iFLICKS தொடர்புக்கு: 8754422764
Breaking News
  • நெல்லை: கடையநல்லூர் அருகே கோவில் திருவிழாவில் வெடி விபத்து - 2 குழந்தைகள் உள்ளிட்ட மூவர் படுகாயம்
  • பாபர் மசூதி இடிப்பு வழக்கு: அத்வானி, முரளி மனோகர் ஜோஷி மற்றும் உமாபாரதி இன்று கோர்ட்டில் ஆஜர்
  • கோவை: ராமநாதபுரம் அருகே உள்ள தனியார் மருத்துவமனையில் தீ விபத்து - நோயாளிகள் வெளியேற்றம்
  • வங்காளதேச கடலோர பகுதிகளை தாக்கியது மோரா புயல் - இன்று கரையை கடக்கிறது

நெல்லை: கடையநல்லூர் அருகே கோவில் திருவிழாவில் வெடி விபத்து - 2 குழந்தைகள் உள்ளிட்ட மூவர் படுகாயம் | பாபர் மசூதி இடிப்பு வழக்கு: அத்வானி, முரளி மனோகர் ஜோஷி மற்றும் உமாபாரதி இன்று கோர்ட்டில் ஆஜர் | கோவை: ராமநாதபுரம் அருகே உள்ள தனியார் மருத்துவமனையில் தீ விபத்து - நோயாளிகள் வெளியேற்றம் | வங்காளதேச கடலோர பகுதிகளை தாக்கியது மோரா புயல் - இன்று கரையை கடக்கிறது

கும்பம்

இன்றைய ராசி பலன்கள்

சச்சரவுகள் அகன்று சாதனை படைக்கும்நாள். கவுரவம், அந்தஸ்து உயரம். குடும்பத்தினர்களோடு இருந்த கருத்து வேறுபாடுகள் அகலும். நண்பர்கள் நல்ல தகவல்களைக் கொண்டு வந்து சோப்பர்.

வார பலன்கள்

மே 29-5-2017 முதல் ஜூன் 04-6-2017 வரை:

இன்னும் சில வாரங்களில் குருபகவான் ஒன்பதாமிடத்திற்கு மாறி ராசியை பார்க்கப் போவதால் எந்தப் பிரச்னையும் கும்பத்திற்கு வரப்போவது இல்லை. கணவன் மனைவி உறவும், வாழ்க்கைத்துணை வழியில் உதவிகளும் சுமாராகவே இருக்கும். பூர்வீகச் சொத்து சம்பந்தமாக வழக்குகளும், கோர்ட் கேஸ் போன்றவைகள் இருப்பவர்கள் வழக்கை முடிக்குமாறு அவசரப்பட வேண்டாம். நீண்ட நாட்களாக எதிர்பார்த்த பாகப்பிரிவினைகள் முடிந்து உங்கள் பங்காக ஒரு நல்லதொகையோ, சொத்துக்களோ இப்போது கிடைக்கும்.

தந்தையைப் பெற்ற பாட்டன் வழியில் பூர்வீக சொத்து ஒன்றும் இப்போது கிடைக்க வாய்ப்பு இருக்கிறது. செப்டம்பருக்குப் பிறகு திருமணம் ஆகாதவர்களுக்கு திருமணம் நடக்கும். சிலருக்கு ஆலயத் திருப்பணிகள் செய்யும் வாய்ப்பு கிடைக்கும். கலைஞர்களுக்கு இது நல்ல வாரமாக அமையும். இழுத்துக்கொண்டு இருந்த வி‌ஷயங்கள் நல்லபடியாக முடிவுக்கு வரும்.. இளைய சகோதர, சகோதரிகள் வி‌ஷயத்தில் நல்லவைகள் நடக்கும். மனம் புத்துணர்ச்சியுடன் இருக்கும். ஊக்கத்துடன் செயல்படுவீர்கள்.

ஜீவனஸ்தானம் வலிமை பெறுவதால் இதுவரை கிடைக்காத நல்லவேலை மற்றும் அமையாத தொழில் சிலருக்கு கிடைப்பதற்கான ஆரம்பங்கள் இந்த வாரம் இருக்கும். இளைய சகோதரர்களால் சிலர் நன்மை அடைவீர்கள். மருத்துவத்துறையில் பணிபுரியும் கும்பராசிக்காரர்களுக்கு இப்போது மாற்றங்கள் இருக்கும். வெகுநாள் இழுத்து கொண்டிருந்த விவகாரங்கள் முடிவடைந்து பணவரவு உண்டு. பெண்கள் உதவுவார்கள். தொலைக்காட்சி துறையினருக்கு இது சிறந்த வாரம்.

'ஜோதிடக்கலை அரசு' ஆதித்ய குருஜி          செல்:8870998888

தமிழ் மாத ஜோதிடம்

மே மாதம் 15ந்தேதி முதல் ஜூன் மாதம் 14ந்தேதி வரை

ராசிநாதன் சனிபகவான் ராசியைப் பார்ப்பதும் சுக்கிரன் உச்சத்தில் இருப்பதும் யோகநிலை என்பதால் வைகாசி மாதம் கும்பராசிக்கு நன்மைகளை தரும் மாதமாக இருக்கும். வீடு, வாகனம், தாயார் போன்ற அமைப்புகளில் நல்ல மாற்றங்கள் வரும். பிள்ளைகள் வழியில் நல்ல செய்திகள் கிடைக்கும். இளைய பருவத்தினருக்கு முக்கியமான திருப்புமுனைகள் இருக்கும். வெளிநாட்டு விஷயங்கள் நல்லபலன் அளிக்கும் என்பதால் வெளிநாட்டு வேலைக்கோ அல்லது வெளிமாநிலத்தில் படிக்கவோ செல்ல முடியும்.

இளைஞர்களுக்கு இது எதிர்கால முன்னேற்றத்திற்கு அடித்தளம் போடும் மாதமாக அமையும். இப்போது ஏற்படும் அனுபவங்களால் உங்கள் எதிர்காலத்தை சிறப்பாக அமைத்துக் கொள்வீர்கள். போட்டி பந்தயங்களில் கலந்து கொள்ள வேண்டாம். அவைகளில் எதிர்பார்த்த பலன் கிடைப்பது கடினம். தேவையில்லாமல் யாரையும் பகைத்துக் கொள்ள வேண்டாம். கூடுமானவரை எல்லோரையும் அனுசரித்து போவது நல்லது. கண் பரிசோதனை செய்து கொள்ளுங்கள். வாகனம் இல்லாதவர்களுக்கு தற்போது வாகனம் வாங்குவதற்கான யோகம் இருக்கிறது.

மாத இறுதியில் சனியை செவ்வாய் பார்க்கப் போவதால் அலுவலகத்திலோ அல்லது ஏதேனும் ஒரு அமைப்பிலோ தலைமைப் பொறுப்பில் உள்ளவர்களுக்கு துறைரீதியான நெருக்கடிகள் இருக்கும். நீங்கள் செய்வது தவறாகவே இருந்தாலும் அதை ஒத்துக்கொள்ள மாட்டீர்கள். உங்களின் பிடிவாத குணம் அதிகரிக்கும். பணிபுரியும் இடங்களில் உங்களுக்கு கெட்டபெயர் ஏற்படுத்த சிலர் முயற்சிப்பார்கள். பெண்கள் விஷயத்தில் செலவு இருக்கும்.

'ஜோதிடக்கலை அரசு' ஆதித்ய குருஜி          
செல்:8870998888

ஆண்டு பலன் - 2017

கும்பத்திற்கு அளவற்ற நன்மைகளை அள்ளித் தரும் ஆண்டாக பிறக்கப் போகும் ஆங்கிலப் புத்தாண்டு இருக்கும். குறிப்பாக இந்த வருடம் நடக்க இருக்கும் மூன்று கிரகப் பெயர்ச்சிகளின் மூலம் ஆனந்தத்தையும், லாபத்தையும் பெறப்போகும் ராசிகளில் கும்பமே முதன்மையானது என்பதால் இனி உங்கள் வளர்ச்சிக்கு தடை சொல்ல எதுவும் இல்லை.

ஆண்டின் பிற்பகுதியில் ஆகஸ்ட் மாதம் 18 ம் தேதி நடக்க இருக்கும் ராகு-கேது பெயர்ச்சியின் மூலம் ராகுபகவான் இதுவரை உங்களை தொல்லைபடுத்தி கொண்டிருந்த ஏழாமிடத்தில் இருந்து தனக்கு மிகவும் நல்ல பலன்களை தரும் வலுவான ஆறாமிடத்திற்கு மாறுகிறார். அதேபோல கேதுவும் நன்மைகளைத் தரும் பனிரெண்டாம் வீட்டிற்கு மாறுகிறார்.

இதன் மூலம் இந்த வருடத்தின் பிற்பகுதியில் இருந்து உங்களுடைய கடன், நோய், எதிர்ப்பு போன்ற அமைப்புகள் வலுவிழக்கின்றன. இதனால் இதுவரை இருந்து வந்த கடன் தொல்லைகள் நீங்கும். வருமானம் குறையும் போதுதான் கடன் வாங்க நேருகிறது. இனிமேல் கடன் வாங்கத் தேவையில்லை என்கின்ற நிலை வரும் போது வருமானம் தாராளமாக வரும் என்பதே விதி என்பதால் இந்த வருடப் பிற்பகுதியில் இருந்து கும்பத்தினர் பொருளாதார உயர்வு பெறுவீர்கள்.

தற்போது ராகுபகவான் மாறப்போவது அவருக்கு விருப்பமான கடக வீட்டிற்கு என்பதாலும் பிடித்த வீடு மூன்று, ஆறு, பதினொன்றாக அமையும் போது அங்கே ராகு வலுவான நன்மைகளைச் செய்வார் என்பதாலும் இனிமேல் உங்களின் வளர்ச்சியை தடுத்து கொண்டிருந்த எதிர்ப்புகள், பொறாமை, போட்டி, அனைத்தும் உங்களின் விஸ்வரூபத்தை கண்டு பயந்து ஒதுங்கி ஓடும் அளவிற்கு உங்களின் எல்லாப் பிரச்சினைகளும் விலகும்.

ராகு-கேது பெயர்ச்சியை அடுத்து செப்டம்பர் மாதம் 12-ந்தேதி நடக்க இருக்கும் குருப்பெயர்ச்சியின் மூலம் தற்போது சாதகமற்ற எட்டாம் வீட்டில் அமர்ந்து உங்கள் முயற்சிகள் அனைத்தையும் வெற்றியாகாமல் தடுத்துக் கொண்டிருக்கும் குரு மிகவும் யோகம் தரும் ஒன்பதாமிடத்திற்கு மாறி ராசியை பார்க்கும் நிலை பெறுவார்.

குருபகவான் பாக்கிய ஸ்தானத்தில் அமர்வது இதுவரை இருக்கும் பிரச்சினைகள் அனைத்தையும் தீர்க்கும் அமைப்பு என்பதாலும், வருடக் கிரகமான குருபகவான் பெயர்ச்சிக்கு மூன்று மாதங்களுக்கு முன்பே அதன் பலன்களைத் தர ஆரம்பித்து விடுவார் என்பதாலும் இந்த வருட பிற்பகுதியிலேயே உங்களுக்கு நல்ல பலன்கள் நடக்க ஆரம்பிக்கும்.

வலுவான ராகு,கேதுப் பெயர்ச்சியின் மூலம் உங்களுக்கு வெளிநாடு, வெளிமாநில தொடர்புகளும் அவற்றின் மூலம் பொருள்வரவும் இருக்கும். அதேபோல குருப்பெயர்ச்சியின் மூலம் வேலை தொழில் இடங்களில் நல்ல பெயரும் கவுரவமும் உங்களுக்குக் கிடைக்கும். எனவே ஏப்ரல் மாதத்தில் இருந்தே உங்களுக்கு படிப்படியாக நற்பலன்கள் நடக்க ஆரம்பிக்கும்.

அனைத்திலும் மேலாக அக்டோபர் மாதம் 26-ம் நாள் உங்கள் ராசிநாதனான சனிபகவான் மிகவும் யோகம் தரும் அமைப்பான 11-ம் இடத்திற்கு மாறுகிறார். சனியின் இந்த யோகநிலை ஒருவருக்கு 30 வருடங்களுக்கு ஒருமுறை மட்டுமே வரக்கூடிய ஒன்று.சனிபகவானே உங்களின் ராசிநாதனாகவும் இருப்பதால் இந்த சனிப்பெயர்ச்சியின் மூலமும் உங்களுக்கு பெரிய நன்மைகள் கிடைக்கும். எனவே எப்படிப் பார்த்தாலும் 2017-ம் ஆண்டு சிறப்புகளையும், வருமானங்களையும் உங்களுக்கு தரும் என்பது உறுதி.

செய்கின்ற தொழிலில் அதிக முயற்சி இல்லாமலேயே நிறைந்த லாபங்கள் இப்போது கிடைக்கும். கண்மூடிக் கண் திறப்பதற்குள் பாக்கெட்டில் எப்படி பணம் வந்தது என்று சொல்ல முடியாத அமைப்பில் பண வரவு தற்போது உங்களுக்கு இருக்கும். அலுவலங்களில் நல்ல பெயர் கிடைக்கும். இழந்த போன பெருமையை மீட்டெடுப்பீர்கள். நீண்ட நாட்களாக மனதில் உருப்போட்டு வந்திருந்த எண்ணங்கள் திட்டங்கள் கனவுகள் ஆகியவை நீங்கள் நினைத்தபடியே நடக்கப்போகும் காலம் இது. எனவே இனிமேல் உங்களின் உடல்நிலையும் மனநிலையும் மிகவும் தெளிவாகவும் உற்சாகத்துடன் இருக்கும்.

இதுவரை நல்லவேலை கிடைக்காமல் திண்டாடிக் கொண்டிருந்தவர்களுக்கு பொருத்தமான சம்பளத்துடன் கூடிய வேலை கிடைக்கும். தொழிலில் முதலீடு செய்ய முடியாமல் திணறிக் கொண்டிருந்தவர்களுக்கு முதலீடு செய்வதற்கு பணம் கிடைத்து நினைத்தபடி தொழிலை விரிவாக்கம் செய்ய முடியும்.

அலுவலகத்தில் இதுவரை புரமோஷன் கிடைக்காதவர்கள் இரட்டிப்பு பதவி உயர்வு கிடைக்கப் பெறுவார்கள். நிலுவையில் இருந்த சம்பளஉயர்வு உடனடியாகக் கிடைக்கும். இதுவரை உங்களை முறைத்துக் கொண்டிருந்த மேலதிகாரி மாறுதலாகி உங்களுக்கு சாதகமான, உங்களைப் புரிந்து கொள்ளும் நபர் உங்களுக்கு அதிகாரியாக வருவார்.

சுயதொழில் புரிபவர்களுக்கு இதுவரை இருந்து வந்த தேக்க நிலைகள் மாறி தொழில் சூடு பிடிக்கும். வருமானம் நன்கு வரும். வியாபாரிகள் அனைத்திலும் வெற்றி காண்பார்கள். உங்களின் எதிரிகள் ஓட்டம் பிடிப்பார்கள். வெளிநாட்டு ஏற்றுமதி இறக்குமதி போன்றவைகளிலும், திரவம் சம்பந்தப்பட்ட தொழில் வகைகளிலும் இருப்பவர்களுக்கு நல்ல வருமானம் இருக்கும். சினிமா தொலைகாட்சி போன்ற துறைகளில் இருப்போர் இந்த சாதகமான நேரத்தை பயன்படுத்திக் கொள்ளுங்கள்.

மத்திய மாநில அரசுகளின் போட்டித் தேர்வுகள் மற்றும் வங்கி சம்பந்த பட்ட தேர்வுகள் எழுதுவோருக்கு இம்முறை வெற்றி கிடைக்கும். ஏற்கனவே எழுதி முடிவுகளுக்காக காத்துக் கொண்டிருப்பவர்களுக்கு நல்ல செய்திகள் உண்டு. கூட்டுக்குடும்பத்தில் ஒருவருக்கொருவர் துணையாக இருப்பீர்கள். வயதில் பெரியவர்கள் மூத்தவர்கள் மூலம் லாபம் உண்டு. குடும்பத்தில் சுப காரியங்கள் நடைபெறும்.

இதுவரை திருமணம் ஆகாமல் இருந்த இளைய பருவத்தினர்களுக்கு மளமள வென்று வரன்கள் நிச்சயிக்கப்பட்டு திருமண மண்டபம் புக்கிங் போன்ற விஷயங்கள் ‘சட்’ என்று நடந்து திருமணம் கூடி வரும். குழந்தை இல்லாத தம்பதியினருக்கு உடனடியாக குழந்தை பிறக்கும். குடும்பத்தில் சொத்துச் சேர்க்கை இருக்கும். நகை வாங்க முடியும். பூர்வீக சொத்தில் இருந்து வந்த பிரச்னைகள் விலகி உங்கள் பங்கு கைக்கு கிடைக்கும். எந்த ஒரு விஷயத்திலும் நல்ல லாபம் கிடைக்கும். அதிர்ஷ்டம் கை கொடுக்கும். நிலமோ, வீட்டுமனையோ வாங்க முடியும்.

பொதுமக்களோடு தொடர்புள்ள பணிகள் செய்யும் துறைகள், அரசியல்வாதிகள் போன்றோருக்கு கௌரவமான பதவிகள் மற்றும் அதிகாரம் செய்யக் கூடிய பதவி தேடி வரும். அரசு மற்றும் தனியார்துறை ஊழியருக்கு சம்பளம் தவிர்த்த ‘மேல்வருமானம்’ இருக்கும். பங்குதாரர்கள் இடையே இருந்து வந்த கருத்துவேறுபாடு விலகும். கூட்டுத்தொழில் லாபம் தரும். புதிதாக ஆடம்பர வாகனம் வாங்குவீர்கள். அரசாங்க வழியில் நன்மைகள் நடக்கும். மனம் புத்துணர்ச்சியுடன் இருக்கும். உங்களுடைய மாற்றங்களை அடுத்தவர்கள் உணரும்படி நடந்து கொள்வீர்கள்.

நண்பர்கள், நலம் விரும்பிகள் மூலம் பொருளாதார உதவிகள் ஆதரவானபோக்கு மற்றும் அனுசரணையான பேச்சு இருக்கும். இதுவரை கோர்ட்கேஸ் போன்ற வழக்குகளில் சிக்கி அவதிப்பட்டவர்களுக்கு நல்ல திருப்புமுனையான நிகழ்ச்சிகள் நடந்து உங்கள் பக்கம் அனைத்தும் சாதகமாகும். புதிய ஏஜென்சி எடுக்கலாம். நல்ல கம்பெனியின் டீலர்ஷிப் கிடைக்கும். தொழிலை விரிவாக்கம் செய்யவோ புதிய கிளைகள் ஆரம்பிக்கவோ இது நல்லநேரம். விவசாயிகள், கலைஞர்கள், பொதுவாழ்வில் இருப்பவர்கள், ஊடகம் மற்றும் பத்திரிகைத் துறையினர், தொழிலாளர்கள், அன்றாடம் சம்பளம் வாங்குபவர்கள் போன்ற எந்த துறையினர்களாக இருந்தாலும் இந்த நல்லநேரத்தைப் பயன்படுத்திக் கொண்டு நினைத்ததை சாதிக்கலாம்.

கணவன் மனைவி உறவில் இதுவரை இருந்து வந்த கருத்து வேற்றுமைகள் நீங்கும். மூன்றாவது மனிதரால் குடும்பத்தில் ஏற்பட்டிருந்த குழப்பங்கள் அடையாளம் காணப்பட்டு நீங்களே பிறர் உதவியின்றி குழப்பங்களைத் தீர்த்துக் கொள்வீர்கள்.

இதுவரை காணாமல் போயிருந்த உங்களின் மனதைரியம் இப்போது மீண்டும் வரும். எதையும் சமாளிப்பீர்கள். ஒரு சிலர் ஏதேனும் ஒரு செயலால் புகழ் அடைவீர்கள். சகோதர உறவு மேம்படும். இளைய சகோதரத்தால் நன்மை உண்டு. தம்பி தங்கையர்களுக்கு நல்லது செய்ய முடியும். மூத்த சகோதர சகோதரிகள் உதவுவார்கள்.

தொழிலதிபர்களுக்கு இதுவரை இருந்து வந்த முட்டுக்கட்டைகள் விலகும். அரசாங்க ஆதரவு உண்டு. இடைத்தரகர்களை நீக்கி நேரடியாக அமைச்சர்களையோ அதிகாரிகளையோ பார்த்து காரியங்களை வெற்றியாக்க முடியும். எந்த ஒரு காரியத்திலும் எடுக்கும் முயற்சிகள் இப்போது பலிதமாகும். தொழிலை விரிவுபடுத்தலாம். புதிய சோதனை முயற்சிகளை இப்போது செய்யலாம்.

பெண்களுக்கு குடும்பத்தில் நற்பெயரும் கௌரவமும் கிடைக்கும். பெண்களின் ஆலோசனை குடும்பத்தில் ஏற்கப்படும். வேலைக்குச் செல்லும் மகளிருக்கு பதவிஉயர்வு கூடுதல்சம்பளம் போன்ற பலன்கள் இருக்கும். அதிகாரிகளால் பாராட்டப் படுவீர்கள். உடன் பணிபுரியும் ஆண்களின் ஒத்துழைப்பும் உங்களுக்கு கிடைக்கும். பட்டுச்சேலை முதல் பாதக்கொலுசு வரை வாங்குவீர்கள். கேட்டது கிடைக்கும். குடும்பத்திலும் அலுவலகத்திலும் கௌரவமாக நடத்தப் படுவீர்கள். கும்பத்திருக்கு திருப்பு முனையான வருடம் இது.

ஹே விளம்பி வருட பலன்

புதிய தமிழ்ப் புத்தாண்டு கும்பத்தினருக்கு நல்லவைகளையும், பொருளாதார வளர்ச்சியினையும் தருகின்ற வருடமாக இருக்கும்.

கடந்த இரண்டு வருடங்களாக எவ்வித நன்மைகளும் நடைபெறாத கும்ப ராசிக்காரர்களுக்கு ஆறுதல் தரும் விதத்தில் புத்தாண்டின் ஆரம்பத்திலேயே நடைபெற இருக்கும் ராகு-கேது பெயர்ச்சியும், அதன்பிறகு செப்டம்பர் மாதம் நடக்க இருக்கும் குருப்பெயர்ச்சியும் அமைகின்றன.

இந்த இரண்டையும் விட மேலாக அக்டோபர் மாதம் நடக்கும் சனிப்பெயர்ச்சி அமோகமான நற்பலன்களை ஏறத்தாழ மூன்று வருடங்களுக்கு உங்களுக்குத் தர இருப்பதால் பிறக்க இருக்கும் தமிழ்ப் புத்தாண்டில் நன்மை அடைய இருக்கும் முதன்மையான ராசியாக கும்பம் அமைந்திருக்கிறது.

இதுவரை ராசியிலும், ஏழாமிடத்திலும் இருந்து வந்த ராகு-கேதுக்களால் மணவாழ்வில் சிக்கலுக்குள்ளானவர்கள், மண வாழ்க்கை அமையாதவர்கள் மற்றும் உறவினர்களிடையே கருத்து வேறுபாடுகள், சொத்துப்பிரச்சினை, பங்காளி தகராறு, வழக்கு, கோர்ட்டு பிரச்சினை போன்றவைகள் இருந்தவர்களுக்கு இனிமேல் சாதகமான முடிவுகள் கிடைக்கும்.

புத்தாண்டில் நடக்க இருக்கும் ராகு-கேது மாற்றத்தால் கும்பத்தினருக்கு வேற்று மன, இன, மொழிக்காரர்களுடன் நெருக்கம் உண்டாகும். அவர்கள் மூலமாக நன்மைகள் இருக்கும். இஸ்லாமிய, கிறிஸ்தவ நண்பர்கள் உதவுவார்கள். சிலருக்கு அன்னிய மத, வேறு மாநில வாழ்க்கைத்துணை அமையும்.

செப்டம்பர் மாதம் நடக்க இருக்கும் குருப்பெயர்ச்சியின் மூலம் இதுவரை சாதகமற்ற அமைப்பில் நற்பலன்களை தரமுடியாத நிலையில் இருந்த குருபகவான் மிகவும் நல்ல பலன்களை கொடுக்க கூடிய ஒன்பதாமிடத்திற்கு மாறி உங்களுடைய ராசியைப் பார்க்க இருக்கிறார்.

இந்தப் பெயர்ச்சியின் மூலம் கும்ப ராசிக்காரர்கள் அனைவருக்கும் இதுவரை இருந்து வந்த பொருளாதார சிக்கல்கள் நீங்கி தனலாபம், நிரந்தரமான வருமானம், நீடித்த பணவரவு ஆகிய பலன்கள் நடந்து இதுவரை இருந்த கஷ்டங்கள் அனைத்தும் சீராகப் போகிறது.

வர இருக்கும் குருப்பெயர்ச்சியின் மூலம் உங்கள் உடல், மனம், பொருளாதார நிலைமைகள் அனைத்தும் சிறப்பாக இருக்கும் என்றால் அது மிகையாகாது. எனவே வருடத்தின் நடுப்பகுதியில் இருந்து கெடுபலன்கள் அனைத்தையும் மாறி நல்ல நிலைமைக்கு செல்வீர்கள்.

அக்டோபர் மாதம் 26-ந்தேதி நடக்க இருக்கும் சனிப்பெயர்ச்சியினால் உங்கள் ராசிநாதனான சனிபகவான் லாபஸ்தானம் எனப்படும் 11-ம் இடத்திற்கு மாற இருக்கிறார். 11-ல் இருக்கும் சனிபகவான் தனலாபங்களையும், தொட்டது துலங்கும் மேன்மைகளையும் தருவார் என்பது ஜோதிட விதி.

லாபஸ்தானத்தில் சனி வருவது என்பது 30 வருடங்களுக்கு ஒரு முறை மட்டுமே நிகழ்கின்ற ஒரு நல்ல அமைப்பாகும். எப்படிப்பட்ட கஷ்ட நிலைமையில் ஒருவர் இருந்தாலும் 11-ல் சனி வரும் போது நிலைமை மாறி சொந்தவாழ்க்கை, தொழில் துறை போன்றவற்றில் முன்னேற்றம் பெறுவார்.

சனிப்பெயர்ச்சியின் மூலம் இதுவரை உங்களுக்கு இருந்து வந்த வேலை, தொழில், வியாபாரம் போன்ற ஜீவன அமைப்புகளில் இருந்து வந்த போட்டிகள், எதிர்ப்புகள், கண் திருஷ்டி, தடைகள், தாமதங்கள் அனைத்தும் விலகும்.

18 வருடங்களுக்கு ஒருமுறை கோட்சார நிலைமையில் அமையும் ஆறாமிட ராகு எனும் யோக அமைப்பும், முப்பது வருடங்களுக்கு ஒருமுறை வரும் 11 மிட சனியும் ஒருசேர இந்த வருடம் கும்பராசிக்கு அமைவதால் புதுவருடம் உங்களுக்கு புத்துணர்ச்சியைத் தரும் வருடம் என்பதில் சந்தேகம் எதுவும் இல்லை.

பிறந்த ஜாதகப்படி கூடுதலான நல்ல அமைப்புகளையும் கொண்டிருந்தீர்களேயானால் மிகப்பெரிய முன்னேற்றம் இப்போது உங்களுக்கு இருக்கும். இந்த புத்தாண்டில் இருந்து உங்களின் அனைத்துப் பிரச்னைகளும் நல்லபடியாக முடிவுக்கு வந்து அதிர்ஷ்டம் தேடிவந்து உங்களிடம் ஒட்டிக் கொள்ளப் போகிறது.

இதுவரை இருந்து வந்த தேவையற்ற பயஉணர்வுகளும், கலக்கமான மனநிலையும் விலகி மனதில் ஒரு புத்துணர்ச்சி பிறந்து புதுமனிதராக மாறப் போகிறீர்கள். இதுவரை முயற்சி செய்தும் நடைபெறாத பல விஷயங்கள் இனிமேல் தெய்வத்தின் அருளால் முயற்சி இல்லாமலேயே வெற்றி பெறும். பண வரவுகள் சரளமாகி குடும்பத்தில் பணப் பிரச்னைகள் எதுவும் இல்லாமல் நிம்மதி இருக்கும்.

எந்த ஒரு விஷயத்திலும் இதுவரை உங்களுக்கு இருந்து வந்த மனக்கவலைகள் குழப்பங்கள், உடல்நலக் குறைவு, கடன்தொல்லை மற்றும் எதிர்மறை எண்ணங்கள் தொழில்தேக்கம் அதிர்ஷ்டக்குறைவு தடைகள் தாமதங்கள் போன்ற அனைத்தும் இனித் தீர்ந்து கும்பராசிக்கு மிகவும் மேன்மையான காலம் ஆரம்பிக்கிறது.
உடலிலும் மனதிலும் புதுத் தெம்பு பிறக்கும். எங்கும் எதிலும் உற்சாகமாக இருப்பீர்கள். நினைத்த காரியங்கள் நினைத்தபடியே நிறைவேறும். எந்த ஒரு செயலையும் உடனுக்கு உடன் நிறைவேற்ற முடியும். வாக்குப் பலிதம் ஏற்படும். உங்களுடைய பேச்சை அனைவரும் கேட்பார்கள். எதிரிகள் உங்களைக் கண்டாலே ஒளியும்படி இருக்கும். மறைமுக எதிரிகளைப் பற்றி நீங்கள் கவலைப்படத் தேவையில்லை.

சென்ற காலங்களில் வேலை செய்யும் இடத்தில் இருந்து வந்த அதிருப்திகளும் சஞ்சலங்களும் விரக்தியும் இனிமேல் இருக்காது. பதவிஉயர்வு உடனே கிடைக்கும். நீண்ட நாட்களாக நிலுவையில் இருந்த சம்பள உயர்வும் பாக்கித் தொகையும் உடனே பெறுவீர்கள். பதவி உயர்வுடன் கூடிய இடமாற்றங்கள் உண்டு.

அந்தஸ்து, மதிப்பு உயரும் நேரம் இது. அடுத்தவர்களால் கௌரமாக நடத்தப்படுவீர்கள். சரியான வருமானம் இல்லாமல் அவதிப்பட்டுக் கொண்டிருந்தவர்களுக்கு இனிமேல் நிலையான ஒரு தொழில் அமைப்பு உருவாகி மாதாமாதம் நிரந்தர வருமானம் வரும்.

பொருளாதார நிலை மிகவும் மேம்பாடானதாகவும் சரளமான பணவரவு இருந்து கொண்டே இருப்பதாகவும் அமையும். தொட்டது துலங்கும். இதுவரை வருமானம் இன்றி பணப்பற்றாக்குறையால் அவதிப் பட்டுக் கொண்டிருந்தவர்களுக்கு பணப்பிரச்னை இல்லாத அளவுக்கு நல்ல வருமானம் இருக்கும்.

தொழில் செய்பவர்கள், வியாபாரிகள், இயக்கும் வேலையில் உள்ளவர்கள் போன்ற துறையினர் தங்களது தொழிலை விரிவாக்கம் செய்வதற்கோ புதிய கிளைகள் ஆரம்பிப்பதற்கோ இது மிகவும் நல்ல நேரம். கூட்டுத் தொழிலில் இதுவரை இருந்த வந்த கருத்து வேறுபாடுகளும், மந்தமான நிலைமையும் மாறி தொழில் நல்லபடியாக நடக்கும்.

நண்பர்களும், பங்குதாரர்களும் உதவிகரமாக இருப்பார்கள். ஏற்கனவே தொழில் ஆரம்பித்து இன்னும் காலூன்ற முடியாமல் சிரமப்பட்டுக் கொண்டிருப்பவர்களுக்கு இந்த வருடம் முதல் தொழில் நல்ல முன்னேற்றமாக நடக்கும். கூட்டுத்தொழில் செய்யலாமா என்று யோசித்துக் கொண்டிருந்தவர்கள் தங்கள் தொழிலில் பங்குதாரர்களை சேர்த்துக் கொள்வதற்கு நல்ல நேரம் இது. அவர்கள் மூலம் முன்னேற்றங்கள் இருக்கும்.

சில தொழில் முனைவோர்கள் நல்ல சந்தர்ப்பங்கள் கிடைத்து அமோகமான தொழில் வெற்றியைப் பெற்று பணக்காரர்கள் ஆவதற்கு தற்போது வாய்ப்பு இருக்கிறது. விடாமுயற்சியுடன் எதையும் செய்வதன் மூலம் கடவுள்அருள் உங்கள் பக்கம் இருக்கும் என்பது நிச்சயம்.

அரசு தனியார்துறை ஊழியர்களுக்கு ‘இதர வருமானங்கள்’ சிறப்பாக சொல்லிக் கொள்ளும்படி இருக்கும். தொழிலாளர்களுக்கு வேலைப்பளு குறைந்து சம்பளஉயர்வு, பதவி உயர்வு போன்றவைகள் கிடைக்கும். தொழிற்சங்கங்களில் பதவியில் இருப்பவர்கள் பாராட்டுகளைப் பெறுவீர்கள்.

வீட்டில் மங்களநிகழ்ச்சிகள் நடைபெறும் காலம் இது. இதுவரை திருமணம் ஆகாத இளைய பருவத்தினருக்கு செப்டம்பர் மாதத்திற்கு பிறகு திருமணம் நடைபெறும். நீண்ட காலமாக மகன், மகளுக்கு திருமணம் கூடி வரவில்லையே என்று வருத்தப்பட்டுக் கொண்டிருப்பவர்களுக்கு அந்தக்கவலை இப்போது நீங்கும்.

காதலிப்பவர்கள் பெற்றோர்கள் சம்மதத்துடன் நினைத்தவரை மணமுடிப்பீர்கள். முதல் வாழ்க்கை கோணலாகிப் போய் போலிஸ் கோர்ட் என்று திரிந்தவர்களுக்கு அனைத்துப் பிரச்னைகளும் நல்லபடியாக முடிந்து இரண்டாவது வாழ்க்கை அமைப்பு நல்லபடியாக உருவாகும்.

வெளிநாட்டில் படிக்கவோ வேலை செய்யவோ முயற்சி செய்தவர்களுக்கு வெற்றி கிடைக்கும். இந்த புத்தாண்டில் இடமாற்றங்கள் ஊர்மாற்றங்கள் வீடுமாற்றம் தொழில்மாற்றம் போன்றவைகள் நடக்கும். அந்த மாற்றங்கள் உங்கள் எதிர்காலத்திற்கு நல்லவைகளாகத்தான் இருக்கும் என்பதால் தயங்காமல் ஏற்றுக் கொள்ளுங்கள்.

பெண்களுக்கு இது மிகச் சிறப்பான நன்மைகளைத் தரும் புத்தாண்டாகும். உங்களின் மதிப்பு உயரும். நான்கு பேர் கூடும் இடத்தில் தனித்துவமாக தெரிவீர்கள். வேலைக்கு செல்லும் பெண்களுக்கு அலுவலகத்தில் இதுவரை இருந்த வந்த மறைமுக எதிர்ப்புகள் விலகும்.

பிறக்க இருக்கும் தமிழ்ப் புத்தாண்டில் அடுத்தடுத்து நடக்க இருக்கின்ற மூன்று பெயர்ச்சிகளும் கும்பராசிக்கு முன்னேற்றங்களைத் தரும் அமைப்பில் வருவதால் இந்த தமிழ்ப் புத்தாண்டு கும்பத்திற்கு திருப்புமுனையைத் தந்து முன்னேற்ற பாதையில் செல்ல வைக்கும் என்பதில் சந்தேகம் இல்லை.

ஆதித்ய குருஜி
செல்: 8870 99 8888

சனிப்பெயர்ச்சி பலன்கள்

கும்பராசிக்கு சனிபகவான் ஒன்பதாமிடத்தில் இருந்து பத்தாமிடத்திற்கு மாறுகிறார். ஒரு பாபக்கிரகம் ராசிநாதனாகி திரிகோண வீட்டில் இருப்பதைவிட கேந்திர வீடான பத்தாம் வீட்டில் இருப்பது நல்ல நிலை என்பதால் கும்ப ராசிக்காரர்களுக்கு இந்த சனிப்பெயர்ச்சியின் மூலம் நன்மைகள் அதிகம் இருக்கும்.

மேலும் கடந்த ஜுன் மாதம் முதல் குருபகவானும் சாதகமற்ற பலனைத் தரும் ஆறாமிடத்தில் இருந்து கும்ப ராசிக்கு கடன், நோய், எதிலும் தடை எதிர்ப்புகள் போன்ற பலன்களைக் கொடுத்துக் கொண்டிருக்கிறார். இப்போது பத்தாமிடத்திற்கு ராசிநாதன் சனி மாறி உச்சகுருவின் பார்வைக்குள் வருவதும் ஜுலை மாதத்திற்கு மேல் குருபவான் ஏழாம் இடத்திற்கு மாறி ராசியைப் பார்க்கப் போவதும் கும்பத்திற்கு மிகவும் நல்ல அமைப்பு என்பதால் இந்த சனிப்பெயர்ச்சி உங்களுக்கு சிறப்பான பலன்களைத் தரும் என்பது உறுதி.

அரசு ஊழியர்களுக்கு இந்தப் பெயர்ச்சியால் நன்மைகள் உண்டு. அதிகாரமிக்க காவல்துறை மற்றும் நீதித்துறையில் இருப்பவர்களுக்கும், அமைச்சர்கள், நீதியரசர்கள், உயர் அதிகாரிகளின் அலுவலகங்களில் பணி புரிபவர்களுக்கும் மிகவும் நல்ல பலன்கள் நடக்கும். அரசாங்க வழியில் நன்மைகள் நடக்கும். மனம் புத்துணர்ச்சியுடன் இருக்கும். உங்களுடைய மாற்றங்களை அடுத்தவர்கள் உணரும்படி நடந்து கொள்வீர்கள். அலுவலகத்தில் தொந்தரவுகள் எதுவும் ஏற்பட வாய்ப்பு இல்லை.

உங்களுக்கு கீழே வேலை செய்பவர்களிடம் இருந்து ஒத்துழைப்பு கிடைக்கும். மேல் அதிகாரிகள் அனுசரணையாக இருப்பார்கள். ஏதேனும் ஒரு சிறு காரணத்திற்காக நிறுத்தி வைக்கப்பட்டிருந்த சம்பள உயர்வு பதவி உயர்வு போன்றவைகள் தற்போது கிடைக்கும். குறிப்பாக பொதுமக்கள் தொடர்பான பணிகளில் இருப்பவர்கள், பொதுவாழ்வில் இருக்கும் அரசியல்வாதிகள் ஆகியோருக்கு இது கூடுதல் நன்மைகளைத் தரும் காலகட்டமாக இருக்கும்.

அரசியல்வாதிகளுக்கு அதிகாரப்பதவிகள் தேடி வரும். இதுவரை நல்ல வேலை கிடைக்காமல் திண்டாடிக் கொண்டிருந்தவர்களுக்கு பொருத்தமான சம்பளத்துடன் கூடிய வேலை கிடைக்கும். தொழிலில் முதலீடு செய்ய முடியாமல் திணறிக் கொண்டிருந்தவர்களுக்கு முதலீடு செய்வதற்கு பணம் கிடைத்து நினைத்தபடி தொழிலை விரிவாக்கம் செய்ய முடியும். சுயதொழில் புரிபவர்களுக்கு இதுவரை இருந்து வந்த தேக்க நிலைகள் மாறி தொழில் சூடு பிடிக்கும்.

வருமானம் நன்கு வரும். வியாபாரிகள் அனைத்திலும் வெற்றி காண்பார்கள். ஜுலைக்குப் பிறகு உங்களின் எதிரிகள் ஓட்டம் பிடிப்பார்கள். மத்திய மாநில அரசுகளின் போட்டித் தேர்வுகள் மற்றும் வங்கி சம்பந்த பட்ட தேர்வுகள் எழுதுவோருக்கு இம்முறை வெற்றி கிடைக்கும். ஏற்கனவே எழுதி முடிவுகளுக்காக காத்துக் கொண்டிருப்பவர்களுக்கு நல்ல செய்திகள் கிடைக்கும்.பணவிஷயத்தில் குறைப்பட்டுக் கொள்ள எதுவும் இல்லை. தாராளமான பணப்புழக்கம் இருக்கும்.

கொடுக்கும் வாக்கைக் காப்பாற்ற முடியும். சொன்ன சொல் தவறாது. செலவுகள் நிச்சயம் இருக்கும் என்றாலும் செலவு செய்வதற்கு ஏற்ற பணவரவும் கண்டிப்பாக இருக்கும். பணம் இருந்தாலே பாதிப்பிரச்சனை தீர்ந்து விடும் என்பதால் பிரச்சனைகளைப் பற்றிக் கவலைப்பட வேண்டாம். வீட்டிற்கு தேவையான பொருட்களை இப்போது வாங்க முடியும். பிரிட்ஜ், ஏசி, வாஷிங் மிஷின், செல்போன் போன்ற பொருட்களை வாங்குவீர்கள்.

கணவன் மனைவி உறவில் இதுவரை இருந்து வந்த கருத்துவேற்றுமைகள் நீங்கும். மூன்றாவது மனிதரால் குடும்பத்தில் ஏற்பட்டிருந்த குழப்பங்கள் அடையாளம் காணப்பட்டு நீங்களே பிறர் உதவியின்றி குழப்பங்களைத் தீர்த்துக் கொள்வீர்கள். கூட்டுக்குடும்பத்தில் ஒருவருக்கொருவர் துணையாக இருப்பீர்கள். வயதில் மூத்தவர்கள் மூலம் லாபம் உண்டு. இதுவரை திருமணம் ஆகாமல் இருந்த இளைய பருவத்தினர்களுக்கு ஜுலை மாதத்திற்குப் பிறகு திருமணம் கூடி வரும்.

குடும்பத்தில் திருமணம் பூப்புனித நீராட்டுவிழா குழந்தைகளுக்கு காதுகுத்துதல் போன்ற பெண் குழந்தைகள் சம்பந்தப்பட்ட சுபகாரியங்கள் இருக்கும். குழந்தைகளால் மகிழ்ச்சி இருக்கும். உடன்பிறந்த சகோதரர்கள் வழியில் உதவிகளை எதிர்பார்க்க வேண்டாம். தந்தையுடன் கருத்து வேற்றுமை வரலாம். பெரியவர்களின் அறிவுரைகளை கேட்டு அதன்படி நடந்து கொள்வது நல்லது.

இளைய பருவத்தினர் மற்றும் மாணவர்கள் படிப்பையும் தங்களுக்குண்டான வேலையையும் மட்டும் அக்கறையுடன் கவனிப்பது நன்மைகளைத் தரும். சிலருக்கு இந்த நேரத்தில் படிப்பதை தவிர மற்ற விஷயங்களில் ஆர்வம் வந்து முடிவில் துன்பத்தில் கொண்டு போய் விட்டு விடும் என்பதால் இது போன்ற எண்ணங்களை மூட்டை கட்டி மூலையில் வைத்து விட்டு எதிர்காலம் நன்றாக இருப்பதற்கான முயற்சிகளில் ஈடுபட்டால் உங்கள் வாழ்வு சிறக்கும் என்பது உறுதி. குழந்தை இல்லாத தம்பதியினருக்கு குழந்தை பிறக்கும். சொத்துச் சேர்க்கை இருக்கும்.

நகை வாங்க முடியும். பூர்வீக சொத்தில் இருந்து வந்த பிரச்சனைகள் விலகி உங்கள் பங்கு கைக்கு கிடைக்கும். நண்பர்கள், நலம் விரும்பிகள் மூலம் பொருளாதார உதவிகள் ஆதரவானபோக்கு மற்றும் அனுசரணையான பேச்சு இருக்கும். இதுவரை கோர்ட்கேஸ் போன்ற வழக்குகளில் சிக்கி அவதிப்பட்டவர்களுக்கு நல்ல திருப்புமுனையான நிகழ்ச்சிகள் நடந்து உங்கள் பக்கம் அனைத்தும் சாதகமாகும். பெண்களுக்கு இந்த சனிப்பெயர்ச்சியினால் நன்மைகள் அதிகமாக இருக்கும். குடும்பத்தில் உள்ளவர்களிடம் உங்களின் பேச்சு எடுபடும்.

நீங்கள் சொல்வதையும் கேட்கலாமே என்று கணவர் நினைப்பார். கணவர் மூலமாக நன்மையை பெறுவீர்கள். புகுந்த வீட்டில் மதிக்கப் பெறுவீர்கள். பணிபுரியும் இடத்தில் இருந்து வந்த சிக்கல்கள் தீரும். உங்கள் அந்தஸ்து கௌரவம் உயரும். வேலைக்குச் செல்லும் பெண்கள் மதிப்புடன் நடத்தப்படுவீர்கள். உங்களுக்கு கீழே வேலை செய்பவர்கள் உங்களுக்கு கட்டுப்பட்டு இருப்பார்கள்.

எழுத்து சம்பந்தப்பட்ட துறைகளில் இருப்பவர்கள், அக்கவுண்டண்டுகள், கணிப்பொறித்துறையினர், செல்போன் போன்ற நூதன எலக்ட்ரானிக்ஸ் கருவிகள் விற்போர், விவசாயிகள், கலைஞர்கள் போன்றவர்களுக்கு இதுவரை இருந்து வந்த மந்த நிலைமை முற்றிலும் மாறி அனைத்தும் நல்லபலன்களைத் தரும் நிலை வந்திருக்கிறது. சனிபகவானின் பார்வை நான்காம் வீட்டில் விழுவதால் வீடு வாகனம் தாயார் தன் சுகம் உயர்கல்வி போன்ற விஷயங்களில் சில எதிர்மறைபலன்களும் சாதகமற்ற நிலைகளும் இருக்கும்.

நிலம் வீடு போன்றவைகளை வாங்கும்போது பொறுமை தேவை. அவசரம் வேண்டாம். வில்லங்கம் சரியாகப் பார்க்கவும். வில்லங்கம் உள்ள இடத்தை தெரியாமல் வாங்கிவிட்டு பின்னால் கோர்ட் கேஸ் என்று அலைய வாய்ப்பிருப்பதால் ஆரம்பத்திலேயே அனைத்திலும் உஷாராக இருங்கள். இருக்கும் வீட்டை விற்று விட்டு புதிய வீடு வாங்குவது, வீட்டை இடித்துக் கட்டுவது, புதுவீடு வாங்குவது போன்ற விஷயங்களில் இப்போது அவசரம் காட்டவேண்டாம்.

நான்காமிடம் சனியின் பார்வையால் கெடுவதால் நிதானம் தேவை. இருக்கும் வீட்டை விற்று வீடு விற்ற பணம் வேறுவகையில் செலவாகி, இருந்த சொந்த வீடு போய் வாடகை வீட்டில் குடியிருக்கச் செய்வார் சனி என்பதால் கவனமுடன் இருங்கள். அவசரப்படாதீர்கள். அதேபோல வாகனமாற்றம், புதிய அதிகவிலை உள்ள வாகனம் வாங்குதல் போன்றவற்றிலும் நிதானத்துடன் செயல்படுங்கள். வயதான தாயாரினால் மருத்துவச் செலவுகள் வரும்.

தாயாரின் உடல்நலத்தில் அலட்சியம் வேண்டாம். அவருக்கு சிறு பிரச்சனை என்றாலும் உடனே மருத்துவரை அணுகுவது நல்லது. தெய்வ தரிசனம் கிடைக்கும். வெகு நாட்களாக திட்டம் போட்டுக் கொண்டிருந்த வடமாநில புனித யாத்திரை இப்போது போக முடியும். ஞானிகள் அருள்புரியும் ஜீவசமாதிகளுக்கு சென்று அவர்களின் அருள் பெற முடியும். ஆலயப்பணிகளில் ஈடுபாடு வரும். திருக்கோயில்களைச் சுற்றித் தொழில்புரிபவர்கள் மேன்மை அடைவீர்கள்.

நீண்ட நாட்களாக குலதெய்வ வழிபாடு நடத்தாதவர்கள் உடனடியாக அந்தக் குறையைத் தீர்க்கும் வண்ணம் குலதெய்வத்தை தரிசனம் செய்யுங்கள். எத்தனை இஷ்ட தெய்வத்தை வழிபட்டாலும் குலதெய்வத்திற்கு மிஞ்சிய சக்தி இல்லை என்பது சித்தர்களின் வாக்கு. இதுவரை இழுபறியில் இருந்து வந்த பேச்சு வார்த்தைகள், நடவடிக்கைகள் உங்களுக்கு சாதகமாக முடிவுக்கு வரும். இனிமேல் வராது என்று கை விடப்பட்ட பணம் கிடைக்கும்.

வெளிநாட்டுப் பயணத்திற்கு இது வரையிருந்து வந்த தடைகள் நீங்கும். வெளிநாட்டில் வேலை தேடுபவர்களுக்கு நல்ல செய்தி வரும். தந்தை வழி உறவினர்களால் நன்மை கிடைக்கும். போட்டி பந்தயங்கள் லாட்டரி சீட்டு ரேஸ் போன்றவை தற்போது கை கொடுக்காது. யூகவணிகம், பங்குச்சந்தை போன்றவைகள் சிறிது பணம் வருவது போல் ஆசைகாட்டி முதலுக்கே மோசம் வைக்கும் என்பதால் கொஞ்ச நாட்களுக்கு பங்குச்சந்தை போன்ற விவகாரங்களில் தலை காட்டாமல் இருப்பது நல்லது. மொத்தத்தில் இந்த சனிப்பெயர்ச்சியில் நன்மைகள்தான் இருக்கும் என்பது உறுதி.

 

குருப்பெயர்ச்சி பலன்கள்

(அவிட்டம் 3, 4ம் பாதங்கள், சதயம், பூரட்டாதி, 1, 2, 3ம் பாதங்கள் ஆகிய நட்சத்திரங்களில் பிறந்தவர்கள் மற்றும் கு, கே, கோ, ஸ, ஸி, ஸீ, ஸோ, த ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)

கும்பராசிக்கு இதுவரை ஏழாமிடத்தில் இருந்த குருபகவான் தற்போது மாற்றங்களைத் தரும் எட்டாமிடத்திற்கு மாறி அஷ்டமகுரு எனும் நிலை பெறுகிறார்.

அஷ்டமகுரு என்றவுடன் யாருக்கும் ஒருவிதமான கலக்கம் ஏற்படுவது இயற்கைதான். ஆனால் சுபக்கிரகங்கள் மறைவுஸ்தானத்தில் வரும்போது எதிர்காலத்திற்கான நன்மைகளையே செய்யும் என்பதையும் பாவக்கிரகங்களைப் போல சுபர்கள் கடுமையான கெடுபலன்களை எப்போதுமே செய்வதில்லை என்பதையும் புரிந்து கொண்டால் இங்கே கலக்கத்திற்கு இடமில்லை.

அஷ்டமச்சனி செய்யும் கெடுதல்களுக்கும் அஷ்டமகுருவால் வரும் விளைவுகளுக்கும் ஆயிரம் வித்தியாசங்கள் இருக்கின்றன. மேலும் ஒரு கிரகம் அந்த ராசிக்கு யோகராக இருக்கும் நிலையில் மறைவு பெற்றால் மட்டுமே கெடுபலன் தரும். ஒரு ராசிக்கு பாவராக இருக்கும் கிரகம் வலு இழந்தால் தீமையில்லை எனும் விதிப்படி கும்பராசிக்கு குருபகவான் எட்டில் மறைவது ஒரு வகையில் நன்மையைத்தான் தரும்.

எட்டில் மறையும் குருவால் எதிர்கால மாற்றங்கள் தற்போது உங்களுக்கு நடைபெறும். குறிப்பாக இளைய பருவத்தினருக்கு நீங்கள் எந்த விதத்தில் வாழ்க்கையில் நிலை பெற இருக்கிறீர்களோ அந்த இடத்தை நோக்கி உங்களை நகர்த்தும் வேலையை குருபகவான் செய்வார்.

மேலும் இது போன்று எட்டாமிடத்திற்குக் கிரகங்கள் வரும் போது உங்களில் ஒரு சிலர் இப்போது இருப்பதை விட எதிர்காலத்தில் நன்றாக இருக்க வேண்டியவர்கள் என்பதை உணராமல் சோம்பலுடன் தற்போது இருக்கும் சுமாரான நிலையே போதும் என்று ஒரே இடத்தில் உழன்று கொண்டிருக்கும் நிலையில் உங்களின் நன்மைக்காக இருக்கும் வேலையை விட்டு அந்த இடத்தை விட்டு உங்களை எட்டாமிட கிரகம் பிடரியில் உதைத்து வெளியே தள்ளும்.

அப்போதைக்கு அந்த வெளியேற்றம் உங்களுக்கு கெடுதலாக தோன்றினாலும் வாழ்க்கையே முடிந்து விட்டதாகத் தெரிந்தாலும் அதன் பிறகு ஏற்படும் வாய்ப்புகளினால் முன்பை விட நீங்கள் நன்றாக இருக்கும் போது எதற்காக இந்த வெளியேற்றுதல் நடந்தது என்பது உங்களுக்குப் புரிய வரும். இதுவே எட்டாமிட சுபக்கிரகங்களின் விளையாட்டு.

எனவே இந்த அஷ்டமகுரு அமைப்பு கும்பராசிக்கு எதிர்காலத்தில் நீங்கள் நன்றாக இருக்கவேண்டியதற்கான மாற்றங்களை தற்போது தரும். அது சில காலம் கசப்பாக இருந்தாலும் எதிர்காலம் இனிக்கும் என்பதால் மாற்றங்களை எதிர்கொள்ள கும்பத்தினர் தயாராகுங்கள்.
குருபகவானின் பார்வை பனிரெண்டு, இரண்டு, நான்கு ஆகிய ஸ்தானங்களில் விழுந்து அவை வலுப்பெறுவதால் பனிரெண்டாமிடத்தின் சுபகாரகத்துவமான வெளிமாநிலம், வெளிதேசம் போன்றவற்றில் பிழைக்கும் வாய்ப்பு சிலருக்கு இப்போது ஏற்பட்டு உள்நாட்டில் இருக்கும் வேலையை விட அதிக சம்பளத்தில் சிலர் வெளிநாடு செல்வீர்கள்.

குறிப்பிட்ட சிலருக்கு வெளிநாட்டுக் கம்பெனிகளில் தலைமைப் பொறுப்பு கிடைப்பதும். ஏற்றுமதி இறக்குமதி தொழில் அமைவதும், வெளிதேச நட்பு மூலம் தொழில் லாபங்கள் இருப்பதும் வடக்கு நோக்கிச் செல்வதும் இந்த குருப்பெயர்ச்சியால் நடக்கும்.

குருபகவான் தனம், வாக்கு, குடும்பஸ்தானம் எனும் இரண்டாமிடத்தை வலுப்பெற்றுப் பார்ப்பதால் இந்தக் குருப்பெயர்ச்சியினால் உங்களுக்கு பணவரவில் தடைகளோ, பொருளாதார கஷ்டங்களோ இருக்காது. வருமானம் சீராக இருக்கும் என்பதால் எவ்வித கஷ்டங்களும் உங்களுக்கு தெரிவதற்கு வாய்ப்பு இல்லை.

அதேபோல வாக்குஸ்தானம் வலுப்பெறுவதால் ஒருவருக்கு கொடுக்கும் வாக்குறுதியை நிறைவேற்ற முடியும். குடும்பத்தில் சந்தோஷம், மகிழ்ச்சி இருக்கும். குடும்பத்திற்கு தேவையான அனைத்து அத்தியாவசியப் பொருட்களையும் வாங்க முடியும். சிலருக்கு குடும்பம் அமைந்து குடும்பஸ்தன் ஆவீர்கள்.

அரசு மற்றும் தனியார் துறை ஊழியர்களுக்கும், பேச்சினால் தொழில் செய்ய கூடிய ஆசிரியர்கள் வக்கீல்கள் போன்றவர்களுக்கும் வீடுமாற்றம், அலுவலக இட மாற்றம், ஊர்மாற்றம் போன்றவைகள் நடக்கக் கூடிய கால கட்டம் இது.

அலுவலகத்தில் தொந்தரவுகள் எதுவும் ஏற்பட வாய்ப்பு இல்லை. உங்களுக்கு கீழே வேலை செய்பவர்களிடம் இருந்து ஒத்துழைப்பு கிடைக்கும். மேல் அதிகாரிகள் அனுசரணையாக இருப்பார்கள். ஏதேனும் ஒரு சிறு காரணத்திற்காக நிறுத்தி வைக்கப் பட்டிருந்த சம்பள உயர்வு பதவி உயர்வு போன்றவைகள் தற்போது கிடைக்கும்.

அரசு ஊழியர்களுக்கு இந்தக் குருப்பெயர்ச்சியால் நன்மைகள் உண்டு. குறிப்பாக அதிகாரமிக்க காவல்துறை மற்றும் நீதித்துறையில் இருப்பவர்களுக்கும், அமைச்சர்கள், நீதியரசர்கள், உயர் அதிகாரிகளின் அலுவலகங்களில் பணி புரிபவர்களுக்கும் மிகவும் நல்ல பலன்கள் நடக்கும்.

பொதுமக்கள் தொடர்பான பணிகளில் இருப்பவர்கள், பொதுவாழ்வில் இருக்கும் அரசியல்வாதிகள் ஆகியோருக்கு இது கூடுதல் நன்மைகளைத் தரும் காலகட்டமாக இருக்கும். அரசியல்வாதிகளுக்கு அதிகாரப்பதவிகள் தேடி வரும். பயணம் தொடர்பான விஷயங்களில் வருமானம் வரும். அடிக்கடி பிரயாணங்கள் செய்வீர்கள்.

தனியார் துறையினர் மற்றும் தொழிற்சாலைகளில் பணிபுரிபவர்கள் போன்றவர்களுக்கு நிர்வாகத்திடம் கருத்து வேற்றுமைகள் ஏற்படலாம். திடீரென நிர்வாகம் கண்காணிப்பு வேலைகளில் ஈடுபடவோ, அது சம்பந்தப்பட்ட கருவிகளைப் பொருத்தவோ, ஆட்களை நியமிக்கவோ வாய்ப்பு உள்ளது.

சொந்தத்தொழில் செய்பவர்கள், வியாபாரிகள், தனது அறிவையும் புத்திசாலித்தனத்தையும் முதலீடாக வைத்து சுயதொழில் செய்பவர்கள் அனைவருக்கும் இது முன்னேற்றமான காலம்தான். சுயதொழிலர்களுக்கு உற்பத்தி ஆர்டர்கள் சீராகக் கிடைக்கும். பங்குதாரர்கள் ஒத்துழைப்பார்கள். பணவரவு தடைப்படாது.

தொலைக்காட்சி, சினிமாத்துறை போன்ற ஊடகங்களில் இருக்கும் கலைஞர்கள், பத்திரிகைத்துறையினர், காவல் துறையினர், நீதித்துறையினர், வாகனங்களை இயக்குபவர்கள், அன்றாடம் சம்பளம் வாங்குபவர்கள், தொழில் அதிபர்கள், வெளிநாட்டுத் தொடர்புடையவர்கள், கணிப்பொறி சம்பந்தப்பட்டோர், சொல்லிக்கொடுப்போர் போன்ற அனைத்துத் தரப்பினருக்கும் இந்த குருப்பெயர்ச்சி நல்ல பலன்களையே தரும்.

பெண்களுக்கு இந்த குருப்பெயர்ச்சி மிகவும் நல்ல பலன்களைக் கொடுக்கும். பிள்ளைகளால் பெருமைப்படுவீர்கள். வேலை செய்யும் இடங்களில் சிக்கல்கள் எதுவும் இருக்காது. வீட்டிலும் உங்கள் பேச்சை கணவரும் பிள்ளைகளும் கேட்பார்கள். குடும்பத்தில் சுபகாரியங்களை மிகச் சிறப்பாக நடத்துவீர்கள். வேலைக்குச் செல்லும் மகளிருக்கு பணியிடங்களில் மகிழ்ச்சியும் மரியாதையும் நிச்சயம் உண்டு.

குடும்பத்தில் யாராவது ஒருவர் கோபத்தில் பேசினாலும் மற்றவர் அடங்கிப் போவதால் எல்லாவித பிரச்சனைகளையும் சமாளிக்க முடியும். மேலும் அறிவுப் பூர்வமாக சிந்திக்கக் கூடிய பெண் ஒருவர் இருக்கும் குடும்பத்தில் பிரச்சனைகள் எதுவும் பெரிதாக வராது.
புனிதயாத்திரை செல்வீர்கள். ஞானிகள் மகான்களின் திருப்பாதம் பதிந்த இடங்களுக்கு சென்று தரிசித்து உங்களை புனிதப்படுத்திக் கொள்வீர்கள். குறுப்பிட்ட சிலருக்கு காசி கயா ரிஷிகேஷ் போன்ற வடமாநில தீர்த்த யாத்திரைகளும் ஆன்மிக சுற்றுலாக்களும் உண்டாகும். தெய்வ தரிசனங்களும் கிடைக்கும். ஆன்மீக விஷயங்களில் ஈடுபாடு அதிகமாகும். மகான்களின் கருணைப் பார்வை உங்கள் மீது விழும்.

நீண்ட நாட்களாக குலதெய்வ வழிபாடு நடத்தாதவர்கள் உடனடியாக அந்தக் குறையைத் தீர்க்கும் வண்ணம் குலதெய்வத்தை தரிசனம் செய்யுங்கள். எத்தனை இஷ்ட தெய்வத்தை வழிபட்டாலும் குலதெய்வத்திற்கு மிஞ்சிய சக்தி இல்லை என்பது சித்தர்களின் வாக்கு.
குருபகவான் முயற்சி ஸ்தானம் எனப்படும் மூன்றுக்குடையவராகி எட்டில் மறைவதால் எந்த ஒரு விஷயமும் நீண்ட முயற்சிக்கு பின்பே வெற்றியைத் தரும் என்பதால் கடினஉழைப்பும் விடாமுயற்சியும் கண்டிப்பாகத் தேவைப்படும். சில நேரங்களில் தோல்வி மனப்பான்மையும் விரக்தியும் ஏற்படலாம் என்பதால் அனைத்து விஷயங்களிலும் ஒரு முறைக்கு நான்கு முறை யோசித்து செயல்படுவது நல்லது

பரிகாரங்கள்:

ஏழில் ராகு எட்டில் குரு என்ற அமைப்பு இருப்பதால் வேலூர் வாலாஜாபேட்டை ஸ்ரீ தன்வந்திரிபீடத்தில் கயிலை ஞானகுரு ஸ்ரீலஸ்ரீ முரளிதர சுவாமிகளால் ஒரே கல்லில் ஸ்தாபிக்கப்பட்ட ராகுகேதுக்களை வணங்கி முறையான பரிகாரங்களைச் செய்யுங்கள். மேலும் அன்னை மீனாட்சியின் தவப்புதல்வர் ஸ்ரீஸ்ரீஸ்ரீ குழந்தையானந்த சுவாமிகளின் அருள் பொழியும் திருமுகத்தை தரிசியுங்கள். அனைத்து பிரச்சனைகளும் பஞ்சாய் பறந்து போகும்.

ராகுகேது பெயர்ச்சி பலன்கள்

பெருந்தன்மை கொண்ட மனமும், பிறரைக் கவர்ந்திழுக்கும் பேச்சாற்றலும் பெற்ற கும்ப ராசி நேயர்களே!

பணபலத்தால் மற்றவர்கள் சாதிக்க முடியாத காரியத்தை நீங்கள் பக்கபலமாக இருக்கும் நண்பர்களால் சாதித்துக் காட்டுவீர்கள். அரசியல் முதல் ஆன்மிகம் வரை நீங்கள் அத்துப்படியாக வைத்திருந்தாலும், உங்களுக்கு உள்ளூர பயம் இருந்து கொண்டே இருக்கும். உங்கள் மனதில் உறுதி மட்டும் இருந்தால் மகத்தான வாழ்க்கையை அமைத்துக் கொள்ள இயலும்.

பதுமையைப் போல வாழ உங்களுக்குப் பிடிக்காது. பம்பரமாய்ச் சுழன்று பணிபுரிவீர்கள். உங்களுக்கு முட்டுக்கட்டையாக முன்கோபம் இருக்கும். திட்டம் தீட்டுவதிலும் சமர்த்தர்கள் நீங்கள். அடுத்தவர்களை அனுசரித்துச் செல்வதன் மூலமே ஆதாயத்தைப் பெறமுடியும் என்பதை நடுத்தர வயதில் தான் நீங்கள் அறிந்து கொள்வீர்கள்.

‘சிக்கனத்தின் சிகரம்’ என்று கூட உங்களை வர்ணிக்கலாம். வீட்டில் பணத்தை வைத்துவிட்டுப் பழகியவர்களிடம் தக்க விதத்தில் கவர்ச்சியாகப் பேசிக் காரியத்தைச் சாதித்துக் கொள்வீர்கள்.

எண்ணற்ற கருத்துக்களை இதயத்தில் பதித்து வைத்திருந்தாலும், எதுவும் தெரியாததைப் போல காட்சி தரும் உங்களுக்கு இந்த ராகு–கேது பெயர்ச்சியால் ஏற்படும் மாற்றங்களைப் பற்றிப் பார்ப்போம்.

சப்தம ராகுவால் சஞ்சலங்கள் கூடும்!
ஜென்ம கேதுவால் ஆன்மிக நாட்டம் அதிகரிக்கும்!

இதுவரை கன்னி ராசியில் சஞ்சரித்து வந்த ராகுவும், மீன ராசியில் சஞ்சரித்து வந்த கேதுவும் தனது வான்வெளிப் பயணத்தில் 8.1.2016 அன்று பின்னோக்கி வந்து உங்கள் எதிர்பார்ப்புகளை நிறைவேற்றி வைக்கப்போகிறார்கள்.

இருப்பினும் ஜென்மத்தில் கேதுவும், ஏழில் ராகுவும் வருவது அவ்வளவு நல்லதல்ல. சர்ப்ப தோஷ ஆதிக்கம் மிகுந்திருப்பதால் உங்கள் சுய ஜாதக அடிப்படையில் ராகு–கேதுக்களின் பலமறிந்து யோகம் தரும் நாளில் உங்களுக்கு அனுகூலம் தரும் ஸ்தலங் களில் சர்ப்ப சாந்திகளை மேற்கொள்வது அவசியமாகும். அப்பொழுதுதான் சந்தோஷத்தை நிலையாக வைத்திருக்க இயலும்.

ஜென்ம கேதுவால் சிறப்பான பலன்கள் ஏற்படுமா? என்று நீங்கள் நினைக்க வேண்டாம். ஆன்மிக நாட்டத்தை அதிகரித்து அதன் மூலமாக உங்கள் வாழ்க்கைத் தேவைகளைப் பூர்த்தி செய்வீர்கள். அருளாளர்களின் தொடர்பு அதிகரிக்கும். அடுத்து நடக்கப் போவது என்ன? என்று யோசிக்கத் தூண்டும். கவுரவம், அந்தஸ்து உயரும்.

குடும்பத்தில் உள்ளவர்கள் மட்டும் உங்கள் சொற்களை மீறி நடக்கிறார்களே என்று சொல்வீர்கள். ஆனால் மற்றவர்கள் உங்கள் குணமறிந்து நடந்துகொள்வர். கோபத்தைக் குறைத்துக் கொள்வது நல்லது. கொடுக்கல்–வாங்கல்களில் இதுவரை சந்தித்த ஏமாற்றங்களை இனி ஈடுகட்டப் போகிறீர்கள். இருந்தாலும், ஜென்ம கேது ஆரோக்கியத்தில் அச்சுறுத்தல்களை கொடுத்துக் கொண்டே இருக்கும். மருத்துவச் செலவுகள் கூடும்.

சப்தம ராகுவின் சஞ்சாரம்!

சப்தம ராகு நீண்ட தூரப் பயணங்களை ஒரு சிலருக்கு வர வழைத்துக் கொடுக்கும். கூட்டு முயற்சிகளில் வெற்றி கிடைக்க வேண்டுமானால் கூட்டாளிகளின் ஜாதகத்தையும் ஆராய்ந்து பார்த்து முடிவடுத்து இணைத்துக் கொள்ளுங்கள். ஞாபக மறதி அதிகரிக் கும். பொல்லாதவர்கள் உங்களைவிட்டு விலக எடுத்த முயற்சி வெற்றி தரும்.

குடும்பத்தில் அமைதிக் குறைவு ஏற்படாதிருக்க விட்டுக்கொடுக்கும் மனப்பான்மையும், பொறுமையும் உங்களுக்கு அவசியம் தேவை. குடும்பத் தகவல்களை மூன்றாம் நபர்களிடம் பகிர்ந்து கொள்வதன் மூலமும் ஒரு சில பிரச்சினைகளைச் சந்திக்க நேரிடலாம். என்பதால் அதற்கு ஏற்றவாறு நடந்து கொள்வது நல்லது. நிலம், வீடு வாங்குவதில் ஏற்பட்ட சிக்கல்கள் அகலும் என்றாலும் கூட பத்திரப்பதிவில் கூடுதல் கவனம் செலுத்துவது நல்லது.

குடும்பத்தினர்களின் எண்ணங்களை நிறைவேற்றுவதை முன்னிட்டு அதிக விரயங்கள் ஏற்படலாம். இது போன்ற நேரங்களில் பழைய வீட்டை பழுது பார்ப்பதில் ஆர்வம் காட்டலாம். வாகனங்களைப் புதுப்பிக்கலாம். கட்டிடம் கட்டும் பணி விட்டு விட்டு நடந்தாலும் கூட ஓரளவு முடிவதற்கான வாய்ப்பு உண்டு.

அரசியல் மற்றும் பொறுப்பில் இருப்பவர்கள், மேலிடத்தில் உங்கள் பெயர் பாதிக்காத வண்ணம் பார்த்துக் கொள்வது நல்லது. உ த்தியோகத்தில் உள்ளவர்கள் பகை பாராட்டாமல் உடன் பணிபுரிபவர்களோடு அனுசரித்துச்செல்ல வேண்டும். மேலதி காரிகளின் அன்புக்கு பாத்திரமாவது அரிது.

சலுகைகள் தாமதபடலாம். தொழிலில் ஈடுபட்டிருப்பவர்களுக்கு பழைய பங்குதாரர்கள் விலகிக் கொள்ள முன்வருவதாகச் சொல்வர். அப்படி இருக்கும் பட்சத்தில் அவர்களுக்குஉரிய பங்கைக் கொடுத்து விட்டுப் புதிய பங்குதாரர்களை சேர்த்துக் கொண்டு தொழிலை வளப்படுத்திக் கொள்வது நல்லது. புதியவர்களை நம்பி எந்தப் பொறுப்பையும் ஒப்படைக்க வேண்டாம். ஏற்றம் வரும் என்று நீங்கள் நினைத்த செயல்களில் ஏமாற்றம் வந்து சேரலாம்.

பிறருக்கு பொறுப்பு சொல்லித் தொகை வாங்கிக் கொடுப்பதாக இருந்தால் நம்பிக்கைக்கு உரியவர் களாக இருக்கிறார்களா? என்பதை அறிந்து செயல்படுவதே நல்லது. இதுபோன்ற காலங்களில் நீங்கள் யாகங்களை வைப்பதன் மூலம் யோகங்களை வரவழைத்துக் கொள்ளலாம்.

சிறப்பு வழிபாடுகளைச் செய்வதன் மூலம் செயல்பாடுகளில் வெற்றி கிடைக்கும். செல்வ நிலையில் முன்னேற்றம் ஏற்படும். உள்ளூர் யோகம் முதல் வெளிமாநிலம் செல்லும் யோகம் வரை வரும் வாய்ப்புகளை உபயோகப்படுத்திக் கொள்ள இயலும்.

பாதசார அடிப்படையில் ராகு தரும் பலன்கள்!

ராகு பகவான் சூரிய சாரத்தில் சஞ்சரிக்கும் பொழுது (8.1.2016 முதல் 10.3.2016 வரை): கல்யாண வாய்ப்புகள் கைகூடுவதற்கான அறிகுறிகள் தோன்றும். சில வரன்கள் விட்டுப் போனாலும் கூட அதே வரன் திரும்பி வந்து முடிவடையலாம். போட்டிகளுக்கு மத்தியில் வியாபாரம் ஓரளவு நடைபெறும். வாடிக்கையாளர்களுடன் பேசும் பொழுது கோபத்தைக் குறைத்துக்கொள்வதும், பகைத்துக்கொள்ளாமல் இருப்பதும் நல்லது. உஷ்ண நோய்களுக்கு ஆளாக நேரிடும். அரசுவழிச் சலுகைகள் எதிர்பார்த்தபடி கிடைக்கலாம்.

ராகு பகவான் சுக்ர சாரத்தில் சஞ்சரிக்கும் பொழுது (11.3.2016 முதல் 16.11.2016 வரை): இடம், பூமி சேர்க்கை ஏற்பட வழிபிறக்கும். இழந்ததை ஈடுசெய்ய புதிய திட்டங்கள் தீட்டுவீர்கள். தாய்வழி ஆதரவு கூடும். பூர்வீக சொத்துக்களால் கணிசமான தொகை கை களில் புரளும். பாகப்பிரிவினைகள் பல வருடங்களாக முடிவடையாமல் இழுத்தடிக்கிறார்களே என்று நினைத்தவர்கள் இப்போது மகிழ்ச்சியடையும் விதத்தில் முன்னோர் சொத்துக்களில் முறையான பங்கீடுகள் கிடைக்கலாம்.

ராகு சாரத்தில் கேது சஞ்சரிக்கும் பொழுது (17.11.2016 முதல் 26.7.2017 வரை): மனச்சஞ்சலங்கள் அதிகரிக்கும். மறதி கூடும். இனம்புரியாத கவலை இதயத்தை வாட்டும். ஏதேனும் ஒன்றில் ஈடுபட்டு அதனால் விரயம் வந்துவிட்டதே என்று ஆதங்கப் படுவீர்கள். நண்பர்கள் மட்டுமல்ல உறவினர்களும் வெறுப்புணர்ச்சியோடு பழகலாம். உங்களுக்கு இது போன்ற காலங்களில் விட்டுக்கொடுக்கும் தன்மை வேண்டும். நீண்ட நாளாக உடலில் இருந்த பிரச்சினைகள் இப்பொழுது விஸ்வரூபம் எடுக்கலாம். வைத்தியச் செலவு வாடிக்கையாகி விட்டதே என்று நினைப்பீர்கள்.

பாதசார அடிப்படையில் கேது தரும் பலன்கள்!

கேது பகவான் குரு சாரத்தில் சஞ்சரிக்கும் பொழுது (8.1.2016 முதல் 13.7.2016 வரை): கேட்ட இடத்தில் உதவிகள் கிடைக்கும். கூட்டு முயற்சிகளில் வெற்றி உண்டு. அரைகுறையாக நின்ற வேலைகள் துரிதமாக முடிவடையும். மதிப்பும், மரியாதையும் உயரும். குழந்தை பாக்கியம் வேண்டிக் காத்திருப்பவர்களுக்கு அது கைகூடும். புதிய தொழில் தொடங்க முன்வருவீர்கள். அதற்கு போதுமான அளவு பொருளாதார உதவி கிடைக்க உறவினர்களின் ஒத்துழைப்பும் கிட்டும். பக்கத்து வீட்டாரின் பகை மாறும். அரசியலில் ஈடுபட்டிருப்பவர்களுக்கு அதிர்ஷ்டவசமாக பெரிய பொறுப்புகள் வந்து சேரும்.

கேது பகவான் ராகுசாரத்தில் சஞ்சரிக்கும் பொழுது (14.7.2016 முதல் 22.3.2017 வரை): தைரியமும், தன்னம்பிக்கையும் குறையலாம். தனவரவு வந்தாலும் மறுநிமிடமே செலவாகி விடும். நூதனப்பொருட்களை வாங்க முன்வருவீர்கள். ஆரோக்கியத் தொல்லை அகல மாற்று மருத்துவம் கைகொடுக்கும். குழந்தைகளின் எதிர்கால நலன் கருதியும், வேலை வாய்ப்பை முன்னிட்டும் செலவிடும் சூழ்நிலை உண்டு. வாங்கல்– கொடுக்கல்களில் கவனம் தேவை.

கேது பகவான் செவ்வாய் சாரத்தில் சஞ்சரிக்கும் பொழுது (23.3.2017 முதல் 26.7.2017 வரை): சகோதர சச்சரவு அகலும். உடன்பிறப்புகள் உங்கள் குணமறிந்து செயல்படுவர். சொத்து விற்பனையால் தனலாபம் கிடைத்து வாங்கிய கடனைக் கொடுத்து மகிழ்வீர்கள். ஆன்மிக நாட்டம் அதிகரிக்கும். புதிய ஒப்பந்தங்கள் வந்து சேரும். வரும் வாய்ப்புகளை உபயோகப்படுத்திக் கொள்வது நல்லது.

வாழ்க்கை வசந்தமாக வழிபாடு!

ஜென்ம கேதுவால் சிறப்புகள் வந்து சேரவும், ஏழாமிடத்து ராகுவால் இனிய பலன்கள் கிடைக்கவும், சனிக்கிழமை தோறும் ஆஞ்ச நேயரை வழிபட்டு வருவது நல்லது. தேய்பிறை அஷ்டமியன்று விரதமிருந்து வைரவரை வழிபட்டு வருவதன் மூலம் வளமும், நலமும் வந்து சேரும்.