Logo
சென்னை 25-04-2014 (வெள்ளிக்கிழமை)
நீர்மட்டம் 54 அடியாக குறைந்தது: குளம் போல் காட்சியளிக்கும் பாபநாசம் அணை
சிங்கை, மார்ச். 28-
 
நெல்லை மாவட்டத்தில் மேற்கு தொடர்ச்சி மலையில் பாபநாசம் அணை உள்ளது.பொதிகை மலை பூங்குளத்தில் உற்பத்தியாகி வரும் தாமிரபரணி தண்ணீர் பாணதீர்த்த அருவி வழியாக இந்த அணைக்கு வந்தடைகிறது.இந்த அணை ஆங்கிலேயர் காலத்தில் 1938-ல் அடிக்கல் நாட்டப்பட்டு 1943-ல் கட்டி முடிக்கப்பட்டது.
 
தாமிரபரணி, மயிலாறு, பாம்பனாறு, கவுதலையாறு, காரையார், சேர்வலாறு ஆகிய 6 ஆறுகளின் தண்ணீர் அணைக்கு வருகிறது. 144 அடி கொள்ளளவு கொண்ட இந்த அணையில் 6-12-2011 நிலவரப்படி அணையின் நீர்மட்டம் 139.90 அடியாக இருந்தது.தற்போது நீர்மட்டம் 54 அடியாக உள்ளது. நீர்வரத்து 45 கன அடியாகவும், 200 கனஅடி தண்ணீர் வெளியேறியும் வருகிறது.
 
தற்போது நீர்மட்டம் 54 அடியாக உள்ளதால் அணையானது குளம் போல் காட்சியளிக்கிறது. இதனால் அணையில் உள்ள பாணதீர்த்த அருவிக்கு படகுகளை செலுத்துவதில் சிரமம் ஏற்பட்டுள்ளது.கவுதலையாறு வரையே படகுகள் இயக்கப்படுகிறது.
 
அதன்பிறகு சுற்றுலா பயணிகள் சுமார் 1 1/2 கி.மீ. தூரம் அருவிக்கு நடந்தே செல்லும் நிலை உள்ளது. அணையில் தண்ணீர் இல்லாததால் நெல்லை மாவட்டத்தில் தண்ணீர் தட்டுப்பாடு ஏற்படும் நிலையும் உள்ளது.
 
கடந்த ஆண்டு அணையில் தண்ணீர் இல்லாததால் கடும் தண்ணீர் தட்டுப்பாடு ஏற்பட்டது. அவ்வப்போது பெய்த மழையால் அணையில் ஓரளவு தண்ணீர் நிரம்பியது. கடந்த சில மாதங்களாக மழை இல்லாதால் அணையில் தண்ணீர் வரத்து முற்றிலும் குறைந்துள்ளது.
 
கோடை விடுமுறை விடப்பட உள்ளதால் சுற்றுலா பயணிகள் கூட்டம் பாபநாசத்தில் அலைமோதும். இந்தநிலையில் அணையில் தண்ணீர் இல்லாதது சுற்றுலா பயணிகளுக்கு ஏமாற்றத்தை ஏற்படுத்தியுள்ளது. தண்ணீர் இல்லாததால் விவசாயமும் பாதிக்கப்படும் நிலையும் உள்ளது.
 
பாபநாசம் மேற்கு தொடர்ச்சி மலையில் சேர்வலாறு அணையும் உள்ளது.இந்த அணை மூலம் நெல்லை மாவட்டத்தில் ஏராளமான நிலங்கள் பாசன வசதி பெறுகின்றன. இந்த அணை பகுதியானது சுற்றுலா பகுதியாகவும் உள்ளது. இதனால் தினமும் அங்கு ஏராளமான சுற்றுலா பயணிகள் வருவார்கள்.
 
இந்தநிலையில் சேர்வலாறு அணையானது தூர்வாரி பல வருடங்கள் ஆகிறது. எனவே அதனை தூர்வார வேண்டுமென அரசுக்கு கோரிக்கை விடுக்கப்பட்டது. இதையடுத்து அணையை தூர்வார உலக வங்கி ரூ.11 கோடி நிதி ஒதுக்கியது. அந்த நிதி மூலம் அணை தூர்வாரப்படவுள்ளது. மே அல்லது ஜூன் மாதம் தூர்வாரும் பணி தொடங்கும் என அதிகாரிகள் தெரிவித்தனர்.

O
P
E
N

close

அண்மை - திருநெல்வேலி

section1

நெல்லை எக்ஸ்பிரசில் புதுமண தம்பதியின் சூட்கேஸ் திருட்டு

நெல்லை, ஏப்.25–தமிழகத்தில் பாராளுமன்ற தேர்தல் வாக்குப்பதிவு நேற்று நடந்தது. தேர்தலில் வாக்களிப்பதற்காக வெளியூரில் தங்கியிருந்த ஏராளமானோர் ....»