ஓரின சேர்க்கையாளரை மணந்த அமெரிக்க எம்.பி. || American MP gay marriage
Logo
சென்னை 21-10-2014 (செவ்வாய்க்கிழமை)
  • நெல்லை, கடலூர், விழுப்புரம் மாவட்டத்தில் உள்ள பள்ளி, கல்லூரிகளுக்கு இன்று விடுமுறை
  • திருவண்ணாமலை: அண்ணாமலையார் கோவில் எதிரில் உள்ள துணிக்கடையில் தீவிபத்து
  • அரியானா புதிய முதல்-மந்திரி இன்று தேர்வு
ஓரின சேர்க்கையாளரை மணந்த அமெரிக்க எம்.பி.
ஓரின சேர்க்கையாளரை மணந்த அமெரிக்க எம்.பி.
நியூயார்க், ஜூ¬.9-

அமெரிக்காவில் உள்ள மசாசுசெட் பகுதியை சேர்ந்தவர் பர்னே பிராங்வெட் (72). தற்போது இவர் ஆளும் ஜனநாயக கட்சியின் எம்.பி. ஆக உள்ளார். இவர் ஓரின சேர்க்கையாளர் ஆவார். இதை கடந்த 1980-ம் ஆண்டிலேயே பகிரங்கமாக அறிவித்தார்.

இவருககு ஓகுன்குயிட் என்ற இடத்தை சேர்ந்த மற்றொரு ஓரின சேர்க்கையாளர் ஜிம்ரெடி (42) என்பவருடன் கடந்த 2007-ம் ஆண்டு முதல் பழக்கம் ஏற்பட்டது. இவர் மரவேலை, பெயிண்டிங், வெல்டிங் போன்ற பணிகளை செய்து வருகிறார்.

இவர்கள் இருவரும் திருமணம் செய்ய முடிவு செய்தனர். அதுகுறித்த அறிவிப்பை கடந்த ஜனவரி மாதம் வெளியிட்டனர். இந்த நிலையில் நேற்று இருவரும் திருமணம் செய்து கொண்டனர். இந்த தகவலை மசாசுசெட் மாகாண கவர்னர் டேவல்பாட்ரிக் தெரிவித்தார். மேலும் அவர்களது திருமணத்தில் இவர் கலந்து கொண்டு வாழ்த்தினார்.

தற்போது அமெரிக்காவில் ஓரின சேர்க்கையாளர் திருமணத்துக்கு அங்கீகாரம் இல்லை. ஆனால் அதை சட்டப்பூர்வமாக்க வேண்டும் என ஓரின சேர்க்கையாளர்கள் வேண்டுகோள் விடுத்தனர். அதை ஏற்றுக்கொண்ட அதிபர் ஒபாமா விரைவில் அதற்கு அங்கீகாரம் அளிக்கப்படும் என்று உறுதி அளித்து இருந்தார்.

இது வர இருக்கின்ற அதிபர் தேர்தல் பிரசாரத்தில் எதிரொலிக்கும் என எதிர்பார்க்கப்படுகிறது. அமெரிக்க எம்.பி. பர்னே பிராங்வெட் ஓரின சேர்க்கை திருமணம் அமெரிக்காவில் பரபரப்பை ஏற்படுத்தியுள்ளது. மேலும் ஓரின சேர்க்கையாளரை திருமணம் செய்த அமெரிக்க முதல் எம்.பி. என்ற பெருமையையும் பர்னே பெற்றுள்ளார்.
"இந்த செய்தி / கட்டுரைக்குரிய உங்கள் கருத்தை கீழே பதிவு செய்யுங்கள்"

O
P
E
N

close

அண்மை - உலகச்செய்திகள்

section1

பாகிஸ்தானில் தீபாவளிக்கு விடுமுறை அளிக்க ஆளும் கட்சி எம்.பி. கோரிக்கை

இந்துக்களின் முக்கிய பண்டிகையான தீபாவளி தமிழ்நாட்டில் நாளையும்(புதன்கிழமை), வட மாநிலங்களில் நாளை மறுநாளும் கொண்டாடப்படுகிறது. பாகிஸ்தானில் ....»

Maalaimalar.gif
Maalaimalar.gif