search icon
என் மலர்tooltip icon

    பைக்

    • டெஸ்டிங் செய்யப்படும் மாடலில் டிஜிட்டல் டேஷ்போர்டு உள்ளது.
    • இந்த யூனிட்-இல் ப்ளூடூத் கனெக்டிவிட்டி வழங்கப்படலாம்.

    பஜாஜ் ஆட்டோ நிறுவனம் இந்திய சந்தையில் தனது பல்சர் சீரிஸ் மாடல்களை முற்றிலுமாக மாற்றியமைத்து வருகிறது. அந்த வகையில் பல்சர் N250 மோட்டார்சைக்கிள் டெஸ்டிங் செய்யப்படும் புகைப்படங்கள் இணையத்தில் வெளியாகி உள்ளது. டெஸ்டிங் செய்யப்படும் மாடலில் டிஜிட்டல் டேஷ்போர்டு உள்ளது.

    சமீபத்தில் அறிமுகம் செய்யப்பட்ட பல்சர் N150 மற்றும் பல்சர் N160 மாடல்களிலும் இதே போன்ற டிஜிட்டல் யூனிட் வழங்கப்பட்டு இருந்தது. தற்போது இவை பல்சர் சீரிசின் பெரிய மாடல்களிலும் வழங்கப்படுவது உறுதியாகி இருக்கிறது. இந்த யூனிட்-இல் ப்ளூடூத் கனெக்டிவிட்டி வழங்கப்படும் என்று தெரிகிறது.

     


    முந்தைய ஸ்பை படங்களில் புதிய பல்சர் N250 மாடலில் யு.எஸ்.டி. ஃபோர்க் வழங்கப்பட்டு இருப்பது தெரியவந்தது. இது பல்சர் NS160 மற்றும் பல்சர் NS200 மாடல்களில் உள்ளதை போன்றே இருக்கும் என்றும் N250 மாடலுக்கு ஏற்ற டியூனிங் கொண்டிருக்கும் என்று கூறப்படுகிறது.

    சமீபத்தில் அப்டேட் செய்யப்பட்ட மற்ற பஜாஜ் பல்சர் மோட்டார்சைக்கிள்களை போன்றே புதிய 250 சீரிஸ் மாடல்களிலும் மெக்கானிக்கல் மாற்றங்கள் செய்யப்படாது என்றே தெரிகிறது. புது அப்டேட்களுக்கு ஏற்ப புதிய பல்சர் 250 மாடல்களின் விலையும் சற்று அதிகமாக நிர்ணயம் செய்யப்படும் என எதிர்பார்க்கலாம்.

    • கே.டி.எம். நிறுவனத்தின் 2024 RC 8C மாடல் மொத்தத்தில் 100 யூனிட்கள் உற்பத்தி செய்யப்படுகின்றன.
    • இந்த மாடலில் 889சிசி, டுவின் சிலிண்டர் என்ஜின் வழங்கப்பட்டு இருக்கிறது.

    கே.டி.எம். நிறுவனம் 2024 RC 8C மோட்டார்சைக்கிளை அறிமுகம் செய்தது. இது லிமிடெட் எடிஷன் என்பதால் மொத்தத்தில் 100 யூனிட்கள் மட்டுமே உற்பத்தி செய்யப்பட உள்ளன. இந்த மாடலுக்கான முன்பதிவுகள் மார்ச் 20-ம் தேதி மதியம் 3 மணிக்கு கே.டி.எம். அதிகாரப்பூர்வ வலைதளத்தில் துவங்க இருக்கிறது.

    2024 கே.டி.எம். RC 8C மாடலின் முன்பதிவு கட்டணம் 1000 யூரோக்கள் இந்திய மதிப்பில் ரூ. 90 ஆயிரத்து 462 என்று நிர்ணயம் செய்யப்பட்டு உள்ளது. இந்த மாடல் கே.டி.எம். நிறுவனத்தின் RC 16 மாடலை தழுவி உருவாக்கப்பட்டு இருக்கிறது. இந்த மாடல் மெல்லியதாகவும், பெரிய ஏர் இன்டேக் உடன் ஏரோடைனமிக் டிசைன் கொண்டிருக்கிறது. இந்த மாடலின் ஒட்டுமொத்த எடை 142 கிலோ ஆகும்.

     


    புதிய கே.டி.எம். RC 8C மாடலில் 889சிசி, LC8c பேரலல் டுவின் சிலிண்டர் என்ஜின் வழங்கப்பட்டுள்ளது. இந்த என்ஜின் 135 ஹெச்.பி. பவர் வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது. இத்துடன் 43mm WP அபெக்ஸ் ப்ரோ ஃபோர்க்குகள், WP அபெக்ஸ் ரிமோட் அட்ஜஸ்ட் செய்யக்கூடிய மோனோஷாக் யூனிட் வழங்கப்படுகிறது.

    பிரேக்கிங்கிற்கு பின்புறம் 290mm டூயல் டிஸ்க்குகள், முன்புறத்தில் 230mm டிஸ்க் மற்றும் பிரெம்போ 19RCS கோர்சா கார்டா ரேடியல் மாஸ்டர் பிரேக் சிலிண்டர்கள் வழங்கப்பட்டு உள்ளது. 2024 கே.டி.எம். RC 8C மாடலில் 5 இன்ச் அளவில் டி.எஃப்.டி. ரேஸ் டேஷ், டேட்டா லாகர் மற்றும் பில்ட்-இன் ஜி.பி.எஸ். வழங்கப்பட்டுள்ளது.

     


    புதிய 2024 கே.டி.எம். RC 8C மாடலுக்கான முன்பதிவு ஐரோப்பா, அமெரிக்கா, மெக்சிகோ, கனடா மற்றும் தென் ஆப்பிரிக்காவில் மட்டுமே நடைபெறுகிறது. இதன் விலை 41 ஆயிரத்து 499 டாலர்கள், இந்திய மதிப்பில் ரூ. 34 லட்சத்து 37 ஆயிரம் என்று நிர்ணயம் செய்யப்பட்டு உள்ளது.

    • எலெக்ட்ரிக் மோட்டார் உடன் 48 வோல்ட் லித்தியம் அயன் பேட்டரி பேக் வழங்கப்படுகிறது.
    • கவாசகி நிறுவனம் தனது ஹைப்ரிட் மோட்டார்சைக்கிளுக்கு இந்தியாவில் காப்புரிமை பெற்றது.

    கவாசகி நிறுவனம் இந்திய சந்தையில் தனது நின்ஜா 7 ஹைப்ரிட் மோட்டார்சைக்கிளுக்கு காப்புரிமை கோரி விண்ணப்பித்துள்ளது. அந்த வகையில், இந்த மாடல் விரைவில் இந்திய சந்தையில் அறிமுகம் செய்யப்படும் என்று எதிர்பார்க்கலாம்.

    புதிய நின்ஜா 7 ஹைப்ரிட் மோட்டார்சைக்கிள், உலகின் முதல் ஸ்டிராங் ஹைப்ரிட் மோட்டார்சைக்கிள் என்ற பெருமையை பெற்று இருக்கிறது. இந்த மாடல் சந்தையில் வெற்றி பெறும் பட்சத்தில், இதே போன்ற மாடல்கள் சந்தையில் அதிகளவில் அறிமுகம் செய்யப்படலாம்.

     


    கவாசகி நின்ஜா 7 ஹைப்ரிட் மாடலில் 451சிசி, பேரலல் டுவின், லிக்விட் கூல்டு என்ஜின் வழங்கப்படுகிறது. இத்துடன் 12 ஹெச்.பி. பவர் வெளிப்படுத்தும் திறன் கொண்ட டிராக்ஷன் மோட்டார் வழங்கப்படுகிறது. அந்த வகையில், இந்த மாடலின் ஒட்டுமொத்த திறன் 60 ஹெச்.பி. வரை இருக்கும் என்று தெரிகிறது.

    இதில் உள்ள எலெக்ட்ரிக் மோட்டார் உடன் 48 வோல்ட் லித்தியம் அயன் பேட்டரி பேக் வழங்கப்படும் என்று தெரிகிறது. நின்ஜா 7 ஹைப்ரிட் மோட்டார்சைக்கிள், சந்தையில் தற்போது விற்பனை செய்யப்படும் வழக்கமான 650சிசி முதல் 700சிசி மோட்டார்சைக்கிளுக்கு இணையான திறன் கொண்டிருக்கும் என்று கவாசகி நிறுவனம் தெரிவித்துள்ளது.

     


    செயல்திறன் ஒருபக்கம் அதிகளவில் இருக்கும் போதும், ஹைப்ரிட் மோட்டார்சைக்கிள் என்பதால் நின்ஜா 7 ஹைப்ரிட் மாடல் சந்தையில் தற்போது கிடைக்கும் 250சிசி மாடல்கள் வழங்கும் மைலேஜ் வழங்கும் என்று எதிர்பார்க்கலாம். இந்த மாடலின் செயல்திறன் மற்றும் மைலேஜ் அடிப்படையில் இது சந்தையில் நிச்சயம் வெற்றி பெறும் என்றே தெரிகிறது.

    கவாசகி நின்ஜா 7 ஹைப்ரிட் மாடலில் அதிக தரமுள்ள டி.எஃப்.டி. டேஷ்போர்டு மற்றும் ரைடாலஜி செயலி, வாக் மோட், ஐடில் ஸ்டார்ட்-ஸ்டாப் வசதி உள்ளிட்டவை குறிப்பிடத்தக்க அம்சங்களாக உள்ளன. இந்த பைக்கின் முன்புறம் டெலிஸ்கோபிக் சஸ்பென்ஷன், பின்புறம் மோனோஷாக் யூனிட் வழங்கப்படுகிறது. இத்துடன் முன்புறம் இரு டிஸ்க் பிரேக்குகள், பின்புறம் ஒற்றை டிஸ்க் பிரேக் வழங்கப்படுகிறது.

    இந்திய சந்தையில் அறிமுகமாகும் போது புதிய கவாசகி நின்ஜா 7 ஹைப்ரிட் மோட்டார்சைக்கிள் விலை ரூ. 10 லட்சத்திற்கும் அதிகமாக நிர்ணயம் செய்யப்படும் என்று தெரிகிறது. இந்த மாடல் தற்போது விற்பனை செய்யப்படும் நின்ஜா ZX-6R மாடலின் மேல் நிலைநிறுத்தப்படலாம்.

    • இந்த மாடல் முற்றிலும் புதிதாக உருவாக்கப்பட்டு வருகிறது.
    • இந்த மாடலில் 399 சிசி, லிக்விட் கூல்டு என்ஜின் வழங்கப்படலாம்.

    கே.டி.எம். நிறுவனத்தின் அடுத்த தலைமுறை 390 அட்வென்ச்சர் மோட்டார்சைக்கிள் விரைவில் அறிமுகமாகும் என்று தகவல் வெளியாகி உள்ளது. இந்த நிலையில், புதிய மாடல் இந்தியாவில் டெஸ்டிங் செய்யப்பட்டு வருகிறது. சேசிஸ் முதல் டிசைன் வரை இந்த மாடல் முற்றிலும் புதிதாக உருவாக்கப்பட்டு வருகிறது.

    ஏற்கனவே இந்த பைக் டெஸ்டிங் செய்யப்படும் புகைப்படங்கள் பலமுறை இணையத்தில் வெளியாகி இருக்கின்றன. இந்த நிலையில், தற்போது வெளியாகி இருக்கும் ஸ்பை படங்களில் புதிய கே.டி.எம். 390 அட்வென்ச்சர் மோட்டார்சைக்கிள் ஆஃப் ரோடு டெஸ்டிங் செய்யப்படுகிறது. இந்த பைக்கின் டிசைன் கே.டி.எம். ரேலி பைக்குகளை தழுவி உருவாக்கப்பட்டு இருக்கிறது.

     


    இதில் ஹை-மவுன்ட் ஃபேரிங், எல்.இ.டி. ப்ரோஜெக்டர் லைட்கள், உயரமான வின்ட் ஸ்கிரீன் உள்ளிட்டவை வழங்கப்படுகிறது. இதன் ஃபியூவல் டேன்க் மெல்லியதாக காட்சியளிக்கிறது. புதிய 390 அட்வென்ச்சர் மோட்டார்சைக்கிள் இந்த ஆண்டு இறுதியில் அறிமுகம் செய்யப்படும் என்று தகவல் வெளியாகி உள்ளது.

    புதிய கே.டி.எம். 390 அட்வென்ச்சர் மாடலில் சமீபத்தில் அறிமுகமான 390 டியூக் மாடல்களில் வழங்கப்பட்ட 399 சிசி, லிக்விட் கூல்டு என்ஜின் வழங்கப்படும் என்று கூறப்படுகிறது. இந்த என்ஜின் 45.3 ஹெச்.பி. பவர், 39 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்தியாவில் அறிமுகம் செய்யப்பட்டதும் இந்த மாடல் ராயல் என்பீல்டு ஹிமாலயன் 450 மாடலுக்கு போட்டியாக அமையும்.

    • இரண்டு பெயர்களுக்கு அந்நிறுவனம் காப்புரிமை கோரியுள்ளது.
    • அதிகம் விற்பனையாகும் மாடல்களில் ஒன்று டி.வி.எஸ். XL100.

    டி.வி.எஸ். மோட்டார் நிறுவனம் தனது பிரபலமான XL100 மொபெட் மாடலின் எலெக்ட்ரிக் வெர்ஷனில் பயன்படுத்துவதற்கான காப்புரிமை கோரி விண்ணப்பித்து இருக்கிறது. முதற்கட்டமாக டி.வி.எஸ். XL எலெக்ட்ரிக் வெர்ஷனில் பயன்படுத்துவதற்காக E-XL மற்றும் XL EV என இரண்டு பெயர்களுக்கு அந்நிறுவனம் காப்புரிமை கோரியுள்ளது.

    காப்புரிமை கோரியிருப்பதை அடுத்து, டி.வி.எஸ். நிறுவனம் தனது XL மொபெட் மாடலின் எலெக்ட்ரிக் வெர்ஷனை அறிமுகம் செய்யலாம் என்ற எதிர்பார்ப்பு எழுந்துள்ளது. டி.வி.எஸ். நிறுவனத்தின் அதிகம் விற்பனையாகும் மாடல்களில் ஒன்றாக டி.வி.எஸ். XL100 விளங்குகிறது.

     


    ஐகியூப் மாடலின் வெற்றியை தொடர்ந்து டி.வி.எஸ். நிறுவனம் எலெக்ட்ரிக் வாகனங்கள் எண்ணிக்கையை அதிகப்படுத்தும் முயற்சிகளில் ஈடுபட்டு வருகிறது. அதன்படி கடந்த ஜனவரி மாதம் E-XL மற்றும் XL EV மாடல்களை பயன்படுத்த டி.வி.எஸ். நிறுவனம் காப்புரிமை கோரியிருக்கிறது.

    எனினும், இதுபற்றி அந்நிறுவனம் சார்பில் இதுவரை எந்த தகவலும் வழங்கப்படவில்லை. தற்போது டி.வி.எஸ். XL100 பெட்ரோல் மாடலின் விலை ரூ. 44 ஆயிரத்து 999 என துவங்கி அதிகபட்சம் ரூ. 59 ஆயிரத்து 695, எக்ஸ்-ஷோரூம் என நிர்ணயம் செய்யப்பட்டு உள்ளது.

    இந்திய சந்தையில் எலெக்ட்ரிக் மொபெட் பிரிவில் விற்பனை செய்யப்படும் ஒற்றை மாடலாக கைனடிக் E லூனா விளங்குகிறது. இதன் விலை ரூ. 64 ஆயிரத்து 990 என துவங்கி அதிகபட்சம் ரூ. 74 ஆயிரத்து 990, எக்ஸ்-ஷோரூம் என நிர்ணயம் செய்யப்பட்டு உள்ளது.

    • டெஸ்டிங் செய்யப்படும் புகைப்படங்கள் வெளியாகி உள்ளன.
    • வட்ட வடிவில் டியூப் போன்ற கிராப் ரெயில் உள்ளது.

    ராயல் என்பீல்டு நிறுவனம் 650சிசி பிரிவில் மூன்று மோட்டார்சைக்கிள் மாடல்களை உருவாக்கி வருவது அனைவரும் அறிந்ததே. அந்த வகையில் முற்றிலும் புதிய புல்லட் 650 மாடல் டெஸ்டிங் செய்யப்படும் புகைப்படங்கள் வெளியாகி உள்ளது.

    அதன்படி புதிய புல்லட் 650 மாடலின் தோற்றம் கிளாசிக் 650 போன்றே காட்சியளிக்கிறது. இரு மாடல்களும் அவற்றின் 350சிசி மாடல்களை போன்றே காட்சியளிக்கின்றன. இரு மாடல்களிலும் சதுரங்க வடிவம் கொண்ட ரியர் ஃபென்டர், வட்ட வடிவில் டியூப் போன்ற கிராப் ரெயில் வழங்கப்பட்டு இருக்கிறது.

     


    தற்போதைய ஸ்பை படங்களில் உள்ள மாடல் முந்தைய ஸ்பை படங்களில் இருந்ததை விட வித்தியாசமாக காட்சியளிக்கின்றன. புதிய புல்லட் மற்றும் கிளாசிக் 650 மாடல்களில் ஒரே ஃபிரேம் வழங்கப்பட்டு உள்ளது. இந்த மாடல்களில் 650சிசி டுவின் சிலிண்டர் என்ஜின் வழங்கப்படும் என தெரிகிறது. இந்த யூனிட் 47 ஹெச்.பி. பவர், 52 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.

    புதிய ராயல் என்பீல்டு 650 சிசி மாடல்களிலும் எல்.இ.டி. ஹெட்லைட் வழங்கபடும் என தெரிகிறது. முன்னதாக சூப்பர் மீடியோர் மாடலில் எல்.இ.டி. ஹெட்லைட் முதல் முறையாக வழங்கப்பட்டது. ஷாட்கன் போன்றே புதிய 650 டுவின் மாடல்களில் டுவின் எக்சாஸ்ட் பைப்கள் வழங்கப்படுகின்றன. 

    • பயனர்களின் ரைடிங் அனுபவத்தை மேம்படுத்தும் என தெரிகிறது.
    • பயனர்களின் குறையை தீர்த்து வைக்கும் என்று எதிர்பார்க்கலாம்.

    எலெக்ட்ரிக் மோட்டார்சைக்கிள் உற்பத்தியாளரான ஜீரோ மோட்டார்சைக்கிள்ஸ் எலெக்ட்ரிக் மோட்டார்சைக்கிள்களில் பயன்படுத்துவதற்கென முற்றிலும் புதிய கிளட்ச் சிஸ்டத்திற்கான காப்புரிமை கோரி விண்ணப்பித்து இருக்கிறது. புதிய கிளட்ச் சிஸ்டம் பயனர்களின் ரைடிங் அனுபவத்தை மேம்படுத்தும் என தெரிகிறது.

    வழக்கமாக எலெக்ட்ரிக் மோட்டார்சைக்கிள் மாடல்களில் கிளட்ச் வங்கப்படுவதில்லை. மோட்டார்சைக்கிள் தோற்றத்தில் இருந்த போதிலும், பயனர்களுக்கு முழுமையான பைக் ஓட்டும் அனுபவத்தை வழங்காமல் உள்ளது. புதிய சிஸ்டம் பயன்பாட்டிற்கு வரும் போது, பயனர்களின் குறையை தீர்த்து வைக்கும் என்று எதிர்பார்க்கலாம்.

     

    Source: Bikewale

    Source: Bikewale


    காப்புரிமையின் படி புதிய கிளட்ச் சிஸ்டம் வழக்கமான கிளட்ச் போன்றே இயங்குகிறது. புதிய கிளட்ச் சிஸ்டம் எலெக்ட்ரிக் மோட்டார்சைக்கிளின் டார்க் மற்றும் குறைந்த வேகத்தில் ரி-ஜெனரேடிவ் பிரேக்கிங்-ஐ கட்டுப்படுத்த உதவுகிறது.

    கிளட்ச் லீவரை விடுவித்ததும், மோட்டாரில் இருந்து அதிகப்பட்ச திறனை வெளிப்படுத்த உதவுகிறது. இது வழக்கமான மோட்டார்சைக்கிளில் உள்ளதை போன்றே இயங்குவதால், பெட்ரோல் பைக் அனுபவத்தை அப்படியே கொடுக்கும் என்று தெரிகிறது.

     

    Source: Bikewale

    Source: Bikewale


    புதிய கிளட்ச் சிஸ்டத்தை பெறும் முதல் எலெக்ட்ரிக் மோட்டார்சைக்கிள் மாடலாக ஜீரோ SR/F என கூறப்படுகிறது. ஜீரோ நிறுவனத்தின் SR/F, SR/S ஸ்போர்ட்ஸ் டூரர் மற்றும் DSR/X எலெக்ட்ரிக் அட்வென்ச்சர் டூரர் மாடல்களிடையே ஒற்றுமைகள் உள்ள நிலையில், இவற்றிலும் புதிய கிளட்ச் சிஸ்டம் வழங்கப்படும் என எதிர்பார்க்கலாம்.

    • பஜாஜ் சி.என்.ஜி. பைக் அடுத்த ஆண்டு அறிமுகமாகும் என்று கூறப்பட்டது.
    • புதிய மாடல் அதிக யூனிட்கள் விற்பனையாகும் என எதிர்பார்க்கலாம்.

    பஜாஜ் ஆட்டோ நிறுவனம் தனது முதல் சி.என்.ஜி. மோட்டார்சைக்கிளை அடுத்த காலாண்டிற்குள் இந்திய சந்தையில் அறிமுகம் செய்ய திட்டமிட்டு வருவதாக தகவல் வெளியாகி உள்ளது. முன்னதாக இந்த மோட்டார்சைக்கிளை 2025 வாக்கில் அறிமுகப்படுத்த பஜாஜ் நிறுவனம் திட்டமிட்டு வந்தது குறிப்பிடத்தக்கது.

    இது தொடர்பாக தற்போது வெளியாகி இருக்கும் தகவல்களின் படி பஜாஜ் நிறுவனத்தின் சி.என்.ஜி. மோட்டார்சைக்கிள் ஜூன் மாத வாக்கில் அறிமுகம் செய்யப்படும் என கூறப்படுகிறது. தற்போது வரை இந்த மாடல் பற்றிய இதர விவரங்கள் எதுவும் வெளியாகவில்லை.

    எனினும், இந்த மாடல் பல்வேறு பிரிவுகளில் நிலைநிறுத்தக்கூடிய வகையில், 100சிசி-யில் இருந்து 160சிசி வரையிலான திறன் கொண்டிருக்கும் என தெரிகிறது. நகர்ப்புறங்களில் பஜாஜ் நிறுவனம் அதிக வாடிக்கையாளர்களை பெறுவதில்லை. இதன் காரணமாக புதிய சி.என்.ஜி. மோட்டார்சைக்கிள் பஜாஜ் நிறுவனத்திற்கு நகர்ப்புற விற்பனையை அதிகப்படுத்தும் என்று எதிர்பார்க்கலாம்.

    • இந்த ஸ்கூட்டர் மணிக்கு அதிகபட்சம் 90 கி.மீ. வேகத்தில் செல்லும்.
    • முன்னதாக ஒலா S சீரிஸ் மாடல்களுக்கு சிறப்பு சலுகைகள் அறிவிக்கப்பட்டன.

    ஒலா எலெக்ட்ரிக் நிறுவனம் தனது S1 X எலெக்ட்ரிக் ஸ்கூட்டரை முற்றிலும் புதிய நிறங்களில் அறிமுகம் செய்துள்ளது. அந்த வகையில், ஒலா S1 X மாடல்- ஃபன்க், ஸ்டெல்லார், ரெட் வெலாசிட்டி, வோக் மற்றும் மிட்நைட் என ஐந்து டூயல் டோன் நிறங்களில் கிடைக்கிறது. புதிய நிறங்கள் அதிக பிரகாசமாகவும், சிங்கில் டோன் நிறங்களை விட அதிக வித்தியாசமாகவும் காட்சியளிக்கின்றன.

    நிறங்கள் தவிர ஒலா S1 X மாடல்களில் வேறு எந்த மாற்றமும் மேற்கொள்ளப்படவில்லை. ஒலா S1 X மாடலில் 2.7 கிலோவாட் மோட்டார் வழங்கப்பட்டு இருக்கிறது. இந்த ஸ்கூட்டர் மணிக்கு அதிகபட்சம் 90 கிலோமீட்டர் வேகத்தில் செல்லும் திறன் கொண்டுள்ளது.

     


    இதே ஸ்கூட்டர் 3 கிலோவாட் ஹவர் மற்றும் 4 கிலோவாட் ஹவர் பேட்டரி பேக் ஆப்ஷன்களிலும் கிடைக்கிறது. இந்த வேரியண்ட்கள் முழு சார்ஜ் செய்தால் முறையே 151 கிலோமீட்டர்கள் மற்றும் 190 கிலோமீட்டர்கள் வரை செல்லும் திறன் கொண்டிருக்கிறது.

    சமீபத்தில் ஒலா எலெக்ட்ரிக் நிறுவனம் தனது S1 சீரிஸ் மாடல்களுக்கு அசத்தல் சலுகைகளை அறிவித்து இருந்தது. இவை இம்மாத இறுதிவரை வழங்கப்படும் என்று அறிவிக்கப்பட்டது. முன்னதாக பிப்ரவரி மாதத்தில் தனது எலெக்ட்ரிக் ஸ்கூட்டர்களை வாங்க அதிகளவில் முன்பதிவுகளை பெற்றதாக அந்நிறுவனம் அறிவித்து இருந்தது.

    • இது 2024 ஜனவரி மாதத்தை விட 8.2 சதவீதம் அதிகம் ஆகும்.
    • இந்திய சந்தையில் மூன்றாவது இடத்தை தக்கவைத்துக் கொண்டது.

    இந்திய இருசக்கர வாகனங்கள் சந்தையில் முன்னணி பிராண்டுகள் கடந்த பிப்ரவரி மாதம் விற்பனை செய்த வாகன எண்ணிக்கை விவரங்கள் வெளியாகி உள்ளன. இதில் முதலிடம் பிடித்த நிறுவனம் மட்டுமின்றி முன்னணி பிராண்டுகள் ஒட்டுமொத்தமாக எத்தனை வாகனங்களை விற்பனை செய்துள்ளன என்ற விவரங்களை தொடர்ந்து பார்ப்போம்.

    ஹீரோ மோட்டோகார்ப்

    ஜனவரி மாதத்துடன் ஒப்பிடும் போது ஹீரோ மோட்டோகார்ப் நிறுவனத்தின் இருசக்கர வாகனங்கள் விற்பனை பிப்ரவரியில் 5.8 சதவீதம் அதிகரித்துள்ளது. பிப்ரவரி 2024 மாதத்தில் ஹீரோ மோட்டோகார்ப் நிறுவனம் 4 லட்சத்து 45 ஆயிரத்து 257 யூனிட்களை விற்பனை செய்துள்ளது. ஜனவரி மாதத்தில் ஹீரோ நிறுவனம் 4 லட்சத்து 20 ஆயிரத்து 930 யூனிட்கள் விற்பனை செய்துள்ளது. கடந்த ஆண்டு பிப்ரவரி மாதம் ஹீரோ நிறுவனம் 3 லட்சத்து 82 ஆயிரத்து 317 யூனிட்களை விற்பனை செய்திருந்தது குறிப்பிடத்தக்கது.

     


    ஹோண்டா மோட்டார்சைக்கிள் & ஸ்கூட்டர் இந்தியா

    2024 பிப்ரவரி மாதத்தில் ஹோண்டா நிறுவனம் 4 லட்சத்து 13 ஆயிரத்து 967 யூனிட்களை விற்பனை செய்துள்ளது. இது 2024 ஜனவரி மாதத்தை விட 8.2 சதவீதம் அதிகம் ஆகும். 2023 பிப்ரவரி மாதத்தில் ஹோண்டா நிறுவனம் 2 லட்சத்து 27 ஆயிரத்து 064 யூனிட்களை விற்பனை செய்திருந்தது.

    டி.வி.எஸ். மோட்டார் கம்பெனி

    இந்திய இருசக்கர வாகனங்கள் சந்தையில் டி.வி.எஸ். நிறுவனம் மூன்றாவது இடத்தை தக்கவைத்துக் கொண்டுள்ளது. ஜனவரி 2024 மாதத்துடன் ஒப்பிடும் போது டி.வி.எஸ். வாகன விற்பனை 0.3 சதவீதம் சரிவடைந்துள்ளது. ஜனவரியில் 2 லட்சத்து 68 ஆயிரத்து 233 யூனிட்களை டி.வி.எஸ். நிறுவனம் விற்பனை செய்திருந்த நிலையில், பிப்ரவரியில் 2 லட்சத்து 67 ஆயிரத்து 502 யூனிட்களையே விற்பனை செய்துள்ளது.

     


    பஜாஜ் ஆட்டோ

    2024 பிப்ரவரி மாதம் பஜாஜ் ஆட்டோ நிறுவனம் 1 லட்சத்து 70 ஆயிரத்து 527 யூனிட்களை விற்பனை செய்திருக்கிறது. இது ஜனவரி 2024 மாதத்தில் விற்பனையான 1 லட்சத்து 90 ஆயிரத்து 350 யூனிட்களை விட 11.80 சதவீதம் குறைவு ஆகும்.

    சுசுகி

    2024 ஜனவரி மாதத்தை போன்றே சுசுகி நிறுவனம் பிப்ரவரியிலும் 80 ஆயிரத்திற்கும் அதிக யூனிட்களை விற்பனை செய்துள்ளது. முந்தைய மாதத்துடன் ஒப்பிடும் போது சுசுகியின் மாதாந்திர விற்பனை 3.47 சதவீதம் அதிகம் ஆகும். சமீபத்தில் தான் சுசுகி நிறுவனம் இந்திய சந்தையில் தனது 10 லட்சமாவது யூனிட்டை உற்பத்தி செய்ததாக அறிவித்தது.

    • புதிய மாடலும் மெல்லிய தோற்றம் கொண்டிருக்கிறது.
    • இதன் டி.ஆர்.எல். டிசைன் மாற்றப்பட்டு இருக்கிறது.

    பஜாஜ் ஆட்டோ நிறுவனம் தனது பல்சர் NS125 மோட்டார்சைக்கிளை இந்திய சந்தையில் அப்டேட் செய்துள்ளது. புதிய NS125 மாடல், 2024 NS160 மற்றும் NS200 மாடல்களுக்கு வழங்கப்பட்ட அம்சங்களுடன் அறிமுகமாகி இருக்கிறது.

    வடிவமைப்பில் புதிய பஜாஜ் பல்சர் NS125 மாடல் மெல்லிய தோற்றம், மஸ்குலர் டிசைன் கொண்டிருக்கிறது. இதன் முன்புறம், ஃபியூவல் டேன்க், பக்கவாட்டு பேனல்கள் ஒரே மாதிரி காட்சியளிக்கின்றன. இதன் ஹெட்லைட் மாற்றப்பட்டு இருக்கிறது. 2024 பஜாஜ் பல்சர் NS125 மாடலில் தண்டர் வடிவம் கொண்ட எல்.இ.டி. டி.ஆர்.எல்.-கள் வழங்கப்படுகின்றன.

    புதிய பல்சர் NS125 மாடலிலும் 125சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 11.8 ஹெச்.பி. பவர், 11 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு கியர்பாக்ஸ் வழங்கப்படுகிறது. இத்துடன் டிஜிட்டல் இன்ஸ்ட்ரூமென்ட் கன்சோல், ஸ்மார்ட்போன் கனெக்டிவிட்டி வழங்கப்பட்டுள்ளது.

    இதில் எஸ்.எம்.எஸ்., கால் நோட்டிபிகேஷன், போன் பேட்டரி லெவல் மற்றும் இதர விவரங்கள் காண்பிக்கப்படுகின்றன. இத்துடன் யு.எஸ்.பி. போர்ட் மற்றும் ஏ.பி.எஸ். வழங்கப்பட்டு இருக்கிறது. சஸ்பென்ஷனுக்கு முன்புறம் டெலிஸ்கோபிக் ஃபோர்க்குகள், பின்புறம் மோனோஷாக் யூனிட் உள்ளது. பிரேக்கிங்கிற்கு முன்புறம் ஒற்றை டிஸ்க், பின்புறம் டிரம் பிரேக் உள்ளது.

    2024 பஜாஜ் பல்சர் NS125 மாடலின் விலை ரூ. 1 லட்சத்து 04 ஆயிரத்து 922, எக்ஸ்-ஷோரூம் என நிர்ணயம் செய்யப்பட்டு உள்ளது. இது முந்தைய வெர்ஷனை விட ரூ. 5 ஆயிரம் விலை அதிகம் ஆகும். இந்திய சந்தையில் புதிய பல்சர் NS125 பைக் ஹீரோ எக்ஸ்டிரீம் 125R மற்றும் டி.வி.எஸ். ரைடர் 125 போன்ற மாடல்களுக்கு போட்டியாக அமைகிறது.

    • ரோட்ஸ்டர் 450 பற்றிய விவரங்கள் பலமுறை வெளியாகி உள்ளன.
    • இந்த மாடலில் லிக்விட் கூல்டு, சிங்கில் சிலிண்டர் என்ஜின் வழங்கப்படலாம்.

    ராயல் என்பீல்டு நிறுவனம் பல்வேறு மோட்டார்சைக்கிள் மாடல்களை உருவாக்கி வருவது அனைவரும் அறிந்ததே. புதிய மாடல்கள் அந்நிறுவனத்தின் 450 பிளாட்ஃபார்மில் உருவாக்கப்படுகின்றன. இந்த பட்டியலில் அதிகம் எதிர்பார்க்கப்படும் மாடல்களில் ஒன்று ரோட்ஸ்டர் 450. புதிய ரோட்ஸ்டர் 450 பற்றிய விவரங்கள் பலமுறை இணையத்தில் வெளியாகி உள்ளன.

    அந்த வரிசையில் புதிய ரோட்ஸ்டர் 450 டெஸ்டிங் செய்யப்படும் போது எடுக்கப்பட்ட புகைப்படங்கள் இணையத்தில் வெளியாகி உள்ளன. புதிய புகைப்படங்களின் படி இந்த மாடலில் வட்ட வடிவம் கொண்ட ஹெட்லைட், தடித்த ஃபியூவல் டேன்க், அளவில் சிறிய பக்கவாட்டு பேனல்கள், மெல்லிய டெயில் பகுதி இடம்பெற்றுள்ளது.

     


    இத்துடன் இன்டகிரேட் செய்யப்பட்ட டெயில் லைட் மற்றும் இன்டிகேட்டர் செட்டப் வழங்கப்பட்டு இருக்கிறது. மற்ற அம்சங்களை பொருத்தவரை இந்த மாடலில் எல்.இ.டி. லைட்டிங், டி.எஃப்.டி. பேனல், எல்.சி.டி. கிளஸ்டர், ப்ளூடூத் கனெக்டிவிட்டி உள்ளிட்டவை வழங்கப்படும் என தெரிகிறது. பிரேக்கிங்கிற்கு இந்த மாடலின் இருபுறமும் டிஸ்க் பிரேக்குகள் மற்றும் டூயல் சேனல் ஏ.பி.எஸ். வழங்கப்படலாம்.

    புதிய ரோட்ஸ்டர் 450 மாடலில் லிக்விட் கூல்டு, சிங்கில் சிலிண்டர் என்ஜின் வழங்கப்படும் என தெரிகிறது. இந்த என்ஜின் 39.47 ஹெச்.பி. பவர், 40 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கும் என்று தெரிகிறது. இந்த மாடலின் விலை ரூ. 2.4 லட்சம் வரை நிர்ணயம் செய்யப்படும் என்று தெரிகிறது.

    இந்திய சந்தையில் புதிய ராயல் என்பீல்டு ரோட்ஸ்டர் 450 மாடல் டிரையம்ப் ஸ்பீடு 400 மற்றும் கே.டி.எம். 390 டியூக் மாடல்களுக்கு போட்டியாக அமையும்.

    ×