search icon
என் மலர்tooltip icon

    சினிமா

    தனுஷின் வேலையில்லா பட்டதாரி 2 படைத்த புதிய சாதனை
    X

    தனுஷின் 'வேலையில்லா பட்டதாரி 2' படைத்த புதிய சாதனை

    சவுந்தர்யா ரஜினிகாந்த் இயக்கத்தில் தனுஷ் நடிப்பில் உருவாகியிருக்கும் `வேலையில்லா பட்டதாரி 2' படத்தின் ட்ரைலரை புதிய சாதனை ஒன்றை படைத்திருக்கிறது.
    வேல்ராஜ் இயக்கத்தில் தனுஷ், அமலாபால், மற்றும் பலர் நடிப்பில் கடந்த 2014-ம் ஆண்டு வெளியாகிய படம் 'வேலையில்லாப் பட்டதாரி'.

    ரசிகர்களிடையே நல்ல வரவேற்பை பெற்றதால் இப்படத்தின் 2-வது பாகம் தற்போது தயாராகி உள்ளது. ரஜினிகாந்தின் இரண்டாவது மகளான சவுந்தர்யா ரஜினிகாந்த் இயக்கத்தில் உருவாகியுள்ள இப்படம் தமிழ் மற்றும் தெலுங்கில், தனுஷ் பிறந்தநாளான ஜுலை 28-ஆம் தேதி வெளியாக இருக்கிறது. இப்படத்திற்கு நடிகர் தனுஷ் கதை, வசனம் எழுதியிருக்கிறார். ஷான் ரோல்டன் இசையமைத்திருக்கிறார்.



    படிப்பிடிப்பு முடிந்ததால், போஸ்ட் புரொடக்‌ஷன்ஸ் பணிகளில் படக்குழு தீவிரமாக ஈடுபட்டிருக்கிறது. அதுமட்டுமல்லாமல் படத்தின் டீசர் சமீபத்தில் வெளியிடப்பட்டது. பொதுவாக யூடுபில் ரஜினி, விஜய் மற்றும் அஜித் பெருமளவில் சாதனை செய்வது வழக்கம். இந்நிலையில், நடிகர் தனுஷும் இந்த பட்டியலில் இடம் பிடித்துவிட்டார். 'வேலையில்லா பட்டதாரி 2' படத்தின் ட்ரைலரை இதுவரை 9,051,775 பேர் கண்டு ரசித்துள்ளனர். தனுஷின் படத்திற்கு அதிகளவில் பார்வையாளர்களை பெற்றுள்ள படம் இது என்பது குறிப்பிடத்தக்கது.

    தனுஷின் வுண்டர்பார் பிலிம்ஸ் மற்றும் கலைப்புலி எஸ்.தாணுவின் `வி' கிரியேஷன்ஸ் இணைந்து தயாரித்துள்ள இப்படத்தில் தனுஷ்,
    அமலாபால், கஜோல், விவேக், சமுத்திரக்கனி, சரண்யா பொன்வண்ணன், மோனல் கஜ்ஜார், ரிஷிகேஷ் உள்ளிட்ட பலர் நடித்திருக்கின்றனர்.
    Next Story
    ×