ஸ்ரீதேனாண்டாள் பிலிம்ஸ் நிறுவனம் பெரும் பொருட்செலவில் தயாரிக்கவுள்ள படம் ‘சங்கமித்ரா’. இப்படத்தை சுந்தர்.சி இயக்கவிருக்கிறார். ஜெயம் ரவி, ஆர்யா, ஸ்ருதிஹாசன் என மிகப்பெரிய நட்சத்திர பட்டாளம் இப்படத்தில் நடிக்கவுள்ளதாக அறிவிக்கப்பட்டது. சமீபத்தில் நடந்த கேன்ஸ் திரைப்பட விழாவில்கூட இப்படம் அறிமுகப்படுத்தப்பட்டது.
இந்த விழாவில் இயக்குனர் சுந்தர்.சி, ஜெயம் ரவி, ஆர்யா, ஸ்ருதிஹாசன், இசையமைப்பாளர் ஏ.ஆர்.ரகுமான் மற்றும் தயாரிப்பாளர் முரளி ராமசாமி உள்ளிட்ட படக்குழுவினரும் பங்கேற்றனர். ‘சங்கமித்ரா’ படத்தின் பர்ஸ்ட் லுக் போஸ்டர்களும் வெளியிடப்பட்டன.
இந்நிலையில், இப்படத்தில் இருந்து ஸ்ருதிஹாசனை நீக்கியுள்ளதாக செய்திகள் வெளியாகியுள்ளது. தவிர்க்க முடியாத காரணங்களால் ஸ்ருதிஹாசன் ‘சங்கமித்ரா’ படத்தில் தொடர்ந்து பணிபுரிய முடியாத சூழல் ஏற்பட்டுள்ளதாக ஸ்ரீதேனாண்டாள் பிலிம்ஸ் நிறுவனம் அறிவித்துள்ளது.
‘சங்கமித்ரா’ படத்திற்காக ஸ்ருதிஹாசன் லண்டனுக்கு சென்று வாள் பயிற்சி எல்லாம் கற்றுக் கொண்டிருந்தார். அதேபோல், பர்ஸ்ட் லுக் போஸ்டர்களிலும் ஸ்ருதிஹாசனை பயன்படுத்தியிருந்தனர். இந்நிலையில், ஸ்ருதிஹாசனை இப்படத்தில் நீக்கியுள்ளதாக வெளிவந்துள்ள செய்தி பலரையும் ஆச்சர்யத்தில் ஆழ்த்தியுள்து.
இப்படத்திற் முதற்கட்ட பணிகள் தற்போது தீவிரமாக நடைபெற்று வருவதால், தற்போது ஸ்ருதிஹாசனுக்கு பதிலாக வேறொரு நடிகையை தேடும் பணியும் படக்குழுவினருக்கு கூடுதல் சிரமமாக ஏற்பட்டுள்ளது. விரைவில், அவருக்கு பதிலாக யார் நடிக்கப் போகிறார் என்கிற செய்தியும் வெளிவரும் என்று எதிர்பார்க்கப்படுகிறது.
