search icon
என் மலர்tooltip icon

    சினிமா

    விஜய் படத்தில் நடிக்கும் பவர்ஸ்டார்
    X

    விஜய் படத்தில் நடிக்கும் பவர்ஸ்டார்

    தெலுங்கு சினிமாவின் பவர் ஸ்டார் என்றழைக்கப்படும் பவண் கல்யாண், விஜய் நடிப்பில் கடந்த ஆண்டு வெளியான `தெறி' படத்தின் ரீமேக்கில் நடிக்க உள்ளதாக கூறப்படுகிறது. இதுகுறித்த விரிவான தகவலை கீழே பார்ப்போம்.
    தெலுங்கு சினிமாவில் நடிகர் சிரஞ்சீவி, விஜய் நடித்த `கத்தி' படத்தின் ரீமேக்கான `கைதி எண் 150' என்ற படத்தின் மூலம்  ரீஎன்ட்ரி ஆனார். அவரைத் தொடர்ந்து அவரது தம்பியும் நடிகருமான பவண் கல்யாண், அஜித் நடித்து கடந்த 2014-ஆம் ஆண்டு  வெளியாகி மெகாஹிட்டான ‘வீரம்’ படத்தின் தெலுங்கு ரீமேக்கில் நடித்தார்.

    தெலுங்கில் ‘கட்டமராயுடு’ என்ற பெயரில் ரீமேக் ஆகியுள்ள இப்படத்தில் பவன் கல்யாண் ஜோடியாக ஸ்ருதி ஹாசன்  நடித்துள்ளார். வருகிற 24-ஆம் தேதி உலகம் முழுவதும் பிரம்மாண்டமாக வெளியாக உள்ள இந்த படத்தை கிஷோர் குமார்  இயக்கியுள்ளார்.



    இப்படத்தை தொடர்ந்து பவண் கல்யாண், திரிவிக்ரம் இயக்கும் பெயரிடப்படாத படத்தில் நடிக்க உள்ளதாக கூறப்படுகிறது.  அதேநேரத்தில், அஜித்தின் `வேதாளம்' படத்தின் தெலுங்கு ரீமேக்கிலும் பவண் நடிக்க உள்ளார்.

    வேதாளம் படத்தின் தெலுங்கு பதிப்பில் நடித்து முடித்த பிறகு அட்லி - விஜய் கூட்டணியில் உருவாகி சூப்பர்ஹிட்டான `தெறி'  படத்தின் தெலுங்கு ரீமேக்கிலும் பவண் நடிக்க உள்ளதாக டோலிவுட் வட்டாரத்தில் பேசப்படுகிறது.
    Next Story
    ×