ஓணம் பண்டிகையை முன்னிட்டு பெங்களூரில் இருந்து எர்ணாகுளம், திருநெல்வேலிக்கு சிறப்பு ரெயில்கள்: தெற்கு ரெயில்வே அறிவிப்பு || onam festival bangalore ernakulam thirunelveli special train southern railway announced
Logo
சென்னை 27-11-2014 (வியாழக்கிழமை)
ஓணம் பண்டிகையை முன்னிட்டு பெங்களூரில் இருந்து எர்ணாகுளம், திருநெல்வேலிக்கு சிறப்பு ரெயில்கள்: தெற்கு ரெயில்வே அறிவிப்பு
ஓணம் பண்டிகையை முன்னிட்டு பெங்களூரில் இருந்து எர்ணாகுளம், திருநெல்வேலிக்கு சிறப்பு ரெயில்கள்: தெற்கு ரெயில்வே அறிவிப்பு
சென்னை, ஆக.19-
 
கேரளாவில் சிறப்பாக கொண்டாடப்படும் ஓணம் பண்டிகை இந்த மாதம் 29-ந் தேதி வருகிறது. இதனை முன்னிட்டு பெங்களூரில் உள்ள யஷ்வந்த்பூர் ரெயில் நிலையத்தில் இருந்து எர்ணாகுளம், திருநெல்வேலிக்கு தெற்கு ரெயில்வே சிறப்பு ரெயில்களை இயக்குகிறது.
 
இது குறித்து தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-
 
பெங்களூர், யஷ்வந்த்பூர் ரெயில் நிலையத்தில் இருந்து எர்ணாகுளத்திற்கு, யஷ்வந்த்பூர் வாராந்திர எக்ஸ்பிரஸ் சிறப்பு ரெயில் (வண்டி எண்: 06543) ஆகஸ்ட் 20, 27, செப்டம்பர் 3 ஆகிய தேதிகளில் யஷ்வந்த்பூரில் இருந்து காலை 9.15 மணிக்கு புறப்பட்டு அதே நாள் இரவு 9.30 மணிக்கு எர்ணாகுளம் சென்றடைகிறது. இதே போன்று எர்ணாகுளத்தில் இருந்து யஷ்வந்த்பூருக்கு சிறப்பு வாராந்திர எக்ஸ்பிரஸ் ரெயில் (06544) மேற்குறிப்பிட்டுள்ள அதே தேதிகளில் எர்ணாகுளத்தில் இருந்து இரவு 11 மணிக்கு புறப்பட்டு மறுநாள் நண்பகல் 12 மணிக்கு யஷ்வந்த்பூர் சென்றடைகிறது.
 
மேலும் யஷ்வந்த்பூர் ஏழைகள் ரதம், குளு குளு எக்ஸ்பிரஸ் சிறப்பு ரெயில் (06549) ஆகஸ்ட் 27, 29-ந் தேதிகளில் யஷ்வந்த்பூரில் இருந்து இரவு 9 மணிக்கு புறப்பட்டு மறுநாள் காலை 8.10 மணிக்கு எர்ணாகுளம் வந்தடைகிறது. இதே போன்று யஷ்வந்த்பூர் ஏழைகள் ரதம், குளு குளு எக்ஸ்பிரஸ் சிறப்பு ரெயில் (06550) ஆகஸ்ட் 28, 30-ந் தேதிகளில் எர்ணாகுளத்தில் இருந்து பிற்பகல் 3.30 மணிக்கு புறப்பட்டு மறுநாள் மாலை 4 மணிக்கு யஷ்வந்த்பூர் வந்தடைகிறது.
 
இதே போன்று யஷ்வந்த்பூர் ஏழைகள் ரதம், குளு குளு சிறப்பு ரெயில் (06515) ஆகஸ்ட் 20, 22-ந் தேதிகளில் யஷ்வந்த்பூரில் இருந்து இரவு 9 மணிக்கு புறப்பட்டு மறுநாள் காலை 9.40 மணிக்கு திருநெல்வேலிக்கு வந்தடைகிறது. அதே போன்று யஷ்வந்த்பூர் ஏழைகள் ரதம், குளு குளு சிறப்பு ரெயில் (06516) ஆகஸ்ட் 21, 23-ந் தேதிகளில் திருநெல்வேலியில் இருந்து பிற்பகல் 2.45 மணிக்கு புறப்பட்டு மறுநாள் மாலை 4 மணிக்கு யஷ்வந்த்பூர் சென்றடைகிறது.
 
இவ்வாறு அந்த செய்திக்குறிப்பில் கூறப்பட்டிருந்தது.
"இந்த செய்தி / கட்டுரைக்குரிய உங்கள் கருத்தை கீழே பதிவு செய்யுங்கள்"

O
P
E
N

close

அண்மை - தலைப்புச்செய்திகள்

section1

மைனஸ் 61 டிகிரி குளிரில் நகராத விமானத்தை தள்ளிய பயணிகள்

நம் ஊரில், நடுவழியில் செயலிழந்து நிற்கும் பஸ்களை, அதில் பயணிக்கும் பயணிகள் கீழே இறங்கி தள்ளுவதை ....»