search icon
என் மலர்tooltip icon

    சினிமா

    திருமணத்தில் இணையவிருக்கும் நட்சத்திர ஜோடிகள்!
    X

    திருமணத்தில் இணையவிருக்கும் நட்சத்திர ஜோடிகள்!

    நட்சத்திர ஜோடிகள் விரைவில் திருமணத்தில் இணையவிருப்பதாக செய்திகள் வெளியாகியுள்ளது. இதுகுறித்த செய்தியை கீழே விரிவாக பார்ப்போம்.
    எங்கேயும் எப்போதும் காதலித்துக் கொண்டிருந்த நட்சத்திர ஜோடிகளை பலூன் மீண்டும் இணைத்துள்ளது. அந்த நட்சத்திர ஜோடிகளுக்குள் இருந்த சிறு காதல், இந்த பலூன் மூலம் மேலும் அதிகமாகியுள்ளதாக கூறப்படுகிறது. இருவரும் தற்போது ஒரே வீட்டில் குடித்தனம் நடத்துவதாகவும் கூறப்படுகிறது.

    அவர்கள் யாரென்றால், சித்தியுடனான பிரச்சினையில் வீட்டை விட்டு வெளியே வந்த நாயகியும் வலியவனான நாயகரும்தான். இரண்டு பேரும் ஏற்கனெவே ஒரு படத்தில் சேர்ந்து நடித்தபோது, இவர்களுக்குள் காதல் என்று ஒரு பேச்சு அடிபட்டது. அப்போதைக்கு இருவரும் தங்களுக்குள் காதல் இல்லை என்று சொல்லிக்கொண்டாலும், எங்கேயும் எப்போதும் ஒன்றாகவே சுற்றிக் கொண்டு வந்ததாக கூறப்பட்டது.



    இந்நிலையில், நீண்ட இடைவெளிக்கு பிறகு இந்த ஜோடி மீண்டும் ஒரு படத்தில் இணைந்து நடித்து வருகிறார்கள். இந்த படத்தில் நடித்துக் கொண்டிருக்கும்போதே, இருவரும் வீட்டில் ஒன்றாக தோசை சுட்டு சாப்பிட்டுக் கொண்டிருந்த மாதிரியான புகைப்படங்கள் எல்லாம் வெளியாகி இவர்கள் மறுபடியும் காதலர்களாகிவிட்டார்கள் என்று சொல்லப்பட்டது. முன்பு, தங்கள் காதலர்கள் என்ற செய்தியை மறுத்தவர்கள், தற்போது கூறப்படும் செய்தி குறித்து எந்த பதிலும் சொல்லாமல் இருக்கிறார்கள்.

    எனவே, இவர்களுக்குள் காதல் இருக்கிறது என்று ஒரு தரப்பினர் கூறி வருகின்றனர். இதற்குள் இவர்கள் இரண்டு பேரும் விரைவில் திருமணம் செய்துகொள்ளப்போவதாகவும் ஒரு செய்தி அடிபடுகிறது. இந்த வருடத்திற்குள் இவர்கள் இரண்டு பேருககும் திருமண நடந்துவிடும் என்றும் கூறுகின்றனர். இதற்கு, இருவரும் கூடிய விரைவில் பதில் சொல்வார்கள் என திரையுலகமே காத்திருக்கிறது. 
    Next Story
    ×