வாண்டு

எம்.எம்.பவர் சினி கிரியே‌ஷன்ஸ் வழங்க வாசன் ‌ஷஜி தயாரிக்கும் படம்‘வாண்டு’.

இதில் புதிய நாயகன் சீனு, மற்றொரு நாயகனாக எஸ்.ஆர்.குணா, நாயகியாக ஷிகா நடிக்கிறார்கள். இவர்களுடன் மஹகாந்தி, ரமா, சாய்தீனா, புவனேஸ்வரி, ரவிசங்கர், ‘வின்னர்’ பட தயாரிப்பாளர் ராமசந்திரன், முருகன், ஆல்விக் ஆகியோர் நடிக்கிறார்கள்.

இசை - அறிமுகம் ஏ.ஆர்.நேசன், பாடல்கள் - மோகன் ராஜா, ஒளிப்பதிவு - ரமேஷ், வி.மஹேந்திரன், படத்தொகுப்பு - பிரியன், கலை - ஜே.பி.கே.பிரேம், நடனம் - பாபி ஆண்டனி, ஸ்டண்ட் - ஓம் பிரகாஷ்.

கதை, திரைக்கதை, வசனம், தயாரிப்பு, இயக்கம் - வாசன் ஷாஜி.

இவர் இயக்குனர் செல்வராகவனிடம் உதவியாளராக இருந்தவர்.



‘வாண்டு’ வட சென்னையில் 1970 - 1971-ம் ஆண்டு நடந்த உண்மை சம்பவத்தை மையமாக வைத்து எடுக்கப்பட்ட படம்.

நாயகனின் அப்பாவும், வில்லன் அப்பாவும் மோதும் குத்துச்சண்டை போட்டியில் ஹீரோவின் அப்பா வில்லனால் தாக்கப்பட்டு மனநலம் பாதிக்கப்படுகிறார். 5 வருடங்களுக்கு பின் வில்லனின் மகன் பயிற்சிப் பெறும் குத்து சண்டை பயிற்சி பள்ளியில் ஹீரோவும் சேர்கிறார். இவர்களுக்குள் விரோதம் ஏற்படுகிறது.

இந்த வி‌ஷயம் இரண்டாவது ஹீரோவான குத்துசண்டை மாஸ்டருக்கு தெரிய வருகிறது. மாஸ்டர் ஹீரோவிற்கு சிறப்பு பயிற்சி கொடுக்க ஹீரோ, வில்லன் மகனுடன் வடசென்னையில் நடக்கும் பெரிய போட்டியில் சந்திக்கிறார். இவர்களுக்குள் என்ன நடக்கிறது? என்பது மீதிக் கதை.