாரிகளுக்கு வியாபாரம் நல்லபடியாக நடக்கும். போட்டியாளர்களால் தொந்தரவு இருக்காது. கடன் பிரச்னைகள் கட்டுக்குள் இருக்கும். விவசாயிகளுக்கு இம்முறை இயற்கை ஒத்துழைக்கும். தேவையான நேரத்தில் மழை பெய்யும். பணப்பயிர் விளைவிக்கும் விவசாயிகளுக்கு நன்மைகள் உண்டு.
 
பெண்களுக்கு இந்த குருப் பெயர்ச்சி மிகவும் நல்ல பலன்களைக் கொடுக்கும்.  பிள்ளைகளால் பெருமைப்படுவீர்கள். கணவன் மனைவி உறவு சிறப்பாக இருக்கும். வேலை செய்யும் இடங்களில் சிக்கல்கள் எதுவும் இருக்காது. வீட்டிலும் உங்கள் பேச்சை கணவரும் பிள்ளைகளும் கேட்பார்கள். குடும்பத்தில் சுப காரியங்களை சிறப்பாக நடத்துவீர்கள். வேலைக்குச் செல்லும் மகளிருக்கு பணியிடங்களில் மகிழ்ச்சியும் மரியாதையும் நிச்சயம் உண்டு.

குடும்பத்தில் யாராவது ஒருவர் கோபத்தில் பேசினாலும் மற்றவர் அடங்கிப் போவதால் எல்லாவித பிரச்னைகளையும் சமாளிக்க முடியும். மேலும் அறிவுப் பூர்வமாக சிந்திக்கக் கூடிய பெண் ஒருவர் இருக்கும் குடும்பத்தில் பிரச்னைகள் எதுவும் பெரிதாக வராது.

புனித யாத்திரை செல்வீர்கள். ஞானிகள் மகான்களின் திருப்பாதம் பதிந்த இடங்களுக்கு சென்று தரிசித்து உங்களை புனிதப்படுத்திக் கொள்வீர்கள்.  சிலருக்கு காசி, கயா, ரிஷிகேஷ் போன்ற வடமாநில தீர்த்த யாத்திரைகளும் ஆன்மிக சுற்றுலாக்களும் உண்டாகும். தெய்வ தரிசனங்களும் கிடைக்கும். ஆன்மீக விஷயங்களில் ஈடுபாடு அதிகமாகும். மகான்களின் கருணைப் பார்வை உங்கள் மீது விழும்.

நீண்ட நாட்களாக குலதெய்வ வழிபாடு நடத்தாதவர்கள் உடனடியாக அந்தக் குறையைத் தீர்க்கும் வண்ணம் குலதெய்வத்தை தரிசனம் செய்யுங்கள். எத்தனை இஷ்ட தெய்வத்தை வழிபட்டாலும் குலதெய்வத்திற்கு மிஞ்சிய சக்தி இல்லை என்பது சித்தர்களின் வாக்கு. மகன் மகள்களால் இதுவரை இருந்து வந்த மனச்சங்கடங்கள் விலகி அவர்களால் இனிமேல் சந்தோஷம் இருக்கும்.

ராசிநாதன் எட்டில் மறைவதால் எந்த ஒரு விஷயமும் நீண்ட முயற்சிக்கு பின்பே வெற்றியைத் தரும் என்பதால் கடினஉழைப்பும் விடாமுயற்சியும் கண்டிப்பாகத் தேவைப்படும். சில நேரங்களில் தோல்வி மனப்பான்மையும் விரக்தியும் ஏற்படலாம் என்பதால் அனைத்து விஷயங்களிலும் ஒரு முறைக்கு நான்கு முறை யோசித்து செயல்படுவது நல்லது.

குருபகவான் இருக்கும் இடத்தைவிட பார்க்கும் இடங்களுக்குத்தான் வலிமை அதிகம் என்பதால் அவர் பார்வைபடும் 12, 2, 4 ஆகிய பாவங்கள் அதிக வலிமை  அடைகின்றன.

குருவின் பனிரெண்டாமிட பார்வையால் செலவுகள் நிச்சயம் இருக்கும் என்றாலும்  செலவு செய்வதற்கு ஏற்ற பணவரவும் கண்டிப்பாக இருக்கும். பணம் இருந்தாலே பாதிப்பிரச்னை தீர்ந்து விடும் என்பதால் பிரச்னைகளைப் பற்றிக் கவலைப்பட வேண்டாம்.

வீட்டிற்கு தேவையான பொருட்களை இப்போது வாங்க முடியும். பிரிட்ஜ், ஏசி, வாஷிங் மிஷின், செல்போன் போன்ற பொருட்களை வாங்குவீர்கள். குறிப்பிட்ட சிலருக்கு பொன்பொருள் சேர்க்கை உண்டு. குழந்தைகள் பேரில் சேமிக்க முடியும்.  

தன ஸ்தானத்தை குரு பார்ப்பதால் எதிர்பாராத லாபங்கள் இருக்கும். நீண்ட நாட்களாக கமிஷனை எதிர்பார்த்து செய்துவந்த ரியல் எஸ்டேட் போன்ற விஷயங்கள் முடிவுக்கு வந்து ஒரு தொகை கைக்கு கிடைக்கும். பணவிஷயத்தில் குறைப்பட்டுக் கொள்ள எதுவும் இல்லை. தாராளமான பணப்புழக்கம் இருக்கும். கொடுக்கும் வாக்கைக் காப்பாற்ற முடியும். சொன்ன சொல் தவறாது.

குருவின் நான்காமிடப் பார்வையால் வீடு, வாகனம், தாயார், தன்சுகம், உயர் கல்வி போன்ற அமைப்புக்கள் வலுப்பெறுகின்றன. வீடு வாங்குவதற்கு இதுவரை இருந்துவந்த தடைகள் நீங்கி கட்டிய வீடோ அல்லது காலிமனையோ, குறைந்தபட்சம் அடுக்குமாடி குடியிருப்பில் ஒரு பிளாட்டோ வாங்குவீர்கள்.
இருக்கும் வாகனத்தை மாற்றிவிட்டு அதைவிட நல்ல வாகனம் வாங்க முடியும். வாகனம் இல்லாதவர்களுக்கு தற்போது வாகனம் வாங்குவதற்கான யோகம் இருக்கிறது. அம்மாவால் அனுகூலம் உண்டு. தாய்வழி உறவினர்கள் உதவுவார்கள்.

போட்டி பந்தயங்கள் லாட்டரி சீட்டு ரேஸ் போன்றவை தற்போது கை கொடுக்காது. யூகவணிகம், பங்குச்சந்தை போன்றவைகள் சிறிது பணம் வருவது போல் ஆசைகாட்டி முதலுக்கே மோசம் வைக்கும் என்பதால் கொஞ்ச நாட்களுக்கு பங்குச் சந்தை போன்ற விவகாரங்களில் தலை காட்டாமல் இருப்பது நல்லது.  

அனாவசியமான வாக்குவாதங்களை தவிருங்கள். தேவையின்றி எவரையும் பகைத்து கொள்ள வேண்டாம். உறவினர்களால் சொத்து சம்பந்தமான வில்லங்கம் வரலாம். இதுவரை நண்பர்களாக இருந்தவர்கள் மாறுவார்கள். மொத்தத்தில் இந்தக் குருப்பெயர்ச்சி சில மாற்றங்கள், அலைச்சல்களைக் கொடுத்தாலும் அனைத்தும் உங்களின் எதிர்கால நன்மைக்கே என்பது உறுதி.

பரிகாரங்கள்:

மீன ராசிக்காரர்கள் ஸ்ரீ தட்சிணாமூர்த்திப் பெருமானுக்கு வியாழக்கிழமை தோறும் விரதம் இருப்பதும், வியாழன் தோறும் அவரை பூஜித்து வழிபடுவதும், ஜன்ம நட்சத்திரம் அன்று ஒருமுறை ஆலங்குடி, சென்னை பாடி திருவலிதாயம், வட ஆலங்குடி என அழைக்கப்படும் போரூர் ஈஸ்வரன் கோவில், திருச்செந்தூர் போன்ற குரு ஸ்தலங்களுக்கு சென்று அவரை ஆராதிப்பதும் அதிர்ஷ்டங்களை அள்ளித் தரும்.

ஜோதிடக்கலை அரசு ஆதித்யகுருஜி
88709 98888

ராகுகேது பெயர்ச்சி பலன்கள்

மீன ராசிக்கு நல்ல பலன்களைக் கொடுக்கும் இடமாக நமது மூலநூல்களில் சொல்லப்பட்டிருக்கும் ஆறாமிடத்தில் இருந்து மாறி ஐந்தாமிடத்திற்கு ராகு செல்கிறார். தற்போது பனிரெண்டாமிடத்தில் இருக்கும் கேது மிக நல்ல பலன்களைத் தரக்கூடிய பதினொன்றாம் இடத்திற்கு மாறுகிறார்.

ராகு-கேதுகளுக்கு பதினொன்றாமிடம் சந்தேகத்திற்கு இடமில்லாத நன்மைகளைத் தரக்கூடிய பாவம் என்பதால் லாப ஸ்தானத்திற்கு மாறப்போகும் கேதுபகவானால் நன்மைகள் இருக்கும்.

ஒரு முக்கியபலனாக நமது மூலநூல்களில் ஐந்தாமிடத்தில் ராகு இருப்பது அதிர்ஷ்டக் குறைவானதாகவும், பிள்ளைகள் விஷயத்தில் செலவுகளும், மனவருத்தமும், விரையங்களும், பெற்றவர்களின் பேச்சை பிள்ளைகள் கேட்க மாட்டார்கள் என்றும் எதிர்மறை பலனாக சொல்லப்பட்டிருகிறது. ஆயினும் ராகுபகவான் இப்போது மாறப் போகும் கடக வீடு அவருக்கு மிகவும் பிடித்தமான வீடு என்பதால் கடகத்தில் இருக்கும் ராகு கெடுதல்களைச் செய்ய மாட்டார் என்ற அடிப்படையில் மீன ராசிக்கு ராகுவால் எந்தக் கெடுதல்களும் வர வாய்ப்பிலை.

எனவே ராகு-கேதுக்களின் இரண்டு நிலைகளிலும் இம்முறை மீன ராசி நன்மைகளையே அதிகமாகப் பெறும் என்பதால் இந்தப் பெயர்ச்சியை மீனத்தினர்   பரிபூரணமாக உபயோகப்படுத்திக் கொண்டு உயர்வது நிச்சயம். பதினொன்றில் இருக்கும் கேதுபகவான் ஆன்மீக விஷயங்களில் உங்களுக்குச் சில நன்மைகளைச் செய்வார். குறிப்பிட்ட சிலருக்கு கோவில் கட்டும் அமைப்பையும், இன்னும் சிலருக்கு ஏற்கனவே சிதிலம் அடைந்திருக்கும் பழமையான திருக்கோவில்களை சீரமைத்து புனருத்தானம் செய்யும் வாய்ப்பையும் கேது தருவார்.

இன்னும் சிலருக்கு ஆன்மீகத்தில் அதிகமான ஈடுபாட்டையும், வேறு சிலருக்கு ஆலயம் சம்பந்தப்பட்ட பதவிகளையும் அறங்காவலர் போன்ற பணிகளையும் கேதுபகவான் தருவார் என்பதால் இந்த ராகு-கேதுப்பெயர்ச்சி  மீன ராசிக்கு மிகவும் ஒரு நல்ல பெயர்ச்சியாக இருக்கும் என்பது உறுதி. அரசு, தனியார்துறை ஊழியர்களுக்கு துறைரீதியான இடமாறுதல்களோ அல்லது பதவி உயர்வுடன் கூடிய ஊர்மாற்றமோ இருக்கும். தற்போது இருக்கும் வசதியான ஊரை விட்டு வேறு எங்கோ மாற்றம் இருக்கும் என்பதால் பதவி உயர்வு என்றாலும் அதை அரைகுறையான மனதுடன் தான் நீங்கள் ஏற்றுக் கொள்ளும்படி இருக்கும்.

வேலை தேடிக் கொண்டிருப்பவர்களுக்கு அவர்களுடைய விருப்பத்திற்கும் படித்த படிப்பிற்கும் பொருத்தமான வேலைகள் அமைவதற்கு வாய்ப்பு இருக்கிறது. நீண்ட நாட்களாக உங்களுக்கு மனவருத்தத்தை கொடுத்துக் கொண்டு இருந்த உயரதிகாரி மாறுதலாகி, அந்த இடத்திற்கு உங்களுக்கு அனுசரணையானவர் வருவார்.
இதுவரை சிக்கலில் இருந்த தொழில், வேலை, வியாபாரம் போன்ற ஜீவன அமைப்புகள் தடைகள் விலகி நல்லபடியாக நடக்க ஆரம்பிக்கும். சுய தொழில் செய்வோருக்கு புதிய ஆர்டர்கள் கிடைக்கும். மஞ்சள் நிறம் சம்பந்தப்பட்ட தொழில் செய்பவர்களுக்கு இம்முறை மேன்மையான பலன்கள் இருக்கும்.

முப்பது வயதுகளில் இருக்கும் இளைஞர்களுக்கு வேலை, தொழில் சம்மந்தமான பிரச்னைகள் அனைத்தும் உங்களுக்கு சாதகமாக திரும்பி பொருளாதார நிலைமைகள் நிம்மதியாக இருக்கக்கூடிய அளவிற்கு முன்னேற்றமாக இருக்கும்.

சென்ற காலங்களில் வேலை செய்யும் இடத்தில் இருந்து வந்த அதிருப்திகளும் சஞ்சலங்களும் விரக்தியும் இனிமேல் இருக்காது. பதவிஉயர்வு உடனே கிடைக்கும். நீண்ட நாட்களாக நிலுவையில் இருந்த சம்பள உயர்வும் பாக்கித் தொகையும் உடனே பெறுவீர்கள். பதவி உயர்வுடன் கூடிய இடமாற்றங்கள் உண்டு.
இதுவரை வெளிநாட்டுக் குடியுரிமை கிடைக்காமல் தவித்துக் கொண்டிருந்தவர்களுக்கும் விசா பிரச்னையால் வெளிநாடு செல்லமுடியாமல் சிக்கலில் இருந்தவர்களுக்கும் வெளிநாட்டு வேலை எதிர்பார்த்துக் காத்துக் கொண்டிருந்தவர்களுக்கும் அவர்கள் நினைத்தபடியே செயல்கள் நடந்து நன்மைகள் உண்டாகும்.

நடுத்தரவயது தாண்டியவர்களுக்கு சர்க்கரை, ரத்த அழுத்தம் போன்ற ஆரோக்கிய குறைபாடுகள் தற்போது கண்டுபிடிக்கப்படும் என்பதால் அவர்கள் முழு உடல் பரிசோதனை செய்து கொள்ளுவது நல்லது. வயதானவர்கள் சிறு உடல் நல பிரச்னைகளையும் அலட்சியப்படுத்தாமல் உடனடியாக மருத்துவ சிகிச்சை எடுத்துக் கொள்ளுவதன் மூலம் சிறிய வியாதி பெரிதாகாமல் தற்காத்துக் கொள்ளலாம்.

பன்னாட்டு நிறுவனங்களில் வேலை செய்பவர்கள் குறுகிய கால பயணமாக வெளிநாடு சென்று திரும்புவீர்கள். நீண்ட நாட்களாக விசா கேட்டு விண்ணப்பித்தவர்களுக்கு தற்போது விசா கிடைக்கும். வயதானவர்களுக்கு வெளிநாட்டில் இருக்கும் பேரன், பேத்திகளை பார்ப்பதற்கு வாய்ப்பு கிடைக்கும். ஒரு சிலர் மகன், மகள்களுக்கு உதவி செய்ய வெளிநாட்டுப் பயணம் மேற்கொள்வீர்கள்.

நீண்ட நாட்களாக போக முடியாமல் தள்ளிப் போயிருந்த தீர்த்த யாத்திரை இப்போது போக முடியும். காசி கயா பத்ரிநாத் கேதார்நாத் போற வடமாநில புண்ணியத்தலங்களை தரிசிக்கும் வாய்ப்பு இப்போது கிடைக்கும். ஞானிகளின் தரிசனம் கிடைக்கும். மகா பெரியவரின் அதிஷ்டானம் போன்ற மிகப்பெரும் புனித இடங்களை வழிபடும் பாக்கியம் உண்டாகும்.

மூத்த சகோதரர், சகோதரிகளின் உறவு மேம்படும். அவர்களால் உதவிகள் இருக்கும். இதுவரை திருமணம் தாமதமான அக்கா அண்ணன் போன்றவர்களுக்கு நல்ல இடத்தில் திருமணமாகும். அதிகம் பெண்களுடன் பிறந்தவர்கள் தங்கள் சகோதரிகளின் வீட்டு சுபகாரியங்களுக்கு செலவு செய்ய வேண்டியிருக்கும்.
பதினொன்றாமிடத்திற்கு மாறும் கேதுவின் முக்கியபலனாக இதுவரை கடன் தொல்லையில் அவதிப் பட்டுக் கொண்டிருப்பவர்களுக்கு விடிவுகாலம் பிறக்கும். கடனை அடைப்பதற்கான வழிகள் தெரியும். கடன் தீர்ந்தே ஆகவேண்டும் என்பதால் வருமானமும் கூடும். இதுவரை உங்களை விரோதியாக நினைத்தவர்கள் மனம் மாறி நட்பு பாராட்டுவார்கள்.

இதனால் இதுவரை மீன ராசிக்காரர்களுக்கு இருந்து வந்த கடன் தொல்லைகளும், பணப்பிரச்சினைகளும் தீரும். குறிப்பிட்ட சிலருக்கு வேண்டாத நபர்களாலும், பொறாமை கொண்டவர்களாலும் இருந்து வந்த சங்கடங்களும், உடல் நலக்குறைவுகளும் நீங்கும்.

பொதுவிஷயங்களிலும், குடும்பத்திலும், அலுவலகத்திலும் உங்களைப் பிடிக்காதவர்களின் கை தாழ்ந்து உங்களின் கை ஓங்கும். குடும்பத்தில் உங்களைப் புரிந்து கொள்ளாமல் உங்கள் மேல் கோபம் கொண்டிருந்தவர்கள் தங்கள் தவறை உணர்ந்து இனிமேல் நீங்கள் சொல்வதைக் கேட்பார்கள்.

இதுவரை உங்களுக்கு தடங்கலாகி வந்த அனைத்துக் காரியங்களிலும் வெற்றி உண்டாகும். உங்களின் லட்சியங்கள் நிறைவேறும் காலம் இது. கடந்த காலங்களில் பெரிய முயற்சி எடுத்து கஷ்டப்பட்டும் நினைத்த காரியம் நிறைவேறாதவர்கள் இப்போது அதிக சிரமம் இல்லாமல் அதிர்ஷ்டத்தினால் அனைத்தும் நடப்பதைப் பார்ப்பீர்கள்.

குடும்பத்தில் இதுவரை இருந்து வந்த சிறுசிறு சண்டை, சச்சரவுகள் கணவன் மனைவிக்கிடையே இருந்து வந்த கருத்து வேறுபாடுகள், கூட்டுக் குடும்பத்தில் தொடர்ந்த முரண்பாடுகள் ஒருவரையொருவர் புரிந்து கொள்ளாததால் ஏற்பட்டிருந்த பிணக்குகள் அனைத்தும் நீங்கி குடும்பத்தில் மகிழ்ச்சியும், குதுகலமும் இருக்கும்.

கணவன் ஓரிடம் மனைவி வேறிடம் என்று பிரிந்து இருந்தவர்கள், வேலை விஷயமாக வெளியூரில் பிரிந்து வேலை பார்த்தவர்கள் உடனடியாக ஒன்று சேருவீர்கள். பிள்ளைகள் விஷயத்தில் செலவுகள் இருக்கும். படிப்புச்செலவு மற்றும் அவர்களுடைய எதிர்கால வாழ்க்கைக்கான அடித்தளச் செலவுகளுக்காக கையில் இருக்கும் சேமிப்பை நீங்கள் செலவிட வேண்டியதிருக்கும்.

இந்த காலகட்டத்தில் விரயங்கள் இருக்கும் என்பதால் பாக்கெட்டில் இருந்து பணத்தை எடுக்குமுன் ஒரு முறைக்கு இரண்டு முறை யோசித்து செலவு செய்யுங்கள். கோர்ட், கேஸ், நிலம் சம்பந்தமான வழக்குகள். போலீஸ் விவகாரங்கள் கிரிமினல் வழக்குகள் உள்ளவர்கள் இந்த சாதகமான காலத்தில்  வழக்கை முடிக்கப் பாருங்கள்.

பெண்களுக்கு குடும்பத்தில் நற்பெயரும் கௌரவமும் கிடைக்கும். பெண்களின் ஆலோசனை குடும்பத்தில் இருக்கும் ஆண்களால் ஏற்கப்படும். வேலைக்குச் செல்லும் மகளிருக்கு பதவிஉயர்வு கூடுதல்சம்பளம் போன்ற நல்ல பலன்கள் இருக்கும். அதிகாரிகளால் பாராட்டப்படுவீர்கள்.

உடன் பணிபுரியும் ஆண்களின் ஒத்துழைப்பும்  உங்களுக்கு கிடைக்கும். பெண்கள் நீண்டநாட்களாக நினைத்திருந்த காரியம் இப்போது நிறைவேறும். அனைவரிடமும் பாராட்டுப் பெறுவீர்கள். கேட்டது கேட்ட இடத்தில் உங்களுக்கு கிடைக்கும். குடும்பத்திலும் அலுவலகத்திலும் கௌரவமாக நடத்தப் படுவீர்கள்.
சொந்த வீடு இல்லாதவர்களுக்கு வீடு கட்டும் வாய்ப்போ அல்லது கட்டிய பழைய வீடோ வாங்கும் யோகம் வருகிறது. பெருநகரங்களில் இருப்பவர்கள் அருமையான ஒரு பிளாட் வாங்குவீர்கள். வாகனமாற்றம் உண்டு. இதுவரை வாங்க முடியாத நீங்கள் விரும்பிய வாகனம் இப்போது வாங்க முடியும். தாயராருக்கு இருந்துவந்த உடல்நலக்குறைவு சரியாகும்.

பரிகாரங்கள்.

கேதுபகவானிடம் இருந்து பெறப்போகும் நன்மைகளைக் கூட்டிக்கொள்ள ஞானிகளின் ஜீவசமாதிகளுக்குச் சென்று அவர்களின் ஆசிகளைப் பெற்று வாருங்கள். தென்மாவட்டத்தவர்கள் மதுரை திருப்பரங்குன்றத்தில் அருள்பாலிக்கும் சோமப்பசாமிகளின் ஜீவசமாதியில் வழிபடலாம்.

'ஜோதிடக்கலை அரசு' ஆதித்ய குருஜி செல்:8870998888