சொத்து குவிப்பு வழக்கு: ஜெகன்மோகன் ஜாமீன் கேட்டு சுப்ரீம் கோர்ட்டில் மனு || asset accumulation case jaganmohan reddy petition in supreme court
Logo
சென்னை 01-07-2015 (புதன்கிழமை)
  • எகிப்தில் கார் குண்டு வெடித்து 11 ராணுவ வீரர்கள் பலி
  • டார்ஜிலிங்கில் கடும் நிலச்சரிவு: மத்திய மந்திரி கிரன் ரிஜிஜு நேரில் சென்று கவனிக்கும்படி பிரதமர் உத்தரவு
சொத்து குவிப்பு வழக்கு: ஜெகன்மோகன் ஜாமீன் கேட்டு சுப்ரீம் கோர்ட்டில் மனு
சொத்து குவிப்பு வழக்கு: ஜெகன்மோகன் ஜாமீன் கேட்டு சுப்ரீம் கோர்ட்டில் மனு
புதுடெல்லி, ஜூலை.10-
 
ஒய்.எஸ்.ஆர். காங்கிரஸ் தலைவரும், கடப்பா தொகுதி எம்.பி.யுமான ஜெகன் மோகன்ரெட்டி மீது சி.பி.ஐ. அதிகாரிகள் சொத்து குவிப்பு வழக்கு பதிவு செய்தனர். இவ்வழக்கில் அவர் மீது 3 குற்றப்பத்திரிகைகள் தாக்கல் செய்யப்பட்டன. 
 
இந்நிலையில் கடந்த மே மாதம் 27-ந்தேதி ஜெகன் மோகன் ரெட்டியை சி.பி.ஐ. அதிகாரிகள் கைது செய்தனர். பின்னர் அவர் ஐதராபாத் சஞ்சல்குடா சிறையில் அடைக்கப்பட்டார். இதனால் அவரால் ஆந்திராவில் நடந்த இடைத்தேர்தல் பிரசாரத்தில் பங்கேற்க முடியவில்லை. ஆனாலும் அவரது கட்சி 15 சட்டசபை தொகுதிகள், ஒரு எம்.பி. தொகுதியில் வெற்றி பெற்றது.
 
இந்த நிலையில் ஜெகன் மோகன்ரெட்டி ஜாமீன் கேட்டு ஆந்திரா ஐகோர்ட்டில் மனு தாக்கல் செய்தார். இதற்கு சி.பி.ஐ. கடும் எதிர்ப்பு தெரிவித்தது. இதனால் அவரது ஜாமீன் மனுவை ஐகோர்ட்டு தள்ளுபடி செய்தது.
 
இதையடுத்து அவர் ஜாமீன் கேட்டு சுப்ரீம் கோர்ட்டில மனுதாக்கல் செய்துள்ளார். அதில் அவர் கூறியிருப்பதாவது:-
 
என்மீது பழிவாங்கும் போக்கில் சொத்து குவிப்பு வழக்கு போடப்பட்டுள்ளது. என் தந்தையின் ஆட்சியில் ஆதாயம் பெற்றவர்கள்தான் என் நிறுவனத்தில் முதலீடு செய்ததாக சி.பி.ஐ. கூறி வருகிறது. இதுவரை அதற்கான ஆதாரத்தை அவர்கள் காட்டவில்லை.
 
என் மீது வழக்குப் பதிவு செய்து 9 மாதங்களுக்கு பிறகு கைது செய்ய வேண்டியதன் அவசியம்தான் என்ன? அரசியல் பழி வாங்கும் நடவடிக்கை காரணமாகவே நான் கைது செய்யப்பட்டுள்ளேன்.
 
இதுவரை என் மீதான குற்றச்சாட்டுகளுக்கு சி.பி.ஐ. எந்த ஆதாரத்தையும் காட்டாத நிலையில் எனக்கு ஐகோர்ட்டு ஜாமீன் மறுத்து விட்டது. நான் ஒரு கட்சித் தலைவர் என்பதால் எனக்கு நிறைய பணிகள் உள்ளன. எனவே எனக்கு ஜாமீன் வழங்க வேண்டும்.
 
இவ்வாறு அவர் அதில் குறிப்பிட்டுள்ளார். இம்மனு விரைவில் விசாரணைக்கு வருகிறது.
"இந்த செய்தி / கட்டுரைக்குரிய உங்கள் கருத்தை கீழே பதிவு செய்யுங்கள்"

O
P
E
N

close

அண்மை - தேசியச்செய்திகள்

section1

அமெரிக்க கப்பலில் பிடிபட்ட 35 பேரையும் விடுதலை செய்தது செல்லாது: சுப்ரீம் கோர்ட்டு தீர்ப்பு

புதுடெல்லி, ஜூலை 1–கடந்த 2013–ம் ஆண்டு அமெரிக்க கப்பல் ஒன்று தூத்துக்குடி கடற்பகுதியில் அத்துமீறி நுழைந்தது. ....»