Logo
சென்னை 23-04-2014 (புதன்கிழமை)
ஆவடியில் மத்திய ரிசர்வ் படை போலீஸ்காரர் தற்கொலை
ஆவடி, ஜூன். 24-
 
ஆவடி மத்திய ரிசர்வ் போலீஸ் படையில் போலீஸ்காரராக பணியாற்றி வந்தவர் சதானந்த கனி (வயது 45). இவர் அங்குள்ள மத்திய போலீஸ் படை குடியிருப்பில் வசித்து வந்தார். இவர் அவரது வீட்டில் இன்று காலை 10 மணி அளவில் திடீரென தூக்குப்போட்டு தற்கொலை செய்து கொண்டார்.
 
அக்கம்பக்கத்தினர் இதுகுறித்து போலீசாருக்கு தகவல் தெரிவித்தனர். போலீசார் விரைந்து வந்து பிணத்தை கைப்பற்றினர். அவரது உடல் கீழ்ப்பாக்கம் மருத்துவமனைக்கு பிரேத பரிசோதனைக்கு அனுப்பி வைக்கப்பட்டது.
 
தற்கொலை செய்து கொண்ட போலீஸ்காரர் சதானந்தகனி கேரளாவை சேர்ந்தவர். திருமணமாகி மனைவி குழந்தைகள் உள்ளனர். அவர்கள் கேரளாவில் வசித்து வருகின்றனர்.
 
போலீஸ்காரர் சதானந்த கனி தற்கொலை செய்யும் முன் ஒரு கடிதம் எழுதி வைத்து உள்ளார். அதில் காஞ்சிபுரத்தை அடுத்த கொடுமாவிலங்கையை சேர்ந்த ஒரு பெண்ணை காதலித்து வந்ததாகவும் அவருக்கு ரூ.50 ஆயிரம் செலவு செய்து உள்ளதாகவும் குறிப்பிட்டு உள்ளார். எனவே அந்த பெண்ணை தனது உடலுடன் சேர்த்து புதைக்குமாறும் கூறி உள்ளார்.
 
அவரது சாவு குறித்தும் அவர் எழுதிய கடிதம் குறித்தும் ஆவடி டேங்க் பேக்டரி போலீசார் விசாரித்து வருகின்றனர். போலீஸ்காரர் சதானந்த கனி எழுதிய கடிதம் ஆவடி பகுதியில் பெரும் பரபரப்பை ஏற்படுத்தி உள்ளது.

O
P
E
N

close

அண்மை - திருவள்ளூர்

section1

தமிழ்நாட்டின் வாக்காளர் பட்டியலில் முதல்நபர் இளம்பெண் தீபா

கும்மிடிப்பூண்டி,ஏப்.23– இந்தியாவின் 16–வது நாடாளுமன்றத்தை நிர்ணயிக்க போகிற தேர்தல் தமிழகத்தில் நாளை நடைபெற உள்ளது. தமிழ்நாட்டில் ....»