பெரம்பூர் தாலுகா அலுவலகத்தில் பெண் தாசில்தார் முன்னிலையில் புரோக்கர்கள் பொதுமக்கள் மோதல் || perambur taluk office lady tashildar public brokers clash
Logo
சென்னை 30-01-2015 (வெள்ளிக்கிழமை)
  • இலங்கை அகதிகளை திருப்பி அனுப்பும் விவகாரம் : டெல்லியில் இன்று ஆலோசனை
  • முத்தரப்பு கிரிக்கெட்: இந்தியா 11 ஓவர்களில் விக்கெட் இழப்பின்றி 36 ரன்கள் குவிப்பு
  • சென்னை: பூரண மதுவிலக்கை வலியுறுத்தி காலவரையற்ற உண்ணாவிரதத்தை தொடங்கினார் சசி பெருமாள்
  • ஐதராபாத்தில் போலீசார் ரெய்டு: 90 குழந்தை தொழிலாளர்கள் மீட்பு
  • ஸ்ரீரங்கம் இடைத்தேர்தல்: வேட்பாளர் இறுதி பட்டியல் இன்று மாலை வெளியீடு
  • காங்கிரசில் இருந்து ஜெயந்தி நடராஜன் விலகல்?: இன்று 12:30 மணியளவில் செய்தியாளர்களை சந்திக்கிறார்
பெரம்பூர் தாலுகா அலுவலகத்தில் பெண் தாசில்தார் முன்னிலையில் புரோக்கர்கள்-பொதுமக்கள் மோதல்
பெரம்பூர் தாலுகா அலுவலகத்தில் பெண் தாசில்தார் முன்னிலையில் புரோக்கர்கள்-பொதுமக்கள் மோதல்
பெரம்பூர், ஜூலை. 12-

பெரம்பூர் ரெயில் நிலையம் எதிரே உள்ள தாசில்தார் அலுவலகத்தில் புரோக்கர்கள் அதிக அளவில் உள்ளனர். அவர்கள் சாதி, வருவாய் போன்ற சான்றிதழ்களை வாங்கித்தர அதிக பணம் கேட்கிறார்கள். சாதி சான்றிதழுக்கு ரூ. 500 முதல் ரூ. 1500 வரை வசூலிக்கிறார்கள். அதிக பணம் கொடுத்தால் உடனடியாக சான்றிதழை வாங்கித் தந்து விடுகிறார்கள்.

தாசில்தார் அலுவலகத்தில் சான்றிதழ் வாங்க பொதுமக்கள் முறைப்படி விண்ணப்பம் கொடுத்தால் அங்குள்ள ஊழியர்கள் மாத கணக்கில் இழுத்தடிக்கிறார்கள். இதனால் பொதுமக்கள் வேறு வழியின்றி புரோக்கர்களை நாடுகிறார்கள். இதனால் இந்த அலுவலகத்தில் புரோக்கர்கள் எண்ணிக்கை நாளுக்கு நாள் அதிகரித்த வண்ணம் இருக்கிறது.

இந்நிலையில் நேற்று தாசில்தார் பிரேமா முன்னிலையில் புரோக்கர்கள் பொதுமக்கள் இடையே மோதல் ஏற்பட்டது. பொதுமக்கள் சிலர், புரோக்கர்களிடம், அதிக பணம் வாங்கிவிட்டு ஏன் உடனே சான்றிதழ் வாங்கித் தரவில்லை என்று கூறி வாக்குவாதத்தில் ஈடுபட்டனர்.

இதனால் புரோக்கர்கள் ஒன்றாகச் சேர்ந்து பொதுமக்களை அடிக்கப் பாய்ந்தனர். உடனே பொதுமக்கள் போலீசுக்கு தகவல் கொடுத்தனர். போலீசார் அங்கு வந்ததும் புரோக்கர்கள் தப்பி ஓடிவிட்டனர்.

சாதி சான்றிதழ் வாங்க வந்த ஓட்டேரியைச் சேர்ந்த ரவி கூறும்போது, இங்குள்ள ஊழியர்கள் சாதி சான்றிதழை வழங்க மிகவும் காலதாமதம் செய்கிறார்கள். இதனால்தான் நாங்கள் புரோக்கரை நாடவேண்டி உள்ளது. அவர்களுக்கு ஆயிரம் ரூபாய் கொடுத்தால் மறுநாளே சான்றிதழ் கிடைத்து விடுகிறது. தற்போது புரோக்கர்களிடம் அதிகம் பேர் சான்றிதழ் வாங்க பணம் கொடுத்தால் அவர்களால் உடனே வாங்கித்தர முடியவில்லை. இதனால்தான் அவர்களிடம் சான்றிதழ் கேட்டு பொதுமக்கள் தகராறு செய்தனர் என்றார்.

பெரம்பூரைச் சேர்ந்த ராஜேஸ்வரி கூறும்போது, நான் சாதி சான்றிதழ் வாங்க புரோக்கரிடம் ரூ. 1,500 கொடுத்தேன். ஆனால் அவர் குறிப்பிட்ட நேரத்தில் சான்றிதழ் தரவில்லை. இதனால்தான் அவரிடம் சான்றிதழ் கேட்டு வாக்குவாதம் செய்தேன் என்றார்.
"இந்த செய்தி / கட்டுரைக்குரிய உங்கள் கருத்தை கீழே பதிவு செய்யுங்கள்"

O
P
E
N

close

அண்மை - சென்னை

section1

கீழ்ப்பாக்கத்தில் 7 மாடி கட்டிடத்தில் தீ விபத்து

சென்னை கீழ்ப்பாக்கம் டெய்லர்ஸ் ரோட்டில் ‘தவுலத் டவர்’ என்ற 7 மாடி கட்டிடம் உள்ளது. இந்த ....»