Logo
சென்னை 19-04-2014 (சனிக்கிழமை)
ரயில் தீ விபத்தில் பாதிக்கப்பட்ட பயணிகளின் உறவினர்கள் செல்ல வசதி: சென்னை கோட்ட மேலாளர் தகவல்
சென்னை, ஜூலை. 30-

சென்னை கோட்ட ரெயில்வே மேலாளர் டி.கே.மிஸ்ரா தீ விபத்து தொடர்பாக கூறியதாவது:-

டெல்லியில் இருந்து சென்னை வந்த தமிழ்நாடு எக்ஸ்பிரஸ் ரெயில் இன்று அதிகாலை நெல்லூர் அருகே தீ விபத்தில் சிக்கியது. எஸ்-11 பெட்டியில் தீ பிடித்ததில் 26 பயணிகள் காயத்துடன் மீட்கப்பட்டனர். அவர்களுக்கு நெல்லூரில் உள்ள 2 மருத்துவமனைகளில் சிகிச்சை அளிக்கப்பட்டு வருகிறது.

தீ விபத்தில் பாதிக்கப்பட்ட பெட்டி தவிர மற்ற பெட்டிகளுடன் பயணிகளை ஏற்றிக் கொண்டு அந்த ரெயில் சென்னை வருகிறது. இந்த தீ விபத்தில் பாதிக்கப்பட்ட 46 பயணிகளின் முழு விவரம் தெரியவில்லை.

காயம் அடைந்த பயணிகளின் உறவினர்கள் நெல்லூர் சிறப்பு ரெயில் சென்டிரலில் இருந்து 10.30 மணிக்கு சென்றுள்ளது. இந்த தீ விபத்து எப்படி ஏற்பட்டது என்பது பற்றி ரெயில்வே பாதுகாப்பு ஆணையர் விசாரணைக்கு பிறகே தெரியவரும். எஸ்-11 பெட்டி முழுமையாக எரிந்துவிட்டது. மீட்பு பணிகள் வேகமாக நடந்து வருகிறது.

இவ்வாறு அவர் கூறினார்.

O
P
E
N

close

அண்மை - சென்னை