புதுடெல்லி, ஜூன். 13-

 

நடைபெற இருக்கும் ஜனாதிபதி தேர்தலுக்கான காங்கிரஸ் வேட்பாளர் யார் என்பது இதுவரை  முடிவு செய்யப்படவில்லை. இது தொடர்பாக மேற்கு வங்க முதல்வர் மம்தா பானர்ஜி இன்று காங்கிரஸ் பொது செயலாளர் சோனியா காந்தியை டெல்லியில் சந்தித்தார்.

 

சோனியா காந்தியை சந்தித்துவிட்டு திரும்பிய மம்தா பானர்ஜி செய்தியாளர்களிடம் கூறியதாவது:

 

தற்போதைய நிதி அமைச்சர் பிரணாப் முகர்ஜியை காங்கிரஸ் வேட்பாளராக நிறுத்த அக்கட்சி திட்டமிட்டுள்ளது. இந்த வேட்பாளர் பட்டியலில் தற்போதைய துணை ஜனாதிபதி ஹமீது அன்சாரி இரண்டாம் இடத்தில் உள்ளார்.

 

இவ்வாறு அவர் கூறினார்.

 

சோனியாவுடனான இந்த சந்திப்பை தொடர்ந்து முலாயம் சிங்கை சந்தித்து காங்கிரஸ் கட்சியின் நிலை குறித்து ஆலோசனை நடத்தியதாக அங்கிருந்து வரும் செய்திகள் தெரிவிக்கின்றன.