குஜராத் முன்னாள் முதல்வர் கேசுபாய் படேல் பா.ஜனதாவில் இருந்து விலகல்: தனிக்கட்சி தொடங்குகிறார் || gujarat ex cm Keshubhai Patel avoidance
Logo
சென்னை 23-10-2014 (வியாழக்கிழமை)
  • கனடா பாராளுமன்றத்தில் தாக்குதல்: ஒபாமா கண்டனம்
  • தென் மாவட்டங்களில் மழை நீடிக்கும்: வானிலை மையம் தகவல்
  • மேற்கு வங்கத்தில் உள்ள மால்டாவில் 48 மணி நேரத்தில் 8 பச்சிளம் குழந்தைகள் பலி
  • காஷ்மீர் மாநிலத்தில் உள்ள சியாச்சினுக்கு வந்து சேர்ந்தார் பிரதமர் மோடி
  • ராஜஸ்தானில் பட்டாசுக்கடையில் தீ விபத்து: ஏழு பேர் பலி
குஜராத் முன்னாள் முதல்வர் கேசுபாய் படேல் பா.ஜனதாவில் இருந்து விலகல்: தனிக்கட்சி தொடங்குகிறார்
குஜராத் முன்னாள் முதல்வர் கேசுபாய் படேல் பா.ஜனதாவில் இருந்து விலகல்: தனிக்கட்சி தொடங்குகிறார்
அகமதாபாத், ஆக. 4-

குஜராத்தின் முன்னாள் முதலமைச்சரும், பா.ஜனதாவின் மூத்த தலைவருமான கேசுபாய் படேல், கட்சியிலிருந்து விலகினார். அவர் தனது ராஜினாமா கடிதத்தை கட்சியின் அகில இந்திய தலைவர் நிதின் கட்காரிக்கு அனுப்பினார்.

தனது ஆதரவாளர்களான காசிராம் ராணா, சுரேஷ் மேத்தா ஆகியோரை இன்று சந்தித்து ஆலோசனை நடத்திய பிறகு கேசுபாய், கட்சியில் இருந்து விலகும் முடிவை அறிவித்தார். முதல்வர் நரேந்திர மோடியுடன் ஏற்பட்ட கருத்து வேறுபாடு காரணமாக கட்சியில் இருந்து விலகியுள்ள அவர், மோடியின் எதிர்ப்பாளர்களை திரட்டி புதிய கட்சியை தொடங்க உள்ளார். தனது புதுக்கட்சி அறிவிப்பை நாளை வெளியிட உள்ளார். அத்துடன் இந்த ஆண்டு நடைபெற உள்ள குஜராத் சட்டமன்றத் தேர்தலிலும் போட்டியிட முடிவு செய்துள்ளார்.

தனது புதிய கட்சியில் இந்துத்துவா கொள்கை இருந்தாலும், முஸ்லிம்கள் நலன்களுக்கும் முக்கியத்துவம் கொடுக்கப்படும் என அவர் கூறியுள்ளார். குஜராத் மக்கள் தொகையில், படேல் சமூகத்தினர் 18 சதவீதம் உள்ளனர். அவர்களின் ஆதரவுடன் மீண்டும் அரசியல் களத்தில் பிரகாசிக்க முடியும் என்று கேசுபாய் படேல் நம்பிக்கையில் இருக்கிறார்.

கடந்த சில மாதங்களாக பொதுக்கூட்டங்களில் கேசுபாய் படேல், மோடியை பகிரங்கமாக விமர்சனம் செய்து வந்தார். மோடியின் ஆட்சியில் மக்கள் பயத்துடனே வாழ்வதாகவும் அவர் குற்றம் சாட்டினார். கடந்த 2001ம் ஆண்டு கேசுபாய் படேல் முதல்வர் பதயிலிருந்து நீக்கப்பட்டு, நரேந்திர மோடி முதல்வராக நியமிக்கப்பட்டது குறிப்பிடத்தக்கது.
"இந்த செய்தி / கட்டுரைக்குரிய உங்கள் கருத்தை கீழே பதிவு செய்யுங்கள்"

O
P
E
N

close

அண்மை - தேசியச்செய்திகள்

section1

மராட்டியத்தில் பா.ஜனதா கூட்டணி ஆட்சி: சிவசேனாவுக்கு துணை முதல்–மந்திரி பதவி

மும்பை, அக் 23–மராட்டிய சட்டசபை தேர்தலில் எந்த கட்சிக்கும் தனி மெஜாரிட்டி கிடைக்க வில்லை. மொத்தம் ....»

Maalaimalar.gif
Maalaimalar.gif