search icon
என் மலர்tooltip icon

    சினிமா

    ஐஸ்வர்யாராயை குலுங்க குலுங்க சிரிக்க வைத்த அமிதாப்பச்சன்
    X

    ஐஸ்வர்யாராயை குலுங்க குலுங்க சிரிக்க வைத்த அமிதாப்பச்சன்

    விழாவில் தனது மருமகள் ஐஸ்வர்யா ராயை நடிகர் அமிதாப்பச்சன் சிரிக்க வைத்துள்ளார். அதுகுறித்த செய்தியை கீழே பார்ப்போம்.
    ‘ஏ தில் ஹை முஷ்கில்’ படத்தில் ஐஸ்வர்யாராய் ரன்பிர் கபூருடன் நெருக்கமாக நடித்தார். இதனால் அமிதாப்பச்சன் அவரது மருமகள் ஐஸ்வர்யாராயுடன் கோபமாக இருக்கிறார் என்று கூறப்பட்டது.

    ஆனால் அதில் அந்த வித உண்மையும் இல்லை என்பதை, சமீபத்தில் மும்பையில் நடந்த ஒரு விழா ரசிகர்களுக்கு வெளிச்சம் போட்டு காட்டி இருக்கிறது.

    அந்த சம்பவம் இது தான்...மும்பையில் சமீபத்தில் ‘ஸ்டார் டஸ்ட்’ விருது வழங்கும் விழா நடந்தது. இதில் அமிதாப்பச்சன், ஜெயாபச்சன், ஐஸ்வர்யாராய், ஷாருக்கான், பிரியங்கா சோப்ரா, கரண்ஜோஹர் உள்பட ஏராளமானோர் கலந்து கொண்டனர்.

    விழாவில் ஐஸ்வர்யா ராயும், அமிதாப்பச்சனும் அருகருகே உள்ள இருக்கையில் அமர்ந்து இருந்தார்கள். அப்போது அமிதாப்பச்சன் அடித்த ஜோக்கை கேட்ட ஐஸ்வர்யா தன்னை அடக்கிக்கொள்ள முடியாமல் குலுங்கி குலுங்கி சிரித்தார். அமிதாப்பச்சன் தொடர்ந்து ஜோக் அடிக்கவே முகத்தை மூடிக்கொண்டு நீண்ட நேரம் விழுந்து விழுந்து சிரித்துக்கொண்டிருந்தார். அமிதாப்பச்சன் பின் வரிசையில் இருந்த கரன்ஜோஹரையும் பார்த்து ஜோக் அடிக்கவே ஐஸ்வர்யா ராய் சிரிப்பை அடிக்கவே முடியாமல் தவித்தார்.

    சமீபத்தில் கணவர் அபிஷேக்பச்சன், மகள்ஆரத்யா ஆகியோருடன் ஐஸ்வர்யாராய் வெளிநாடு சென்று புத்தாண்டை கொண்டாடி மகிழ்ந்தார். இதனால் ஐஸ்வர்யாராயுடன் அமிதாப் குடும்பத்தினர் கோபம் என்ற வதந்தி புஸ்வாணம் ஆகி இருக்கிறது.
    Next Story
    ×