Logo
சென்னை 25-04-2014 (வெள்ளிக்கிழமை)
சூலூர் பேரூராட்சி தலைவர் எஸ்.எஸ்.பொன்முடி மரணம்
கருமத்தம்பட்டி, அக். 2-

கோவையை அடுத்துள்ளது சூலூர் பேரூராட்சி. இதன் தலைவராக இருந்தவர் எஸ்.எஸ்.பொன்முடி. இவர் கடந்த சில நாட்களாக உடல் நலம் இல்லாமல் அவதிப்பட்டு வந்தார். வீட்டில் இருந்தபடியே சிகிச்சை பெற்றார். இந்த நிலையில் இன்று காலை 8.15 மணி அளவில் எஸ்.எஸ்.பொன்முடி திடீர் என மரணம் அடைந்தார். அவருக்கு வயது 58. இவர் கடந்த 1996-ம் ஆண்டு முதல் 2001-ம் ஆண்டு வரை பல்லடம் தொகுதி தி.மு.க. எம்.எல்.ஏ.வாக இருந்தார். 2 முறை சூலூர் பேரூராட்சி தலைவராக இருந்துள்ளார். தற்போது 3-வது முறையாக பேரூராட்சி தலைவராக பணியாற்றினார். தி.மு.க. தலைமை செயற்குழு உறுப்பினராகவும் இருந்தார்.

முன்னாள் எம்.எல்.ஏ.வும், பேரூராட்சி தலைவருமான பொன்முடி மரணம் அடைந்த தகவல் கிடைத்ததும் தி.மு.க. தலைவர்கள் மற்றும் நிர்வாகிகள் அவரது உடலுக்கு மலர் வளையம் வைத்து அஞ்சலி செலுத்தினர்.

O
P
E
N

close

அண்மை - கோவை