புதுடெல்லி, ஆக. 18-

 

இஸ்லாமியர்களின் புனித மாதமான ரமலான் மாதத்தில் பகல் முழுவதும் நோன்பு இருந்து வருகின்றனர். ஒரு மாத காலம் வரை நீடிக்கும் இந்த நோன்புக் காலத்தின் கடைசி நாளில் பிறை பார்த்து ரம்ஜான் பண்டிகை கொண்டாடப்படுவது வழக்கம்.

 

இந்த ஆண்டுக்கான நோன்பு கடந்த மாதம் 21-ம் தேதி தொடங்கியது. இந்நிலையில் டெல்லியில் இன்று பிறை தெரியும் என எதிர்பார்க்கப்பட்டது. ஆனால் பிறை தெரியாததால் திங்கட்கிழமை ஈத்-உல்-பித்ர் எனப்படும் ரம்ஜான் பண்டிகை கொண்டாடப்படும் என்றும், நாளையும் நோன்பை தொடரவேண்டும் என்றும் பதேபூர் மசூதியின் ஷாகி இமாம் மவுலானா முப்தி முகமது முக்காராம் தெரிவித்தார். காதீம் ராயத் ஹிலால் கமிட்டி கூட்டத்திற்குப் பிறகு இந்த முடிவு எடுக்கப்பட்டது.