உதயநிதி பட இயக்குனருக்கு ஓமன் நாட்டு மந்திரி பாராட்டு

லைகா புரொடெக்‌ஷன்ஸ் தயாரிப்பில் உதயநிதி ஸ்டாலின், மஞ்சிமா மோகன் நடிக்கும் ‘இப்படை வெல்லும்’ படத்தின் பாடல் காட்சி படப்பிடிப்பு ஓமன் நாட்டில் நடந்து வருகிறது. கவுரவ் நாராயணன் இதை இயக்கி வருகிறார்.

தங்கள் நாட்டில் படப்பிடிப்பு நடைபெறுவதை அறிந்த ஓமன் நாட்டின் தகவல் துறை மந்திரி மர்வான் யூசுப், கெளரவ் நாராயணனை சந்தித்தார். அப்போது அங்கு படமான பாடல் காட்சிகளை போட்டுக்காட்டினர்.

அதை பார்த்த ஓமன் மந்திரி மர்வான் யூசுப், இயக்குனரையும் படக்குழுவினரையும் பாராட்டி வாழ்த்துக்களை தெரிவித்தார். இதனால் படக்குழுவினர் மகிழ்ச்சி அடைந்தனர்.