Logo
சென்னை 16-04-2014 (புதன்கிழமை)
ஏமனில் மனித வெடிகுண்டு தாக்குதல்: 50 இராணுவ வீரர்கள் பலி
சனா, மே 21-
 
வடக்கு மற்றும் தெற்கு ஏமன் இணைக்கப்பட்டு 22-வது ஆண்டு நினைவு தினத்தை கொண்டாட ஏமனில் ஏற்பாடுகள் நடைபெற்று வருகின்றன. இந்நிலையில், அந்நாட்டு ராணுவ அணிவகுப்பிற்காக ராணுவ வீரர்கள் தீவிர பயிற்சியில் ஈடுபட்டு வருகின்றனர்.
 
இந்த பயிற்சியின் போது, தற்கொலைப்படை தீவிரவாதி ஒருவர் ஏமன் நாட்டு ராணுவ உடை அணிந்து, தன் உடலில் மறைத்து வைக்கப்பட்டிருந்த வெடிகுண்டை வெடிக்கச் செய்தான். இதனால் பயிற்சியில் ஈடுபட்டிருந்த ராணுவத்தினர் 50 பேர் உடல் சிதறி சம்பவ இடத்திலேயே பலியாயினர். மேலும் படுகாயமடைந்த பலர் ஆஸ்பத்திரியில் சிகிச்சை பெற்று வருகின்றனர்.
 
இந்த தாக்குதலுக்கு இதுவரை எந்த தீவிரவாத அமைப்பும் பொறுப்பேற்கவில்லை. மேலும், இந்த தாக்குதலில் பலி எண்ணிக்கை உயரக்கூடும் என அஞ்சப்படுவதாக அங்குள்ள ராணுவ அதிகாரி தெரிவித்துள்ளார்.
 
மேலும், பிப்ரவரி மாதம் அதிபராக பதவி ஏற்ற ஆப்ரபு மன்சூர் ஹாடி கூறுகையில், அல்-கொய்தா அமைப்பினரை ஏமன் நாட்டில் இருந்து முற்றிலும் ஒழிக்க பாடுபடுவதாக சூளுரைத்தார்.
 
சில தினங்களுக்கு முன் அல்-கொய்தா ஆக்கிரமிப்பு பகுதிகளில் ஏமன் நாட்டு ராணுவத்தினர் தாக்குதல் நடத்தியது இந்த சம்பவத்துக்கு காரணமாக இருக்குமோ என சந்தேகிக்கப்படுகிறது.

O
P
E
N

close

அண்மை - உலகச்செய்திகள்

section1

சர்வதேச விண்வெளி மையத்துக்கு செல்லும் ராக்கெட் பயணம் ஹீலியம் வாயு கசிவால் ரத்து

விண்வெளியில் அமைந்துள்ள சர்வதேச விண்வெளி மையத்துக்கு பொருட்களை எடுத்து செல்வதற்காக ‘ஸ்பேஸ் எக்ஸ்’ என்ற தனியார் ....»