Logo
சென்னை 18-04-2014 (வெள்ளிக்கிழமை)
விம்பிள்டன் டென்னிஸ்: இறுதிப்போட்டியில் பெடரர்- முர்ரே; செரீனா 5-வது முறையாக பட்டம் பெற வாய்ப்பு
லண்டன், ஜூலை. 7-
 
கிராண்ட்சிலாம் போட்டிகளில் ஒன்றான விம்பிள்டன் டென்னிஸ் போட்டி லண்டன் நகரில் நடைபெற்று வருகிறது. ஆண்கள் ஒற்றையர் பிரிவில் நேற்று நடந்த அரை இறுதி ஆட்டம் ஒன்றில் உலகின் 4-ம் நிலை வீரரான ஆண்டி முர்ரே (இங்கிலாந்து)- ஐந்தாம் நிலை வீரரான வில்பிரைட் டிசோங்கா (பிரான்ஸ்) மோதினார்கள்.
 
இதில் முர்ரே 6-3, 6-4, 3-6, 7-5 என்ற செட் கணக்கில் வென்று இறுதிப்போட்டிக்கு தகுதி பெற்றார். விம்பிள்டன் இறுதிப்போட்டிக்கு 76 ஆண்டுகளுக்கு பிறகு இங்கிலாந்து வீரர் இப்போதுதான் தகுதி பெற்றுள்ளார். அந்த பெருமை ஆண்டி முர்ரேயை சாரும். கடைசியாக 1936-ம் ஆண்டு இங்கிலாந்து வீரரான பெரி விம்பிள்டன் இறுதிப்போட்டிக்கு தகுதி பெற்று இருந்தார்.
 
முர்ரே இறுதிப்போட்டியில் 6 முறை சாம்பியனும், உலகின் 3-ம் நிலை வீரருமான ரோஜர் பெடரரை (சுவிட்சர்லாந்து) எதிர்கொள்கிறார். பெடரர் அரை இறுதியில் நம்பர் ஒன் வீரரும், நடப்பு சாம்பியனுமான ஜோகோவிச்சை (செர்பியா) 6-3, 3-6, 6-4, 6-3 என்ற செட் கணக்கில் தோற்கடித்தார்.
 
பெண்கள் ஒற்றையர் இறுதிப்போட்டி இன்று நடக்கிறது. இதில் செரீனா வில்லியம்ஸ் (அமெரிக்கா)- ரட்வான்ஸ்கா (போலந்து) மோதுகிறார்கள். செரீனா வில்லியம்ஸ் விம்பிள்டன் பட்டத்தை 4 முறை கைப்பற்றி உள்ளார். 5-வது முறையாக பட்டம் பெறுவாரா? என்று எதிர்பார்க்கப்படுகிறது. ரட்வான்ஸ்கா முதல் முறையாக கிராண்ட்சிலாம் பட்டம் பெறும் ஆர்வத்தில் உள்ளார்.
 
ரண்ட்வான்ஸ்கா உடல் நலக்கோளாறு காரணமாக நேற்றைய நிருபர்கள் சந்திப்பை ரத்து செய்தார். இதனால் இன்றைய இறுதிப் போட்டியில் அவர் முழு உடல் தகுதியுடன் ஆடுவாரா என்ற கேள்வி எழுந்துள்ளது.

O
P
E
N

close

அண்மை - விளையாட்டுச்செய்திகள்

section1

சர்வதேச டென்னிஸ்: கால்இறுதியில் நடால், ஜோகோவிச்

மான்ட் கார்லோ மாஸ்டர்ஸ் சர்வதேச டென்னிஸ் போட்டி மொனாக்கோவில் நடந்து வருகிறது. இதன் ஒற்றையர் 3-வது ....»