iFLICKS தொடர்புக்கு: 8754422764
Breaking News
  • காஷ்மீரில் மாணவர்கள் போராட்டம் எதிரொலி: மூடப்பட்ட கல்லூரிகள் இன்று மீண்டும் திறப்பு
  • அமைச்சர்கள் யாரோ ஒருவரின் கட்டுப்பாட்டில் உள்ளனர்: கே.பி.முனுசாமி
  • ஒரு சில தலைவர்கள் அவர்களின் விருப்பப்படி கருத்து கூறுகிறார்கள்: கே.பி.முனுசாமி
  • சசிகலா தரப்பினர் குழப்பமான நிலையில் கருத்துக்களை சொல்லி வருகிறார் : கே.பி.முனுசாமி
  • தலிபான் தீவிரவாதிகள் தாக்குதல் எதிரொலி: ஆப்கானிஸ்தான் ராணுவ மந்திரி- தளபதி ராஜினாமா

காஷ்மீரில் மாணவர்கள் போராட்டம் எதிரொலி: மூடப்பட்ட கல்லூரிகள் இன்று மீண்டும் திறப்பு | அமைச்சர்கள் யாரோ ஒருவரின் கட்டுப்பாட்டில் உள்ளனர்: கே.பி.முனுசாமி | ஒரு சில தலைவர்கள் அவர்களின் விருப்பப்படி கருத்து கூறுகிறார்கள்: கே.பி.முனுசாமி | சசிகலா தரப்பினர் குழப்பமான நிலையில் கருத்துக்களை சொல்லி வருகிறார் : கே.பி.முனுசாமி | தலிபான் தீவிரவாதிகள் தாக்குதல் எதிரொலி: ஆப்கானிஸ்தான் ராணுவ மந்திரி- தளபதி ராஜினாமா

கடகம்

இன்றைய ராசி பலன்கள்

வால்களைச் சமாளிக்க வேண் டிய நாள். சேமிக்க வேண்டு மென்ற எண்ணத்தை உருவாக்கிக் கொள்வீர்கள். தந்தை வழியில் ஏற்பட்ட மனக்கசப்புகள் மாறும். தொழில் முயற்சி வெற்றி தரும்.

வார பலன்கள்

ஏப்ரல் 24-ந்தேதி முதல் 30-ந்தேதி வரை:-

ராசிக்கு ஆறில் சனியும், பதினொன்றில் செவ்வாயும் இருக்கின்ற நிலை கடக ராசிக்கு அதிர்ஷ்டத்தை செய்கின்ற அமைப்பு என்பதால் இந்த வாரம் கடகத்திற்கு நன்மைகள் நடக்கின்ற வாரமாக இருக்கும். இரண்டு பெரும் பாவக் கிரகங்களான செவ்வாயும், சனியும் உபசய ஸ்தானம் எனப்படும் ஆறு, பதினொன்றாம் இடங்களில் அமர்ந்திருப்பதால் இப்போது கடக ராசிக்கு மறைமுகமான வழிகளில் தனலாபம் கிடைக்கும். சிலருக்கு விருப்பமில்லாத வழிகளிலும், நேர்மையற்ற முறைகளிலும் நல்லவைகள் நடக்கும்.

தனாதிபதி சூரியன் உச்சம் பெற்று, ஒன்பதாமிடத்தில் சுக்கிரனும் வலுப் பெற்றுள்ளதால் தனம், வாக்கு, குடும்பம் ஆகிய மூன்று அமைப்புகளிலும் இப்போது நன்மைகள் இருக்கும். இந்த வாரம் நீங்கள் சொல்வது பலிக்கும். பண சிக்கல்கள் இருக்காது. அரசு ஊழியர்களுக்கு இதர வருமானங்கள் சிறப்பாக இருக்கும். தனியார் துறையினருக்கு கூடுதல் வருமானம் உண்டு. கலைஞர்கள் சிறப்பு பெறுவார்கள்.

பெண்களுக்கு அலுவலகத்திலும் வீட்டிலும் மதிப்புக் கூடும்படியான சம்பவங்கள் இருக்கும் குறிப்பாக பூசம் நட்சத்திரக்கார்களுக்கு இந்த வாரம் நல்லவாரம். ஆண்களுக்கு பெண்கள் வி‌ஷயத்தில் செலவுகள் இருக்கும். அவர்களால் வம்புகள் வரலாம் என்பதால் கவனமுடன் இருங்கள். மனைவியுடன் கருத்து வேற்றுமை இருக்கும். மீடியா துறையினருக்கு அலைச்சல்கள் அதிகம் உண்டு. அரசியல்வாதிகளுக்கு மறைமுக எதிரிகள் பின்னால் குழி பறிப்பார்கள் என்பதால் பேசும்போது வார்த்தைகளில் கவனமாக இருங்கள்.

'ஜோதிடக்கலை அரசு' ஆதித்ய குருஜி          செல்:8870998888

தமிழ் மாத ஜோதிடம்

சித்திரை மாத பலன்கள் (14.4.2017 முதல் 14.5.2017 வரை)

உடல் பலத்தைக் காட்டிலும் மனோபலம் அதிகம் பெற்ற கடக ராசி அன்பர்களே!

சித்திரை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சந்திரனைத் தனாதிபதி சூரியன் பார்க்கும் விதத்தில் மாதம் தொடங்குகிறது. அதுமட்டுமல்லாமல் விரயாதிபதி புதன் வக்ரம் பெற்றிருக்கிறார். அவரை 6,9 ஆகிய இடங்களுக்கு அதிபதியான குரு பகவான், வக்ரம் பெற்றுப் பார்க்கிறார். எனவே இந்த மாதம் உங்களுக்கு இனிய மாதம் தான்.
எண்ணற்ற வாய்ப்புகள் இல்லம் தேடி வரும். நிதிப் பற்றாக்குறை அகலும். நீடித்த நோயிலிருந்து நிவாரணம் பெறுவீர்கள். மதிப்பும், மரியாதையும் உயரும். புதிய தொழில் தொடங்கும் முயற்சிகளில் கூட ஆர்வம் காட்டுவீர்கள். அதிக உழைப்பின் பேரில் லாபத்தைப் பெற்று வந்த நீங்கள், இப்பொழுது எளிய வழியில் ஆதாயம் காண்பீர்கள்.

 சந்திரனை ராசிநாதனாகப் பெற்ற நீங்கள், சந்திரன் பூரணத்துவம் பெற்று பிரகாசிக்கும் சித்ரா பவுர்ணமி நாளில் மலைவலம் வருவது நல்லது. சித்ரகுப்தனையும் வழிபடுங்கள். குடும்பத்தில் உள்ளவர்களின் குறைகளைத் தீர்க்க முன்வருவீர்கள். 2-ல் ராகுவும், 8-ல் கேதுவும் உலா வருவதால், உங்களுக்கு சர்ப்ப கிரகங்களின் ஆதிக்கம் மேலோங்கியிருக்கிறது. ராகு பொருள் வளத்தைக் கொடுப்பார். ஆனால் அதே நேரம் கேது பகவான் விரயங் களை வழங்கக் காரணமாக இருப்பார்.

அது மருத்துவச் செலவாகவும் இருக்கலாம். அல்லது மனை வாங்குதல் போன்ற சுப விரயங்களாகவும் இருக்கலாம். பால்ய நண்பர் களின் சந்திப்பால் தொழிலுக்குத் தேவையான மூலதனங்கள் கிடைக்கும். என்றைக்கோ வாங்கிப்போட்ட சொத்து இப்பொழுது பலமடங்கு லாபத்திற்கு விலைபோகும். அந்தப் பணம் உங்கள் தொழில் வளர்ச்சிக்கு மூலதனமாகவும் இருக்கும்.

சுக்ரனின் வக்ர நிவர்த்தி காலம்

உங்கள் ராசிக்கு 4,11 ஆகிய இடங்களுக்கு அதிபதியானவர் சுக்ரன். அவர் மாதத் தொடக்கத்தில் உச்சம் பெற்றிருப்பதும், வக்ரமும் அடைந்திருக்கிறார். 19-ந் தேதி (புதன்கிழமை) வக்ர நிவர்த்தியாகிறார். இதன் விளைவாக உறவினர் பகை மாறும். தாய்வழி ஆதரவு கிடைக்கும். வெளிநாட்டில் இருந்து வரும் அழைப்புகளை ஒருசிலர் ஏற்றுக் கொள்ள முன்வருவர். பெண்வழிப் பிரச்சினைகள் அகலும். பிரபலமானவர்கள் உங்களுக்குப் பின்னணியாக இருந்து உதவி செய்வர்.

புதனின் வக்ர நிவர்த்தி காலம்

உங்கள் ராசிக்கு 3,12 ஆகிய இடங்களுக்கு அதிபதியானவர் புதன். அவர் 24-ந் தேதி (திங்கட்கிழமை) மீனத்தில் வக்ர நிவர்த்தியாகிறார். அதே நேரத்தில் புதன் நீச்சம் பெற்று விளங்குகிறார். மறைவிடத்து ஸ்தானாதிபதிகள் நீச்சம் பெறுவது யோகம்தான். தேவைக்கேற்ப பணம் வந்து கொண்டேயிருக்கும். பணத்தை கையில் வைத்துக் கொண்டு காரியத்தைச் செய்ய இயலாது. காரியத்தைத் தொடங்கிவிட்டால் பணம் தானாகவே வந்து சேரும். பயணங்களால் பலன் கிடைக்கும். தூர தேசத்திலிருந்து உத்தியோகம் சம்பந்தமாக ஒருசிலருக்கு அழைப்பு கள் வரலாம். வரும் அழைப்புகளை ஏற்றுக் கொள்வதில் தவறில்லை.

மேஷ புதனின் சஞ்சாரம்

மே 8-ந் தேதி மேஷ ராசிக்குப் புதன் செல்கின்றார். சகாய ஸ்தானாதிபதியான புதன், தொழில் ஸ்தானத்திற்கு செல்லும்பொழுது தொழிலில் முன்னேற்றம் காணப்படும். கூட்டாளிகள் கூடுதல் லாபம் கிடைக்க வழிவகுத்துக் கொடுப்பர். தீட்டிய திட்டங்கள் உடனுக்குடன் நிறைவேறும். வங்கிகளில் கடன் கேட்டு விண்ணப்பித்து இருந்தவர்களுக்கு, அது கிடைக் கலாம். அதே நேரத்தில் 5-ல் சனி இருப்பதால் பிள்ளைகளை உங்கள் மேற்பார்வையில் வைத்துக்கொள்வது நல்லது.
இம்மாதம் பவுர்ணமியன்று மலைவலம் வருவது நன்மையைத் தரும். வக்ரச் சனியால் பாதிப்புகள் ஏற்படாமலிருக்க பட்டாபிஷேக ராமர் கோவில் வழிபாட்டை மேற்கொள்வது நல்லது.

பெண்களுக்கு...

இம்மாதம் 2-ல் ராகு இருப்பதால் நிதிப்பற்றாக்குறை அகலும். பொருளாதார நிலை உயரும். வாங்கல் -கொடுக்கல்களை ஒழுங்கு செய்து கொள்வீர்கள். குரு பார்வை சப்தம ஸ்தானத்தில் பதிவதால், கல்யாணக் கனவு நனவாகும். தாய்வழி ஆதரவு தக்க சமயத்தில் கிடைக்கும். உடன்பிறப்புகள் வழியில் ஒருசிலர் பகைமை பாராட்டினாலும், கடைசி நேரத்தில் உங்கள் குணமறிந்து நடந்து கொள்வர். கணவன்-மனைவி ஒற்றுமை பலப்படும். உங்கள் சொல்லுக்கு வாழ்க்கைத் துணை மட்டுமல்லாமல், கூட இருப்பவர்களும் மதிப்புக் கொடுப்பர். பொதுநலத்தில் உள்ளவர் களுக்கு புதிய பொறுப்புகள் கிடைக்கும். பிள்ளைகளால் விரயம் உண்டு. நாகசாந்திப் பரிகாரங்களை செய்தால் நல்ல காரியம் நடைபெறும்.

ஆண்டு பலன் - 2017

கடகராசிக்காரர்களுக்கு 2017-ம் புது வருடம் நற்பலன்கள் அதிகம் உள்ள வருடமாக இருக்கும். பெரும்பாலான ராஜகிரகங்கள் எனப்படும் குரு, சனி, ராகு, கேது ஆகியவைகள் கடந்த சில மாதங்களாக கடகத்திற்கு நல்ல பலன்களைத் தரும் நிலையில் இல்லை.

குறிப்பாக கடந்த ஒரு வருடகாலமாக சென்ற 2016-ம் ஆண்டு முதல் தனம், வாக்கு, குடும்ப ஸ்தானம் எனப்படும் இரண்டாம் வீட்டில் ராகுபகவான் அமர்ந்து உங்களுக்கு நியாயமாக வரவேண்டிய பணவரவுகளை கூட தடுத்து கொண்டிருக்கிறார்.

அதேபோல எட்டில் இருக்கும் கேதுவாலும் கடக ராசிக்காரர்கள் குடும்ப விஷயங்களில் நல்லவைகள் எதுவும் நடக்காமலும், சுபகாரியங்கள் எதுவும் இல்லாமலும் தொல்லைகளை அனுபவித்து கொண்டிருக்கிறீர்கள். குறிப்பாக சொல்ல வேண்டுமென்றால் பருவ வயதில் இருக்கும் கடகத்தினரின் திருமணத்தை தடுத்து குடும்பம் அமைவதை தாமதப்படுத்திக் கொண்டிருப்பதே இந்த இரண்டு, எட்டில் இருக்கும் ராகு-கேதுக்கள்தான்.

இந்த வருடம் ஆகஸ்ட் மாதம் 18 ம் தேதி இந்த தடை அமைப்பு விலகும் விதமாக ராகு-கேதுக்கள் மாறுவதால் இதுவரை கடகத்தினருக்கு இருக்கும் குடும்பச் சிக்கல்கள், திருமணத் தடைகள் இனிமேல் விலகும்.

அடுத்து எந்த ஒரு விஷயத்தையும் சுலபமாக நிறைவேற்றி தரும் கிரகமும் தாராளமான வருமானத்தை தருபவருமான குருபகவானும் கடந்த சில மாதங்களாக சாதகமற்ற மூன்றாமிடத்தில் அமர்ந்து உங்களை சோதனைக்குள்ளாக்கி வருகிறார். இந்த மூன்றாமிடத்து குரு இந்த வருடம் செப்டம்பர் மாதம் 12 -ந்தேதி மாறி நான்காமிடத்திற்கு செல்வார்.

குருபகவானுக்கு நான்காமிடம் நற்பலன்களை தரும் இடமாக சொல்லப்படவில்லை என்றாலும் மூன்றாமிடத்தை விட நான்காமிடம் கெடுபலன்களை தராது என்ற அடிப்படையில் உங்களுக்கு வருட இறுதியில் குருபகவானால் இருக்கும் இடையூறுகள் நீங்கும்.

மேலும் வருடத்தின் இறுதியான அக்டோபர் மாதம் 26 -ம் நாள் அன்று நடக்க இருக்கும் சனிப்பெயர்ச்சியின் மூலம் சனிபகவான் மிகவும் நன்மைகளை தரக்கூடிய ஆறாமிடத்திற்கு மாறுவது கடக ராசிக்கு ஒரு சிறப்பான அம்சமாகும்.

இதன்மூலம் இதுவரை பிள்ளைகள் வழியில் உங்களுக்கு இருந்து வந்த மனக் கஷ்டங்களும், பிள்ளைகளுக்கு கல்யாணம் போன்ற சுப காரியங்களை நடத்தி பார்க்க முடியாமல் இருந்து வந்த மன வேதனைகளும் அடியோடு விலகி குழந்தைகள் மூலம் சந்தோஷமான விஷயங்கள் இருக்கும்.

ஆகவே எப்படி பார்த்தாலும் வருடத்தின் பிற்பகுதியில் இருந்து கடக ராசிக்கு அடுத்தடுத்து நடக்க இருக்கும் மூன்று ராஜ கிரகங்களின் பெயர்ச்சியும் நல்ல விதமாக அமைவதால் இந்த வருடத்தின் ஆரம்பம் உங்களுக்கு நல்லவைகளை தராவிட்டாலும் வருடத்தின் பிற்பகுதியில் நீங்கள் நிச்சயம் சந்தோஷங்களை அனுபவிப்பீர்கள்.

இளைய பருவத்தினருக்கு இதுவரை வேலை விஷயங்களில் இருந்து வந்த இடையூறுகள் இப்போது நீங்கும். இதுவரை மனதை போட்டு அழுத்திக் கொண்டிருந்த சில விஷயங்கள் தெளிவாக ஆரம்பிக்கும். எந்த பாதையில் செல்வது என தீர்மானிக்க முடியாமல் இருந்தவர்கள் இப்போது தெளிவாகி பாதையை தேர்ந்தெடுப்பீர்கள்.

உயிர் நண்பன் என்று சொல்லிக் கொண்டவர்களையும், உறவினர்களையும் ஏற்கனவே நடந்த சம்பவங்கள் புரிய வைத்துவிட்டபடியால் இனிமேல் எடுத்து வைக்கும் ஒவ்வொரு அடியையும் கவனமாகவே வைப்பீர்கள் என்பதால் இனிமேல் கடகத்திற்கு கலக்கங்கள் இல்லை.

நடுத்தரவயதில் உள்ளவர்களுக்கு இனிமேல் வேலை, தொழில், வியாபாரம் போன்ற விஷயங்களில் சிக்கல்கள் எதுவும் இருக்காது. இதுவரை இருந்து வந்த கஷ்டங்களும், நஷ்டங்களும் இனிமேல் தொடராது.

வருட பிற்பகுதியில் இருந்து உங்களுக்கு நல்ல வருமானங்களும், ரொம்ப நாட்கள் மனதில் நினைத்திருந்த லட்சியங்கள் நிறைவேறுதலும், வீடு வாங்குதல் போன்ற சுபநிகழ்ச்சிகளும் நடைபெறும். வீடுமாற்றம் அல்லது தொழில் இடமாற்றம் போன்றவைகள் நடக்கும் என்பதால் பொறுமை தேவை.

கடன் பிரச்னைகளிலும் வழக்கு விவகாரங்களிலும் சிக்கித் தவித்து தூக்கத்தை இழந்திருந்தவர்களுக்கு அவைகள் நல்லபடியாக ஒரு முடிவுக்கு வந்து நிம்மதியைத் தரும். வீடு கட்டுவது இடையிலேயே தடைப்பட்டவர்கள், வீட்டுக் கடன் கிடைக்காமல் இருந்தவர்கள் இனிமேல் அந்த குறை நீங்கப் பெறுவார்கள்.
செலவுகளை சுருக்க வேண்டியது அவசியம்.

வீண் செலவுகள் செய்யாதீர்கள். எவருக்கும் உதவி செய்வதாக வாக்கு கொடுத்தால் அதை நிறைவேற்றுவது கடினமாக இருக்கும். போட்டி பந்தயங்களில் கலந்து கொள்ள வேண்டாம். அவைகளில் எதிர்பார்த்த பலன் கிடைப்பது கடினம். தேவை இல்லாமல் யாரையும் பகைத்து கொள்ள வேண்டாம். கூடுமானவரை எல்லோரையும் அனுசரித்து போவது நல்லது. என்னதான் பிரச்னைகள் இருந்தாலும் பணவரவிற்கு கண்டிப்பாக குறைவு இருக்காது. எனவே எதையும் நீங்கள் சமாளித்து விடுவீர்கள்.

குடும்பத்தில் சந்தோஷமும் மங்கள நிகழ்ச்சிகளும் இருக்கும். தனலாபமும் இந்த வருடம் உண்டாகும். கொடுக்கும் வாக்குறுதியைக் காப்பாற்றுவீர்கள். அம்மா வழி உறவினர்களுடன் நல்ல சுமுகமான உறவு இருக்கும். அவர்களால் ஆதாயம் வரும். பூர்வீக தாயார்வழி சொத்துகள் தற்போது கிடைப்பதற்கு வாய்ப்பு இருக்கிறது.

இருக்கும் பழைய வாகனத்தை மாற்றி புதியதாக வாங்குவீர்கள். வாகனம் இல்லாதவர்களுக்கு வாகனயோகம் இப்போது உண்டு. மாணவர்களுக்கு படிப்பு நன்கு வரும். உயர்கல்வி கற்பதற்கு இருந்து வந்த தடைகள் நீங்கி மேல்படிப்பு படிக்க முடியும். மகன், மகளுக்கு திருமணம் நடக்கும். வளைகாப்பு, பூப்புனித நீராட்டு விழா போன்ற பெண்கள் சம்பந்தப்பட்ட மங்கள நிகழ்ச்சிகளால் நீங்கள் சகோதரிகளுக்கோ, மகள்களுக்கோ, பேத்திகளுக்கோ கடன் வாங்கி சுபச்செலவு செய்ய வேண்டி இருக்கும்.

ஏற்கனவே திருமணமாகி முதல் வாழ்க்கை கோணலாகி வாழ்க்கையை இழந்தவர்களுக்கு இரண்டாவது திருமணம் தற்போது நல்லபடியாக நடந்து அந்த வாழ்க்கை குறையின்றி நீடித்தும் இருக்கும். சகோதர சகோதரிகளின் விஷயங்களில் நல்ல சம்பவங்களும் ஒருவருக்கொருவர் ஆதரவான நிகழ்வுகளும் இருக்கும். மனைவிக்கு நகை வாங்கித் தருவீர்கள். வீட்டில் ஆபரணச் சேர்க்கையும் வீட்டிற்குத் தேவையான பொருட்கள் வாங்குதலும் நடக்கும். அதிர்ஷ்டம் கை கொடுக்கும். நீண்ட நாட்களாக போக முடியாமல் இருந்த குலதெய்வக் கோவிலுக்கு குடும்பத்துடன் சென்று நேர்த்திக்கடன் செலுத்த முடியும்.

புதிய நண்பர்கள் கிடைப்பார்கள். புதிய அறிமுகங்கள் கிடைக்கும். ஒரு சிலர் தங்கள் எதிர்கால வாழ்க்கைத் துணைவரை சந்திப்பார்கள். உங்களைப் புரிந்து கொள்ளாமல் உங்களிடமிருந்து விலகி இருந்தவர்கள் உங்களைப் புரிந்து கொண்டு தற்போது பக்கத்தில் வருவார்கள். இனிமேல் வாழ்க்கை முன்னேற்றப் பாதையில் செல்லத் துவங்கும். இதுவரை முயற்சி செய்தும் நடைபெறாத பல விஷயங்கள் இனிமேல் தெய்வத்தின் அருளால் முயற்சி இல்லாமலேயே வெற்றி பெறும். பண வரவுகள் சரளமாகி குடும்பத்தில் பணப் பிரச்னைகள் எதுவும் இல்லாமல் நிம்மதி இருக்கும்.

இதுவரை உங்களுக்கு இருந்து வந்த தேவையற்ற பய உணர்வுகளும் கலக்கமான மனநிலையும் சிறிய விஷயங்களைக் கூட பெரிதாக்கி பார்த்து பயந்து கொண்டிருந்த சூழ்நிலையும் இனிமேல் விலகி மனத்தில் ஒரு புத்துணர்ச்சி பிறந்து புதுமனிதராக மாறப் போகிறீர்கள். இதுவரை விடை தெரியாமல் தத்தளித்து கொண்டிருந்த விஷயங்களுக்கான பதில்களும் தீர்வுகளும் உங்கள் மனத்தில் நல்லவிதமாகத் தோன்றி உங்களின் அனைத்துப் பிரச்னைகளும் உங்களுக்கு சாதகமாக முடிய போகிறது.

மந்தமாக இருந்த வந்த கூட்டுத் தொழில் இனி சிறப்பாக நடைபெறும். பங்குதாரர்கள் உதவியாக இருப்பார்கள். சரியான வருமானம் இல்லாமல் அவதிப்பட்டுக் கொண்டிருந்தவர்களுக்கு இனிமேல் நிலையான ஒரு தொழில் அமைப்பு உருவாகி மாதாமாதம் நிரந்தர வருமானம் வரும். தொழில் அதிபர்களுக்கு அரசு உதவி கிடைக்கும். தொழிலாளர்கள் உங்களுக்கு ஆதரவாக இருந்து உற்பத்தியை மேலும் பெருக்கித் தருவார்கள்.

உங்களில் சிலருக்கு வெளிநாட்டுப் பயணம் அமையும். அதிகாரம் செய்யும் துறைகளில் இருப்போருக்கு மிகவும் நல்ல பலன்கள் உண்டு. யூனிபாரம் அணிந்து வேலை செய்யும் துறைகளில் இருப்போருக்கு கடும் வேலை நெருக்கடியிலும் சில நல்ல பலன்கள் நடக்கும். வாழ்க்கைத்துணை மூலம் இந்த வருடம் உங்களுக்கு மிகச்சிறப்பாக அமையும். கணவன் மனைவி இருவரும் ஒருவரை ஒருவர் புரிந்து பேசி எதிர்கால வாழ்க்கையை திருப்திகரமாக அமைத்துக் கொள்வீர்கள். நல்ல திட்டங்களைத் தீட்டி அதை செயல் படுத்தவும் செய்வீர்கள்.

குறிப்பிட்ட சிலருக்கு கோவில் திருப்பணிகள் செய்யும் வாய்ப்பு கிடைக்கும். சிதிலமடைந்து ஊருக்கு வெளியே கவனிப்பாரின்றி கிடக்கும் சிவன் கோவிலை புனருத்தானம் செய்யும் பாக்கியமும் அதன் மூலம் புண்ணியமும் கிடைக்கும். சிவன் அருள் கிடைக்க பெறுவீர்கள்.

விவசாயிகள், கலைஞர்கள், பொதுவாழ்வில் இருப்பவர்கள், ஊடகம் மற்றும் பத்திரிகைத்துறையினர், தொழிலாளர்கள், அன்றாடம் சம்பளம் வாங்குபவர்கள் போன்ற கடகராசிக்காரர்கள் இந்த நல்லநேரத்தைப் பயன்படுத்திக் கொண்டு எதிர்காலத்தை வளப்படுத்திக் கொள்ள முடியும்.

ஹே விளம்பி வருட பலன்

கடக ராசிக்காரர்களுக்கு பிறக்க இருக்கின்ற தமிழ்ப் புத்தாண்டு நன்மைகளை அள்ளித் தரும் வருடமாக இருக்கும்.

மொத்தம் 30 வருடங்கள் அடங்கிய தன்னுடைய சுற்றில் சனிபகவான் 3,6,11-ம் இடங்களில் மட்டுமே நன்மைகளை தருவதற்கு கடமைப்பட்டவர். இந்தப் புது வருடத்தில், முப்பது ஆண்டுகளுக்கு ஒரு முறை மட்டுமே வரும் நிலையான ஆறாமிடத்திற்கு சனி வர இருப்பது கடகத்திற்கு மிகவும் மேன்மைகளைத் தருகின்ற ஒரு அமைப்பாகும்.

இந்த அமைப்பின் மூலம் இதுவரை வேலை, தொழில், வியாபாரம் போன்ற ஜீவன அமைப்பில் செட்டில் ஆகாத கடக ராசிக்காரர்கள் மேம்பட்ட வருமானங்களைத் தரக்கூடிய வகையில் நிரந்தர அமைப்புகளை பெறுவீர்கள். மாதம் பிறந்தால் நிரந்தரம் வருமானம் உண்டு என்ற அமைப்பு இந்த வருடம் ஆரம்பிக்கும்.

இதுவரை கை கொடுக்காத சொந்தத் தொழிலும், வியாபாரமும் இனிமேல் லாபகரமாக நடக்கத் துவங்கும். வேலை இடங்களில் இதுவரை இருந்து வந்த சிக்கல்களும், எதிர்ப்புகளும் பிறக்க இருக்கும் புத்தாண்டு முதல் விலக துவங்கும்.

தற்போது உங்கள் ராசியின் இரண்டாம் வீடான தனம், வாக்கு, குடும்ப ஸ்தானத்தில் இருந்து இளைய பருவத்தினருக்கு குடும்பம் அமைய விடாமலும், அவர்களது நிதிநிலை உயர்வைத் தடுத்துக் கொண்டும் இருக்கும் ராகுபகவான் ஆகஸ்ட் மாதம் 18-ந்தேதி அங்கிருந்து மாறி உங்களின் ஜென்ம ராசிக்கு வருவதும் இதுவரை குடும்ப விஷயத்தில் நடந்து வந்த சாதகமற்ற அமைப்புகளை மாற்றுகின்ற ஒரு பெயர்ச்சிதான்.

ஆகஸ்ட் மாதம் நடக்க இருக்கும் ராகு-கேது பெயர்ச்சிக்கு பிறகு இதுவரை குடும்பம் அமையாமல் இருந்து கடக ராசிக்காரர்களுக்கு வாழ்க்கைத்துணை அமைந்து குடும்பஸ்தனாவீர்கள். திருமணம் தாமதமாகி வந்த இளையவர்களுக்கு கல்யாணம் கூடி வரும்.

ஏற்கனவே நடந்த திருமணத்தின் மூலம் சிக்கல்களை சந்தித்து நீதிமன்ற வழக்கு போலீஸ் என்று அல்லாடிக் கொண்டிருப்பவர்களுக்கு சாதகமான தீர்ப்பு கிடைத்து வழக்கு ஒரு முடிவுக்கு வரும். இந்தக் காலகட்டத்தில் இரண்டாவது திருமணமும் அமைந்து அந்த வாழ்க்கை நல்லபடியாகவும், நீடித்தும் இருக்கும்.

இதுவரை ஐந்தாமிடத்தில் இருந்து வந்த சனிபகவான் விலகுவதால் கடந்த இரண்டு வருடங்களாக பிள்ளைகள் விஷயத்தில் தொல்லைகளையும், மன அழுத்தங்களையும், துயரங்களையும் அடைந்த கடகராசிக்காரர்களுக்கு விடிவுகாலம் ஏற்பட்டு இனிமேல் பிள்ளைகள் மூலம் நல்ல விஷயங்கள் இருக்கும்.

பிள்ளைகள் பற்றிய கவலைகள் தீரும் வருடமாக இந்த வருடம் அமையும். மகனுக்கு இதுவரை நல்ல வேலை கிடைக்கவில்லையே, வயது ஏறிக்கொண்டே போகிறது. மகளுக்கு இன்னும் திருமணம் ஆகவில்லை என்று நித்தம் நித்தம் கவலைப்பட்டு தூக்கம் இல்லாமல் இருக்கும் கடக ராசிக்காரர்களின் மனக்குறை தீரும். மகன், மகள் போன்றவர்களின் வேலை, திருமணம் தற்போது தடைகள் இல்லாமல் நடைபெறுவதை பார்க்க முடியும்.

பாவக்கிரகங்கள் மூன்று ஆறு பதினொன்றில் கோட்சாரரீதியில் அமர்ந்திருப்பது நன்மைகளைத் தரும் என்று நமது மூலநூல்கள் குறிப்பிடுகின்றன. அதன்படி புத்தாண்டின் நடுப்பகுதியில் இருந்து சனி ஆறில் வருவது உங்களுக்கு தொழில் அமைப்புகளில் யோகம் தரும்.

அதேபோல கடந்த வருடம் குருபகவான் சாதகமற்ற பலன்களை தரும் மூன்றாமிடத்தில் இருந்ததால் குருவின் மூலம் கிடைக்க இருந்த எந்த பலன்களும் கடகத்திற்கு கிடைக்காத நிலையில் வரும் செப்டம்பர் மாதம் நடக்க இருக்கும் குருப்பெயர்ச்சிக்கு பிறகு குருபகவான் மூன்றாம் இடத்தை விட நல்ல ஸ்தானமான நான்காம் பாவத்திற்கு இடம் பெயர்வதால் குருவாலும் இனிமேல் உங்களுக்கு நன்மைகள் இருக்கும்.

தொழில் செய்பவர்களுக்கும், வியாபாரிகளுக்கும் திருப்புமுனையான நல்ல சம்பவங்கள் இந்த வருடம் நடக்க இருக்கிறது. தொழிலை விரிவுபடுத்தும் எண்ணங்கள் ஈடேறும். தொழில், வியாபாரம் போன்றவைகள் முன்னேற்ற வழியில் இருக்கும். அதேநேரத்தில் வேலைப்பளுவும் அதிகமாக இருக்கும்.

காவல்துறை, வனத்துறை போன்ற சீருடை அணிந்து வேலை செய்யும் துறையினருக்கு இந்த வருடம் பதவிஉயர்வு கிடைக்கும். சம்பள உயர்வு, இதர படிகள் போன்றவைகளும் இருக்கும். அரசு தனியார்துறை ஊழியர்களுக்கு ‘இதர வருமானங்கள்’ சிறப்பாக சொல்லிக் கொள்ளும்படி இருக்கும். தொழிலாளர்களுக்கு வேலைப்பளு குறைந்து சம்பளஉயர்வு, பதவி உயர்வு போன்றவைகள் கிடைக்கும். தொழிற்சங்கங்களில் பதவியில் இருப்பவர்கள் பாராட்டுகளைப் பெறுவீர்கள்.

குடும்பத்தில் இருந்து வந்த பிரச்சினைகள் தீரும். கணவன் மனைவி உறவு நல்லபடியாக மாறும். கருத்து வேறுபாடு, குடும்ப பிரச்னைகள் அல்லது வேலை விஷயமாக பிரிந்து இருந்த தம்பதியினர் ஒன்று சேர்வார்கள். கணவன் ஓரிடம், மனைவி வேறிடம் என்று வேறு வேறு இடங்களில் பணிபுரிந்தவர்களுக்கு ஒரே இடத்தில் பணிமாறுதல் கிடைத்து குடும்பம் ஒன்று சேரும்.

கூட்டுத்தொழில் ஆரம்பிக்க உகந்த நேரம் இது. தொழில் விரிவாக்கங்கள் பலன் தரும். சுயதொழில் செய்வோருக்கு எடுக்கும் முயற்சிகள் கை கொடுக்கும். பொருளாதார நிலை மிகவும் மேம்பாடானதாகவும் சரளமான பணவரவு இருந்து கொண்டே இருப்பதாகவும் அமையும். தொட்டது துலங்கும். சரியான வருமானம் இன்றி பற்றாக்குறையால் அவதிப்பட்டுக் கொண்டிருந்தவர்களுக்கு நல்ல வருமானம் இருக்கும்.

தொழிலதிபர்களுக்கு இதுவரை இருந்து வந்த முட்டுக்கட்டைகள் விலகும். அரசாங்க ஆதரவு உண்டு. இடைத்தரகர்களை நீக்கி நேரடியாக அமைச்சர்களையோ அதிகாரிகளையோ பார்த்து காரியங்களை வெற்றியாக்க முடியும். எந்த ஒரு காரியத்திலும் எடுக்கும் முயற்சிகள் இப்போது பலிதமாகும். தொழிலை விரிவுபடுத்தலாம். புதிய சோதனை முயற்சிகளை இப்போது செய்யலாம்.

மத்திய மாநில நிர்வாகப் பதவிகளுக்கான ஐ. ஏ. எஸ், குரூப்ஒன் தேர்வுகளுக்கு படிப்பவர்களுக்கும் ஏற்கனவே எழுதி முடிவுகளுக்கு காத்துக் கொண்டிருப்பவர்களுக்கும் நல்ல செய்திகள் கிடைக்கும். இதுவரை வெளிமாநில வேலைக்குச் செல்ல இருந்த தடைகள் விலகும்.

பிற, இன, மொழி மதக்காரர்கள் உங்களிடம் நேசமாக இருப்பார்கள். வெளி மாநிலத்தவர்கள் நண்பர்களாகக் கிடைப்பார்கள். அவர்களால் நன்மைகள் உண்டாகும். தூரத்தில் பணியிடம் அமையும். பிரயாணங்களால் உற்சாகமாக இருப்பீர்கள். வருடத்தின் பிற்பகுதியில் மிகவும் நல்ல பலன்கள் உங்களுக்கு நடக்கும்.

இளைஞர்கள் மற்றும் மாணவர்கள் வருட முற்பகுதியில் மிகவும் யோகமான நிகழ்ச்சிகளை சந்திப்பீர்கள். எதிர்கால வாழ்க்கைக்கு அஸ்திவாரம் போடும் காலம் இது. எதிர்காலத்தில் நீங்கள் எந்தத் துறையில் இருக்கப் போகிறீர்கள் என்பதை இந்த வருடம் நிர்ணயிக்கும் என்பதால் மிகவும் பயனுள்ள வருடமாகும் இது.

கூட்டுத் தொழிலில் இதுவரை இருந்த வந்த கருத்து வேறுபாடுகளும், மந்தமான நிலைமையும் மாறி தொழில் நல்லபடியாக நடக்கும். நண்பர்களும், பங்குதாரர்களும் உதவிகரமாக இருப்பார்கள். தந்தையின் ஆதரவு கிடைக்கும். தந்தை வழி உதவிகள் நன்றாக இருக்கும். அப்பா வழி சொத்துக்கள் மூலம் ஆதாயம் உண்டு. தர்ம காரியங்கள் செய்ய முடியும். அறப்பணிகளில் ஈடுபட்டு நல்ல பெயர் வாங்குவீர்கள்.

புனித யாத்திரைகள் இப்போது செல்ல முடியும். வயதானவர்கள் காசி, கயா யாத்திரைகள் செல்வீர்கள். இஸ்லாமியர்களுக்கு புனித ஹஜ் பயணம் செல்லும் வாய்ப்பை இறைவன் அருளுவார். பெரிய மகான்களின் தரிசனம் கிடைக்கும். ஞானிகளின் ஜீவ சமாதிக்கு சென்று அவர்களின் அருளாசி பெறும் பாக்கியம் கிடைக்கும்.
வெளிநாட்டு விஷயங்கள் நல்லபலன் அளிக்கும் என்பதால் இப்போது வெளிநாட்டு வேலைக்கோ அல்லது வெளி தேசத்தில் மேற்படிப்பு படிக்கவோ செல்ல முடியும். அதனால் நன்மைகளும் இருக்கும். குறிப்பிட்ட சிலருக்கு இப்போது இருக்கும் வாகனத்தை விட நல்ல வாகனம் அமையும். வாகன மாற்றம் செய்வீர்கள். பங்குச்சந்தை யூகவணிகம் போட்டி பந்தயங்களில் சிறிதளவு லாபம் கிடைப்பதற்கு வாய்ப்பு உள்ளது.

இதுவரை இழுபறியில் இருந்து வந்த பேச்சு வார்த்தைகள், நடவடிக்கைகள் உங்களுக்கு சாதகமாக முடிவுக்கு வரும். இனிமேல் வராது என்று கை விடப்பட்ட பணம் கிடைக்கும். வயதான பெற்றோரைக் கொண்டவர்கள் அவர்களுடைய உடல் நலத்தில் சிறு பிரச்னை இருந்தாலும் உடனடியாக மருத்துவ சிகிச்சைக்கு அழைத்துச் செல்வது நல்லது. பெற்றோரால் விரயங்கள் இருக்கக் கூடும்.

பொருளாதார சிக்கல்கள் தீரும். பூர்வீகச் சொத்தில் இதுவரை இருந்து வந்த வில்லங்கம் தீர்ந்து உங்கள் பங்கு உடனே கிடைக்கும். பங்காளித் தகராறுகள் சுமுகமாகத் தீர்த்து வைக்கப்படும். வேலைக்குச் செல்லும் பெண்களுக்கு இதுவரை வேலை செய்யும் இடத்தில் இருந்து வந்த பிரச்னைகள் தீரும். பதவி உயர்வு உண்டு. இடமாற்றம், கேட்டபடியே கேட்கும் இடத்தில் கிடைக்கும். கூட்டுக் குடும்பத்தில் இருப்பவர்கள் தனிக்குடித்தனம் போக வேண்டிய சூழ்நிலை வரலாம்.
மொத்தத்தில் கடகத்திற்கு அனைத்து விஷயங்களிலும் நன்மைகளை மட்டுமே தரக்கூடிய வருடமாக இந்த வருடம் அமையும்.

ஆதித்ய குருஜி
செல்: 8870 99 8888

சனிப்பெயர்ச்சி பலன்கள்

கடகராசிக்கு இது வரை நான்கா மிடத்தில் இருந்து ஜீவன ஸ்தானமான பத்தாமிடத்தைப் பார்த்து உங்களின் தொழில், வேலை, வியாபாரம் போன்ற அமைப்புகளில் தொல்லைகளையும், சிக்கல்களையும், தடைகளையும் ஏற்படுத்திக் கொண்டிருந்த சனிபகவான் தற்போது ஐந்தாம் இடத்திற்கு மாறுகிறார். ஒரு வகையில் கடகராசிக்கு தொழில் விஷயங்களில் இது நிம்மதியைத் தரும் ஒரு பெயர்ச்சிதான் என்பதால் சனியால் இதுவரை உங்களுக்கு இருந்து வந்த நிம்மதிக்குறைவு அகலும்.

இதுவரை வேலை கிடைக்காமல் சிரமப்பட்டு கொண்டிருந்தவர்களுக்கு உடனடியாக நல்லவேலை கிடைக்கும். இருக்கும் வேலையில் பிரச்சனைகளை சந்தித்துக் கொண்டிருப்பவர்கள் அனைத்தும் ஓய்ந்து நிம்மதி கிடைக்கப் பெறுவீர்கள். சனியின் பத்தாம் பார்வை தொழில் ஸ்தானத்தில் இருந்து விலகுவதால் தொழில், வியாபாரம் போன்றவைகள் இனிமேல் சூடுபிடித்து நாளுக்கு நாள் விருத்தி அடையும். இதுவரை இருந்து வந்த விரையங்கள் இனிமேல் இருக்காது.

சம்பாதிக்கும் பணத்தை சேமிக்க முடியும். எதிரிகள் ஒழிவார்கள். போட்டிகள் விலகும். கடந்த காலத்தில் உச்சமாக இருந்த சனியின் பார்வை ராசியில் இருந்தும் விலகுவதால் இதுவரை தாழ்வு மனப்பான்மையில் இருந்தவர்கள் அது விலகப் பெறுவீர்கள். எதிர்மறை எண்ணங்கள் இனிக் குறைந்து நல்லவைகளை சிந்திக்கவும், செயல்படுத்தவும் ஆரம்பிப்பீர்கள். இதுவரை இருந்து வந்த மனஅழுத்தம் நீங்கி புத்துணர்ச்சி வரும். எதிர்காலத்தை பற்றிய நம்பிக்கை பிறக்கும் சம்பவங்கள் நடக்கும்.

அதற்கு உறுதுணையாக இருக்கக் கூடிய ஆட்களைச் சந்திப்பீர்கள். மொத்தத்தில் அர்த்தாஷ்டமச் சனி என்ற பெயரில் கடந்த மூன்று வருடங்களாக உங்களை முன்னேற விடாமல் தடுத்துக் கொண்டிருந்த சனிபகவான் விலகுவதால் அனைத்து விஷயங்களிலும் வெற்றி பெற்று எதிர்காலத்தை உங்களுடையதாக்கி கொள்வீர்கள். அதே நேரத்தில் சனிபகவான் ஐந்தாமிடத்திற்கு மாறுவது சாதகமான நிலை இல்லை என்பதால் இந்த பெயர்ச்சியின் மூலம் சனிபகவான் குடும்பத்தில் மகன், மகளுக்கு ஆகவேண்டிய திருமணம் போன்ற சுபகாரியங்களுக்கு தடைகளை ஏற்படுத்துவார்.

பிள்ளைகள் விஷயத்தில் மனக்குறைகளையும், சங்கடங்களையும் ஏற்படுத்துவார் என்பதால் பருவவயதுக்குழந்தைகளை வைத்திருப்பவர்கள் அவர்களின் மேல் அக்கறை காட்டி அவர்களுடைய தனிப்பட்ட பிரச்சினைகளைப் புரிந்து கொள்வதும், தெரிந்து கொள்வார்கள். குடும்பத்திற்கு தேவையான அத்தியாவசியப் பொருட்கள் வாங்குவீர்கள். சொத்துச் சேர்க்கை இருக்கும். பிள்ளைகளின் பெயர்களிலோ மனைவியின் பெயரிலோ ஏதேனும் சொத்து வாங்க முடியும். சிலர் புதிய வாகனம் வாங்குவீர்கள். பிள்ளைகளின் திருமணத்திற்கு நகை வாங்கி சேமிக்கலாம்.

இதுவரை உடல்நிலை சரி இல்லாமல் இருந்தவர்கள் குணம் அடைவார்கள். தள்ளிப் போயிருந்த வெளிநாடு தொடர்பான வேலை விஷயங்களும் வெளிநாட்டு பயணங்களும் தற்போது வெற்றிகரமாக கூடி வரும். வாழ்க்கைத் துணைவரின் வழியில் ஆதரவுகளும் லாபங்களும் இருக்கும். பெற்றோர்களின் ஆசிர்வாதம் கிடைக்கும். பங்காளிச் சண்டை தீரும். பூர்வீக சொத்து பிரச்சனை சுமுகமாக ஒரு முடிவுக்கு வரும். உங்களைப் பிடிக்காமல் பின்னால் பேசும் மறைமுக எதிரிகள் காணமல் போவர்கள். சிலருக்கு காதல் அனுபவங்கள் இந்த வருடம் ஏற்படலாம்.

அதனால் சில கசப்பான அனுபவங்களும் படிப்பினைகளும் ஏற்பட வாய்ப்பு இருக்கிறது. லஞ்சம் கொடுத்து வேலை வாங்குவது போன்ற முறைகேடான வழிகளில் செல்லும்போது உஷாராக இருங்கள். வேலை வாங்கித் தருவதாக சொல்பவரிடம் முன்கூட்டியே நம்பி பணம் தர வேண்டாம். ஏமாறுவதற்கு சந்தர்ப்பம் இருக்கிறது. கடன் வாங்க நேரிடும். ஏற்கனவே இருக்கும் கடனை அடைக்க புதிய கடன் வாங்குவீர்கள். ஹவுசிங் லோன், பெர்சனல் லோன் ஏற்படலாம். எந்த சூழ்நிலையிலும் மீட்டர் வட்டி போன்ற கந்து வட்டி வாங்க வேண்டாம். பின்னால் சிக்கல்கள் வரும்.

மகன், மகளுக்கு திருமணம் நடக்கும். வளைகாப்பு, பூப்புனித நீராட்டு விழா போன்ற பெண்கள் சம்பந்தப்பட்ட மங்கள நிகழ்ச்சிகளால் நீங்கள் சகோதரிகளுக்கோ, மகள்களுக்கோ, பேத்திகளுக்கோ கடன் வாங்கி சுபச்செலவு செய்ய வேண்டி இருக்கும். இது வரை சனிபகவான் வீடு வாகனம் தாயார் ஆகியற்றை குறிக்கும் நான்காம் வீட்டில் இருந்ததால் மேற்கண்ட விஷயங்களில் இருந்த தடைகள் அனைத்தும் இப்போது விலகுகிறது.

சொந்த வீடு இல்லாதவர்கள் வீடு கட்டும் வாய்ப்போ அல்லது கட்டிய பழைய வீடோ வாங்கும் யோகம் வருகிறது. பெருநகரங்களில் இருப்பவர்கள் அருமையான ஒரு பிளாட் வாங்குவீர்கள். வாகனமாற்றம் உண்டு. இதுவரை வாங்க முடியாத நீங்கள் விரும்பிய வாகனம் இப்போது வாங்க முடியும். தாயாருக்கு இருந்துவந்த உடல்நலக்குறைவு சரியாகும். அம்மாவைப் பற்றிக் கவலைப்பட அவசியம் இருக்காது.

குருப்பெயர்ச்சி பலன்கள்

(புனர்பூசம் 4ம் பாதம், பூசம், ஆயில்யம் மற்றும் ஹி, ஹீ, ஹ, ட, டு, டே, டோ ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)

கடகராசிக்கு கடந்த ஒருவருடமாக நல்லபலன்களைத் தரும் இடமாகச் சொல்லப்பட்ட இரண்டாம் வீட்டில் இருந்து தற்போது சாதகமற்ற பலன்களை தரும் இடமாகச் சொல்லப்படும் மூன்றாம் வீட்டிற்கு குருபகவான் மாறுகிறார். அதேநேரத்தில் சென்ற வருடம் சிறப்பாகச் சொல்லப்பட்ட இரண்டாம் வீட்டில் உள்ள குருவால் கடகராசிக்காரர்களுக்கு திருமணம், வேலை போன்ற நல்ல அமைப்புகள் நடந்திருக்க வேண்டும். ஆனால் சென்ற குருப்பெயர்ச்சி காலத்தின் பெரும்பகுதி குருபகவான் ராகுவுடன் இணைந்தும் வேறுவகையிலும் பலவீனமாக இருந்ததால் சென்ற வருடம் நற்பலன்கள் எதுவும் பெரும்பாலான கடகராசிக்கு நடக்கவில்லை.

இதுபோன்ற நல்லபலன்கள் நடக்காத கடகராசிக்காரர்களுக்கு தற்போது ராகுவின் பிடியில் இருந்து விலகி மூன்றாம் வீட்டில் அமரப் போகும் குருபகவான் பாக்கியாதிபதி பாக்கியத்தைப் பார்ப்பதால் நன்மை எனும் அடிப்படையில் வேலை, திருமணபாக்கியம், புத்திரபாக்கியம் போன்ற நல்லபலன்களை இந்த குருப் பெயர்ச்சியில் செய்வார்.

குருபகவான் இருக்கும் வீட்டை விட தான் பார்க்கும் வீட்டிற்கு நன்மைகளை அதிகம் செய்வார் என்ற விதிப்படி இந்தப் பெயர்ச்சியின் மூலம் கடகராசியின் ஏழு, ஒன்பது, பதினொன்று ஆகிய ஸ்தானங்களைப் பார்ப்பார் என்பதால் அந்த வீடுகள் வலுப்பெற்று நன்மைகளை செய்யும்.

குருவின் பார்வை ஏழாமிடத்தில் பதிவதால் இதுவரை திருமணமாகாத இளையவர்களுக்கு வரும் ஆகஸ்டு மாதத்திற்கு மேல் திருமணம் நல்லபடியாக முடியும். ஒருசிலர் புதிதாக காதலிக்க ஆரம்பித்து தங்களுடைய வாழ்க்கைத் துணையை அடையாளம் காண்பீர்கள்.

ஏற்கனவே திருமணமாகி முதல்வாழ்க்கை கோணலாகி வாழ்க்கையை இழந்தவர்களுக்கு இரண்டாவது திருமணம் தற்போது நல்லபடியாக நடந்து அந்த வாழ்க்கை குறையின்றி நீடித்தும் இருக்கும். கூட்டு வியாபாரத்தில் குறைகளை கண்டவர்கள் இனிமேல் அவை நீங்கி மன ஒற்றுமை ஏற்பட்டு தொழில் முன்னேற்றம் காண்பார்கள்.

குருபகவானின் ஒன்பதாமிடத்துப் பார்வையால் பாக்கியஸ்தானம் எனப்படும் ஒன்பதாம் பாவம் வலுப்பெறுவதால் தந்தை மூலம் லாபமும், தந்தை வழி சொத்துக் கிடைத்தலும், பூர்வீக சொத்துக்களில் இதுவரை இருந்து வந்த வில்லங்கங்கள் விலகுவதும் பூர்வீக சொத்தை அனுபவிக்க முடியாத நிலையில் இருந்து வந்த தடைகள் நீங்குவதுமான நல்ல பலன்கள் நடைபெறும்.

தகப்பனாரின் ஆரோக்கியம் மேம்படும். தந்தை மகனுக்கு இடையே இருந்து வந்த சண்டை, சச்சரவுகள், பிணக்குகள் நீங்கி தந்தையுடன் இணைவீர்கள். நீண்ட நாட்களாக நீங்கள் கேட்டுக் கொண்டிருக்கும் கோரிக்கைகளை அப்பா நிறைவேற்றித் தருவார். நீங்களே ஒரு நல்ல தகப்பனாக உங்கள் குழந்தைகளுக்கு கேட்பதை செய்து தர முடியும்.

குறிப்பிட்ட சிலருக்கு கோவில் திருப்பணிகள் செய்யும் வாய்ப்பு கிடைக்கும். சிதிலமடைந்து ஊருக்கு வெளியே கவனிப்பாரின்றி கிடக்கும் சிவன் கோவிலை புணருத்தானம் செய்யும் பாக்கியமும் அதன் மூலம் புண்ணியமும் கிடைக்கும். சிவன் அருள் கிடைக்க பெறுவீர்கள்.

நீண்ட நாட்களாக போக முடியாமல் தள்ளிப் போயிருந்த தீர்த்த யாத்திரை இப்போது போக முடியும். காசி கயா பத்ரிநாத் கேதார்நாத் போற வடமாநில புண்ணியத்தலங்களை தரிசிக்கும் வாய்ப்பு இப்போது கிடைக்கும். ஞானிகளின் தரிசனம் கிடைக்கும். தள்ளிப் போயிருந்த நேர்த்திக்கடன்களை இப்போது நிறைவேற்ற முடியும். குடும்பத்துடன் குலதெய்வ வழிபாடு செய்வீர்கள்.

சமூகத்தில் உயர்நிலையில் உள்ள பெரியவர்கள், மதிப்புமிக்கவர்கள், அந்தஸ்தும், அதிகாரமும் கொண்டவர்களின் அறிமுகமும் ஆதரவும் கிடைக்கும். குறிப்பிட்ட சிலருக்கு அந்தஸ்து உயரும். அதிகாரமிக்க பதவிகள் கிடைக்கும். அரசியலில் ஏற்றங்கள் உண்டு.

குருபகவானின் பதினொன்றாமிடத்துப் பார்வையால் செய்யும் தொழிலில் ஏற்றமும், லாபமும் திருப்திகரமாக இருக்கும். இதுநாள்வரை இருந்து வந்த பொருளாதார நெருக்கடிகள் இருக்காது. குறைந்த வியாபாரம் நிறைந்த லாபம் என்ற முறையில் கடையை மூடி வீட்டுக்கு திரும்பும் பொழுது மனநிறைவுடன் வீட்டிற்கு செல்ல முடியும்.

பெண்களுக்கு இந்தக் குருப்பெயர்ச்சி நல்ல பலன்களைத்தான் அதிகம் தரும். இதுவரை உங்களை புரிந்து கொள்ளாத கணவர் இனிமேல் உங்களை புரிந்து கொண்டு, உங்கள் மனம் போல் நடந்து கொள்ள ஆரம்பிப்பார். பிள்ளைகள் உங்களின் கஷ்டங்களைப் புரிந்து கொள்வார்கள். வேலை செய்யும் இடங்களில் மதிப்பும், மரியாதையும் கிடைக்கும். உங்களின் அந்தஸ்து உயரும். கூட்டுக் குடும்பத்தில் மருமகளின் பேச்சு மாமியாரால் ஏற்கப்படும்.

யூகவணிகம் பங்குச்சந்தை ரேஸ் லாட்டரி போன்றவைகளில் அதிகமாக ஈடுபாடு காட்டாமல் இருப்பது நல்லது. இந்த வருடம் மேற்படி இனங்களில் வருமானம் வராமல் விரயங்களும் நஷ்டங்களும்தான் இருக்கும். ஒரு சிலர் தொழில் சம்பந்தமாக கடல் தாண்டி வெளிநாடு செல்வீர்கள். குறிப்பாக ஆன்மிகம் சம்பந்தப்பட்டவர்களுக்கு வெளிநாட்டு சுற்றுப் பயணங்கள் ஏற்படும். வெளிநாடு சம்பந்தமான முயற்சிகள் வெற்றியாகும். பாகப்பிரிவினை சம்பந்தமான முக்கியமான முடிவுகள் எடுப்பதை தற்போது தள்ளிப் போடுவது நல்லது.

அரசு தனியார்துறை பணியாளர்கள் அதிகாரிகளை பகைத்துக் கொள்ள வேண்டாம். அவர்கள் சொல்வதை கேட்டு நடந்து கொள்வது நல்லது. அலுவலகங்களில் உங்களைப் பிடிக்காதவர்கள் கை ஓங்கும் சூழ்நிலை வரலாம். சில நேரங்களில் சுவர்களுக்கு கூட கண்களும் காதுகளும் இருக்கிறது என்பதை புரிந்து கொள்ளுங்கள். உடன் வேலை செய்பவர்களிடம் வீண் அரட்டை, மேல் அதிகாரியின் செயல் பற்றிய விமரிசனங்கள் போன்ற விஷயங்களை தவிருங்கள்.

கூடுமானவரை நேர்வழியிலேயே செல்ல முயற்சி செய்யுங்கள். குறுக்குவழி வேண்டாம். அரசுத்துறை, தனியார்துறை ஊழியர்கள் மேல்வருமானத்திற்கு ஆசைப்பட்டு விதிகளை மீறி யாருக்கும் சலுகை காட்ட வேண்டாம். மேலதிகாரிகளுக்கு தெரியாமல், அவர்களின் எழுத்துப்பூர்வமான அனுமதி இல்லாமல் எதுவும் செய்யாதீர்கள். பின்னால் தொந்தரவுகள் வருவதற்கு வாய்ப்புகள் உள்ளன.

வீட்டில் குழந்தைகளில் உடல் நலத்தில் அக்கறையும், கவனமும் தேவைப்படும். சிறு குழந்தைகளுக்கு சாதாரண உடல்நலக் குறைவு என்றால் கூட அலட்சியமாக இருக்காமல் உடனடியாக மருத்துவரிடம் சிகிச்சைக்கு செல்வது நல்லது.

ஏற்கனவே கடன் வாங்கி சிக்கலில் இருப்பவர்களுக்கு புதிய கடன்கள் வருவதற்கு வாய்ப்பு இருக்கிறது. எக்காரணத்தைக் கொண்டும் அதிக வட்டிக்கு வாங்குவதை தவிர்ப்பது நல்லது. அவசரம் என்று கிடைக்கும் இடத்தில் கிடைக்கும் வட்டியில் பணம் வாங்கினால் அடுத்த வருட ஆரம்பத்தில் கடன் பிரச்சனைகளால் மனக் கலக்கம் வரலாம்.

பேச்சின் மூலம் வாழ்க்கை நடத்துபவர்களுக்கு நன்மைகள் இருக்கும். ஆசிரியர் பணி, பேச்சாளர்கள், மார்க்கெட்டிங் துறையினர், கவுன்சிலிங் செய்பவர்கள் போன்றவர்களுக்கு நல்ல வருடம் இது. யாருக்காவது பரிதாபப்பட்டு உதவி செய்து அதனால் நீங்கள் சிக்கலில் மாட்டிக் கொள்ளும் அமைப்பு இருப்பதால் யாருக்கும் எதற்காகவும் ஜாமீன் போட வேண்டாம்.

யாருக்கும் எதுவும் செய்து தருவதாக தேவையில்லாத வாக்குறுதி கொடுக்க வேண்டாம். சகோதர சகோதரிகளுக்கு உதவி செய்யும்படி இருக்கும். சகோதரிகளால் செலவு உண்டு. என்னதான் செய்தாலும் அண்ணன் எனக்கு ஒன்றுமே செய்யவில்லை என்று தங்கைகள் கூறுவார்கள்.

சரக்கு வாகனங்கள் இயக்குவோர், கூலியாட்களை வைத்து வேலை வாங்குவோர், மாற்றுத்திறனாளிகளை பராமரிப்போர், பெட்ரோல்பங்க், அநாதை விடுதிகளை நடத்துவோர், மதுபானத் தொழில் சம்பந்தப்பட்டோர், விவசாயிகள், நிலத்தரகர்கள், காலிமனை விற்கும் ரியல் எஸ்டேட்காரர்கள், மருத்துவமனையினர், கடைநிலை ஊழியர்கள், காவல்பணி செய்வோர், துப்புரவு தொழிலாளர்கள், ஊராட்சி, நகராட்சி, மாநகராட்சித் தலைவர்கள், கவுன்சிலர்கள் உள்ளிட்டவர்கள் மிகவும் வளம் பெறுவார்கள். வருமானமும் சிறப்பாக இருக்கும்.

பன்னாட்டு நிறுவனங்களில் வேலை செய்பவர்கள் குறுகிய கால பயணமாக வெளிநாடு சென்று திரும்புவீர்கள். நீண்ட நாட்களாக விசா கேட்டு விண்ணப்பித்தவர்களுக்கு தற்போது விசா கிடைக்கும். வயதானவர்களுக்கு வெளிநாட்டில் இருக்கும் பேரன், பேத்திகளை பார்ப்பதற்கு வாய்ப்பு கிடைக்கும். ஒரு சிலர் மகன், மகள்களுக்கு உதவி செய்ய வெளிநாட்டுப் பயணம் மேற்கொள்வீர்கள்.

பொதுவாக இது முன்னேற்றத்திற்கு அடித்தளம் போடும் காலகட்டமாக அமையும். இப்போது ஏற்படும் அனுபவங்களால் எதிர்காலத்தை சிறப்பாக அமைத்துக் கொள்வீர்கள். இந்தக் குருப்பெயர்ச்சியில் கவலைப்படுவதற்கு ஒன்றும் இல்லை.

பரிகாரங்கள்:

வியாழக்கிழமை தோறும் விரதமிருப்பதும், ஜன்மநட்சத்திரம் அன்று ஒருமுறை ஆலங்குடி, சென்னை பாடி திருவலிதாயம், வட ஆலங்குடி என அழைக்கப்படும் போரூர் ஈஸ்வரன் கோவில், திருச்செந்தூர் போன்ற குரு ஸ்தலங்களுக்கு சென்று குருபகவானை ஆராதிப்பதும் அதிர்ஷ்டங்களைத் தரும்.

ராகுகேது பெயர்ச்சி பலன்கள்

கட்டளையிட்டால் செய்யக் காத்திருக்கும் பலபேரைக் கைக்குள் வைத்திருக்கும் கடக ராசி நேயர்களே!

உங்கள் ராசிநாதன் சந்திரன் வளர்ந்து தேயும் கிரகம். எனவே உங்களுக்கு வாழ்வில் வளர்ச்சியும், தளர்ச்சியும் மாறி மாறி வந்து கொண்டே இருக்கும். ‘மனதுகாரகன்’ என்று சந்திரன் வர்ணிக்கப்படுகிறார். எனவே சிந்தனை ஆற்றலால் நீங்கள் சிறப்பு களைப் பெறுவீர்கள். சமூகத்தில் மதிப்பும், மரியாதையும் உடையவர்களாக விளங்குவீர்கள்.

சேவை மனப்பான்மை அதிகம் பெற்றவர்கள் நீங்கள். நினைத்ததை முடித்துக் காட்டுவதில் முதலிடம் பிடிப்பீர்கள். உங்கள் வேகத்திற்கும், விவேகத்திற்கும் ஈடுஇணை கிடையாது. நண்பர்களுக்கு மிகவும் முக்கியத்துவம் கொடுப்பீர்கள். மாற்றுக் கருத்துடையோரை மறுநிமிடமே மாற்றியமைத்து விடும் ஆற்றல் பெற்றவர் நீங்கள். யாரை எப்படி அணுகினால் காரியம் சாதிக்கலாம் என்ற கலையைக் கற்று வைத்திருப்பீர்கள். ஏற்ற, இறக்கம் வாய்ந்த வாழ்க்கையைப் பெற்ற உங்களுக்கு இந்த ராகு–கேது பெயர்ச்சி எப்படி இருக்கும் என்பதைப் பற்றிப் பார்ப்போம்.

தனவரவைக் கொடுக்கும் இரண்டாமிடத்து ராகு!
தக்கவிதத்தில் செலவிட வைக்கும் அஷ்டமத்து கேது!

இதுவரை கன்னி ராசியில் சஞ்சரித்து வந்த ராகுவும், மீன ராசியில் சஞ்சரித்து வந்த கேதுவும், தனது வான்வெளிப் பயணத்தில் 8.1.2016 அன்று பின்னோக்கி வந்து உங்கள் பிரச்சினைகள் தீர வழிசெய்யப் போகிறார்கள்.

இரண்டாமிடத்து ராகுவால் உங்கள் முன்னேற்றம் சிறப்பான விதத்தில் அமையப் போகின்றது. இருப்பினும் பணப்புழக்கம் அதிகரிக்கும் இந்த நேரத்தில் கடன்களைத் தீர்ப்பது நல்லது. நீண்டநாளைய ஆசைகள் நிறைவேறும். நிலம் வாங்கும் முயற்சிகளில் வெற்றி கிடைக்கும். இதுவரை பணம் வருவதில் இருந்த தடை அகலும். பக்கபலமாக இருப்பவர்களின் எண்ணிக்கையும் உயரும்.

உங்களின் சுய ஜாதகத்தின் அடிப்படையிலும், உங்கள் மனைவி, மக்கள் சுயஜாதகத்தின்அடிப்படையிலும் ராகு பலன்களைக் கொடுப்பார். எனவே ராகு எந்த நட்சத்திரக் காலில் இணைந்திருக்கிறார். எந்தெந்த கிரகங்கள் எல்லாம் பார்க்கின்றன என்பதை ஆராய்ந்து அதற்கேற்ப பலன்களை வாரிவழங்க, செய்ய வேண்டிய பரிகாரங்கள் என்ன?, எந்த சிறப்பு ஸ்தலத்திற்கு சென்றால் நன்மைகிட்டும் என்பதைப் பற்றி அறிந்து கொண்டு அதன்படி செயல்பட்டால் ஏராளமான இனிய சம்பவங்கள் நடைபெறும்.

குடும்பத்தில் மகிழ்ச்சிகரமான சம்பவங்கள் நிறைய நடைபெறும். மங்கல ஓசை கேட்கும். படிப்பிற்கேற்ற வேலை கிடைக்கவில்லையே என்று ஏங்கியவர்களுக்கு அது கிடைத்து பணவரவு கூடும். எதிர்காலத்தை இனிமையாக்கிக் கொள்ள என்னவழி என்பதை நண்பர்கள் எடுத்துரைப்பர். கடை திறப்பு விழாக்களையும், கம்பெனி திறப்பு விழாக்களையும் காணும் நேரமிது.

தொழில் வளர்ச்சிக்கு மூலதனம் போட பணம் இல்லையே என்று ஏங் கியவர்களுக்கு கூட்டாளிகள் புதிதாக வந்திணைந்து உறுதுணை புரிவர். அடுத்தவர் நலனில் அக்கறை காட்டியவர்களுக்கு ஆதாயம் கிடைக்கும். தாய்வழி ஆதரவு பெருகும். பூர்வீக சொத்துக்களில் இருந்த வில்லங்கங்கள் விலகும். வெளிநாட்டிலிருந்து ஆதரவுக் கரம் நீட்டுபவர் களின் எண்ணிக்கை அதிகரிக்கும்.

அஷ்டமத்து கேதுவால் ஆதாயம் உண்டா?

எட்டாமிடத்தில் சஞ்சரிக்கும் கேதுவால் அலைச்சல் அதிகரித்தாலும், ஆன்மிகத்திற்காக ஒரு தொகையைச் செலவிட்டு மகிழ்ச்சி அடைவீர்கள். விலை உயர்ந்த பொருட்களை வாங்கி விரயங்களை சுபவிரயமாக்கிக் கொள்வது நல்லது.

வாகனங்களை மாற்றலாமா? என்ற சிந்தனையும், புதிய வாகனங்களை வாங்கலாமா? என்ற எண்ணமும் உருவாகும். உறவினர்களிடம் பழகும் பொழுது கொஞ்சம் விழிப்புணர்ச்சியோடு இருப்பது நல்லது. எதிரிகளை உதிரியாக்குவது அன்பு ஒன்றுதான். எனவே அருகில் இருப்பவர்களை அனுசரித்துச் செல்வதன் மூலம் ஆதாயத்தை அதிகம் பெற முடியும்.

மாற்றங்கள் அதிகமாக வந்தாலும், வரும் மாற்றம் நல்ல மாற்றமா? என்பதை அறிந்து செயல்படுவது நல்லது. உடல் ஆரோக்கியத்தில் அதிக அக்கறை காட்டுங்கள். ஒவ்வொரு நாளும் விழிப்புணர்ச்சியுடன் செயல்படுவது நல்லது. பேச்சில் நிதானம் அவசியம் தேவை. இல்லையேல் விவகாரங்களைச் சந்திக்க நேரிடும். பொருளாதாரத்தில் கண்ணும், கருத்துமாக இருப்பது நல்லது. வரவிற்கேற்ற செலவு வரும்.

இந்த நேரத்தில் கேதுவை மட்டும் வழிபட்டால் போதாது. அதன் வால் பகுதியாக இருக்கும் ராகுவையும் கட்டாயம் வழிபட வேண்டும். எனவே பூரணமாக சர்ப்ப சாந்திகளை மேற்கொள்வது நல்லது. 6, 8, 12 ஆகிய இடங்களில் சர்ப்ப கிரகங்கள் உலா வரும் பொழுது வழிபாடுகள் தான் உங்கள் வளர்ச்சியைக் கூட்டும் என்பதை அறிந்து கொள்ளுங்கள்.

அஷ்டமத்து கேதுவால் அற்புதப் பலன்களைப் பெறவும், ஆற்றல் மிக்கவர்களின் ஒத்துழைப்பு கிடைக்கவும், மதிப்பு, மரிய£தை, மகிழ்ச்சி, மனஅமைதி போன்றவை கிடைக்கவும், உங்கள் சுய ஜாதகத்தில் ராகு–கேதுக் களின் நிலையறிந்து, அதற்கு ஏற்ற நாளில் வழிபாடுகளை மேற்கொண்டால் மேலும் நற்பலன்களைப் பெற இயலும்.

பாதசாரப்படி ராகு தரும் பலன்கள்!

ராகு, சிம்ம ராசிக்குள் அடியெடுத்து வைக்கும் பொழுது சூரியன், சுக்ரன், கேது ஆகிய மூன்றின் சாரத்திலும் சஞ்சரிக்கிறார். அதன் மூலமாக நமக்கு ஏற்படும் பலன்களை அறிந்து நாம் செயல்படுவது நன்மையை வழங்கும்.

சூரியன் சாரத்தில் ராகு சஞ்சரிக்கும் பொழுது (8.1.2016 முதல் 10.3.2016 வரை): பணத்தேவைகள் உடனுக்குடன் பூர்த்தியாகும். மனதளவில் செய்ய நினைத்த காரியத்தை மறுநிமிடமே செய்து முடிப்பீர்கள். ஆயினும் பகை கிரகத்தின் ஆதிக்கம் மேலோங்கி இருப்பதால் குடும்பத்தில் குழப்பங்கள் அதிகரிக்கும். கொடுக் கல் – வாங்கல்களில் உறவினர்களால் ஏமாற்றங்களைச் சந்திக்க நேரிடும். கடுமையாக முயற்சித்தும் கட்டிடப் பணி நிறைவேறவில்லையே என்று கவலைப்படுவீர்கள். வேலை வாய்ப்பிற்காக வெளிநாடு சென்றவர்கள் மீண்டும் திரும்பும் வாய்ப்பு கிட்டும். இக்காலத்தில் பொறுமையைக் கடைப்பிடிப்பதோடு வடக்குநோக்கிய அம்பிகையையும் வழிபட்டு வருவது நல்லது.

ராகு பகவான் சுக்ர சாரத்தில் சஞ்சரிக்கும் பொழுது (11.3.2016 முதல் 16.11.2016 வரை): பயணங்களால் பலன் கிடைக்கும். பழைய வாகனங்களைக் கொடுத்துவிட்டுப் புதிய வாகனங்களை வாங்கும் முயற்சியில் ஆர்வம் காட்டுவீர்கள். இட மாற்றம், ஊர் மாற்றம், வீடு மாற்றம் பற்றிய சிந்தனை மேலோங்கும். மனக்கவலை மாற மாற்றினத்தவர்கள் ஒத்துழைப்பு செய்வர். பணப்புழக்கம் அதிகரிக்கும் விதத்தில் புதிய ஒப்பந்தங்கள் வந்து சேரலாம்.

ராகு பகவான் கேது சாரத்தில் சஞ்சரிக்கும் பொழுது (17.11.2016 முதல் 26.7.2017 வரை): மிகமிக கவனம் தேவை. எதையும் ஒரு முறைக்குப் பலமுறை யோசித்துச்செய்வது நல்லது. விரயங்கள் கூடும். தொழில் நடத்தும் சிலர் நெருக்கடி காரணமாக அதை மூடிவிடலாமா? என்று சிந்திப்பர். வீண் விவாதங்களால் உறவு பகையாகலாம். இக்காலத்தில் ராகு–கேது வழிபாடும், சர்ப்ப சாந்தியும் செய்வது நல்லது.

பாதசார அடிப்படையில் கேது தரும் பலன்கள்!

கேது, கும்ப ராசிக்குள் அடியெடுத்து வைக்கும் பொழுது, குரு, ராகு, செவ்வாய் ஆகிய மூன்று சாரங்களிலும் சஞ்சரிக்கின்றார். அப்பொழுது எப்படிப்பட்ட பலன்களை வழங்குவார் என்பதை பார்ப்போம்.

குரு சாரத்தில் கேது சஞ்சரிக்கும் பொழுது (8.1.2016 முதல் 13.7.2016 வரை): பெற்றோர் வழி உறவில் பிரியம் கூடும். தொழில் மாற்றச் சிந்தனைகள் மேலோங்கும். உத்தியோகத்தில் மேலதிகாரிகளின் பிரியத்திற்கு ஆளாக நேரிடும். சம்பள உயர்வு பற்றிய சந்தோஷ தகவல் வந்து சேரலாம்.

கேது, ராகு காலில் சஞ்சரிக்கும் பொழுது (14.7.2016 முதல் 22.3.2017 வரை): அருகில் இருப்பவர்களை அனுசரித்துச் செல்ல வேண்டும். ஆற்றல் மிக்கவர்களின் ஆலோசனை முன்னேற்றத்திற்கு வித்திடும். கூட்டு முயற்சியில் மாற்றம் ஏற்படும். கூட்டாளிகள் விலகுவர். தடைகளும், தாமதங்களும் ஆட்கொள்ளும் நேரம் இது என்பதால் திசாபுத்திக்கேற்ற வழிபாடுகளை மேற்கொள்வது நல்லது.

கேது செவ்வாய் சாரத்தில் சஞ்சரிக்கும் பொழுது (23.3.2017 முதல் 26.7.2017 வரை): விலகிச் சென்ற உறவினர்கள் விரும்பி வந்து சேருவர். வீடு, இடம் வாங்கும் முயற்சியில் ஆர்வம் காட்டுவீர்கள். பணப்புழக்கம் அதிகரிக்கும். குழந்தைகளின் வெளிநாட்டு முயற்சிக்கு வித்திடுவீர்கள். பழைய நண்பர்களின் பழக்கத்தால் புதிய திருப்பங்கள் ஏற்படும். உடன் பிறப்புகள் உங்கள் குணமறிந்து நடந்து கொள்வார்கள்.

வாழ்க்கை வசந்தமாக வழிபாடு!

இரண்டாமிடத்தில் சஞ்சரிக்கும் ராகு ஏராளமான நற்பலன்களை வழங்கவும், எட்டாமிடத்தில் சஞ்சரிக்கும் கேதுவால் வெற்றி வாய்ப்புகள் வீடு வந்து சேரவும் வாரம் தோறும் வாலில் மணிகட்டிய ஆஞ்ச நேயரை வழிபட்டு வாருங்கள். மேலும் பவுர்ணமி தோறும் விரதம்இருந்து நாராயணரை வழிபட்டால் நலமும் வளமும் கிடைக்கும்.